Vel heppnað Áramót Fjölnis
Frjálsíþróttadeildin hélt sitt árlega Áramót þann 29. des. 2022. Mótið var haldið í Frjálsíþróttahöllinni í Laugardal. 78 keppendur tóku þátt í mótinu, þar af 23 keppendur frá Fjölni. Mótahaldið gekk mjög vel og er það að þakka þeim fjölmörgu sjálfboðaliðum sem unnu við mótið. Fjölnisfólk stóð sig mjög vel á mótinu, en eftirfarandi iðkendur sigruðu sínar greinar:
Kjartan Óli Ágústsson sigraði 800m hlaup karla á tímanum 1:59,38.
Saga Ólafsdóttir sigraði hástökk kvenna með stökk yfir 1,60m.
Katrín Tinna Pétursdóttir sigraði stangastökk kvenna með stökk yfir 2,40m.
Kjartan Óli Bjarnason sigraði 400m hlaup karla á tímanum 55,79sek.
Pétur Óli Ágústsson sigraði 60m grind 15 ára pilta á tímanum 9,18sek.
Grétar Björn Unnsteinsson sigraði stangarstökk karla með stökk yfir 3,60m.
Veittur er farandbikar fyrir besta árangur mótsins. Að þessu sinni var það Júlía Kristín Jóhannesdóttir úr Breiðablik með 938 IAAF stig. Sigraði hún í 60m hlaupi kvenna á tímanum 7,86sek. Þess má geta að einnig sigraði hún í kúluvarpi kvenna með kast uppá 10,59m.
Silfurmerkjahafar Karatedeildar
Það var sérlega ánægjulegt að veita þeim sem láta starf deildarinnar ganga Silfurmerki Fjölnis. Þetta eru einstaklingarnir sem vinna óeigingjarnt starf svo að iðkendur og aðstandendur þeirra geti notið íþróttarinnar.
![](https://fjolnir.is/wp-content/uploads/2022/12/Silfurmerki-Karate-Sif-Olafsdottir-1024x682.jpg)
Sif Ólafsdóttir, það eru ekki margir sem hafa unnið jafn ósérhlífið starf fyrir hönd karatedeildarinnar. Sif hefur tekist á við sum af erfiðari verkefnum deildarinnar frá því hún kom til starfa. Hún er til dæmis burðarstoð í starfi deildarinnar innan Karatesambands Íslands. Þar sem varla er haldin keppni hjá Karatesambandinu öðruvísi en að Sif leggi þar hönd á plóg.
En hún hefur svo sem ekki látið þar við sitja heldur hefur hún einnig lagt deildinni til iðkendur úr fjölskyldunni. Sif er nefnilega þessi dæmigerða karatemamma sem tók deildina upp á arma sér og hefur svo haldið áfram að hjálpa deildinni sem stjórnarkona löngu eftir að börnin hennar hættu æfingum. Félög og deildir eins og okkar ganga ekki án fólks eins og Sifjar sem leggja sitt af mörkum langt umfram það gera má ráð fyrir.
![](https://fjolnir.is/wp-content/uploads/2022/12/Silfurmerki-Karate-Ester-Hlidar-Jensen-1024x682.jpg)
Esther Hlíðar Jensen - það eru kannski ekki margar íþróttir þar sem foreldrar elta börnin inn í íþróttina og fara að æfa samhliða þeim. En það gerði Esther með sanni og svo þegar sonurinn heltust úr lestinni hélt hún áfram að æfa og hefur nú auk þess um fimm ára skeið lagt félaginu lið sem gjaldkeri deildarinnar og stjórnarmanneskja.
Á þeim tíma hefur deildin verið með fyrirmyndarrekstur og náð þeim fjárhagslegu markmiðum sem sett hafa verið þrátt fyrir að á ýmsu hafi gengið á þeim tíma.
Hún hefur jafnframt náð að verða sér úti um 2. dan í svartbeltisgráðun og dómararéttindi í karate. Esther er ómissandi fyrir starfsemi karatedeildarinnar.
