Vel heppnað Fjölnishlaup Olís 2023
Fjölnishlaupið var haldið á Uppstigningardag fimmtudaginn 18. maí í 35. sinn og gekk mjög vel. Hlaupið var haldið við Íþróttamiðstöðina í Dalhúsum og var 10 km hlaupið ræst kl. 11:00. Skömmu síðar var 5 km hlaupið ræst og að lokum skemmtiskokkið sem var 1,4 km langt. Góð þátttaka var í hlaupinu þó að sólin hafi ekki látið sjá sig en alls tóku þátt 49 keppendur í 10 km, 48 í 5 km og 71 keppandi í skemmtiskokkinu.
Verðlaunafhendingin fór fram inni í íþróttasalnum í góðri stemmningu en þátttakendur fengu húfur, spil og gjafabréf frá Olís.
Í 10 km hlaupi karla sigraði Arnar Pétursson (Breiðablik) á tímanum 34:14, annar varð Guðmundur Daði Guðlaugsson (Kentárar) á tímanum 36:14 og þriðji varð Guðni Siemsen Guðmundsson á tímanum 36:45.
Í kvennaflokki sigraði Íris Dóra Snorradóttir (FH) á tímanum 39:03, önnur varð Anna Berglind Pálmadóttir (UFA/Hoka/Compressport) á tímanum 39:26 og þriðja varð Fríða Rún Þórðardóttir (ÍR) á tímanum 41:31.
Þau Arnar Pétursson og Írisi Dóru Snorradóttur má sjá á myndinni hér til hliðar.
Í 5 km hlaupi karla sigraði Kristján Svanur Eymundsson (Fjallahlaupaþjálfun/HHHC) á tímanum 17:00 og Viktoría Arnarsdóttir sigraði kvennaflokkinn á tímanum 27:06.
Við óskum þeim innilega til hamingju með árangurinn.
Myndirnar hér í albúminu fyrir neðan voru teknar af Baldvini Erni Berndsen hjá grafarvogsbuar.is.
Við viljum þakka bakhjörlum og öllum þeim sem stóðu að hlaupinu kærlega fyrir frábæran dag. Öll úrslit úr hlaupinu má sjá inni á timataka.net.
Sjáumst hress að ári!
Árangur Fjölnis á TSÍ innanhúss Íslandsmóti
TSÍ innanhúss Íslandsmótið var haldið í Tennishöllinni 20.-23. apríl og náðu iðkendur Fjölnis góðum árangri á mótinu. Einna heilst í Meistaraflokki tvennda, þar sem Daniel Pozo og Saule Zukauskaite unnu og urðu Íslandsmeistarar í þeim flokki. Daniel er einungis 13 ára og Saule 14 svo að þessi sigur var afar stór fyrir þessa ungu leikmenn.
Árangur Fjölnis á mótinu:
U-10 stelpur einliðaleik
2. sæti: Paula Marie Moreno Monsalve, Fjölnir
U-12 strákar einliðaleik
3. sæti: Juan Pablo Moreno Monsalve, Fjölnir
U-14 strákar einliðaleik
2. sæti: Daniel Pozo, Fjölnir
U16 strákar einliðaleik
2. sæti: Daniel Pozo, Fjölnir
U-18 börn tvíliðaleik
Íslandsmeistar: Eygló Dís Ármannsdóttir og Bryndís Rósa Armesto Nuevo, Fjölnir
2. Emilía Eyva Thygesen og Saule Zukauskaite, Víkingur/Fjölnir
3. Ómar Páll Jónasson og Daniel Pozo, TFK/Fjölnir
U-18 strákar einliðaleik
3. sæti: Þorsteinn Ari Þorsteinsson, Fjölnir
U-18 stelpur einliðaleik
2. sæti: Eygló Dís Ármannsdóttir, Fjölnir
3. sæti: Bryndís Rósa Armesto Nuevo, Fjölnir
40+ kvenna einliðaleik
2. sæti: Bryndís Björnsdóttir, Fjölnir
30+ tvenndarleik
2. sæti: Ingunn Erla Eiríksdóttir og Birgir Haraldsson, Fjölnir/TFK
30+ kvenna einliðaleik
Íslandsmeistari: Ingunn Erla Eiríksdóttir, Fjölnir
30+ karla einliðaleik
2. sæti: Ólafur Helgi Jónsson, Fjölnir
Meistaraflokkur tvenndarleik
Íslandsmeistar: Daniel Pozo og Saule Zukauskaite, Fjölnir
Meistaraflokkur tvíliðaleik
2. sæti: Eygló Dís Ármannsdóttir og Bryndís Rósa Armesto Nuevo, Fjölnir
Meistaraflokkur kvenna einliðaleik
Undanúrslit: Bryndís Rósa Armesto Nuevo, Fjölnir
Við óskum okkar frábæru iðkendum innilega til hamingju með frábæran árangur! Áfram Fjölnir!
