Upplýsingar til félagsmanna
Kæru forráðamenn, iðkendur og þjálfarar,
Í ljósi nýrra takmarkana á samkomum frá og með 31. júlí til og með 13. ágúst er þeim tilmælum beint til eldri flokka (16 ára og eldri, f. 2004 og fyrr):
- Að gert verði hlé á æfingum og keppni í íþróttum með snertingu til og með 13. ágúst næstkomandi eða þar til núgildandi auglýsing um takmarkanir á samkomum fellur úr gildi.
- Að æfingar og keppni í íþróttum án snertingar haldi áfram eftir því sem hægt er, að virtum reglum um fjöldatakmarkanir og nálægðarmörk skv. auglýsingu heilbrigðisráðherra.
- Að sameiginlegur búnaður verði sótthreinsaður milli notkunar/notenda.
Þetta þýðir að ef hægt er að æfa með því að fylgja ítrustu takmörkunum er það heimilt. Við ítrekum að nauðsynlegt er að gæta fyllstu varúðar og fara í einu og öllu að tilmælum heilbrigðisyfirvalda s.s. að virða fjarlægðarmörk og huga að handþvotti og sóttvörnum. Við höfum ákveðið að loka styrktarsalnum í Dalhúsum og búningsklefum í Egilshöll og Dalhúsum til og með 13. ágúst.
Æfingar yngri iðkenda, þeirra sem eru 15 ára og yngri (f. 2005 eða síðar) fara fram með óbreyttu sniði. Við beinum því til forráðamanna að ef það þarf að fylgja barni á æfingar að aðeins einn forráðamaður mæti með barnið. Eins og sjá má á meðfylgjandi mynd þá höfum við skilgreint inn- og útganga við Egilshöll. Vinsamlegast kynnið ykkur myndina vel.
Stjórnendur félagsins vinna náið með yfirþjálfurum og öðrum starfsmönnum félagsins í úrlausnum á æfingum fyrir þann hóp sem takmarkanirnar hafa mest áhrif á. Staðan er endurmetin eftir þörfum, í takt við uppfærð tilmæli heilbrigðisyfirvalda. Allar uppfærslur má finna á Facebook Fjölnis og heimasíðu okkar www.fjolnir.is.
Við óskum eftir því að allir félagsmenn okkar sýni gott fordæmi og hjálpi okkur að fylgja þessum tilmælum, með lausnarmiðuðum hugsunarhætti og jákvæðni.
Með Fjölniskveðju,
Forsvarsmenn Fjölnis
Upphitun - 16-liða úrslit: KR - Fjölnir
Mjólkurbikar karla
16-liða úrslit
KR - Fjölnir
Fimmtudaginn 30. júlí kl. 19:15 á Meistaravöllum
Nú tökum við hlé frá deildarkeppninni til að etja kappi við KR í 16-liða úrslitum Mjólkurbikars karla. Fjölnir hefur ekki komist í gegnum þetta þrep keppninnar síðan árið 2015. Líkt og önnur úrvalsdeildarlið kom Fjölnir inn í bikarkeppnina í síðustu umferð. Þar vann Fjölnir Selfoss með þremur mörkum gegn tveimur. KR-ingar lögðu annað Grafarvogslið, Vængi Júpíters, 1-8 í Egilshöll í 32-liða úrslitum keppninnar. Um er að ræða annan leik Fjölnis gegn KR í Vesturbænum á rúmri viku. Viðureign liðanna í Pepsi Max deildinni í síðustu viku lauk með 2-2 jafntefli í fjörugum leik. Þar voru KR-ingar meira með knöttinn en Fjölnisliðið fékk hættulegri færi til að bæta við mörkum. Síðustu fjórar viðureignir liðanna hafa endað með jafntefli. Verði jafnt að loknum venjulegum leiktíma í Frostaskjóli á fimmtudag verður leikið til þrautar. Ef eitthvað mark má taka af síðustu leikjum liðanna má búast við hnífjöfnum leik.
