Þrjár Fjölnisstúlkur í landsliðshóp EM
Þrjár frá Fjölni í landsliðshóp fyrir EM 2021 í hópfimleikum.
Hópfimleikastúlkurnar Kristín Sara Stefánsdóttir, Sunna Lind Bjarkadóttir og Guðrún Hrönn Sigurðardóttir voru allar valdar í landsliðshópa fyrir Evrópumótið í Danmörku 2021. Mótið mun fara fram 14. – 17 apríl í Kaupmannahöfn.
Kristín Sara var valin í blandað lið fullorðinna, Sunna Lind í stúlknalið og Guðrún Hrönn í blandað lið unglinga.
Einnig erum við stolt af því að Katrín Pétursdóttir okkar er þjálfari blandaðs liðs fullorðina.
Við óskum þessum flottu fulltrúum okkar innilega til hamingju með árangurinn og hlökkum til að fylgjast með þeim í þessari vegferð.
Verkefninu var formlega hrint af stað með fyrstu æfingarviku liðanna sem hófst í gær.
Hér má sjá landsliðshópana í heild sinni ásamt þjálfurum liðanna
Upphitun: Fjölnir - Grótta
Pepsi Max deild karla
5. umferð
Fjölnir – Grótta
Miðvikudaginn 8. júlí kl. 19:15 á Extra vellinum
Eftir vonbrigði síðustu umferðar situr Fjölnir enn í 11. sæti deildarinnar, einu stigi á eftir KA sem er í 10. sæti. KA hefur leikið einum leik færra en flest önnur lið deildarinnar. Næsti andstæðingur Fjölnis, Grótta, situr í neðsta sæti deildarinnar með jafn mörg stig og Fjölnir en lakara markahlutfall. Bæði lið hafa leikið fjóra leiki í sumar. Óþarfi er að eyða mörgum orðum í mikilvægi leiksins gegn Gróttu. Fjölnir og Grótta sitja í fallsætum deildarinnar og eru án sigurs að fjórum umferðum loknum. Í 2-1 tapinu gegn Fylki í síðustu umferð byrjaði Jón Gísli Ström sinn fyrsta leik í sumar. Nýju leikmennirnir Christian Sivebæk og Péter Zachán þreyttu frumraun sína er þeir komu inná sem varamenn eftir um sextíu mínútna leik gegn Fylki.
Andstæðingurinn
Fjölnir og Grótta komu saman upp úr B-deild síðasta sumar. Eins og flestum er kunnugt er Grótta nýliði í efstu deild. Grótta skoraði sín fyrstu mörk í og náði í sitt fyrsta stig í A-deild í síðustu umferð þegar liðið gerði 4-4 jafntefli við HK. Grótta og Fjölnir hafa sjö sinnum mæst í deildar- og bikarkeppnum. Fjölnir hefur unnð fjóra leiki og þrír leikir hafa endað með jafntefli. Báðar viðureignir liðanna á síðustu leiktíð enduðu með markalausu jafntefli. Ágúst Gylfason, þjálfara Gróttu, þarf vart að kynna fyrir Fjölnismönnum. Ágúst lék á sínum tíma 22 leiki fyrir Fjölni áður en hann stýrði Fjölni í 145 leikjum. Ágúst hóf þjálfaraferil sinn sem aðstoðarmaður Ásmundar Arnarssonar hjá Fjölni. Þrátt fyrir að hafa stýrt Fjölni yfir langt tímabil á Ágúst þó töluvert langt í land með að ná Ásmundi Arnarssyni sem stýrt hefur Fjölni í tæplega 200 leikjum.
Eftir magra stigasöfnun í upphafi móts er tími til kominn að hefja stigasöfnun í deildinni fyrir alvöru. Mætum sem flest á völlinn á miðvikudag og styðjum okkar lið til sigurs. Áfram Fjölnir!
#FélagiðOkkar
Miðasala á leikinn er hafin, nánar hér.
