Tennisæfingar á vorönn
Nú eru tennisæfingar á vorönn hafnar og verða eftirfarandi æfingar í boði:
Mánudagar:
16:30-18:30 – Afrekshópur barna
18:30 – Framhaldshópur fullorðinna
Fimmtudagar
16:30-18:30 – Afrekshópur barna
18:30 – Keppnishópur (blandaður hópur unglinga og fullorðinna)
Laugardagar
9:30 – Framhaldshópur fullorðinna
Sunnudagar
16:30 – Yngsti afrekshópur
17:30 – Keppnishópur (blandaður hópur unglinga og fullorðinna)
18:30 – Byrjendahópur fullorðinna
Þrekæfingar fyrir afreksspilara verða einnig í boði (verð 10 þús fyrir alla önnina).
Verðskrá (öll önnin):
1x í viku 30.000
2x í viku 51.400
3x í viku 65.000
4x í viku 68.000
Vinsamlegast hafið samband við Carolu ef spurningar vakna: brazilian_2001@hotmail.com
Þorrablótið og helstu upplýsingar
Nú styttist heldur betur í þorrablót Grafarvogs sem haldið er í Fjölnishöll laugardaginn 25.janúar.
Við viljum tryggja að allar helstu upplýsingar liggi fyrir með góðum fyrirvara og hvetjum ykkur til að deila þessu með vinum og vandamönnum sem sitja á sama borði og þið.
–> Veislustjóri verður brekkusöngsmeistarinn INGÓ.
kl. 18:30 – Húsið opnar
kl. 19:15 – Margrét Eir mætir á svæðið og spilar létt lög
kl. 20:00 – Húsið lokar fyrir matargesti – MÆTA TÍMANLEGA – VINAHÓPARNIR Í MYNDATÖKU FYRIR MAT
kl. 20:01 Intró
kl. 20:05 Þorrablótsnefnd opnar partíið
kl. 20:40 – Borðhald hefst
Kl. 21:30 Keyrum dagskránna í gang
kl. 23:00 – Húsið opnar fyrir ballgesti, geggjaðir söngvarar og leynigestur trylla mannskapinn með sínum bestu slögurum)
kl. 02:00 – Blóti lýkur
Við minnum á BOND þemað okkar.
Æfingar falla niður í Fjölnishöll
Allar æfingar falla niður í Fjölnishöll vegna þorrablótsins, föstudaginn 24.janúar og laugardaginn 25.janúar.
Æfingar geta hafist að nýju eftir hádegi sunnudaginn 26.janúar
Frítt að æfa handbolta í janúar
HSÍ í samstarfi við aðildafélögin á landinu, þar með talið Fjölni, býður öllum nýjum krökkum að æfa frítt í janúar. Við hvetjum alla krakkar til að koma og prófa æfingar í handboltanum í Fjölni. Þjálfarar deildarinnar munu taka vel á móti þeim !
Frábært Skólamót Fjölnis í handbolta
Skólamót Fjölnis í handbolta fór fram í gær og segja má að það hafi slegið í gegn. Tæplega 300 krakkar úr öllum skólum Grafarvogs komu, skemmtu sér og spiluðu í Fjölnishöllinni.
Þetta er í fyrsta skipti sem Skólamót Fjölnis fer fram í softball-formi þar sem skemmtanagildið er haft í hávegum. Það er klárt mál að um árlegan viðburð verður að ræða héðan af.
Handknattleiksdeild Fjölnis langar að þakka þessum frábæru krökkum sem komu og voru sér og sínum til mikillar sóma. Enn fremur langar Fjölni að þakka þessum drífandi íþróttakennurum í skólunum sem mættu með liðin úr skólunum.
Búningaverðlaun voru afhend í mótslok og voru þau lið leyst út með Huppuís. Sigurvegari Skólamóts Fjölnis 2020 var síðan Vættaskóli.
Öllum krökkum er boðið að prófa handboltann í Fjölni sér að kostnaðarlausu næstu daga og vonum við að sem flestir nýti sér það !
Áfram Fjölnir og áfram handbolti !