Christian Sivebæk var frá vegna meiðsla í 1-3 tapinu gegn Val á mánudag. Ingibergur Kort Sigurðsson fékk að líta rauða spjaldið í þeim leik. Rétt er að taka fram að eins leiks bann Ingibergs telur ekki í bikarkeppninni. Jóhann Árni Gunnarsson er markahæstur Fjölnismanna á tímabilinu með þrjú mörk. Jóhann hefur í tveimur síðustu leikjum Fjölnis gert sitt hvort markið. KR-ingar gerðu 0-0 jafntefli við KA í síðasta deildarleik sínum.
Fjölnir og KR hafa þrisvar sinnum mæst í bikarkeppni KSÍ. Öllum viðureignunum hefur lokið með svarthvítum sigri. KR telst óneitanlega líklegra til að komast áfram í næstu umferð en Fjölnir hefur áður komið á óvart á móti KR. Líkt og komið var inná í upphitunarpistlinum fyrir deildarleik KR og Fjölnis í síðustu viku vann Fjölnir einn sinn merkilegasta sigur þegar liðið vann KR í fyrsta heimaleik Fjölnis í efstu deild. Eftirminnilegasti bikarleikur Fjölnis og KR er án nokkurs vafa bikarúrslitaleikurinn árið 2008. Fjölnir var þá nýliði í efstu deild og á leið í sinn annan bikarúrslitaleik á jafn mörgum árum. Grátlegt tap var niðurstaðan þar sem Fjölnismenn skoruðu eina mark leiksins í eigið net þegar 89 mínútur voru liðnar af leiknum. Stoltir en sárir Fjölnismenn gengu af velli eftir svekkjandi tap í bikarúrslitum annað árið í röð.
KR hefur unnið bikarkeppnina fjórtán sinnum, oftar en nokkuð annað lið á Íslandi. Síðast varð KR bikarmeistari árið 2014. Á síðasta tímabili féll KR úr leik í undanúrslitum keppninnar. Í fyrra datt Fjölnir út í 16-liða úrslitum eftir tap í Vestmannaeyjum. Fjölmennum í Vesturbæinn og hjálpum okkar strákum að komast áfram í næstu umferð.
Áfram Fjölnir!
#FélagiðOkkar
Grétar Atli Davíðsson
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
21 – Christian Sivebæk
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Upphitun. Fjölnir - Valur
Pepsi Max deild karla
9. umferð
Fjölnir - Valur
Mánudaginn 27. júlí kl. 19:15 á Extra vellinum
Í síðustu umferð náði Fjölnir í sitt þriðja stig í sumar er liðið gerði 2-2 jafntefli við KR í Vesturbænum (hlekkur á mörkin úr leiknum). Frammistaðan gegn KR var til fyrirmyndar og þarf baráttan, aginn og viljinn sem liðið sýndi í síðasta leik að einkenna Fjölni í öllum leikjum sem eftir eru af tímabilinu. Margt jákvætt var við spilamennsku Fjölnis gegn KR. Ingibergur Kort Sigurðsson skoraði sitt fyrsta mark í efstu deild eftir frábæra fyrirgjöf Hallvarðs Óskars Sigurðarsonar. Hitt mark Fjölnis gerði Jóhann Árni Gunnarsson. Einnig var ánægjulegt að sjá Torfa Tímoteus Gunnarsson koma aftur inn á völlinn eftir að hafa verið frá vegna meiðsla. Torfi lék síðustu fimmtán mínúturnar gegn KR. Viktor Andri Hafþórsson var í fyrsta sinn í byrjunarliði í efstu deild. Viktor lék fyrstu sextíu mínútur leiksins. Gera þurfti breytingu á byrjuarliði Fjölnis skömmu fyrir leikinn gegn KR þar sem Christian Sivebæk meiddist í upphitun. Undirrituðum er ekki kunnugt um alvarleika meiðslanna. Orri Þórhallsson sem var frá vegna meiðsla í leiknum á undan kom inn í byrjunarliðið í stað Danans.
