Janúar fréttabréf - RIG, Nordics og byrjun annar
RIG 2024
Advanced Novice Women
Það voru þrír keppendur frá Fjölni sem kepptu í Advanced Novice flokki sem innihélt einnig skautara frá Hollandi, Ítalíu og Frakklandi. Voru alls 11 keppendur í flokkinum. Berglind Inga, Elín Katla og Elva Ísey voru keppendurnir sem hófu keppni á föstudeginum með stutta prógramminu og kláruðu svo frjálsa prógrammið á laugardeginum.
Berglind Inga byrjaði föstudaginn á því að fá 23.45 stig fyrir sitt prógram á föstudeginum. Á laugardeginum fékk Berglind svo 43.79 stig fyrir frjálsa prógrammið og endaði því með 67.23 heildarstig.
Elín Katla fékk 29.29 stig fyrir sitt stutta prógram á föstudeginum. Í frjálsa prógramminu á laugardeginum fékk hún 53.71 stig fyrir sitt framlag á svellinu og endaði hún því á að fá 83.00 stig sem tryggði henni 3.sætið á mótinu!
Elva Ísey tók föstudaginn og fékk 20.56 stig fyrir stutta prógrammið. Á laugardeginum tók hún ásamt öðrum frjálsa prógrammið og fékk fyrir það 31.85 stig og endaði því með 52.41 heildarstig.
![](https://fjolnir.is/wp-content/uploads/2024/01/a075aca0-2627-45f9-8773-0a64d9126510.jpg)
![](https://fjolnir.is/wp-content/uploads/2024/02/Capture.png)
![](https://fjolnir.is/wp-content/uploads/2024/02/IMG_6053-e1706781875728.jpeg)
Junior Women
Lena Rut var okkar fulltrúi í Junior Women flokki þar sem að 7 keppendur frá Finnlandi, Filipseyjum, Argentínu, Bretlandi og Danmörku tóku þátt. Á laugardeginum hóf Junior flokkur keppni á RIG með stutta prógramminu. Fékk Lena 39.25 stig fyrir sitt stutta prógramm. Á sunnudeginum tók hún svo frjálsa prógrammið þar sem hún fékk 65.54 stig. Með þessu endaði hún með heildarstig upp á 104.79 stig sem skilaði henni 4.sætinu á mótinu.
![](https://fjolnir.is/wp-content/uploads/2024/02/Capture1.png)
Senior Women
Fulltrúi Fjölnis í Senior Women flokki var Júlía Sylvía og keppti hún ásamt 3 öðrum keppendum frá Indlandi, Hollandi og Danmörkur. Stutta prógrammið var tekið á laugardeginum og fékk Júlía 40.35 stig fyrir sitt prógram. Á sunnudeginum var svo frjálsa prógrammið tekið þar sem að Júlía fékk 87.92 stig. Með þessu fékk hún 128.27 heildarstig. Með því náði hún að tryggja sér sigur á seinni degi og endaði í 1.sæti í Senior Women.
Er þetta í fyrsta skipti sem að íslenskur skautari fær gullverðlaun í Senior flokki á alþjóðlegu móti á listskautum!
![](https://fjolnir.is/wp-content/uploads/2024/01/94c7b61a-475b-4bd6-b8a6-6518b49bc2d3.jpg)
Interclub
Það voru sex skautarar frá Fjölni sem tóku þátt í Interclub móti RIG. Arna Dís, Ermenga Sunna og Sóley Björt tóku þátt í Basic Novice Girls flokki. Maxime og Suri Han tóku þátt í Cubs flokki og svo var Elisabeth Rós í Chicks flokki.
Allir þessir flokkar fóru fram á föstudeginum og var það Elisabeth Rós í Chicks flokk sem tók á skarið fyrir okkar hóp. Næsti hópur þar á eftir var svo Cubs flokkur þar sem að Maxime og Suri fóru á svellið og sýndu sína takta. Efnilegir skautara sem voru þarna á ferðinni og góð reynsla fyrir framtíðina þeirra.
