Fréttir frá tennisdeild Fjölnis

Tennis og Fjölniskonan Bryndís Rósa Armesto Nuevo, lenti í 2. sæti í Universal Tennis Rating (UTR) móti sem haldið er á Spáni. UTR mótið er mjög mikilvægt þegar kemur að vali í háskóla en Bryndís stefnir einmitt að því að reyna að komast inn í tennisdeild í háskóla.

Einnig keppti nýlega Fjölnisfólkið Saulè Zukauskaitè, Íva Jovísic, Daniel Pozo og Þorsteinn Þorsteinsson á Lindex stórmóti TSÍ. Saule lenti í 1. sæti í U16, Íva lenti í 1. sæti í U14, Íva og Saule lentu í 1. sæti í unglinga A tvíliðaflokki og Daniel og Þorsteinn lentu í 2. sæti í unglinga A tvíliðaflokki.

Daníel Pozo sigraði á móti sterkum U16 spilara, Daniel Wang frá TFK og hafnaði í 2. sæti í U16 einliða kk. Einnig lenti hann í 2. sæti í U14 kk.

Meðfylgjandi eru myndir af þessum flottu upprennandi Fjölniskrökkum.


Jólagjafahugmyndir fyrir Fjölnisfólk!

Nú fer að líða að jólum og því sniðugt að fara huga að jólagjöfum🎄🎁 Hér eru nokkrar hugmyndir af sniðugum pökkum fyrir Fjölnisfólk 🤩 Hægt er að skoða úrvalið af fatnaði inni á https://teamsport.is/pages/fjolnir eða kíkja í heimsókn í Margt smátt á Guðríðarstíg 6-8 ☃️

Jólakúlan fæst á skrifstofu Fjölnis í Egilshöll ⭐️

Gleðileg Fjölnisjól!


Frábær árangur Fjölnis á Íslandsmóti/Íslandsmeistaramóti í listskautum um helgina!

Nú um helgina var Íslandsmót/Íslandsmeistaramót haldið á skautasvellinu í Egilshöll.

Við erum svo stolt af okkar keppendum og stóðu þær sig allar mjög vel en Fjölnir vann til 8 verðlauna af 14 sem veitt voru!

Hér eru niðurstöður frá laugardeginum:
– Tanja Rut tók 1. sætið í Intermediate Women
– Rakel Sara tók 2. sætið í Intermediate Women
– Ísabella Jóna tók 3. sætið í Intermediate Novice

Júlía Sylvía bætti einnig sitt persónulega stigamet í stutta prógramminu!
Margir af okkar iðkendum slógu sín persónulegu stigamet á sunnudeginum og þar á meðal var heildarstigamet á Íslandsmeistaramóti í Junior Women slegið!!!

– Júlía Sylvía tók 1. sætið í Junior Women
– Lena Rut tók 3. sætið í Junior Women
– Elín Katla tók 1. sætið í Basic Novice
– Berglind Inga 2. sætið tók í Basic Novice
– Arna Dís tók 3. sætið í Basic Novice

Við óskum öllum keppendum innilega til hamingju með árangurinn og þökkum öllum sem komu að styðja og hvetja okkar stelpur áfram! Við viljum einnig þakka öllum sjálfboðaliðum sem hjálpuðu okkur um helgina, við hefðum ekki getað þetta án ykkar stuðnings!

#félagiðokkar #skatingiceland


Kristalsmót Fjölnis síðastliðna helgi

Kristalsmót Fjölnis á listskautum fór fram í Egilshöll laugardaginn 5. nóvember. Alls voru 57 keppendir skráðir á mótið frá fjórum mismunandi félögum, Ungmennafélaginu Fjölni, Skautafélagi Akureyrar og Íþróttafélaginu Öspinni.

Flokkarnir sem keppt var í á motinu voru 6 ára og yngri, 10 ára og yngri, 12 ára og yngri, 14 ára og yngri stúlkur, 14 ára og yngri drengir, 15 ára og eldri stúlkur, Level II 12-15 ára stúlkur, Level II 22 ára og eldri konur, Level III 16-21 árs dömur, Level I 16-21 árs dömur, Level III 22 ára og eldri konur, Level I 22 ára og eldri konur, Level IV 12-15 ára stúlkur, Level I SO Par 22 ára og eldri konur, Level I Unified Par 16-21 árs dömur, Level I Unified Par 22 ára og eldri konur.

Veitt voru þátttökuviðurkenningar í flokkum 6 ára og yngri, 8 ára og yngri og 10 ára og yngri. Úrslit í öðrum flokkum voru

12 ára og yngri:
1.sæti Edil Mari Campos Tulagan
2.sæti Ágústa Fríður Skúladóttir
3.sæti Sara Laure Idmont Skúladóttir
4.sæti Katla Líf Logadóttir
5.sæti Sjöfn Sveinsdóttir
6.sæti Selma Kristín S. Blandon
7.sæti Sonia Laura Krasko
8.sæti Una Lind Otterstedt
9.sæti Guðríður Ingibjörg Guðmunds.