Jafnteflið dugði þó ekki til að minnka bilið upp í öruggt sæti, á milli umferða hefur bilið upp í 10. sæti aukist um eitt stig. KA og Grótta náðu bæði einu stigi úr sínum viðureignum og HK vann sinn leik. Áfram stöndum við Fjölnismenn í brekku og reikna má með að baráttan fyrir sæti í deildinni að ári standi alveg til loka mótsins. Því verður að leggja allt í sölurnar á mánudaginn þegar Valur kemur í heimsókn.
Andstæðingurinn
Aðra umferðina í röð mætir Fjölnir toppliði deildarinnar. Valur skaut sér í 1. sæti með sigri á Fylki í síðustu umferð. Valur hefur leikið átta leiki í sumar; fimm sigrar, eitt jafntefli og tvö töp. Staðan í deildinni mun þó eitthvað breytast áður en flautað verður til leiks í Grafarvogi á mánudag þar sem tveir leikir fara fram á sunnudag. Valur er annað af tveimur liðum deildarinnar sem er með fullt hús stiga á útivöllum. Því verður að breyta á mánudaginn. Öll stig Fjölnis í sumar hafa komið á útivöllum. Valur er það lið sem skorað hefur flest mörk í deildinni í sumar (ásamt ÍA). Þriðjung marka Vals hefur Patrick Pedersen skorað. Pedersen fór meiddur af velli í síðasta leik Vals, óvíst er hvort hann taki þátt í leiknum á mánudag. Þjálfari Vals er Heimir Guðjónsson.
Fyrri viðureignir félaganna
Alls hafa Fjölnir og Valur mæst sextán sinnum í deildarkeppni. Valur hefur unnið helming viðureignanna, Fjölnir unnið þrjár og fimm hafa endað með jafntefli. Leikir Fjölnis og Vals hafa oftar en ekki einkennst af mikilli markaskorun. Að meðaltali eru skoruð tæplega fjögur mörk í leikjum félaganna. Aldrei hafa liðin gert markalaust jafntefli. Í ljósi sögunnar má því búast við markaleik. Fjölmennum á völlinn, styðjum okkar lið og vinnum saman að því að gulir skori fleiri mörk en rauðir á mánudaginn.
Áfram Fjölnir!
#FélagiðOkkar
Grétar Atli Davíðsson
Miðasala á leikinn er hafin, nánar hér. Einnig verður hægt að kaupa miða við inngang.
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
21 – Christian Sivebæk
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Afreksskóli Fjölnis 2020
Afreksskóli Fjölnis í handbolta fer fram 4. - 20.ágúst í Fjölnishöllinni. Skráningin fer fram í gegnum vefverslun Fjölnis (https://fjolnir.felog.is/verslun). Hægt er að skrá sig á einstakar vikur.
Verð og námskeiðsdagar:
4. - 6.ágúst / 5900 kr
11. - 13.ágúst / 5900 kr
18. - 20.ágúst / 5900 kr
Ef allar vikurnar eru teknar þá kostar það 12.900 kr
**ATH BREYTING**
Æfingarnar eru kl. 12:00-13:00 á þriðjudögum, miðvikudögum og fimmtudögum og henta vel samhliða hefðbundnum handboltaæfingum sem hefjast eftir verslunarmannahelgi. Afreksskólinn verður sambland af fræðsluerindum og handboltaæfingum.
Afreksskólinn er fyrir þá sem verða í 7. - 10.bekk næsta vetur eða í 5. og 4.flokki félagsins.
Þjálfari Afreksskólans er Andri Sigfússon yfirþjálfari handknattleiksdeildar.
Handboltaskóli Fjölnis 2020
**ATH BREYTING**
Skólinn er frá kl. 09:00-12:00.
Handboltaskóli Fjölnis fer fram 4. - 21.ágúst nk. í Fjölnishöllinni. Skólinn er jafnt fyrir þá sem æfa hjá Fjölni og líka fyrir byrjendur.