Nýjung hjá Fjölni! Söngleikjanámskeið í sumar
Nýjung hjá Fjölni! Söngleikjanámskeið Fjölnis fer fram í júní og ágúst! Þar fá börn fædd á árunum 2008-2016 tækifæri á að kynnast heimi söngleikja undir handleiðslu Chantelle Carey ásamt hópi frábærra kennara. Námskeiðið er hálfan daginn eða frá kl. 9-12. Hægt er að kaupa heita máltíð í hádeginu sem borin er fram í Egilshöll en námskeiðin fara fram í Egilshöll og í íþróttamiðstöðinni í Dalhúsum.
Nánari upplýsingar og skráning fer fram hér: https://fjolnir.is/sumarnamskeid-2023/
Hlökkum til að sjá ykkur!
Fjáröflunarkvöld körfuknattleiksdeildarinnar 17. maí
Sumarskákmót Fjölnis
Sumarskákmót Fjölnis í Rimaskóla á morgun fimmtudaginn 11. maí kl. 16:30-18:30. Skráning hefst kl. 16:10. Mætið tímanlega til skráningar.
- 6 umferðir tefldar
- 40 vinningar og happadrætti
- Hagkaup – Gullnesti – SAM-bíóin – Bókabúð Grafarvogs – Jói útherji og Skákdeild Fjölnis gefa vinninga
- Vignir Vatnar yngsti stórmeistarinn okkar leikur fyrsta leikinn
- Gauti Páll Jónsson skákstjóri
- Veitingar í lok mótsins
- Allir þátttakendur fá verðlaunapening
- Verðlaunabikarar
- Skemmtilegasta skákmót ársins
Natalía Tunjeera valin í úrvalshóp stúlkna fyrir Evrópumót í hópfimleikum 2024
Fimleikasamband Íslands hefur valið í úrvalshóp stúlkna fyrir Evrópumót í hópfimleikum 2024. Það gleður okkur að tilkynna að í hópi þeirra er hún Natalía Tunjeera Hinriksdóttir.
Úrvalshópurinn er fyrsta úrtak fyrir Evrópumótið sem verður haldið í Azerbaijan 2024
Við hjá Fjölni óskum þér innilega til hamingju Natalía og gangi þér vel!
Leikmenn Fjölnis í U20 kvenna og karla 2023 í körfubolta
Það gleður okkur að tilkynna að Stefanía Tera Hansen hefur verið valin í 17 manna hóp U20 kvenna í körfubolta fyrir sumarið 2023!
Einnig hefur U20 karla í körfubolta (fyrsti æfingahópur) verið boðaður en í þeim hópi eru þeir Ísak Örn Baldursson og Karl Ísak Birgisson.
Við hjá Fjölni erum gífurlega stolt af okkar fólki og óskum þeim góðs gengis í komandi verkefnum!
Heilsteyptur Haus – hugarfarsþjálfunar námskeið
Heilsteyptur Haus – hugarfarsþjálfunar námskeið
Barna og unglingaráð knattspyrnudeildar Fjölnis stendur fyrir námskeiði fyrir iðkendur í 3. og 4. flokki karla og kvenna í samvinnu við HAUS hugarþjálfun. Um er að ræða námskeið sem miðar að því að styrkja hugarfarslega þætti þátttakenda í gegnum fræðslu, heimaverkefni og eftirfylgni. Námskeiðið hófst vikuna 24. – 28. apríl og eru hóparnir fjórir sem samanstanda af u.þ.b. 20 iðkendum hver.