![](https://fjolnir.is/wp-content/uploads/2022/12/Silfurmerki-Karate-Fyrir-hond-Sigridar-THordisar-Petursdottur-1024x682.jpg)
SIgríður Þórdís Pétursdóttir hefur starfað við karatedeildina síðan 2014 og þjálfar nú unglinga og fullorðna í framhaldshópum.
Sigríður hefur æft karate hjá Fjölni síðan hún var örlítil písl árið 2006 en er nú með 2. dan svart belti auk dómararéttinda.
Hún átti langan og farsælan keppnisferil og varð m.a. Íslandsmeistari í kata. Hún hefur lokið 1. og 2. stigi þjálfararéttinda frá ÍSÍ og stundar nú nám við Háskóla Íslands í sjúkraþjálfunarfræðum.
Það leynist engum að hjarta Siggu slær fyrir velgengni og vellíðan iðkenda karatedeildarinnar, við hin finnum það glögglega.
Á myndinni tekur yfirþjálfari deildarinnar Willem Verheul við silfurmerkinu fyrir hönd Sigríðar sem ekki átti heimangengt.
![](https://fjolnir.is/wp-content/uploads/2022/12/Silfurmerki-Karate-Pall-Haraldsson-1024x682.jpg)
Páll Haraldsson, er einn af þeim sem hefur lengi verið til fyrirmyndar innan félagsins sem og innan karateíþróttarinnar. Hann hóf æfingar hjá Fjölni árið 2007 og hefur síðan verið óslitið að æfingum og störfum hjá félaginu.
Hann komst í afrekshóp þegar hann hafði aldur til og keppti með góðum árangri fyrir hönd Fjölnis á fjölda móta. Eftir að keppnisferli lauk hefur Páll margsinnis tekið að sér starf liðsstjóra Fjölnis á mótum. Hann tók jafnframt að sér þjálfun árið 2016 og er nú vinsæll þjálfari og stuðningsmaður keppenda á mótum.
Heimspeki karateíþróttarinnar kveður á um að iðkendum beri að gefa til baka til félagsins og Páll er þar til fyrirmyndar. Hann hefur lokið 2. Dan gráðun fyrir svart belti og eftir 15 ára starf með Fjölni sér engan bilbug á honum.
Karatekona ársins: Eydís Magnea Friðriksdóttir
Það hefur komið fyrir að Eydís vinni ekki þær keppnir sem hún tekur þátt í. En það er ekki ýkja algengt - og henni líkar það ekkert sérlega vel. Sem afrekskona átti Eydís frábært ár. Oftar en ekki kom hún heim með ekki einn, heldur tvo verðlaunapeninga eftir mót.
Eftir að sigra sína flokka í bæði kumite og kata á tveimur af þremur GrandPrix mótum varð hún GrandPrix meistari í kata og svo bikarmeistari á Bikarmótaröð Karatesambands Íslands eftir að leggja hvern mótaðilann á fætur öðrum.
Þess utan sankaði hún að sér eftirfarandi verðlaunum á Íslandsmeistaramótum fullorðinna: þriðja sæti í flokki í kumite, öðru sæti í kata. Á Íslandsmeistaramótum unglinga varð hún svo í fyrsta sæti í kata og öðru sæti í kata. Hún varð líka í fyrsta sæti á alþjólega RIG mótinu í flokki fullorðinna í kata. Að því ógleymdu að hún náði meðal annars bronsverðlaunum fyrir Kata í flokki ungkvenna á Norðurlandamótinu nú í nóvember.
Eydís hefur verið aðstoðarþjálfari hjá karatedeildinni og er meðlimur í Afrekshópi hennar um margra ára skeið. Metnaður er það gildi Fjölnis sem Eydís hefur lifað í starfi sínu innan deildarinnar.
Það er sérstaklega ánægjulegt að veita Eydísi þessi verðlaun núna á síðasta ári hennar hjá deildinni í bili en hún flytur sig um set til annars félags á næsta ári. Karatedeildin vill þakka Eydísi fyrir samstarfið gegnum árin og fyrir að hafa verið yngri iðkendum góð fyrirmynd til langs tíma.