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
21 – Christian Sivebæk
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Grétar Atli Davíðsson
Sjá einnig:
![](https://fjolnir.is/wp-content/uploads/2020/07/Screenshot-2020-07-07-at-11.05.37.png)
Upphitun. Fjölnir - Fylkir
Pepsi Max deild karla
4. umferð
Fjölnir - Fylkir
Laugardaginn 4. júlí kl. 14:00 á Extra vellinum
Fjölnir situr í 11. sæti deildarinnar með eitt stig eftir þrjá leiki, tveimur stigum á eftir Fylki. Fjölnir hefur eingöngu leikið gegn liðum sem búsit er við að verði í efri hluta deildarinnar í sumar. Fyrir tímabilið var hvorki búist við Fjölni né Fylki í efri hluta deildarinnar. Það er því ljóst að um gríðarlega mikilvægan leik er að ræða. Fylkismenn fengu sín fyrstu stig í sumar með sigri á Gróttu í síðustu umferð. Fjölnir tefldi fram óbreyttu byrjunarliði í fyrstu tveimur umferðum deildarinnar. Ein breyting var gerð á byrjunarliðinu í 1-3 tapinu gegn Blikum í síðustu umferð. Valdimar Ingi Jónsson fór úr byrjunarliðinu og inn kom Örvar Eggertsson. Hinn tvítugi Kristófer Óskar Óskarsson sneri til baka úr meiðslum í leiknum gegn Blikum og lék sinn fyrsta leik í efstu deild er hann kom inná sem varamaður. Kristófer, sem skoraði fjögur mörk í sautján leikjum á síðasta tímabili, getur leikið bæði sem kanntmaður og framherji.
Breytingar á leikmannahópi
Tveir leikmenn hafa bæst við leikmannahóp Fjölnis frá síðasta leik. Danski kanntmaðurinn Christian Sivebæk kom til Fjölnis frá danska liðinu Viborg. Christian er 32 ára hávaxinn reynslumikill leikmaður sem á að baki fjölmarga leiki í tveimur efstu deildunum í Danmörku með Viborg, Velje og Midtjylland. Auk þess var hann áður á mála hjá Seattle Sounders í MLS deildinni. Í fyrstu upphitunarfærslu sumarsins var fjallað um þá staðreynd að í fyrsta sinn væri enginn í leikmannahópi Fjölnis eldri en félagið okkar. Sú staðreynd hefur ekki breyst. Christian er átta dögum yngri en Fjölnir.
Einnig samdi Fjölnir við ungverska varnarmanninn Péter Zachán. Péter er 22 ára hávaxinn réttfættur leikmaður sem á leiki með U-21 landsliði Ungverjalands. Péter var síðast á mála hjá Paksi FC í efstu deild í heimalandinu en hefur einnig verið á láni hjá VLS Veszprém og Szekszárdi UFC þar í landi. Bæði Péter og Christian sömdu við Fjölni um að leika með liðinu út yfirstandandi leiktíð. Á sama tíma og Fjölnir fékk til sín tvo leikmenn var varnarmaðurinn Eysteinn Þorri Björgvinsson lánaður í Þrótt Vogum sem leikur í 2. deild. Eysteinn hafði ekkert komið við sögu það sem af er tímabili.
Hvað segir sagan?
Fjölnir og Fylkir hafa mæst 15 sinnum í deildar- og bikarkeppnum. Fjölnir hefur yfirhöndina í sögulegu ljósi. Fjölnir hefur sigrað sex leiki og Fylkir fjóra. Fimm viðureignir liðanna hafa endað með jafntefli. í 32 ára sögu Fjölnis má færa rök fyrir því að tveir af stærstu sigrum Fjölnis hafi verið gegn Fylki. Félagið okkar tryggði sér sæti í bikarúrslitum árin 2007 og 2008 með því að leggja Fylki í undanúrslitum bæði árin. Fjölnismenn hafa því miður ekki alltaf farið glaðir heim eftir viðureignir sínar við Fylki. Segja má að Fjölnir eigi harma að hefna eftir síðustu viðureigna liðanna sem fram fór í lokaumferð Íslandsmótsins 2018. Á vef Knattspyrnusambands Íslands er að finna upplýsingar um allar viðureignir liðanna frá árinu 2001. Séu úrslit skoðuð í öllum flokkum, í öllum mótum og hjá báðum kynjum kemur í ljós að gríðarlegt jafnfræði er með liðunum. Frá árinu 2001 hafa liðin mæst rúmlega 700 sinnum. Fjölnir hefur unnið 237 leiki, Fylkir 238 og 235 leikir hafa endað með jafntefli.
Miðasala á leikinn er hafin, nánar hér.
Sjáumst á vellinum. Áfram Fjölnir!