DAGSETNINGAR OG VERÐ
4. - 7. ágúst / 5520 kr
10. - 14.ágúst / 6900 kr
17. - 21.ágúst / 6900 kr
Ef allar vikurnar eru teknar kostar það 15.900 kr
KLUKKAN HVAÐ?
13:00-16:00
HVAR?
Fjölnishöllin (nýja íþróttahúsið í Egilshöll)
HVERJA?
Stráka og stelpur sem eru að fara í 1. - 6.bekk næsta vetur. Byrjendur eru sérstaklega velkomnir
ÞJÁLFARAR
Dóra Sif Egilsdóttir er aðalleiðbeinandi. Andri Sigfússon er skólastjóri. Auk þeirra koma þjálfarar deildarinnar að þjálfun á námskeiðinu.
SKRÁNING
Fer fram í vefverslun Fjölnis (https://fjolnir.felog.is/verslun)
Byrjum veturinn með stæl og tökum þátt í handboltaskóla þar sem skemmtilegar og gagnlegar æfingar verða í fyrirrúmi.
Hægt er að skrá sig á einstakar vikur í handboltaskólnum. Einnig er hægt að skrá sig á heils dags námskeið og para þá námskeiðið með frístund sem yrði þá fyrir hádegi.
Upphitun. KR - Fjölnir
Pepsi Max deild karla
8. umferð
KR - Fjölnir
Miðvikudaginn 22. júlí kl. 20:15 á Meistaravöllum
Áfram erum við Fjölnismenn staddir í brekku eftir 0-3 tap gegn FH í síðustu umferð. Þrátt fyrir dapurt gengi í upphafi móts er það jákvætt að ennþá er stutt upp í öruggt sæti. HK og Grótta hafa einnig verið í töluverðu basli í upphafi móts, það er jákvætt í annars dapurri byrjun Fjölnis á Íslandsmótinu. Fjölnir situr í neðsta sæti deildarinnar með tvö stig eftir sjö leiki. HK situr í 10. sæti deildarinnar með fimm stig, einu stigi meira en Grótta. Staðan á botni deildarinnar getur því breyst skyndilega.
Andstæðingurinn
KR er ríkjandi Íslandsmeistari og situr á toppi deildarinnar með fimmtán stig eftir sex leiki. KR hefur tapað einum leik í sumar. Þá tapaði liðið mjög óvænt 0-3 gegn HK á heimavelli. Í síðustu umferð vann KR 0-3 sigur í Árbæ. Miðjumaðurinn Pablo Punyed hefur verið atkvæðamesti leikmaður KR í ár. Pablo, sem hóf feril sinn á Íslandi með Fjölni sumarið 2012, hefur skorað fjögur mörk í deildinni í sumar. Þjálfari KR er Rúnar Kristinsson. Markmið Rúnars og KR er að verja Íslandsmeistaratitil sinn, það hefur KR aldrei tekist undir stjórn Rúnars. Vonandi tekst Fjölni hindra Vesturbæinga í titilvörn sinni. Leikurinn á miðvikudag verður fyrri viðureign félaganna á aðeins átta dögum. KR og Fjölnir drógust saman í 16-liða úrsltum bikarkeppninnar og mætast á þeim vettangi fimmtudaginn 30. júlí.
Fyrri viðureignir liðanna
Síðustu þrír leikir Fjölnis og KR í A-deild hafa endað með jafntefli. Alls hafa liðin mæst fjórtán sinnum í efstu deild. KR hefur unnið helming viðureignanna, þrjár hafa endað með sigri gulra og fjórar með jafntefli. Fjölnir hefur áður komið á óvart á móti KR. Fyrsti heimaleikur Fjölnis í efstu deild var gegn Vesturbæjarliðinu. Fjölnir hafði lagt Þrótt í fyrstu umferð Íslandsmótsins sumarið 2008. Í annarri umferð komu KR-ingar í Grafarvog. KR komst yfir í fyrri hálfleik en Pétur Markan jafnaði fyrir Fjölni fimm mínútum síðar. Allt stefndi í jafntefli en í uppbótartíma síðari hálfleiks var víti dæmt á leikmann KR sem notað hafði hönd sína til að verja skalla Fjölnismanna. Úr vítaspyrnunni skoraði Gunnar Már Guðmundsson og allt ætlaði um koll að keyra í Grafarvogi. Lokatölur 2-1.