Karatekarl ársins: Gabríel Sigurður Pálmason
Gabríel er fyrirmyndar iðkandi. Einbeittur og duglegur karatemaður. Í ár hefur hann dregið heim silfurpeninga fyrir frammistöðu sína í kata á Grand Prix mótaröðinni, á Íslandsmeistaramóti ungling og brons fyrir frammistöðu sína á RIG. Það sem er skemmtilegt er að þetta er annað árið í röð sem hægt er að segja nákvæmlega það sama um keppnisniðurstöður hans.
Í salnum mætir hann á allar æfingar og afreksæfingar auk styrktaræfinga og hann gefur sig allan á öllum æfingum
Gabríel er fyrirmyndar íþróttamaður sem sannar að sjálfsagi og einbeiting skilar árangri.
Metnaður og Heilbrigði eru þau Fjölnisgildi sem Gabríel hefur staðið fyrir í starfi sínu innan karatedeildarinnar.
Uppskeruhátíð Fjölnis 2022
20/12/2022Listskautar,Íshokkí,Skák,Frjálsar,Karate,Félagið okkar,Fimleikar,Knattspyrna,Handbolti,Körfubolti,Tennis,Sund
Uppskeruhátið Fjölnis fór fram þann 15. desember síðastliðinn að viðstöddum 100 manns. Veitt voru verðlaun fyrir íþróttaafrek ársins, gull- og silfurmerki sjálfboðaliða ásamt vali á íþróttakarli og -konu. Þar að auki var Fjölnismaður ársins heiðraður fyrir ómetanlegt starf í þágu félagsins. Athöfnin fór fram í Keilhöllinni í Egilshöll og var einnig beint streymi frá viðburðinum í gegnum Facebook síðu Fjölnis. Jón Karl, formaður félagsins stýrði athöfninni og stóð hin stórglæsilega Regína Ósk fyrir tónlistaratriðum á athöfninni. Við þökkum Gunnari Jónatanssyni fyrir að taka myndbönd af athöfninni sem og ljósmyndurunum Baldvini Erni Berndsen og Þorgils G fyrir að mynda viðburðinn.
Takk kærlega fyrir komuna og kvöldið, hér fyrir neðan má sjá þá sem hlutu viðurkenningar.
Íþróttakarl Fjölnis árið 2022 er fimleikakarlinn Sigurður Ari Stefánsson
Íþróttakona Fjölnis árið 2022 er körfuboltakonan Dagný Lísa Davíðsdóttir
Fjölnismaður ársins 2022 er Kristján Rafnsson
Íþróttakarl ársins 2022: Sigurður Ari Stefánsson
Sigurður Ari eða Siggi átti glæsilegt fimleikaár. Sigurður Ari varð Íslandsmeistari unglinga í fjölþraut í áhaldafimleikum. Þar sigraði hann með yfirburðum auk þess að vinna gullverðlaun á fimm áhöldum af sex í keppni á einstökum áhöldum. Á árinu var Sigurður einnig valinn til þátttöku í fjölmörgum erlendum verkefnum á vegum Fimleikasambands Íslands. Meðal annars Evrópumóti unglinga, Norðurlandamóti unglinga og Ólympíuleikum æskunnar. Sigurður hefur nú fært sig yfir í Gerplu þar sem hann mun halda áfram sinni fimleikaiðkun undir handleiðslu landsliðsþjálfara Íslands og óskum við honum alls hins besta og hlökkum við til að fylgjast með honum í framtíðinni.
Íþróttakona ársins 2022: Dagný Lísa Davíðsdóttir
Dagný Lísa Davíðsdóttir var valin mikilvægasti leikmaður Subway deildar kvenna á síðasta tímabili þar sem hún leiddi Fjölni til deildarmeistaratitils, þess fyrsta hjá félaginu í boltagreinum í efstu deild. Einnig var hún valin í A-landslið Íslands á síðasta tímabili. Dagný Lísa er framúrskarandi leikmaður en ekki síður góður karakter sem nýtur virðingar liðsfélaga sem ekki er síður mikilvægt í hópíþróttum.