Næst var það Basic Novice flokkurinn sem innihélt 15 keppendur frá Íslandi, Frakklandi, Hollandi, Ítalíu og Danmörku. Arna Dís fór fyrst á svellið og stóð sig með mikill príði og endaði með 33.20 stig sem skilaði henni 3.sæti í sínum flokki og þar af leiðandi sæti á verðlaunapallinum. Sóley Björt var næst af okkar skauturum á svellið og endaði hún á að fá 18.84 stig fyrir sitt prógram sem skilaði henni 14.sæti. Seinust var Ermenga Sunna sem tók sitt prógram og fékk hún 30.17 stig fyrir það og endaði í 4.sæti.
Góð reynsla fyrir okkar skautara og óskum við þeim til hamingju með árangur sinn!
![](https://fjolnir.is/wp-content/uploads/2024/02/download.jpg)
![](https://fjolnir.is/wp-content/uploads/2024/01/417444972_10159976002072810_1677648702999954397_n.jpg)
Norðurlandamót
Næst á dagskrá er Norðurlandamót í Svíþjóð sem fer fram 1.-4. febrúar. Í þeirri ferð er Fjölnir með fjóra keppendur og eru það Elín Katla og Berglind Inga sem taka þátt í Advanced Novice Women, Lena Rut sem tekur þátt í Junior Women og Júlía Sylvía sem tekur þátt í Senior Women. Hvetjum við ykkur til að fylgjast með á okkar miðlum sem og miðlum Skautasambandsins (skatingicelandofficial á instagram; Skautasamband Íslands – ÍSS á Facebook).
Byrjun annar
Rétt eftir áramót hófst ný önn hjá okkur og hefur hún farið vel af stað. Fjöldinn allur af ungum og efnilegum skauturum hafa lagt leið sína í skautaskólann. Allt frá algerum byrjendum og yfir í skautara sem eru við það að komast í næsta hóp.
Fyrir þau sem eru að spá í að skrá sig er hægt að fá allar upplýsingar um hvernig það er gert hér.
Eins til að fá upplýsingar um æfingartíma hjá okkur er hægta að ýta hér.
![](https://fjolnir.is/wp-content/uploads/2024/02/PXL_20240110_164437665.MP_-e1706782305482.jpg)
Kosningar í stjórnir - Aðalfundir deilda
Hefur þú áhuga á stjórnarstörfum?
Aðalfundir deilda fara fram í febrúar. Við hvetjum alla áhugasama til að gefa kost á sér og taka þátt í að byggja upp frábæra starfið okkar!
Til að gefa kost á sér þarf að senda tölvupóst á netfangið: gummi@fjolnir.is ekki seinna en 5 dögum fyrir aðalfund. Nákvæmar tímasetningar funda koma inn bráðlega.
Verkefni stjórna geta verið mismunandi milli deilda og eftir eðli starfsemi deildarinnar.
Helstu verkefni stjórna eru:
- Miðla upplýsingum og fyrirspurnum á réttan veg milli skrifstofu, þjálfara, foreldra
- Passa að öll skipulagsvinna sé unnin tímanlega og upplýsingum skilað inn til skrifstofu á réttum tíma, sbr. æfingagjöld, sumarnámskeið, sérstök námskeið, fréttir sem deildin vill vekja athygli á
- Þátttaka í fjáröflunum deildarinnar og félagsins
- Uppsetning æfingagjalda
- Ráðningar þjálfara, í samvinnu við framkvæmdastjóra félagsins
- Sækja um styrki fyrir deildina
- Virkja foreldra og sjálfboðaliða í félagsstarfið
- Veita aðhald og ábyrgð á rekstri deildarinnar
- Þátttaka í mótun uppeldis- og afreksstefna í samvinnu við þjálfara og starfsfólk deildarinnar
- Skipuleggja og sjá um að manna sjálfboðaliða á mót og viðburði á vegum deildarinnar
Formaður
Formaður er verkstjóri deildarinnar. Hann sér um samskipti við aðalstjórn og skrifstofu Fjölnis sem lúta að rekstri og umhverfi deildarinnar. Hann er oft aðaltengiliður deildarinnar við sérsambönd.
