35. Fjölnishlaup Olís - 18. maí 2023
Hið árlega Fjölnishlaup Olís verður ræst í 35. sinn við Grafarvogslaug í Dalhúsum á uppstigningardag, þann 18. maí kl. 11:00.
Fjölnishlaupið er einn elsti viðburður opinn almenningi á vegum Fjölnis. Í boði verða þrjár vegalengdir, 1,4 km skemmtiskokk, 5 km hlaup og 10 km hlaup. Margir fremstu hlauparar landsins hverju sinni hafa tekið þátt í fyrri hlaupum og metin bætt ár frá ári. Hlaupin hafa verið hvatning fyrir margra til að hefja hlaupaferilinn sinn, bæði fyrir unga sem og eldri hlaupara.
Vegalengdin 1,4 km er kjörin fyrir yngstu hlauparana og oft hafa foreldrar hlaupið við hlið unganna sinna og með því móti átt sameiginlega reynslu á hlaupabrautinni og búið til góðar minningar.
Áhugasamir hafa enn góðan tíma til undirbúnings ef hlaupaformið er ekki til staðar og er öllum velkomið að koma og taka þátt. Fjölnir rekur öflugt starf í frjálsíþróttadeild, þar sem allir aldurshópar geta fundið æfingar við sitt hæfi. Langhlaup eru góð líkamsrækt og í góðum félagsskap ræktar maður heilbrigða sál í hraustum líkama. Fyrsta skrefið er að taka þátt og síðari skrefin eru að ná framförum.
Allar upplýsingar um hlaupið í ár og skráningu má finna á www.sumarhlaupin.is
Hér til hliðar má sjá myndir frá Fjölnishlaupum fyrri ára
Fjölnir og Víkingur mætast í úrslitum umspils um sæti í Olísdeild karla
Fjölnir og Víkingur mætast í úrslitum umspils um sæti í Olísdeild karla. Þetta varð ljóst eftir að bæði lið unnu andstæðinga sína, Þór Ak. og Kórdrengi. Strákarnir okkar áttu frábæra frammistöðu þegar þeir sigruðu Þór Ak. í öðrum leik umspilsins á mánudaginn síðastliðinn á Akureyri!
Liðið sem vinnur þrjár viðureignir hreppir sæti í Olísdeild karla á næstu leiktíð. Fyllum Dalhúsin á heimaleikjunum og fjölmennum einnig á útileikina í Safamýri.
Fyrsti leikur mun fara fram í Safamýrinni, þriðjudaginn 25. apríl nk. kl. 18:00
Næstu leikir:
Fjölnir – Víkingur | 28. apríl kl. 19:30
Víkingur – Fjölnir | 1. maí kl. 14:00
Ef þarf:
Fjölnir – Víkingur | 4. maí kl. 19:30
Víkingur – Fjölnir | 7. maí kl. 14:00
Áfram Fjölnir!
Treyjunúmer
Ein af þeim knattspyrnureglum sem við verðum að fylgja er að allir hafi fast treyjunúmer. Nú er komið að þeim skemmtilegu tímamótum hjá yngra ári í 6. flokki í knattspyrnu að fá fyrstu úthlutun treyjunúmers. Iðkendur sem eru fæddir á slétttölu ári eiga að velja sér slétt númer á treyjuna sína. Þeir sem eru fæddir á oddatöluári velja sér oddatölu númer.
Ef fleiri en einn iðkandi óskar eftir sama númeri þá verður dregið um það hvaða iðkandi fær óskanúmerið. Yfirþjálfari (skrifstofa) sér um það. Aðrir iðkendur verða að velja annað númer.
Iðkendur halda sama númeri út þriðja flokk. Númerið er óbreytilegt og hver leikmaður má eingöngu hafa eitt númer.
Yfirþjálfari (skrifstofa) félagsins heldur utan um númer allra iðkenda.
Nýir iðkendur hjá félaginu tala við yfirþjálfara til að fá treyjunúmer. Þeir leikmenn sem eru í 2. flokki mega halda áfram með sama númer nema ef tveir eru með sama númerið. Ef tveir eru með sama númer þá verður að draga út. Yfirþjálfari (skrifstofa) sér um það.
Ekki hika við að hafa samband yfirþjálfara ef einhverjar spurningar vakna.
Fréttatilkynning frá handknattleiksdeild Fjölnis
Fréttatilkynning frá handknattleiksdeild Fjölnis
Samstarf Fjölnis og Fylkis í meistaraflokki kvenna í handbolta verður ekki framlengt, en félögin komust að sameiginlegri niðurstöðu eftir að tímabilinu í Grill 66 deild kvenna lauk. Meistaraflokkur kvenna mun á ný keppa undir merkjum Fjölnis frá og með næsta tímabili.