#FélagiðOkkar
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 - Péter Zachán
21 - Christian Sivebæk
23 – Örvar Eggertsson
25 – Sigurjón Daði Harðarson (m)
27 – Dagur Ingi Axelsson
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Grétar Atli Davíðsson
Sjá einnig
Fyrri viðuregnir liðanna í deidarkeppni og í bikar
Ferilsyfirlit Christian Sivebæk
Ferlisyfirlit Péter Zachán
Fjölnir á Facebook og Twitter
Fylkir - Fjölnir á Facebook
Góður árangur á Íslandsmótinu utanhúss 2020
Tennisfólk Fjölnis stóð sig með miklum ágætum á nýafstöðnu Íslandsmóti utanhúss.
Hera Björk Brynjarsdóttir vann í tviliðaleik (með Birki Gunnarssyni) og tvennda (með Önnu Soffiu Grönholm) og var 2. sæti í einliðaleik.
Eva Diljá Arnþórsdóttir vann Georginu Aþenu Erlendsdóttur (báðarhjá Fjölni) í einliðaleik U-18. Eva Diljá og Eygló Dís Ármannsdóttir voru í 2. sæti í tviliðaleik U-18.
Eva Diljá vann á móti Eygló í einliða U-16 og þá var Eygló í 2. sæti U-16 og Saule Zukauskaite í 3.sæti.
Þá varð Eygló Dís Ármannsdóttir Íslandsmeistari í U-14 og lenti Saulé í 2.sæti.
Eygló og Saulé voru Íslandsmeistarar U-14 í tviliða. Saule Zukauskaite var svo Íslandsmeistari í U12. Í flokk stráka U10 var Björn August Björnsson Schmitz í 2.sæti , á meðan Eyja Linares Autrey var í 2.sSæti í einliða U-10 stelpur.
Óskar Knudsen og Guðrún Þóra Magnusdóttir voru í 3. sæti í 30+ tvenndarleik. Reynir Eyvindsson hreppti 2. sæti í +50 einliða og 3. sæti í +30 tviliða. Loks varð Ólafur Helgi Jónsson Íslandsmeistari í +50 einliða og var í 3. sæti í +40 einliða.
Við óskum öllum innilega til hamingju með árangurinn
Áminning á tímum Covid-19
Uppfært 29.06.20 kl. 10:00:
Við viljum minna þá á sem sækja svæði Fjölnis að virða tilmæli Almannavarna, huga að handþvotti og almennu hreinlæti ásamt því virða 2 metra regluna fyrir þá sem þess óska. Þeir sem finna fyrir einkennum eða eru slappir eru hvattir til að vera heima og gera ráðstafanir s.s. að fara í skimun.
Höldum FÓKUS og stöndum saman!
Upphitun: Breiðablik - Fjölnir
Pepsi Max deild karla
3. umferð
Breiðablik – Fjölnir
Mánudaginn 29. júní kl. 19:15 á Kópavogsvelli
Fyrsti sigur Fjölnis í sumar kom síðastliðið miðvikudagskvöld er okkar piltar slógu Selfyssinga úr leik í 32-liða úrslitum Mjólkurbikarsins. Lokatölur 3-2. Ásmundur Arnarsson stillti upp óbreyttu byrjunarliði í fyrstu tveimur umferðum Pepsi Max deildarinnar en í bikarleiknum gegn Selfossi voru gerðar þrjár breytingar á byrjunarliðinu. Úr byrjunarliðinu fóru Atli Gunnar Guðmundsson, Valdimar Ingi Jónsson og Grétar Snær Gunnarsson. Inn í liðið komu Viktor Andri Hafþórsson, Örvar Eggertsson og markvörðurinn efnilegi Sigurjón Daði Harðarson. Viktor og Sigurjón koma báðir úr 2001 árgangi Fjölnis, ásamt þeim Jóhanni Árna Gunnarssyni og Orra Þórhallssyni sem byrjað hafa alla leiki tímabilsins.