14 ára og yngri
1.sæti Ágústa Ólafsdóttir
2.sæti Selma Ósk Sigurðardóttir
3.sæti Sóley Kristín Hjaltadóttir
4.sæti Líva Lapa
5.sæti Júlía Lóa Unnard. Einarsd.
6.sæti Rakel Rós Jónasdóttir
7.sæti Árdís Eva Björnsdóttir
8.sæti Jenný Lind Ernisdóttir
9.sæti Snæfríður Arna Pétursdóttir
10.sæti Ingunn Eyja Skúladóttir
11.sæti Jóhanna Margrét Haraldsdóttir

14 ára og yngri drengir
1.sæti Baldur Tumi Einarsson
2.sæti Marinó Máni Þorsteinsson

15 ára og eldri
1.sæti Hildur Emma Stefánsdóttir
2.sæti Helga Kristín Eiríksdóttir
3.sæti Sólveig Birta B. Snævarsdóttir
4.sæti Herdís Anna Ólafsdóttir
5.sæti Ísabella María Jónsd. Hjartar

Level II 12-15 ára stúlkur
1.sæti Hulda Björk Geirdal Helgadóttir
2.sæti Fatimata Kobre

Level II 22 ára og eldri konur
1.sæti Þórdís Erlingsdóttir

Level III 16-21 árs dömur
1. sæti Nína Margrét Ingimarsdóttir

Level I 16-21 árs dömur
1. sæti Védís Harðardóttir
2. sæti Anika Rós Árnadóttir

Level III 22 ára og eldri konur
1.sæti Jóhanna Sigurðardóttir Teuffer
2.sæti Gabríella Kamí Árnadóttir

Level I 22 ára og eldri konur
1.sæti Snædís Egilsdóttir

Level IV 12-15 ára stúlkur
1. sæti Sóldís Sara Haraldsdóttir

Level I SO Par 22 ára og eldri konur
1.sæti Gabríella Kamí Árnadóttir og Jóhanna Sigurðardóttir Teuffer

Level I Unified Par 16-21 árs dömur
1.sæti Nína Margrét Ingimarsdóttir og Ísold Marín Haraldsdóttir

Level I Unified Par 22 ára og eldri konur
1.sæti Þórdís Erlingsdóttir og Wendy Elaine Richards

Við viljum óska öllum skauturum innilega til hamingju með árangurinn.
Einnig viljum við þakka öllum sjálfboðaliðum sem hjálpuðu okkur þessa helgina, alveg ómetanlegt!


Stefnumótunardagur Ungmennafélagsins Fjölnis

Síðastliðinn laugardag, þann 29. október, var stefnumótunardagur Fjölnis haldinn. Reynt hefur verið að halda fundinn á tveggja ára festi og tókst vel til í ár. Fínasta mæting var frá öllum 11 deildum félagsins en í heildina mættu 20 manns á fundinn.

Ragnar Guðgeirsson, fyrrverandi formaður Fjölnis og ráðgjafi og stofnandi Expectus, stýrði fundinum. Meginmálefnin til umræðu voru; rekstur meistaraflokka og afreksmál, gæði þjálfunar í félaginu og gildi félagsins ásamt því að málefni sjálfboðaliða voru rædd.

Mjög góðar umræður sköpuðust og fundum við fyrir því hvað svona dagar eru mikilvægir fyrir félagið!

Takk fyrir samveruna síðastliðna helgi

Áfram Fjölnir!

#FélagiðOkkar


Fyrirliðinn framlengir!

Hans Viktor Guðmundsson fyrirliði meistaraflokks karla hefur framlengt samningi sínum til ársins 2024. Hans er uppalinn Fjölnismaður sem hefur allan sinn feril spilað með Fjölni. Á sínum ferli hefur hann spilað 143 leiki og skorað 18 mörk fyrir meistaraflokk félagsins.

Þetta eru frábærar fréttir enda er Hans fyrirliði liðsins og lykilleikmaður.

#FélagiðOkkar


Fjölniskrakkar fjölmennastir á Fischer - Spassky mótinu um helgina

Skáksamband Íslands stóð fyrir barna- og unglingamóti á Reykjavik Hotel Natura, föstudaginn, 28. október. Mótið var haldið samhliða Heimsmeistaramótinu í Fischer-slembiskák.