Samstarf félaganna hófst fyrir tímabilið 2020-2021 og stóð yfir í þrjú keppnistímabil.
Við viljum þakka Fylki fyrir samstarfið undanfarin ár.
Áframhaldandi samstarf félaganna í 3. og 4. flokki karla og kvenna er í vinnslu og vonumst við eftir því að geta kynnt það á næstu vikum.
#FélagiðOkkar
Fjölnir og Samskip
Nú hafa meistaraflokkar knattspyrnudeildar Fjölnis spilað sína fyrstu leiki í nýjum búningum frá Puma. Það gleður okkur að kynna nýjan samstarfsaðila, Samskip, en merki þeirra er á baki allra búninga knattspyrnudeildarinnar; meistaraflokka og yngri flokka.
Samningurinn við Samskip var gerður til að heiðra minningu Sævars Reykjalín en hann var starfsmaður Samskipa og formaður barna- og unglingaráðs knattspyrnudeildar Fjölnis. Samningurinn var gerður til þriggja ára. Við þökkum Samskipum kærlega fyrir þennan rausnarlega styrk og hlökkum til samstarfsins næstu þrjú árin.
Á efri myndinni hér til hliðar má sjá Guðmund Lúðvík Gunnarsson, framkvæmdarstjóra Fjölnis ásamt Þórunni Ingu Ingjaldsdóttur, forstöðumanni markaðs- og samskiptadeildar Samskipa.
Á þeirri neðri má sjá bakhliðina á nýju búningunum.
Páskamót Grunnhópa
Þann fyrsta 1. apríl var mikið líf og fjör í salnum þegar Páskamót grunnhópa fór fram.
Okkar flottu iðkendur stóðu sig frábærlega og virkilega gaman að geta boðið fjölskyldum að fylgjast með hvað þau eru búin að vera dugleg að æfa sig í vetur.
Viljum þakka öllum fyrir komuna og vonandi fóru iðkendur heim með bros á vör.
Ósóttir happdrættisvinningar!
Ótrúlegt en satt þá á enn eftir að sækja nokkra vinninga úr happdrætti Þorrablótsins!
Við hvetjum fólk eindregið til þess að koma og sækja vinningana sína en frestur til þess að sækja vinninga er til og með 29. apríl 2023.
Hægt er að nálgast vinningana á skrifstofu Fjölnis í Egilshöll gegn framvísun happdrættismiða með vinningsnúmeri. Opnunartími skrifstofu er frá 9:00-12:00 og 13:00-16:00 alla virka daga. Ef þið komist ekki á þeim tíma má senda póst á hildur@fjolnir.is
Hér til hliðar má sjá vinningaskrána
| Númer miða | Vinningur |
|---|---|
| 223 | Handknattleiksbókin - Saga handknattleiksins á Íslandi |
| 2246 | Bók: Bjór – umhverfis jörðina |
| 1205 | Bók: Heima hjá lækninum í eldhúsinu |
| 384 | N1 – Inneignarkort upp á 10 þús. |
| 255 | N1 – Inneignarkort upp á 10 þús. |
| 1204 | N1 – Inneignarkort upp á 10 þús. |
| 985 | N1 – Inneignarkort upp á 10 þús. |
| 882 | Tveir eins dags lyftumiðar í Hlíðarfjall á Akureyri |
| 2192 | Barion - Börger og franskar og gos (eða salat) |
| 2007 | Barion - Börger og franskar og gos (eða salat) |
| 1217 | Barion - Börger og franskar og gos (eða salat) |
| 1225 | Hlöllabátar – Bátur og gos |
| 1122 | Hlöllabátar – Bátur og gos |
| 250 | Hlöllabátar – Bátur og gos |
| 221 | Hlöllabátar – Bátur og gos |
| 1117 | Hlöllabátar – Bátur og gos |
| 579 | Kjöthúsið – Gjafabréf að upphæð 20 þús. |
| 1510 | Kjöthúsið – Gjafabréf að upphæð 20 þús. |
| 1649 | Kjöthúsið – Gjafabréf að upphæð 20 þús. |
| 814 | Kjöthúsið – Gjafabréf að upphæð 20 þús. |
| 1513 | Kjöthúsið – Gjafabréf að upphæð 20 þús. |
| 1631 | Hans og Gréta – 5.000 kr. gjafabréf |