Gjaldkeri
Gjaldkerar hafa sýniaðgang á reikninga deildarinnar og bera ábyrgð á að gera fjárhagsáætlanir og fylgja þeim eftir. Gjaldkerar halda utan um fjárhag deilda og senda inn beiðnir til skrifstofu um launagreiðslur og aðrar greiðslur.
Ritari
Ritarar sjá um að halda utan um skjöl deildarinnar sem og rita fundargerðir á stjórnarfundum.
Meðstjórnendur
Meðstjórnendur taka að sér tilfallandi verkefni sem formaður heldur utan um. T.d. aðstoð og skipulag við mótahald eða aðra viðburði.
Skrifstofa Fjölnis sér um:
- Sækja um og fá úthlutuðum æfingatímum í íþróttahúsum
- Allar fjárreiður
- Allt sem tengist æfingagjöldum og uppsetningar í skráningarkerfi félagsins
- Uppfæra æfingatíma á fjolnir.is skv. upplýsingum þjálfara
- Skráningar og aðstoð við skráningar
- Að svara fyrirspurnum varðandi starfið
- Yfirferð og afstemming á bókhaldi
- Búningasamninga
- Samskipti í erfiðum málum
Kosið verður um þá aðila sem hljóta sæti í stjórnum á aðalfundum hverrar deildar fyrir sig.
Frábær árangur Saule á TEN-PRO Global Junior Tour 2023 tryggði henni efsta sætið í sínum aldursflokki!
Saule Zukauskaite hefur hlotið titilinn leikmaður númer 1 í U16 eftir uppgjör TEN-PRO Global Junior Tour sem fór fram yfir árið 2023. Frá öllum tennisspilurum, alls staðar að úr heiminum, sem kepptu á 2023 túrnum hlaut hún flest stig í sínum aldursflokki.
Við óskum Saule innilega til hamingju með þennan frábæra árangur!
Happdrættisvinningar frá Þorrablóti Grafarvogs 2024
Ungmennafélagið Fjölnir þakkar öllum þorrablótsgestum innilega fyrir meiriháttar kvöld síðastliðinn laugardag!
Nú hefur verið dregið úr happdrættinu. Hægt er að nálgast vinningana á skrifstofu Fjölnis í Egilshöll til 26. apríl gegn framvísun happdrættismiða með vinningsnúmeri. Við hvetjum þó alla til þess að sækja vinningana sem fyrst! Opnunartími skrifstofu er frá 9-12 og 13-16 alla virka daga en oft er einhver við til 17:00.
ATH! Þorrablótsmiðinn er ekki happdrættismiði.
Einnig langar okkur að þakka öllum þeim fyrirtækjum sem sáu sér fært um að styrkja okkur með frábærum vinningum fyrir happdrættið kærlega fyrir stuðninginn!
Hér fyrir neðan má sjá vinningaskrána.