Fjölnismaður ársins: Kristján Rafnsson
Stjáni Rafns, eins og við köllum hann, er sá sem hefur verið lengst í kringum starfið af þeim sem nú eru að starfa við deildina. Þó að Stjáni hafi ekki verið formlega í stjórn er óhætt að fullyrða að verðmæti hans framlags sé engu síðra en annarra. Leikirnir sem Stjáni hefur dæmt án endurgjalds í yngri flokka starfinu verða seint fyllilega taldir en alltaf hefur hann verið klár í slaginn þegar til hans hefur verið leitað. Hann hefur verið duglegur að mæta á leiki meistarflokkanna og missir nánast aldrei af heimaleikjum þar sem hann hjálpar til við uppsetningu og tiltekt auk þess að taka að sér að vera á kústinum í leikjum. Ekkert í starfinu er Stjána óviðkomandi og hann alltaf tilbúinn að hjálpa til. Að auki hefur Stjáni keyrt meistaraflokkana báða í ófáar keppnisferðir, hvort sem er til Ísafjarðar, Akureyrar, Egilsstaða eða Hafnar í Hornafirði í öllum tegundum af veðrum og vindum.
Fimleikadeild
Fimleikakarl: Sigurður Ari Stefánsson
Sigurður Ari eða Siggi átti glæsilegt fimleikaár. Hann varð íslandsmeistari unglinga í fjölþraut í áhaldafimleikum. Á árinu var hann einnig valinn til þátttöku í fjölmörgum erlendum verkefnum á vegum Fimleikasambands Íslands. Við óskum honum alls hins besta í framtíðinni og hlökkum til að fylgjast með honum í framtíðinni.
Fimleikakona: Lilja Katrín Gunnarsdóttir
Lilja Katrín var valin í úrvalshóp unglinga og í kjölfarið á því í æfingahóp fyrir Norðurlandamót unglinga sem fram fór hér á landi í lok júní. Við óskum henni alls hins besta í framtíðinni og hlökkum til að fylgjast með henni í framtíðinni.
![](https://fjolnir.is/wp-content/uploads/2022/12/Fimleikafolk-Sigurdur-Ari-og-Lilja-Katrin.jpg)
Frjálsíþróttadeild
![](https://fjolnir.is/wp-content/uploads/2022/12/Frjalsaithrottakarl-Bjarni-Anton-Theodorsson-1.jpg)
Frjálsíþróttakarl ársins: Bjarni Anton Theódórsson
Bjarni Anton hefur æft frjálsar íþróttir í fjöldamörg ár. Hann hefur einbeitt sér að styttri hlaupum og keppir aðallega í 200 og 400 m hlaupum. Á þessu ári hljóp hann best 400 m á tímanum 49,69 sek sem er jafnframt besti tíminn á árinu í 400 m hlaupi. Hann var einnig í boðhlaupssveit Fjölnis á Meistaramóti Íslands í 4×400 m boðhlaupi og vann Íslandsmeistaratitil með sigri sveitarinnar.
![](https://fjolnir.is/wp-content/uploads/2022/12/Frjalsithrottakona-Oskar-fyrir-hond-Vilhelminu-THor.jpg)
Frjálsíþróttakona ársins: Vilhelmína Þór Óskarsdóttir (Óskar Hlynsson tók við verðlaunum fyrir hennar hönd)
Vilhelmína hefur æft frjálsar íþróttir frá unga aldri og hefur síðustu ár einbeitt sér að keppni í hlaupum. Hefur hún náð mjög góðum árangri í 60, 100, 200 og 400 m hlaupum. Hún á fimmta besta tímann á árinu í 200 og 400 m hlaupi. Vilhelmína eða Minna eins og hún er alltaf kölluð starfar sem þjálfari yngri iðkenda hjá frjálsíþróttadeildinni.
Handknattleiksdeild
![](https://fjolnir.is/wp-content/uploads/2022/12/Handboltakarl-Odinn-Freyr-Heidmarsson.jpg)
Handboltakarl ársins: Óðinn Freyr Heiðmarsson
Óðinn Freyr stimplaði sig strax inn í ungt og efnilegt Fjölnislið þegar hann gekk í raðir félagsins árið 2019. Hann býr yfir mikilli baráttugleði og dugnaði ásamt því að vinnusemi hans er til fyrirmyndar bæði á æfingum og í keppnum. Hann var lykilmaður í vörn og sókn þegar liðið var hársbreidd frá sæti í efstu deild á síðustu leiktíð.