| 316 | Húsasmiðjan / Blómaval - 15.000 kr. gjafabréf |
| 535 | Ölgerðin - Gosglaðningur |
| 1060 | AKS Ljósmyndun - 30 mínútna myndataka + 4x 13x18 útprentaðar myndir |
| 701 | Margt Smátt – 30.000 kr. gjafabréf fyrir Fjölnisvarningi |
| 397 | Heimsferðir – 20.000 kr. gjafabréf |
| 583 | Heimsferðir – 20.000 kr. gjafabéf |
| 183 | Þrír frakkar hjá Úlfari – Gjafabréf í hádegisverð fyrir tvo |
| 2289 | Eldhestar – Gjafabréf fyrir tvo í ferð 2A – The Heritage Tour |
| 184 | Hótel Frón – Gisting fyrir tvo í eina nótt í stúdíóíbúð með morgunmat |
| 257 | Eldhestar – Gjafabréf fyrir tvo í ferð 2A – The Heritage Tour |
| 1740 | Íslensk hollusta – Gjafakassi stærri að verðmæti 25.000 |
| 1749 | Íslensk hollusta – Gjafakassi stærri að verðmæti 25.000 |
| 1065 | Íslensk hollusta – Gjafakassi minni að verðmæti 4.000 kr. |
| 1732 | Íslensk hollusta – Gjafakassi minni að verðmæti 4.000 kr. |
| 1077 | Íslensk hollusta – Gjafakassi minni að verðmæti 4.000 kr. |
| 2492 | Galato Gaeta ísbúð, Mathöll Höfða - 3.000 kr. gjafabréf |
| 574 | Fætur toga – Göngugreining og par af Feetures sokkum |
| 966 | Fætur toga – Göngugreining og par af Feetures sokkum |
| 96 | Hótel Örk – Gjafabréf fyrir gistingu fyrir tvo með morgunverð í superior herbergi |
| 2226 | Laugarvatn Fontana – Aðgangur fyrir tvo ásamt drykk |
| 808 | Minigarðurinn – Gjafabréf í minigolf fyrir fjóra |
| 2321 | Perlan – Gjafabréf fyrir 2 fullorðna og 2 börn á allar sýningar sem Perlan hefur upp á að bjóða |
| 665 | Arctic Rafting – Gjafabréf fyrir 2 í rafting |
| 131 | Elding – Gjafabréf fyrir 2 fullorðna í hvalaskoðun í RVK eða AK – Andviðri 24.980 kr. |
| 1067 | Blush – 5.000 kr. gjafabréf |
| 2278 | Blush – 5.000 kr. gjafabréf |
| 284 | Arena Gaming – 5.000 kr. gjafabréf |
| 1658 | Arena Gaming – 5.000 kr. gjafabréf |
| 251 | Arena Gaming – 5.000 kr. gjafabréf |
| 390 | Serrano – 2x burrito eða quesadilla |
| 901 | Serrano – 2x burrito eða quesadilla |
| 823 | Serrano – 2x burrito eða quesadilla |
| 2458 | Serrano – 2x burrito eða quesadilla |
| 380 | Serrano – 2x burrito eða quesadilla |
| 909 | Hótel Húsafell – Gjafabréf í Giljaböðin |
| 768 | Golfklúbbur Mosfellsbæjar – 18 holu golfhringur fyrir tvo |
| 1370 | Golfklúbbur Mosfellsbæjar – 18 holu golfhringur fyrir tvo |
| 1693 | Icelandair – 50.000 kr. gjafabréf |
| 668 | Himbrimi - Gin |
| 741 | MS – Kassi af hleðslu |
| 1199 | MS – Kassi af hleðslu |
| 1080 | MS – Kassi af hleðslu |
| 2368 | MS – Kassi af hleðslu |
| 1405 | World Class - Gjafabréf fyrir tvo í Betri stofuna í Laugum |
| 444 | Sælan – 5.000 kr. gjafabréf |
| 317 | Hreyfing – Gjafabréf |
| 217 | Hreyfing – Gjafabréf |
| 2328 | Hreyfing – Gjafabréf |
| 18 | Hreyfing – Gjafabréf |
| 252 | World Class - Gjafabréf fyrir tvo í Betri stofuna í Laugum |
| 383 | Northern Light Inn - Gjafabréf í flot í Aurora Floating + 3ja rétta kvöldverður fyrir tvo |
| 1776 | Northern Light Inn - Gjafabréf í 2ja manna standard herbergi m/ morgunmat |
Sumarstörf 2023 fyrir 15-25 ára
Líkt og fyrri ár munum við hjá Fjölni bjóða upp á fjölbreytt sumarstörf í tengslum við vinæslu sumarnámskeiðin okkar.