Sigurjón, sem fékk eldskírn í meistaraflokki með Vængjum Júpíters á síðasta tímabili, var að leika sinn fyrsta meistaraflokksleik fyrir Fjölni. Þeir Örvar og Viktor voru báðir í byrjunarliði í fyrsta sinn í gulu treyjunni. Viktor skoraði sitt fyrsta mark í meistaraflokki í sigrinum gegn Selfossi. Aðrir markaskorarar Fjölnis voru Jón Gísli Ström og Ingibergur Kort Sigurðsson. Leikurinn var hundraðasti sigurleikur Guðmundar Karls Guðmundssonar á hans ferli. Dregið hefur verið í 16-liða úrslit keppninnar og mætir Fjölnir KR í lok júlí.
Eftir jafntefli gegn Víkingi í fyrstu umferð og tap gegn Stjörnunni í öðrum leik sumarsins situr Fjölnir í 10. sæti deildarinnar með eitt stig. Breiðablik er eitt þriggja liða sem hefur unnið báða sína leiki í deildinni í ár. Blikar lögðu nýliða Gróttu 3-0 í fyrstu umferð áður en þeir lögðu Árbæinga 0-1. Þá bar Breiðablik sigurorð á Keflavík, 3-2, í 32-liða úrslitum Mjólkurbikarsins.
Nú er tími til kominn fyrir okkur Fjölnismenn að rétta hlut okkar í viðureignum við Breiðablik. Í átján deildarleikjum gegn Breiðabliki hefur Fjölnir unnið tvo leiki og hafa þrír leikir endað með jafntefli. Eitt skrautlegasta mark sem skorað hefur verið á Fjölnisvelli kom í sigri Fjölnis á Blikum í upphafi móts fyrir þremur árum þegar núverandi fyrirliði Fjölnis, Hans Viktor Guðmundsson, skoraði með bakinu. Í báðum sigrum Fjölnis á Breiðabliki hefur Hans Viktor skorað mark.
Á meðal manna sem spilað hafa fyrir bæði Fjölni og Breiðablik má nefna Kristófer Skúla Sigurgeirsson, Martin Lund Pedersen og Ágúst Þór Ágústsson. Þá lék Ásmundur Arnarsson nokkra leiki fyrir Breiðablik fyrir tveimur áratugum síðan.
Miðasala á leikinn er hafin, nánar hér.
Sjáumst á vellinum. Áfram Fjölnir!
#FélagiðOkkar
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
23 – Örvar Eggertsson
25 – Sigurjón Daði Harðarson (m)
27 – Dagur Ingi Axelsson
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
33 – Eysteinn Þorri Björgvinsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Grétar Atli Davíðsson
Sjá einnig:
Fyrri viðureignir liðanna
Fjölnir á Facebook og Twitter
Viðburður á Facebook
Laust starf í sunddeild Fjölnis
24/06/2020umsókn,Sund,sund,Starfsumsókn,starfsundskóli
Sunddeild Fjölnis óskar eftir einstaklingi til að sjá um sundskóla sund-deildarinnar næsta vetur. Sundskólinn er fyrir börn á aldrinum 3-6 ára og er staðsettur í innilaug Grafarvogslaugar. Kennt er seinnipart dags alla virka daga og hefst kennsla í lok ágúst/byrjun september.
Leitað er eftir einstaklingi 20 ára og eldri og æskilegt er að viðkomandi sé með menntun á sviði þjálfunar auk þess að hafa reynslu af þjálfun barna.
Hægt er að óska eftir nánari upplýsingum og senda skal umsóknir til stjórnar deildarinnar á netfangið sund@fjolnir.is. Umsóknarfrestur er til 9. júlí 2020.
32-liða úrslit Mjólkurbikars karla. Fjölnir - Selfoss
Mjólkurbikar karla
32-liða úrslit
Fjölnir – Selfoss
Miðvikudaginn 24. júní kl. 19:15 á Extra vellinum
Þá er komið að því að Fjölnir hefji leik í Mjólkurbikar karla þetta árið. Líkt og önnur úrvalsdeildarlið kemur Fjölnir inn í bikarkeppnina í 32-liða úrslitum. Ásmundur Arnarsson hefur stillt upp sama byrjunarliði í fyrstu tveimur umferðum Pepsi Max deildarinnar. Athyglisvert verður að sjá hvort ný andlit komi inn í byrjunarliðið. Í tapinu gegn Stjörnunni í síðasta leik skoraði Jóhann Árni Gunnarsson sitt fyrsta mark í efstu deild og nýliðinn Örvar Eggertsson lék sinn fyrsta leik fyrir Fjölni. Fáir hafa leikið bæði fyrir Fjölni og Selfoss. Undirrituðum er ekki kunnugt um fleiri en Tómas Leifsson, Ragnar Heimi Gunnarsson, Ágúst Örn Arnarson og Geir Kristinsson, sem nú er formaður meistaraflokksráðs karla hjá Fjölni, sem leikið hafa fyrir bæði félög.