Hugarfarslegi/andlegi þátturinn í íþróttum og lífinu er ekki síður mikilvægur en sá líkamlegi og með þessu vill BUR stuðla að bættri líðan og sjálfsmynd iðkenda Fjölnis. Jafnframt er þetta fyrsti
viðburðurinn sem greiddur er að hluta til úr styrktarsjóð Fjölnismannsins Hálfdáns Daðasonar.
Markmið styrktarsjóðsins er að stuðla að fræðslu um geðheilbrigði og efla forvarnarstarf hjá yngri flokkum knattspyrnudeildar félagsins.
Heilsteyptur Haus er…
…hugarþjálfunarnámskeið fyrir yngri flokka og unglingaflokka í hópíþróttum þar sem iðkendur og þjálfarar læra að sinna þjálfun einbeitingar, sjálfstrausts og liðsheildar á reglubundinn hátt inni á æfingum samhliða tækniþjálfun og líkamlegri þjálfun.
Heilsteyptur Haus er fyrir…
…íþróttafélög sem vilja taka stórt skref í að sinna þeim hluta þjálfunar sem hefur verið stórlega
vanræktur í íþróttaþjálfun í gegnum tíðina og leiðir af sér ánægðarar íþróttafólk og betra íþróttafólk.
Heilsteyptur Haus samanstendur af:
- 4 fyrirlestrum fyrir iðkendur
- Vinnu iðkenda í styrktarprógrömmum á milli fyrirlestra
- 4 þjálfarafundum
- Þjálfarahandbók fyrir alla þjálfara
Halldór Karl Þórsson ráðinn yfirþjálfari yngri flokka hjá Körfuknattleiksdeild Fjölnis
Halldór Karl Þórsson hefur verið ráðinn yfirþjálfari yngri flokka hjá Körfuknattleiksdeild Fjölnis og hefur þegar hafið störf.
Halldór Karl þarf hvorki að kynna fyrir Fjölnisfólki né íslenska körfuboltaheiminum. Hann hefur síðastliðin ár haslað sér völl sem metnaðarfullur þjálfari bæði hjá yngri- og meistaraflokkum Fjölnis. Hann gerði meðal annars kvennalið Fjölnis að deildarmeisturum í Subway deild kvenna árið 2022.
Halldór Karl kemur til félagsins frá Hamri en félaginu tókst að tryggja sér sæti í Subway deild karla á næsta tímabili og mun Halldór Karl starfa áfram sem þjálfari meistaraflokks karla Hamars. Halldór Karl er einnig aðstoðarþjálfari A-landsliðs kvenna og aðalþjálfari undir 20 ára landsliðs kvenna.
Ný stjórn Fjölnis ætlar í uppbyggingu á barna-og unglingastarfi félagsins og er ráðning Halldórs liður í því að styrkja starfið sem framundan er í Grafarvoginum. Með ráðningu yfirþjálfara stefnir Fjölnir á að gera þjálfun körfuboltans markvissari og metnaðarfyllri en áður en Fjölnir stefnir á frekari afreksþjálfun í yngri flokkum sem mun á endanum leiða til sterkari barna-og unglingastarfs hjá félaginu.
Á meðfylgjandi mynd má sjá Halldór Karl ásamt Salvöru Þóru Davíðsdóttu formanni Körfuknattleiksdeildar.
Við hjá Fjölni erum stolt og ánægð að fá Halldór Karl aftur til liðs við félagið og hlökkum til samstarfsins í þeirri uppbyggingu sem framundan er í körfuboltastarfi Grafarvogs.
Körfuknattleiksdeild Fjölnis
Sumarnámskeið Fjölnis í Egilshöll 2023
Fjölnir býður upp á fjölbreytt úrval námskeiða í allt sumar. Hægt er að velja eitt námskeið fyrir hádegi og annað eftir hádegi með eða án heitrar máltíðar. Sumarámskeiðin eru fyrir börn fædd 2013-2016. Fjölgreinanámskeiðin eru fyrir börn fædd 2014-2017, á því fá börnin að kynnast þeim íþróttum sem eru í boði hjá félaginu.
Skráning fer fram hér
Hvað er í boði?
- Sumarnámskeið Fjölnis í Egilshöll (fjölbreytt úrval íþrótta) – þú setur saman daginn fyrir barnið þitt. Börn fædd 2013-2016
- Fjölgreinanámskeið Fjölnis í ágúst – góður valmöguleiki til að kynnast úrvali íþrótta í Fjölni. Börn fædd 2014-2017