Æfingar fyrir alla í frjálsum
Æfingar á vorönn í frjálsum íþróttum eru byrjaðar. Gaman er að segja frá því að flott, ný aðstaða hefur verið tekin í notkun í Egilshöll þar sem frjálsar íþróttir eru í forgangi. Frjálsíþróttadeildin er með æfingar fyrir allan aldur. Æfingatímar á vorönn eru þessir:
6-10 ára – 1.-4. bekkur:
Þriðjudagar í Egilshöll kl 16:15-17:15
Fimmtudagar í Egilshöll kl 16:15-17:15
Laugardagar í Laugardalshöll kl 10-11
11-14 ára – 5.-8. bekkur:
Mánudagar í Egilshöll kl 15:30-16:30
Fimmtudagar í Laugardalshöll kl 16:00-17:30
Föstudagar í Egilshöll kl 15:30-16:30
Laugardagar í Laugardalshöll kl 10:00-11:30
15 ára og eldri:
Mánudagar í Laugardalshöll kl 17:00-19:00
Þriðjudagar í Laugardalshöll kl 17:30-19:30
Miðvikudagar í Laugardalshöll kl 17:00-19:00
Fimmtudagar í Laugardalshöll kl 17:30-19:30
Föstudagar í Laugardalshöll kl 17:00-19:00
Laugardagar í Laugardalshöll kl 11:00-13:00
Fullorðnir:
Þriðjudagar í Laugardalshöll kl 18:30-20:00
Fimmtudagar í Laugardalshöll kl 18:30-20:00
Laugardagar í Laugardalshöll kl 10:00-12:00
Hlaupahópur:
Mánudagar við Foldaskóla kl 17:30-19:00
Miðvikudagar við Foldaskóla kl 17:30-19:00
Fimmtudagar í Laugardalshöll kl 17:15-19:00
Laugardagar – breytilegur tími og staðsetning
Allar upplýsingar um æfingatíma er að finna hér.
Allar upplýsingar um þjálfara er að finna hér.
Allar upplýsingar um æfingagjöld er að finna hér.
Fríir prufutímar í karate
Vertu velkomin til okkar í næstu viku til að prófa nýja og spennandi íþrótt.
Sveinn Jóhannsson á EM
Fjölnismaðurinn Sveinn Jóhannsson er á leiðinni á EM í Malmö með íslenska landsliðinu í handbolta. Þetta er frábær viðurkenning fyrir hann og félagið. Sveinn er uppalinn Fjölnismaður en skipti yfir í ÍR eftir tímabilið 2017-2018. Hann leikur í dag með danska liðinu Sönderjyske í efstu deild.
HÉR má sjá leiki liðsins í riðlinum.
Getraunakaffið fer aftur af stað
Nýr hópaleikur í hinu margrómaða Getraunakaffi Fjölnis fer aftur í gang núna á laugardaginn 11. janúar og alla laugardaga eftir það til og með 7. mars á milli kl. 10:00 og 12:00 í Egilshöll.
Það eru allir velkomnir, t.d. kjörið fyrir foreldra að koma við, kíkja í kaffi og tippa þegar búið er að skutla krökkunum á æfingu. Alltaf heitt á könnunni og bakkelsi frá Bakarameistaranum á boðstólnum.
Leikurinn er sáraeinfaldur en það eru tveir aðilar saman í liði að giska á úrslit í enska boltanum. Flottir vinningar í boði í hópleiknum.
Skráning fer fram á 1×2@fjolnir.is þar sem fram koma nöfn beggja liðsmanna, kennitala, sími, netfang og nafn á liðinu. Það er algjör mýta að þetta sé bara fyrir karla því viljum við bjóða konur sérstaklega velkomnar.
Við ætlum að vera með 9 vikna hópleik þar sem 7 bestu vikurnar gilda. Þátttökugjald er einungis 4.990 kr. per hóp eða 2.495 kr. á mann og greiðist beint inn á reikning félagsins: 0114-05-060968 kt: 631288-7589
Ef liðin komast ekki þá er alltaf hægt að senda seðlana í gegnum netfangið 1×2@fjolnir.is – einfalt og þægilegt.
Reglur og frekari upplýsingar í leiknum má finna hér:
https://fjolnir.is/knattspyrna/getraunakaffi/
Sérstök Facebook grúbba fyrir Getraunakaffi Fjölnis má finna hér:
https://www.facebook.com/groups/1299902466780921/
Taktu þátt í félagsstarfinu og vertu með frá byrjun!
#FélagiðOkkar
Nýr yfirþjálfari Skautaskólans
Listhlaupadeildin hefur ráðið Sólbrúnu Ernu Víkingsdóttur sem yfirþjálfara Skautaskólans. Sólbrún hefur æft skauta hjá deildinni í 15 ár, tekið þátt á mótum og æfingabúðum hér heima og erlendis. Hún var íþróttakona deildarinnar árið 2018. Sólbrún hefur þjálfararéttindi 1 og 1A í sérgreinahluta. Hún hefur þjálfað í Skautaskólanum og yngri iðkendum í framhaldshópum deildarinnar í nokkur ár samhliða háskólanámi og æfingum.
