N1 og Fjölnir endurnýja samning
Á dögunum endurnýjaði N1 samning sinn við Ungmennafélagið Fjölni. Samningurinn er til þriggja ára og gerir N1 að einn af aðal styrktaraðilum knattspyrnudeildar Fjölnis.
“ Það er okkur hjá Fjölni mikil ánægja að framlengja samning okkar við öflugan bakhjarl eins og N1 sem hefur stutt við bakið á Fjölni til fjölda ára“, segir Guðmundur L. Gunnarsson, framkvæmdarstjóri Fjölnis.
Þyrí Dröfn Konráðsdóttir, markaðsstjóri N1 segir að N1 leggi mikið upp úr því að styðja og styrkja við uppbyggingu við íþróttastarf ungmenna í landinu og að samningurinn við Fjölni er af þeim liðum.
„Það er okkur því sönn ánægja að framlengja samning okkar við Fjölni“ segir Þyrí Dröfn Markaðsstjóri N1.
Á myndinni má sjá Guðmund L Gunnarsson, framkvæmdarstjóri Fjölnis og Þyrí Dröfn Konráðsdóttir markaðsstjóra N1
5 gull á MÍ 15-22 ára
Meistaramót Íslands í frjálsum íþróttum fyrir 15-22 ára fór fram á Selfossvelli helgina 15. - 16. júní. Fjölnir átti 11 keppendur á mótinu sem stóðu sig mjög vel. Samtals fékk Fjönisfólkið 5 gull, 4 silfur og 4 brons sem er frábær árangur hjá þessu unga íþróttafólki.
Kjartan Óli Ágústsson varð Íslandsmeistari í 800m hlaupi og 1500m hlaupi í flokki 16-17 ára pilta. Tímarnir hans voru 2:04,83 í 800m hlaupinu og 4:34,50 í 1500m hlaupinu.
Bjartur Gabríel Guðmundsson varð Íslandsmeistari í hástökki pilta 16-17 ára með stökk yfir 1,78m. Bjartur fékk einnig silfur í 200m hlaupi og brons í 100m hlaupi.
Helga Þóra Sigurjónsdóttir varð Íslandsmeistari í hástökki stúlkna 18-19 ára með stökk yfir 1,65m.
Kolfinna Ósk Haraldsdóttir varð Íslandsmeistari í langstökki stúlkna 15 ára með stökk upp á 4,87m. Kolfinna fékk einnig brons í 100m hlaupi.
Diljá Mikaelsdóttir fékk silfur í hástökki stúlkna 20-22 ára og brons í langstökki.
Vilhelmína Þór Óskarsdóttir fékk silfur í 400m hlaupi stúlkna 20-22 ára.
Elísa Sverrisdóttir fékk brons í 200m hlaupi stúlkna 16-17 ára.
Katrín Tinna Pétursdóttir fékk silfur í hástökki stúlkna 16-17 ára.
Öll úrslit mótsins eru hér.
Á myndinni er Helga Þóra.
Ásta Margrét og Kristín Lísa skrifa undir samning
Kristín Lísa Friðriksdóttir (f.1999) kemur til liðs við liðið frá Stjörnunni eftir árs dvöl, en áður lék hún hjá Fjölni. Kristín Lísa er örvhent skytta og því mun hún nýtast liðinu vel. Við hlökkum til að sjá hana aftur í Fjölnisbúningnum.
Ásta Margrét Jónsdóttir (f.1999) hefur skrifað undir samning við handknattleiksdeild Fjölnis. Ásta Margrét kemur til liðs við liðið frá Aftureldingu, en hún er skytta.
Stjórn og meistaraflokksráð kvenna binda miklar vonir við þær Kristínu Lísu og Ástu Margréti og hlakka til spennandi tímabils á næsta vetri.
Myndir: Ásta Margrét og Kristín Lísa
#FélagiðOkkar
Bílalind býður á völlinn
Bílalind bíður á völlinn, 30 fyrstu sem koma til okkar á Bílalind fá frítt á völlinn, einn miði á mann. Leikurinn hefst kl 19:15 í Dalhúsum.
Upphitun fyrir leik Fjölnis og Víkings Ó. í Inkasso-deild karla fer fram á Gullöldinni (Hverafold 5) og hefst kl. 17:30. Það verða tilboð handa Fjölnisfólki á mat og drykk. Allir velkomnir.
Þá er kjörið að rölta beint á Extra völlinn en leikurinn sjálfur hefst kl. 19:15.
Áfram Fjölnir!