![](https://fjolnir.is/wp-content/uploads/2022/12/Handboltakona-THyri-Erla-Sigurdardottir.jpg)
Handboltakona ársins: Þyri Erla Sigurðardóttir
Þyri Erla er uppalin í Fjölni og spilaði þar alla yngri flokka áður en hún fór að leika með meistaraflokknum. Þyri hefur gríðarlega marga kosti bæði innan vallar og utan og er frábær fyrirmynd fyrir alla iðkendur. Hún er mjög metnaðarfull og er alltaf tilbúin að leggja meira á sig til að bæta sig.
Íshokkídeild
![](https://fjolnir.is/wp-content/uploads/2022/12/Ishokkikarl-Martin-Simanek.jpg)
Íshokkíkarl ársins: Martin Simanek
Með ástríðu og gleði, ásamt leiðtogahæfni hefur Martin sýnt okkur öllum að hann er mikil fyrirmynd og leikmaður með mikinn metnað fyrir íshokkídeild Fjölnis. Hann leggur sig ávallt fram og er fyrsti maður til að bjóða fram aðstoð sína.
![](https://fjolnir.is/wp-content/uploads/2022/10/0T2A7831.jpg)
Íshokkíkona ársins: Kolbrún Garðarsdóttir
Dugnaðarforkur og valkyrja sem berst af miklum eldmóð á ísnum en rífur upp gleðina með drengskap og gleði utan íssins.
Karatedeild
![](https://fjolnir.is/wp-content/uploads/2022/12/Karatekarl-Gabriel-Sigurdur-Palmason.jpg)
Karatekarl ársins: Gabríel Sigurður Pálmason
Gabríel er fyrirmyndar iðkandi. Einbeittur og duglegur karatemaður. Í ár hefur hann dregið heim silfurpeninga fyrir frammistöðu sína í kata á GrandPrix mótaröðinni, á Íslandsmeistaramóti unglinga og brons fyrir frammistöðu sína á RIG. Metnaður og Heilbrigði eru þau Fjölnisgildi sem Gabríel hefur staðið fyrir í starfi sínu innan karatedeildarinnar.
![](https://fjolnir.is/wp-content/uploads/2022/12/Karatekona-Eydis-Magnea-Fridriksdottir.jpg)
Karatekona ársins: Eydís Magnea Friðriksdóttir
Sem afrekskona átti Eydís frábært ár. Oftar en ekki kom hún heim með ekki einn, heldur tvo verðlaunapeninga eftir mót. Hún varð GrandPrix meistari í kata og svo bikarmeistari á Bikarmótaröð Karatesambands Íslands. Metnaður er það gildi Fjölnis sem Eydís hefur lifað í starfi sínu innan deildarinnar.
Knattspyrnudeild
![](https://fjolnir.is/wp-content/uploads/2022/12/Knattspyrna-Lukas-Logi-Heimisson.jpg)
Knattspyrnukarl ársins: Lúkas Logi Heimisson
Lúkas Logi Heimisson er afar fjölhæfur og sóknarþenkjandi leikmaður. Í gegnum tíðina hefur Lúkas leikið 9 landsleiki yfir yngri landslið Íslands. Þá hefur hann nú þegar spilað 52 leiki og skorað í þeim 14 mörk fyrir meistaraflokk félagsins þrátt fyrir ungan aldur. Lúkas er mikil fyrirmynd yngri leikmanna og á bjartan feril framundan sem knattspyrnumaður.
![](https://fjolnir.is/wp-content/uploads/2022/12/Knattspyrnukona-Elvy-Rut-Buadottir.jpg)
Knattspyrnukona ársins: Elvý Rut Búadóttir
Elvý Rut Búadóttir er uppalinn leikmaður hjá Fjölni. Elvý er öflugur miðvörður sem hefur verið lykilmaður í liðinu lengi en hún hefur spilað 179 leiki fyrir Fjölni og skorað 2 mörk. Hún smitar út frá sér jákvæðni og vinnusemi og er alltaf tilbúin að gefa allt sem hún á inn á vellinum. Elvý er frábær leikmaður og mikil fyrirmynd yngri leikmanna.