Fjölmennum í Vesturbæinn og hvetjum okkar pilta til sigurs.
Áfram Fjölnir!
#FélagiðOkkar
Grétar Atli Davíðsson
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
21 – Christian Sivebæk
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Upphitun. Fjölnir - FH
Pepsi Max deild karla
7. umferð
Fjölnir – FH
Laugardaginn 18. júlí kl. 16:00 á Extra vellinum
Eftir jafntefli gegn KA í síðustu umferð situr Fjölnir áfram á botni Pepsi Max deildarinnar. Fjölnir er með tvö stig, tveimur stigum á eftir Gróttu sem er í næsta sæti fyrir ofan fallsvæðið. Á milli Fjölnis og Gróttu situr KA með þrjú stig. Í næstu umferð mætast Grótta og KA. Það gerir leik Fjölnis og FH á laugardaginn enn mikilvægari í ljósi þess að Grótta og/eða KA mun(u) fá stig í næstu umferð. Með hliðsjón af stöðu Fjölnis í deildinni má raunar segja að næsti leikur hverju sinni sé mikilvægasti leikur tímabilsins.
Hans Viktor Guðmundsson lék sinn hundraðasta leik fyrir meistaraflokk Fjölnis í jafnteflinu við KA í upphafi vikunnar. Hansi spilaði lék sinn fyrsta leik fyrir meistaraflokk Fjölnis 25. maí 2015 þegar hann kom inná fyrir Daniel Ivanovski í 3-3 jafntefli á Hlíðarenda. Til hamingju með áfangann Hansi. Annað fagnaðarefni frá mánudeginum er það að Hallvarður Óskar Sigurðarson lék sinn fyrsta leik í sumar eftir baráttu við meiðsli. Hallvarður var að öðrum ólöstuðum öflugasti leikmaður Fjölnis á undirbúningstímabilinu áður en hlé var gert á því vegna kórónaveirunnar. Þá skoraði Orri Þórhallsson sitt fyrsta mark í efstu deild í 1-1 jafnteflinu við KA.
Andstæðingurinn
Eftir að hafa lagt HK og ÍA í fyrstu tveimur umferðum Íslandsmótsins hefur FH fengið eitt stig úr síðustu þremur leikjum. Fimleikafélagið tapaði 1-2 fyrir Fylki á mánudaginn, áður hafði FH tapað 1-4 fyrir Víkingi og gert 3-3 jafntefli við Breiðablik. FH er í 8. sæti deildarinnar með fimm stig. FH hefur leikið einum leik færra en flest lið deildarinnar. Sem fyrr er Steven Lennon öflugasti leikmaður FH. Lennon hefur skorað fimm af tíu mörkum FH í sumar. Eftir tap FH gegn Fylki í upphafi vikunnar hefur orðið þjálfarabreyting í Hafnarfirði. Ólafur Helgi Kristjánsson er stiginn frá borði til að taka við Esbjerg í Danmörku. Við hans starfi taka Logi Ólafsson og Eiður Smári Guðjohnsen.
Fjölnir og FH hafa mæst fjórtán sinnum í deildarkeppni. Allir leikirnir hafa verið í A-deild. Af þessum fjórtán leikjum hefur Fjölnir unnið tvo. Ellefu hafa endað með sigri Hafnarfjarðarliðsins og einn leikur með jafntefli. Báðir sigurleikir Fjölnis gegn FH áttu sér stað sumarið 2017. 2-1 sigur Fjölnis í Grafarvoginum á FH undir lok móts árið 2017 hafði það í för með sér að Fjölnir svo gott sem tryggði sæti sitt í deildinni það tímabilið. Eins og flestum Fjölnismönnum er kunnugt léku þessi lið til bikarúrslita árið 2007. Staðan eftir venjulegan leiktíma var 1-1 en FH skoraði eitt mark gegn engu marki Fjölnis í framlengingunni.