HÉR er umsóknareyðublað sem allir þurfa að fylla út til þess að sækja um starf.
ATH! 17-25 ára þurfa líka að fylla út umsókn í gegnum Hitt húsið. HÉR er hlekkur á þá slóð.
Umsóknarfrestur hjá Hinu húsinu er til 15. apríl.
Við hvetjum öll áhugasöm til þess að sækja um!
Skert þjónusta við skautafólk
Frímann Ari Ferdinandsson formaður Íþróttabandalags Reykjavíkur hefur fært Ungmennafélaginu Fjölni þau ótíðindi að menningar- íþrótta- og tómstundaráð hafi ákveðið að loka fyrir aðstöðu til skautaiðkunar í Egilshöll í júní næstkomandi.
Undirrituð eru forviða yfir þessari fregn og lýsa yfir miklum áhyggjum vegna hennar. Ákvörðunin kemur eins og reiðarslag í andlit forsvarsmanna og iðkenda þar sem gengið var út frá því að þjónusta við þá yrði eins og verið hefur undanfarin ár. Það er álit undirritaðra að gangi lokunin eftir sé verið að mismuna iðkendum einstakra íþróttagreina.
Það er mat undirritaðra að sparnaður sé takmarkaður í ljósi þess að svellinu þarf að halda frosnu í sumar hvort sem æft er á því eða ekki, því er óraunhæft að telja þetta sem hagræðingu. Fyrir Fjölni yrði lokunin mikið tekjutap þegar æfingagjöld falla niður og þjálfarar nýtast ekki til þeirrar vinnu sem þeir eru ráðnir til.
Niðurskurður mun hafa mikil áhrif á starfsemi Fjölnis til æfinga og á sumarnámskeiða fyrir listskauta og íshokkí. Undanfarin sumur hefur Fjölnir haldið úti sumarbúðum fyrir eldri iðkendur í framhaldshópum, ásamt því að sumarstarfið hefur laðað til sín áhugasama úr öðrum félögum. Á sumarnámskeiði fyrir iðkendur í 1. – 4. bekk hefur verið boðið upp á heildstæða dagskrá sem hefur reynst vel og verið mjög eftirsótt. Fyrir utan hversu mikil forvörn felst í góðum anda og samskiptum þátttakenda.
Listskautadeild Fjölnis hefur með markvissri uppbyggingu á starfseminni náð góðum árangri, nú síðast í vor þegar bikarmeistaratitli var náð.
Ólíkt öðrum íþróttum þá er ekki hægt að vera utandyra að sumri til. Við gætum því boðið iðkendum SR í sumarbúðir okkar ásamt því að eldri iðkendur hafa tök á því að æfa sína íþrótt.
Undirrituð fara þess hér með á leit að menningar- íþrótta- og tómstundaráð Reykjavíkur
dragi ákvörðun sína um lokun til baka þannig að iðkendur listskauta og íshokkí geti stundað sína íþrótt eins og áformað hefur verið. Meðfylgjandi er mynd af framhaldshópum Fjölnis sem urðu bikarmeistarar ÍSS fyrir 2 vikum á Akureyri í fyrsta skipti síðan félagið var stofnað.
Virðingarfyllst,
formaður Fjölnis
Jón Karl Ólafsson
varaformaður Listskautadeildar Fjölnis
Tinna Arnardóttir
framkvæmdastjóri Fjölnis
Guðmundur L. Gunnarsson
íþróttastjóri Fjölnis
Arnór Ásgeirsson
Halldór Snær á leið með U19 á lokakeppni EM
Íslenska U19 ára landsliðið tryggði sér sæti í lokakeppni EM sem fram fer á Möltu 3-16.júlí.
U19 landsliðið gerði sér lítið fyrir og vann riðillinn sinn með 7 stig. Þeir gerðu jafntefli við Tyrki 1-1, unnu Englendinga 1-0 og í gær unnu þeir Ungverjaland 2-0 en okkar maður Hilmir Rafn, uppalinn Fjölnismaður sem er nú leikmaður Venezia en á láni hjá Tromsø, skoraði annað mark Íslenska liðsins og gulltryggði sigurinn og í leiðinni miðann á EM!
Halldór og Hilmir eru mikilvægir hlekkir í U19 landsliðinu og er Knattspyrnudeild Fjölnis gífurlega stolt af þeim báðum og þeirra framförum!
Til hamingju Halldór og Hilmir og til hamingju Ísland!
#FélagiðOkkar 💛💙