Körfuknattleiksdeild
![](https://fjolnir.is/wp-content/uploads/2022/12/Korfuboltakarl-Karl-Isak-Birgisson.jpg)
Körfuboltakarl ársins: Karl Ísak Birgisson
Karl Ísak er uppalinn Fjölnismaður, mikil þriggjastigaskytta sem hefur verið burðarás í sínum aldursflokki auk þess að vera í lykilhlutverki hjá eldri árgöngum hjá Fjölni. Í vor varð hann bæði bikarmeistari og Íslandsmeistari með drengjaflokki auk þess sem hann var valinn mikilvægasti leikmaður úrslitaleiks Íslandsmótsins þá með 25 stig og 10 fráköst.
![](https://fjolnir.is/wp-content/uploads/2022/12/Ithrottakona-og-Korfuboltakona-Dagny-Lisa-Davidsdottir-1.jpg)
Körfuboltakona ársins: Dagný Lísa Davíðsdóttir
Dagný Lísa Davíðsdóttir var valin mikilvægasti leikmaður Subway deildar kvenna á síðasta tímabili þar sem hún leiddi Fjölni til deildarmeistaratitils, þess fyrsta hjá félaginu í boltagreinum í efstu deild. Einnig var hún valin í A-landslið Íslands á síðasta tímabili. Dagný Lísa er framúrskarandi leikmaður en ekki síður góður karakter sem nýtur virðingar liðsfélaga sem ekki er síður mikilvægt í hópíþróttum.
Listskautadeild
Listskautakona ársins: Júlía Sylvía Gunnarsdóttir
Júlía Sylvía er landsliðskona í Junior flokki. Hún hefur staðið sig vel á árinu og tekið miklum framförum. Hún stóð sig eftir væntingum í vor og keppti meðal annars á Reykjarvíkurleikunum og Norðurlandamóti í Danmörku. Á Íslandsmeistaramótinu stóð hún sig sérstaklega vel og varð Íslandsmeistari með mikilli bætingu og einu af hæstu skorum sem Íslendingur hefur náð.
![](https://fjolnir.is/wp-content/uploads/2022/12/Listskautar-Julia-Sylvia-Gunnarsdottir.jpg)
Skákdeild
![](https://fjolnir.is/wp-content/uploads/2022/12/Skakkarl-Johann-Arnar-Finnsson.jpg)
Skákkarl ársins: Jóhann Arnar Finnsson
Jóhann Arnar var einn af nemendum Rimaskóla sem hóf að æfa skák á sínum fyrstu grunnskólaárum. Eftir að grunnskólagöngu lauk hóf Jóhann Arnar að leiðbeina á hinum vinsælu skákæfingum Fjölnis og leiðir það starf ásamt Helga Árnasyni. Hann var m.a. í 6 manna skáksveit Fjölnis sem tefldi á EM félagsliða í Austurríki í sumar.
![](https://fjolnir.is/wp-content/uploads/2022/12/312027947_10225740629456450_8067270980608695504_n.jpg)
Skákkona ársins: Lisseth Acevedo Méndez
Liss eins og hún er alltaf kölluð er landsliðskona Íslands í skák. Hún tefldi með íslenska kvennalandsliðinu á Ólympíuskákmótinu á Indlandi nú í sumar og vann kvennaflokkinn á Alþjóðlega helgarskákmótinu í Gautaborg nú í haust. Liss er ein af fjórum konum frá Fjölni sem tilheyra landsliðshópi Íslands.
Sunddeild
![](https://fjolnir.is/wp-content/uploads/2022/12/Sundkarl-Kristjan-Gylfi-THorisson.jpg)
Sundkarl ársins: Kristján Gylfi Þórisson
Kristján er stigahæstur sundmanna í afrekshóp og stóð sig einkar vel á árinu. Kristján hefur æft með félaginu meira og minna allan sinn feril og því er hann vel að þessum titli kominn.
