Æfingatafla Karatedeildar
Opnað hefur verið fyrir skráningar fyrir vorönn 2023.
Æfingar byrjenda hefjast 4. janúar og býðst áhugasömum að sækja 2-3 tíma sér að kostnaðarlausu til að fá tilfinningu fyrir íþróttinni. Æfingar framhaldsiðkenda hefjast svo fimmtudaginn 5. janúar.
Meðfylgjandi er æfingatafla okkar fyrir vorið 2023.
- Byrjendur yngri: 5-9 ára (á 6. ári)
- Byrendur eldri: 9 ára og upp
- Hópur 1 -börn yngri: 5 – 7 ára
- Hópur 2 – börn eldri: 8 – 11 ára
- Hópur 3 – unglinga: 12 – 15 ára
- Hópur 4 – fullorðnir: 16 ára+
Silfurmerkjahafar Karatedeildar
Það var sérlega ánægjulegt að veita þeim sem láta starf deildarinnar ganga Silfurmerki Fjölnis. Þetta eru einstaklingarnir sem vinna óeigingjarnt starf svo að iðkendur og aðstandendur þeirra geti notið íþróttarinnar.
Sif Ólafsdóttir, það eru ekki margir sem hafa unnið jafn ósérhlífið starf fyrir hönd karatedeildarinnar. Sif hefur tekist á við sum af erfiðari verkefnum deildarinnar frá því hún kom til starfa. Hún er til dæmis burðarstoð í starfi deildarinnar innan Karatesambands Íslands. Þar sem varla er haldin keppni hjá Karatesambandinu öðruvísi en að Sif leggi þar hönd á plóg.
En hún hefur svo sem ekki látið þar við sitja heldur hefur hún einnig lagt deildinni til iðkendur úr fjölskyldunni. Sif er nefnilega þessi dæmigerða karatemamma sem tók deildina upp á arma sér og hefur svo haldið áfram að hjálpa deildinni sem stjórnarkona löngu eftir að börnin hennar hættu æfingum. Félög og deildir eins og okkar ganga ekki án fólks eins og Sifjar sem leggja sitt af mörkum langt umfram það gera má ráð fyrir.
Esther Hlíðar Jensen - það eru kannski ekki margar íþróttir þar sem foreldrar elta börnin inn í íþróttina og fara að æfa samhliða þeim. En það gerði Esther með sanni og svo þegar sonurinn heltust úr lestinni hélt hún áfram að æfa og hefur nú auk þess um fimm ára skeið lagt félaginu lið sem gjaldkeri deildarinnar og stjórnarmanneskja.
Á þeim tíma hefur deildin verið með fyrirmyndarrekstur og náð þeim fjárhagslegu markmiðum sem sett hafa verið þrátt fyrir að á ýmsu hafi gengið á þeim tíma.
Hún hefur jafnframt náð að verða sér úti um 2. dan í svartbeltisgráðun og dómararéttindi í karate. Esther er ómissandi fyrir starfsemi karatedeildarinnar.
SIgríður Þórdís Pétursdóttir hefur starfað við karatedeildina síðan 2014 og þjálfar nú unglinga og fullorðna í framhaldshópum.
Sigríður hefur æft karate hjá Fjölni síðan hún var örlítil písl árið 2006 en er nú með 2. dan svart belti auk dómararéttinda.
Hún átti langan og farsælan keppnisferil og varð m.a. Íslandsmeistari í kata. Hún hefur lokið 1. og 2. stigi þjálfararéttinda frá ÍSÍ og stundar nú nám við Háskóla Íslands í sjúkraþjálfunarfræðum.
Það leynist engum að hjarta Siggu slær fyrir velgengni og vellíðan iðkenda karatedeildarinnar, við hin finnum það glögglega.
Á myndinni tekur yfirþjálfari deildarinnar Willem Verheul við silfurmerkinu fyrir hönd Sigríðar sem ekki átti heimangengt.
Páll Haraldsson, er einn af þeim sem hefur lengi verið til fyrirmyndar innan félagsins sem og innan karateíþróttarinnar. Hann hóf æfingar hjá Fjölni árið 2007 og hefur síðan verið óslitið að æfingum og störfum hjá félaginu.
Hann komst í afrekshóp þegar hann hafði aldur til og keppti með góðum árangri fyrir hönd Fjölnis á fjölda móta. Eftir að keppnisferli lauk hefur Páll margsinnis tekið að sér starf liðsstjóra Fjölnis á mótum. Hann tók jafnframt að sér þjálfun árið 2016 og er nú vinsæll þjálfari og stuðningsmaður keppenda á mótum.
Heimspeki karateíþróttarinnar kveður á um að iðkendum beri að gefa til baka til félagsins og Páll er þar til fyrirmyndar. Hann hefur lokið 2. Dan gráðun fyrir svart belti og eftir 15 ára starf með Fjölni sér engan bilbug á honum.
Karatekona ársins: Eydís Magnea Friðriksdóttir
Það hefur komið fyrir að Eydís vinni ekki þær keppnir sem hún tekur þátt í. En það er ekki ýkja algengt - og henni líkar það ekkert sérlega vel. Sem afrekskona átti Eydís frábært ár. Oftar en ekki kom hún heim með ekki einn, heldur tvo verðlaunapeninga eftir mót.
Eftir að sigra sína flokka í bæði kumite og kata á tveimur af þremur GrandPrix mótum varð hún GrandPrix meistari í kata og svo bikarmeistari á Bikarmótaröð Karatesambands Íslands eftir að leggja hvern mótaðilann á fætur öðrum.