#FélagiðOkkar
Bílalind er öflugur stuðningsaðili meistaraflokka knattspyrnudeildar, kíktu á www.facebook.com/bilalind.is eða www.bilalind.is
Landsmót UMFÍ 50+
Landsmót UMFÍ 50+ verður að þessu sinni haldið í Neskaupstað dagana 28. – 30.júní. Mótið er blanda af íþróttakeppni og annarri skemmtun þar sem fólk á besta aldri hefur gaman saman. Mótið er opið öllum þátttakendum sem verða 50 ára á árinu og eldri. Keppt verður í 16 íþróttagreinum. Þar á meðal í boccía, golfi og pútti, línudansi, ringó og pönnukökubakstri sem fyrir löngu er orðin klassísk grein. En nýjungar verða á mótinu eins og keppni í lomber, pílukasti og garðahlaupi sem er opið fyrir 18 ára og eldri. Ekki þarf að vera skráð/ur í íþrótta- eða ungmennafélag. Þátttökugjald á mótið er 4.900 krónur. Fyrir eitt gjald er hægt að skrá sig í margar greinar.
Nánari upplýsingar um keppnisgreinar og skráning á vefslóðinni: https://www.umfi.is/verkefni/landsmot-50plus/
Alana Elín gengur til liðs við Fjölni
Línumaðurinn Alana Elín Steinarsdóttir hefur skrifað undir samning við meistaraflokk kvenna í handbolta. Alana kemur frá FH en hefur verið í stuttu hléi frá handboltanum.
Sigurjón þjálfari hafði þetta að segja um undirskriftina:
„Ég er gríðarlega ánægður með að Alana hafi ákveðið að taka slaginn með okkur. Hún er fjölhæfur sóknarmaður sem mun gefa okkur mikið í baráttunni á næsta tímabili og smellpassar inn í okkar unga og efnilega hóp“.
Frekari frétta er að vænta af leikmannamálum á næstkomandi dögum.
Fimleikaþrek fyrir 12-15 ára
Fimleikadeild Fjölnis ætlar að bjóða uppá fimleikaþrek fyrir alla á aldrinum 12-15 ára í júní. Ekki eru gerðar kröfur um grunn í fimleikum og því er námskeiðið opið fyrir alla áhugasama.
Uppsetning námskeiðs
- Markmiðasetning
- Þrek og teygjur
- Almenn fræðsa um heilbrigðan lífsstíl
Námskeiðið hefst þriðjudaginn 11.júní og er kennt alla virka daga.
Hægt að skrá sig á eina viku í senn eða allt námskeiðið í heild.
Skráning er opin HÉR
Fimleikaþrek
Hera Björk fyrir hönd Íslands
Hera Björk Brynjarsdóttir úr tennisdeild Fjölnis tók þátt á Smáþjóðaleikunum sem fóru fram í Svartfjallalandi dagana 27.maí til 1.júní.
Hera Björk sem er nýlega komin heim eftir tímabil með tennisliði Valdosta Sate í Georgíu, keppti á móti Marie Anne Weckerle frá Lúxemberg. Hera þurfti að lúta í lægra haldi 2:0.
Góður árangur á Reykjavíkurmótinu
Opna Reykjavíkurmótið í tennis fór fram á dögunum og náðist þar frábær árangur meðal iðkenda Fjölnis.
Egill G. Egilsson og Ólafur Helgi Jónsson unnu í liðakeppni meistaraflokks og 30 ára og eldri.
Eygló Dís Ármannsdóttir vann í einliða í U-14 og tvíliða með Saule Zukauskaite, en síðarnefnda varð í 2.sæti í einliða.
Eygló lenti einnig í 2.sæti í einliða í U-16. Enn fremur vann hún einliða í 7.bekk á Grunnskólamóti Reykjavíkur.
Helgi Espel Lopez vann í einliða í U-14 og lenti í 2.sæti í tvíliða með Paul Cheron.
Að lokum varð Fjölnir í 2.sæti í meistaraflokki kvenna.
Glæsilegur árangur hjá iðkendum tennisdeildar.
Egill G. Egilsson
Liðakeppni karla
Eygló Dís Ármannsdóttir og Saule Zukauskaite
Flottir iðkendur Fjölnis
Vormót Fjölnis
Vormót Fjölnis var haldið á Laugardalsvelli 3.júní. Mótið gekk vel í alla staði þó að veðrið væri frekar hvasst og kalt þrátt fyrir sól. Góð þátttaka var á mótinu en 115 keppendur tóku þátt á aldrinum 11-15 ára. Keppnisgreinar voru fjórar í hverjum aldursflokki; spretthlaup, langstökk , kúluvarp og 600 eða 800 m hlaup. Keppt var í aldursflokkunum 11 ára, 12-13 ára og 14-15 ára. Fjölnisiðkendur stóðu sig með miklum sóma og nokkur unnu til verðlauna, en 8 keppendur frá Fjölni voru á mótinu.
Sara Gunnlaugsdóttir 14 ára vann gull í 800 m hlaupi og langstökki í flokki stúlkna 14-15 ára.
Aman Axel Óskarsson 13 ára vann silfur í kúluvarpi og brons í langstökki pilta 12-13 ára.
Júlíus Helgi Ólafsson 11 ára vann silfur í langstökki pilta 11 ára.
Sturla Yafei Chijioke Anuforo vann silfur í 60 m hlaupi pilta 11 ára.
Öll úrslit mótsins eru hér.
Á myndinni er Sara Gunnlaugsdóttir.