Mikill samgangur hefur verið á milli Fjölnis og FH í gegnum tíðina. Meðal leikmanna sem leikið hafa fyrir bæði félög eru Gunnar Már Guðmundsson, Atli Viðar Björnsson, Magnús Ingi Einarsson, Atli Guðnason, Guðmundur Karl Guðmundsson og margir fleiri.
Miðasala á leikinn er hafin, nánar hér.
Flykkjumst á völlinn. Áfram Fjölnir!
#FélagiðOkkar
Grétar Atli Davíðsson
Sjá einnig:
Leikmenn sem hafa leikið 100 leiki eða fleiri fyrir Fjölni*
Hans Viktor Guðmundsson – 100 leikir
Aron Sigurðarson – 103 leikir
Guðný Jónsdóttir – 104 leikir
Oddný Karen Arnardóttir – 106 leikir
Pétur Georg Markan – 108 leikir
Aníta Björk Bóasdóttir – 110 leikir
Ásgeir Aron Ásgeirsson – 110 leikir
Ómar Hákonarson – 111 leikir
Helena Konráðsdóttir – 112 leikir
Hrefna Lára Sigurðardóttir – 119 leikir
Þórir Guðjónsson – 125 leikir
Tinna Þorsteinsdóttir – 129 leikir
Sonný Lára Þráinsdóttir – 141 leikur
Kristjana Ýr Þráinsdóttir – 147 leikir
Íris Ósk Valmundsdóttir – 156 leikir
Bergsveinn Ólafsson – 162 leikir
Illugi Þór Gunnarsson – 164 leikir
Ásta Sigrún Friðriksdóttir – 189 leikir
Þórður Ingason – 194 leikir
Elín Heiður Gunnarsdóttir**
Þorvaldur Logason**
Leikmenn sem leikið hafa yfir 200 leiki fyrir Fjölni
Gunnar Valur Gunnarsson – 204 leikir
Guðmundur Karl Guðmundsson – 222 leikir
Gunnar Már Guðmundsson – 258 leikir
*Listinn er birtur með fyrirvara um að mögulega vanti örfáa leikmenn á listann. Listinn er unninn upp úr öðrum lista sem kynntur var þegar leikmenn með yfir 100 leiki fyrir Fjölni voru verðlaunaðir á stuðningsmannakvöldi vorið 2018. Allar ábendingar eru vel þegnar.
** Bæði Elín Heiður og Þorvaldur hafa leikið yfir 100 leiki fyrir Fjölni. Undirrituðum er ekki kunnugt um nákvæman leikjafjölda. Allar ábendingar eru vel þegnar.
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
21 – Christian Sivebæk
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Samið við þjálfara sunddeildar Fjölnis
Þjálfari óskast til að hafa umsjón með leikskólahópum
Fimleikadeild Fjölnis óskar eftir þjálfara til að hafa yfirumsjón með leiksskólahópum deildarinnar veturinn 2020 – 2021.
Um er að ræða æfingar sem fara fram á sunnudagsmorgnum. Hóparnir eru fimm talsins og eru iðkendur frá tveggja ára aldri.
Í tímunum er lögð áhersla á hreyfigetu og líkamsvitund með fjölbreyttum æfingum. Markmiðið er að vekja áhuga á fimleikum, byggja upp góðan grunn fyrir áframhaldandi fimleikaiðkun, kenna jákvæðan aga og reglur sem gilda í salnum.
Óskað er eftir ábyrgum aðila með menntun sem nýtist í starfi s.s íþróttafræðimenntun eða aðra sambærilega menntun.
Nánari upplýsingar veitir Íris Svavarsdóttir á iris@fjolnir.is eða í síma 694-8451.
Umsóknarfrestur er 6. ágúst 2020.