Keppt var í fjórum flokkum og aðalverðlaun mótsins í hverjum flokki stúlkna og stráka voru árituð taflborð þeirra átta stórmeistara sem kepptu um heimsmeistaratitilinn á Íslandi

  • Tristan Fannar í 4. bekk, Emilía Embla í 5. bekk og Benedikt í 2. bekk, öll í Rimaskóla, voru í hópi þeirra 8 heppnu sem unnu árituð taflborð.
  • Flestir þátttakenda komu frá Skákdeild Fjölnis og tíu þeirra unnu til verðlauna.
  • Lang, langflestar stúlkur á mótinu komu frá Skákdeild Fjölnis

Flott frammistaða hjá Fjölniskrökkum sem öll sýndu mátt sinn og megin í skáklistinni. Takk fyrir að fjölmenna Fjölniskrakkar og foreldrar.

#FélagiðOkkar

Unnur, ein af þessum áhugasömu skákstelpum í Rimaskóla sem tefla fyrir Skákdeild Fjölnis (ljósm. Lennart Ootes)
Efnilegur Fjölnisskákmaður, Alexander Filip í 2. bekk. Hann fór ekki tómhentur heim (ljósm. Lennart Ootes)
Tara Líf í flokki 5. - 6. bekkjar vann til verðlauna. ekki í fyrsta sinn (ljósm. Lennart Ootes)

Fjölnismótið í körfubolta fyrir börn fædd 2012-2016

Helgina 19-20 nóvember fer Fjölnismótið fram með pompi og prakt í Dalhúsum og Fjölnishöllinni í Egilshöll.

Fjölnismótið er eitt allra skemmtilegasta mót sem haldið er fyrir þennan aldurshóp!

Meðal þess sem verður gert er meiriháttar körfuboltafjör, kvöldvaka á laugardagskvöldinu og einnig verður frítt í bíó!

Verðið er 6500 kr. fyrir hvern þátttakanda og fer skráning fram í gegnum karfa@fjolnir.is. Skráningu lýkur 13. nóvember.

 

Hér er hægt að nálgast nánari upplýsingar um mótið:

Fjölnismótið


Málstofa HKK um stöðu kvenna í stjórnum knattspyrnudeilda

Ungmennafélagið Fjölnir vekur athygli á málstofu sem Hagsmunasamtök knattspyrnukvenna standa fyrir um framtíð knattspyrnu kvenna á Íslandi. Málstofan verðu haldin fimmtudaginn 27. október, þar sem staða kvenna knattspyrnunnar verður rædd ásamt framgangi og þróun íþróttarinnar hér á landi.

Yfirskrift málstofunnar er „Framtíðin er kvenna en við erum hins vegar föst í núinu!“ Knattspyrna kvenna er sú hlið íþróttarinnar sem vex hvað hraðast í heiminum og bæði UEFA og FIFA hafa skilgreint sem framtíð knattspyrnunnar. Það má líkja stöðu stjórna íþróttafélaga í dag við stöðu stjórna fyrirtækja áður en sérstök lög voru sett um hlutfall kvenna í þeim. Á málþinginu verður rætt hvort gera þurfi það sama fyrir íþróttafélög – og þá sérstaklega fyrir knattspyrnudeildir – ef mark er á takandi á fréttum undanfarnar vikur um stöðu knattspyrnu kvenna hjá nokkrum
félögum á landinu.

Önnur mál sem verða til umræðu á málstofunni:

  • Afhverju eru konur í miklum minnihluta stjórna í knattspyrnudeildum á Íslandi?
  • Hvernig er hægt að breyta því?
  • Hvað þurfa margar konur að vera í stjórn til að hafa áhrif?

Þátttakendur í málstofunni verða Þorgerður Katrín Gunnarsdóttir, formaður Viðreisnar og alþingismaður, Gréta María Grétarsdóttir, forstjóri Artic Adventures, og Helena Jónsdóttir sem hefur skrifað mastersverkefni um þetta málefni og mun fara yfir niðurstöður þess sem varpa nýju ljósi á þessa umræðu. Stjórnandi málstofunnar verður Bogi Ágússton fréttamaður.

Málstofan verður haldin fimmtudaginn 27. október kl. 17.30-19.30 í Veröld – húsi Vigdísar, Brynjólfsgötu 1, 107 Reykjavík. Hún er öllum opin og verður einnig í beinu streymi í gegnum heimasíðu HKK (knattspyrnukonur.is) og á Facebook síðu samtakanna.

 

Hér má finna link á streymið

Hér er einnig linkur á Facebook viðburðinn


Baldvin Þór Berndsen framlengir til 2025!

Varnarmaðurinn ungi, Baldvin Þór Berndsen, hefur framlengt samningi sínum við Knattspyrnudeild Fjölnis út tímabilið 2025. Baldvin sem fæddur er 2004 var máttarstólpi í Íslandsmeistaraliði 2. flokks auk þess sem hann spilaði 10 leiki fyrir meistaraflokk félagsins í sumar.
Knattspyrnudeild Fjölnis óskar Baldvini til hamingju með nýjan samning og hlakkar til að fylgjast með honum næstu árin.
#FélagiðOkkar 💛💙