Vinningur | Númer miða |
---|---|
Iceland Air - 25.000 kr. gjafabréf | 1759 |
Iceland Air - 25.000 kr. gjafabréf | 0353 |
Ísbúð Huppu - 2.500 kr. gjafabréf | 0312 |
Minigarðurinn - 9 holu hringur á minigolfvelli Minigarðsins fyrir allt að 4 manns | 2601 |
Arena Gaming - 10.000 kr. gjafabréf | 0650 |
Arena Gaming - 10.000 kr. gjafabréf | 0691 |
Hlöllabátar - 2x bátur og gos | 0696 |
Fætur toga - Göngugreining fyrir einn og feetunes sokkapar | 0666 |
Hreyfing - Hreyfing Spa og Lúxusmánuður | 1771 |
Hreyfing - Hreyfing Spa og Lúxusmánuður | 0289 |
Hreyfing - Hreyfing Spa og Lúxusmánuður | 2415 |
Hreyfing - Hreyfing Spa og Lúxusmánuður | 0372 |
Ísorka - 50.000 kr. gjafabréf | 2529 |
Perlan - Miðar fyrir 2 fullorðna og 2 börn á sýningu Perlunnar | 1057 |
Þjóðleikhúsið - 14.500 kr. gjafabréf | 0703 |
Þjóðleikhúsið - 14.500 kr. gjafabréf | 0770 |
Þjóðleikhúsið - 14.500 kr. gjafabréf | 2001 |
Þjóðleikhúsið - 14.500 kr. gjafabréf | 0754 |
Þjóðleikhúsið - 14.500 kr. gjafabréf | 1878 |
Þjóðleikhúsið - 14.500 kr. gjafabréf | 0409 |
Þjóðleikhúsið - 14.500 kr. gjafabréf | 0467 |
Þjóðleikhúsið - 14.500 kr. gjafabréf | 0731 |
Þjóðleikhúsið - 14.500 kr. gjafabréf | 0491 |
Þjóðleikhúsið - 14.500 kr. gjafabréf | 2316 |
Emmessís - Gjafabréf fyrir ísveislu | 2322 |
Hafið fiskverslun | 0346 |
Hafið fiskverslun | 0569 |
Hafið fiskverslun | 1209 |
MS - Kassi af hleðslu | 1167 |
MS - Kassi af hleðslu | 1182 |
Himbrimi gin - 500 ml | 0796 |
Himbrimi Old Tom gin - 700 ml | 2420 |
Og natura - Wild Icelandic Dry Gin - 700 ml | 0599 |
Og natura - Wild Icelandic Pink Gin - 700 ml | 0984 |
Og natura - Wild Gin Oak aged Old Town - 700 ml | 1194 |
Shake and Pizza - Frí pizza af matseðli | 0921 |
Shake and Pizza - Frí pizza af matseðli | 0638 |
Shake and Pizza - Frí pizza af matseðli | 2165 |
Shake and Pizza - Frí pizza af matseðli | 0112 |
Keiluhöllin - 50 mín keila fyrir allt að 6 manns | 1803 |
Keiluhöllin - 50 mín keila fyrir allt að 6 manns | 1786 |
Keiluhöllin - 50 mín keila fyrir allt að 6 manns | 1117 |
Keiluhöllin - 50 mín keila fyrir allt að 6 manns | 0046 |
Prikið - 7.500 kr. gjafabréf | 2011 |
Klifurhúsið - Gjafamiði í klifur fyrir tvo ásamt skóm | 0352 |
Klifurhúsið - Gjafamiði í klifur fyrir tvo ásamt skóm | 0118 |
Skreið - 5.000 kr. gjafabréf | 1123 |
Serrano - 2x burrito eða quesadilla | 0399 |
Serrano - 2x burrito eða quesadilla | 2219 |
Giljaböðin á Húsafelli - Töfrandi ferð fyrir tvo með leiðsögn í íslenskri náttúru sem endar í náttúruböðum | 2276 |
Metta Sport - 10.000 kr. gjafabréf | 0776 |
Lín Design - 10.000 kr. gjafabréf | 2156 |
Topphár - Gjafaaskja frá Milkshake að andvirði 7.500 kr. | 2475 |
Margt Smátt / Teamsport - 20.000 kr. gjafabréf | 0690 |
Subway - 2x frímiði fyrir 6 tommu bát, vefju eða salat og gos | 0324 |
Subway - 2x frímiði fyrir 6 tommu bát, vefju eða salat og gos | 0449 |