Þess utan sankaði hún að sér eftirfarandi verðlaunum á Íslandsmeistaramótum fullorðinna: þriðja sæti í flokki í kumite, öðru sæti í kata. Á Íslandsmeistaramótum unglinga varð hún svo í fyrsta sæti í kata og öðru sæti í kata. Hún varð líka í fyrsta sæti á alþjólega RIG mótinu í flokki fullorðinna í kata. Að því ógleymdu að hún náði meðal annars bronsverðlaunum fyrir Kata í flokki ungkvenna á Norðurlandamótinu nú í nóvember.
Eydís hefur verið aðstoðarþjálfari hjá karatedeildinni og er meðlimur í Afrekshópi hennar um margra ára skeið. Metnaður er það gildi Fjölnis sem Eydís hefur lifað í starfi sínu innan deildarinnar.
Það er sérstaklega ánægjulegt að veita Eydísi þessi verðlaun núna á síðasta ári hennar hjá deildinni í bili en hún flytur sig um set til annars félags á næsta ári. Karatedeildin vill þakka Eydísi fyrir samstarfið gegnum árin og fyrir að hafa verið yngri iðkendum góð fyrirmynd til langs tíma.
Karatekarl ársins: Gabríel Sigurður Pálmason
Gabríel er fyrirmyndar iðkandi. Einbeittur og duglegur karatemaður. Í ár hefur hann dregið heim silfurpeninga fyrir frammistöðu sína í kata á Grand Prix mótaröðinni, á Íslandsmeistaramóti ungling og brons fyrir frammistöðu sína á RIG. Það sem er skemmtilegt er að þetta er annað árið í röð sem hægt er að segja nákvæmlega það sama um keppnisniðurstöður hans.
Í salnum mætir hann á allar æfingar og afreksæfingar auk styrktaræfinga og hann gefur sig allan á öllum æfingum
Gabríel er fyrirmyndar íþróttamaður sem sannar að sjálfsagi og einbeiting skilar árangri.
Metnaður og Heilbrigði eru þau Fjölnisgildi sem Gabríel hefur staðið fyrir í starfi sínu innan karatedeildarinnar.
Opnað hefur verið fyrir skráningar á haustönn
Æfingar hefjast að nýju 2022 - upplýsingar um skráningu
- Framhaldsnámskeið hefjast þriðjudaginn 4.janúar.
- Byrjendanámskeið hefst miðvikudaginn 5.janúar.
Æfingabúðir og beltapróf 30. október
Laugardaginn 30. október höldum við æfingabúðir með Sensei Steven Morris sem kemur til okkar frá Skotlandi fyrir ALLA karateiðkendur hjá Fjölni og Aftureldingu.
Æfingabúðirnar fara fram að Varmá í Mosfellsbæ.
Dagskráin er sem hér segir:
- 10:00- 11:00 Æfingarbúðir og gráðun gult belti og neðar
- 11:00-11:15 Viðurkenningar fyrir gráðun
- 12:00-13:30 Æfingabúðir og gráðun hjá framhaldsiðkendum (appelsínugult belti og ofar)
- 13:30-14:00 Viðurkenningar fyrir gráðun
- 14:00-16:00 Staðfesting gráðunar hjá Dan gráðuhöfum.
Það er skyldumæting fyrir alla iðkendur.
Mætingalistum með tímasetningum verður deilt í vikunni.
Uppfærð æfingatafla
Við höfum gert smávægilegar breytingar á stundatöflu deildarinnar.
- Æfingar byrjenda standa yfir frá 1. september til 6. desember 2021
- Æfingar framhaldsiðkenda frá 2. september til 11. desember 2021
Íslandsmeistaramót unglinga
Í dag fór fram Íslandsmeistaramót unglinga í kata og átti Fjölnir tvo þátttakendur. Þau Gabríel Sigurð Pálmason og Eydís Magnea Friðrikssdóttir.Gabríel endaði með silfur i flokki 14 ára pilta og Eydís með brons í flokki 16-17 ára stúlkna. Eins og stundum verður á svona mótum þá var heimildamaður Fjölnis ekki við völlinn sem Gabríel var á og á því ekki myndir frá viðureignum hans. En þeim mun fleiri myndir frá viðureign Eydísar.
Til hamingju með krakkar!
Mikilvægar dagsetningar næstu vikurnar
Athugið neðangreindar dagsetningar og hvernig þær hafa áhrif á þínar æfingar, eða æfingar þinna iðkenda.
Þetta er sett fram með fyrirvara um að óbreyttar sóttvarnaraðstæður í samfélaginu.
- Fimmtudaginn 22.apríl, Sumardagurinn fyrsti – frí
- Mánudaginn 3.maí, beltapróf byrjenda í æfingatíma. Þetta eru þau sem æfa á mánudögum og miðvikudögum.
- Laugardaginn 8.maí, beltapróf fyrir brún beltara – hefðbundin kennsla fellur niður
- Sunnudaginn 9.maí, beltapróf fyrir svart beltara
- Fimmtudaginn 13.maí, Uppstigningardagur – frí
- Laugardaginn 15.maí, íslandsmeistaramót unglinga í Kata
- Sunnudaginn 16.maí, íslandsmeistaramót barna í Kata
- Mánudaginn 24.maí, annar í hvítasunnu – frí
- Miðvikudaginn 26.maí, síðasta kennslustund byrjenda
- Laugardaginn 29.maí, beltapróf framhalds iðkenda og síðasti tími annarinnar
- Laugardaginn 29.maí, íslandsmeistaramót fullorðinna í Kata
- Sunnudaginn 30.maí : sumarfrí til 30.ágúst