![](https://fjolnir.is/wp-content/uploads/2022/12/Sundkona-Coco-Margaret-Johansson.jpg)
Sundkona ársins: Coco Margaret Johansson
Coco er ung og efnileg sundkona og hefur æft með Fjölni síðustu 2 ár. Hún er stigahæst sundkvenna í afrekshóp og hefur staðið sig gríðarlega vel síðan hún kom til félagsins.
Tennisdeild
Tenniskona ársins: Saulé Zukauskaité
Saulé átti mjög gott ár og náði frábærum og eftirtektarverðum árangri. Þar má helst nefna sigur í einliðaleik á U14 móti í Georgíu, Íslandsmeistari í liðakeppni meistaraflokks og 1. sæti í einliðaleik á U16 Íslandsmóti utanhúss. Hún er dugnaðarforkur og mikil fyrirmynd.
![](https://fjolnir.is/wp-content/uploads/2022/12/Tenniskona-Saule-Zukauskaite.jpg)
Silfurmerkjahafar
Gullmerkjahafar
SPILAÐI SINN FYRSTA MEISTARAFLOKKSLEIK
Inga Júlíana Jónsdóttir spilaði sinn fyrsta meistaraflokksleik í kvöld, þegar Fjölnir mætti Grindavík í æfingaleik félagana.
Inga Júlíana kom inn á í seinni hluta leiksins og var fljót að grípa sína stöðu og koma af krafti inn í leikinn. Inga Júlíana hefur æft hjá félaginu upp alla yngri flokka félagsins og er hraður og öflugur miðvörður.
Leikurinn var annar æfingaleikur vetrarins hjá meistaraflokki kvenna og var nokkuð jafn leikur á móti Lengjudeildarliði Grindavíkur þó mótherjarnir hefðu haft betur í kvöld. Fjölnir mun spila í 2. deild í sumar og er stefnan að sjálfsögðu tekin að komast upp í Lengjudeildina.
Í leiknum í dag var öflugur hópur Fjölnis leikmanna: Hrafnhildur Árnadóttir, Anna Kolbrún Ólafsdóttir, Aldís Tinna Traustadóttir, Lovísa María Hermannsdóttir, Aníta Björg Sölvadóttir, Tinna Sól Þórsdóttir, Elínóra Ýr Kristjánsdóttir, Guðlaug Ásgeirsdóttir, Ásdís Birna Þórarinsdóttir, Ólöf Kristjana Þorvaldsdóttir, Freyja Dís Hreinsdóttir, Guðrún Bára Sverrisdóttir, Þórunn Eva Ármann, Hjördís Erla Björnsdóttir, Oddný Sara Helgadóttir, Íris Brynja Sigurdórsdóttir og María Eir Magnúsdóttir.
ÁFRAM FJÖLNIR
Frádráttarbærir styrkir til íþróttafélaga
Með lögum sem samþykkt voru 1. nóvember 2021 geta einstaklingar og fyrirtæki nú fengið endurgreiðslu frá skatti ef þau styrkja íþróttafélög.
Einstaklingar geta fengið skattfrádrátt (lækkun á tekjuskattstofni) með því að styrkja Fjölni um allt að 350.000 kr. en að lágmarki 10.000 kr.
Dæmi: Einstaklingur sem greiðir 30.000 kr. styrk til Fjölnis fær skattafslátt að fjárhæð 9.435 kr. og greiðir þannig í raun 20.575 kr. fyrir 30.000 kr. styrk til félagsins.
Fyrirtæki geta líka fengið skattafslátt vegna styrkja. Fyrirtækjum er heimilt að draga frá skattstofni allt að 1,5% af rekstrartekjum.
Dæmi: Fyrirtæki sem styrkir Fjölni um 500.000 kr. getur lækkað tekjuskattinn sinn um 100.000 kr. fyrirtækið greiðir þannig í raun 400.000 kr. fyrir 500.000 kr. styrk til Fjölnis.