Andstæðingurinn
Selfoss endaði síðasta tímabil í 3. sæti 2. deildar, einu stigi frá sæti í 1. deild. Selfoss lagði Snæfell 5-0 í fyrstu umferð bikarkeppninnar í ár. Í annarri umferð bar Selfoss sigurorð á Hvíta riddaranum, 0-1. 2. deild karla hófst í síðustu viku, þar unnu Selfyssingar 3-4 sigur á Kára. Þekktasti og besti leikmaður Selfoss er eflaust markahrókurinn Hrvoje Tokic. Tokic skoraði 24 mörk í 22 leikjum með Selfossi á síðasta tímabili. Framherjinn gerði sér lítið fyrir og skoraði þrennu í sigri liðsins á Kára. Annar lykilmaður í liði Selfoss er hinn 17 ára Guðmundur Tyrfingsson. Guðmundur er einnig markaskorari og gerði hann fernu í fyrstu umferð bikarkeppninnar. Þjálfari Selfoss er Dean Martin. Besti árangur Selfoss í bikarkeppni er að hafa leikið til undanúrslita árin 1969 og 2016.
Hvað segir sagan?
Fjölnir og Selfoss hafa mæst níu sinnum í deildar- og bikarkeppnum. Fjölnir hefur unnið fimm leki, Selfoss þrjá og einu sinni hefur leik lokið með jafntefli. Áhorfendur þurfa þó ekki að hafa áhyggjur af jafntefli í leik liðanna á miðvikudag, leikið verður til þrautar verði jafnt að venjulegum leiktíma liðnum. Síðustu viðureign liðanna lauk með 3-0 sigri Fjölnis. Leikurinn var hluti af mögnuðum endaspretti Fjölnis í 1. deild karla haustið 2013 sem lauk með deildarmeistaratitli félagsins. Steinar Örn Gunnarsson er eini núverandi leikmaður Fjölnis sem var í leikmannahópi liðsins í umræddum leik. Einu sinni áður hafa Fjölnir og Selfoss mæst í bikarkeppni KSÍ. Liðin drógust saman í sömu umferð keppninnar árið 2011. Þeim leik lauk með 1-0 sigri Fjölnis. Það ár komst Fjölnir í 8-liða úrslit keppninnar.* Það er besti árangur Fjölnis í bikarkeppninni frá bikarúrslitaleikjunum á árunum 2007 og 2008. Kæra Fjölnisfólk, fjölmennum á völlinn, hvetjum félagið okkar til sigurs og leyfum okkur að dreyma.
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
23 – Örvar Eggertsson
25 – Sigurjón Daði Harðarson (m)
27 – Dagur Ingi Axelsson
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
33 – Eysteinn Þorri Björgvinsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Miðasala á leikinn er hafin, nánar hér. Rétt er að minna á að árskort á Extra völlinn gilda ekki á leiki í bikarkeppni.
Sjáumst á vellinum. Áfram Fjölnir!
#FélagiðOkkar
Grétar Atli Davíðsson
*Fjölnir fór einnig í 8-liða úrslit árið 2015.
Sjá einnig:
Fyrri viðureignir liðanna
Viðburður á Facebook
Fjölnir á Facebook og Twitter
![](https://fjolnir.is/wp-content/uploads/2020/06/Fj%C3%B6lnir-Selfoss-instafb.jpg)
Domino's styður Fjölni
,,Domino’s styður við Fjölni!
Á tímabilinu 22. – 28. júní fá allir stuðningsmenn Fjölnis 20% afslátt af sóttum pizzum af matseðli með því að nota kóðann FJOLNIR þegar pantað er á vef/appi 🍕
Þar að auki mun 👉 Domino’s láta 20% af öllum pöntunum með kóðanum renna beint til Fjölnis 👈 svo við hvetjum okkar fólk til að panta! Margt smátt gerir eitt stórt! 😊“
#FélagiðOkkar
![](https://fjolnir.is/wp-content/uploads/2020/06/DOM_VEF_Ithrottir_FB_1200x1200.png)