Svona gengur ferlið fyrir sig:
• Þú millifærir upphæð að eigin vali að lágmarki 10.000 kr. og sendir kvittun á skrifstofa@fjolnir.is.
• Fjölnir sendir kvittun til baka á greiðanda þar sem fram kemur nafn og kennitala greiðanda ásamt upphæð styrks.
• Fjölnir sendir upplýsingar um styrki til skattsins, sem kemur skattafslættinum til skila til þín.
Til þess að geta nýtt heimildina fyrir árið 2022 þarf greiðsla að hafa borist fyrir 30. desember næstkomandi.
Reikningsupplýsingar:
0114-26-155
kt 631288-7589
Kvittun sendist á skrifstofa@fjolnir.is
Við hjá Ungmennafélaginu Fjölni sendum kærlegar þakkir til allra þeirra sem veitt okkur ómetanlegan stuðning í gegnum tíðina.
Velkominn heim Bjarni!
Það er Knattspyrnudeild Fjölnis sönn ánægja að tilkynna að Bjarni Gunnarsson er kominn aftur heim í Fjölni.
Bjarni sem er uppalinn Fjölnismaður snýr aftur í Grafarvoginn eftir tíu ára fjarveru. Hann hefur á sínum ferli spilað 202 leiki og skorað í þeim 39 mörk.
Við bjóðum Bjarna hjartanlega velkominn heim í Voginn!
TVÆR Í SÍNUM FYRSTA MEISTARAFLOKKSLEIK
Tvær stúlkur hjá Fjölni spiluðu sinn fyrsta meistaraflokksleik í dag þegar Fjölnir mætti FH í æfingaleik félaganna sem endaði með sigri mótherjanna.
Stúlkurnar Bríet Rut Þórðardóttir og Ólöf Kristjana Þorvaldsdóttir komu báðar inn á í seinni hálfleik og áttu fínustu tilþrif og stóðu sína vakt vel í leiknum. Bríet er að byrja sitt annað ár með Fjölni en Ólöf hefur æft hjá félaginu upp alla yngri flokka félagsins.
Leikurinn var fyrsti æfingaleikur vetrarins hjá meistaraflokki kvenna og var á brattann að sækja á móti nýliðum Bestu deildarinnar þeim FH stúlkum. Fjölnir mun spila í 2. deild í sumar og er stefnan að sjálfsögðu tekin að komast upp í Lengjudeildina.
Í leiknum í dag var öflugur hópur Fjölnis leikmanna: Elvý Rut Búadóttir, Marta Björgvinsdóttir, Anna María Bergþórsdóttir, Emilía Sif Sævarsdóttir, Adna Mestovic, Aníta Björg Sölvadóttir, Lovísa María Hermannsdóttir, Anna Kolbrún Ólafsdóttir, Petra Hjartardóttir, Eva María Smáradóttir, Hrafnhildur Árnadóttir, Tinna Sól Þórsdóttir, Elínóra Ýr Kristjánsdóttir, Guðlaug Ásgeirsdóttir, Ásdís Birna Þórarinsdóttir, Aldís Tinna Traustadóttir, Freyja Dís Hreinsdóttir, Vala Katrín Guðmundsdóttir, Guðrún Bára Sverrisdóttir og Þórunn Eva Ármann.
ÁFRAM FJÖLNIR
![](https://fjolnir.is/wp-content/uploads/2022/12/Briet-og-Olof.jpg)
Þorrablót 2023
Nú styttist í Þorrablótið, aðeins 51 dagur í þessa veislu!
Happdrætti, skemmtiatriði á heimsmælikvarða, matur og ball.
Enn er nokkur laus borð og því um að gera að fara panta sér borð.
Svona fara borðapantanir fram:
Þú sendir tölvupóst á vidburdir@fjolnir.is með eftirfarandi upplýsingum;
- Fullt nafn og símanúmer þess sem pantar
- Fjölda gesta á borði
- Númerið á borðinu sem þið óskið eftir
- Ef þið eruð fleiri eða færri en 12 þá látið þið okkur vita og við finnum út úr því.
Hér við hliðina má sjá þau borð sem eru laus (Uppfært 7. desember 2022)