Subway - 2x frímiði fyrir 6 tommu bát, vefju eða salat og gos | 0060 |
Tennishöllin - Gjafabréf fyrir tennis eða padel | 1189 |
Tennishöllin - Gjafabréf fyrir tennis eða padel | 2281 |
Nonnabiti - Hamborgaramáltíð | 0017 |
Nonnabiti - Ostborgaramáltíð | 0891 |
Nonnabiti - Bátur og gos | 2440 |
Elding - Gjafabréf í hvalaskoðun | 0708 |
Borgarleikhúsið - 22.000 kr. gjafabréf | 0070 |
Borgarleikhúsið - 22.000 kr. gjafabréf | 1821 |
Borgarleikhúsið - 16.000 kr. gjafabréf | 0374 |
Domino's Pizza - 7.500 kr. gjafabréf | 0798 |
Domino's Pizza - 7.500 kr. gjafabréf | 0412 |
New Wave Iceland - HOLD blómavasi að andvirði 11.900 kr. | 0360 |
New Wave Iceland - Picnic glös að andvirði 4.500 kr. | 2369 |
New Wave Iceland - Picnic glös að andvirði 4.500 kr. | 0828 |
New Wave Iceland - Há picnic glös að andvirði 4.500 kr. | 2003 |
New Wave Iceland - Há picnic glös að andvirði 4.500 kr. | 2329 |
Noztra - 10.000 kr. gjafabréf | 0459 |
ÓJK-ÍSAM - Gjafapoki | 0390 |
ÓJK-ÍSAM - Gjafapoki | 1162 |
Borðspil: Sjónarspil með 18+ viðbótarpakka | 0337 |
Borðspil: Sjónarspil | 1522 |
Borðspil: Sjónarspil | 0642 |
Borðspil: Sjónarspil | 0570 |
Handknattleiksbókin - Saga handknattleiksins á Íslandi - Bindi I og II | 0567 |
Safntreyja frá 30 ára afmæli Fjölnis | 2021 |
Nói Siríus - Gjafapoki | 0436 |
Nói Siríus - Gjafapoki | 1054 |
Nói Siríus - Gjafakarfa | 1863 |
Nói Siríus - Gjafakarfa | 0381 |
Gastro Truck - 2x máltíðir | 0460 |
Hoppland - 2x Gjafabréf fyrir aðgangi og leigu á blautbúningi | 0048 |
Hoppland - 2x Gjafabréf fyrir aðgangi og leigu á blautbúningi | 0099 |
Innnes - Gjafapoki | 0451 |
Innnes - Gjafapoki | 0999 |
Innnes - Gjafapoki | 1893 |
Bæjarins beztu - Hettupeysa og 2x gjafabréf fyrir pylsu og gosi | 2306 |
Bæjarins beztu - 2x gjafabréf fyrir pylsu og gosi | 1192 |
Bæjarins beztu - 2x gjafabréf fyrir pylsu og gosi | 0341 |
Bæjarins beztu - 2x gjafabréf fyrir pylsu og gosi | 0861 |
Bæjarins beztu - 2x gjafabréf fyrir pylsu og gosi | 0851 |
Danól - Gjafapoki með vörum úr vöruúrvali Danól | 2399 |
Danól - L'Oréal gjafapoki fyrir dömur | 1857 |
Danól - L'Oréal gjafapoki fyrir herra | 2202 |
Brjálað stuð á Þorrablóti Grafarvogs 2024
Þorrablót Grafarvogs var haldið hátíðlegt á laugardagskvöldið en í ár var þemað 80‘s. Það var algjörlega valfrjálst að klæða sig eftir þemanu en það voru þónokkrir sem fóru „all-in“ og mættu eins og þau hafi komið með tímavél frá 9. áratug síðustu aldar!
Múlakaffi sá um matinn og bauð upp á alvöru þorramat, hákarl, brennivín og með því en það var líka annað í boði fyrir þá sem vildu ekki fara í þorramatinn. Frábær vegan réttur og dýrindis lambalæri voru einnig á boðstólnum.
Dagskrá kvöldsins var alls ekki af verri endanum en einvala lið frábærra listamanna steig á svið og sá um að gestir skemmtu sér vel! Regína Ósk stýrði kvöldinu og hljómsveit kvöldsins var Nýju fötin keisarans. Margrét Eir steig fyrst á svið og tók á móti gestum þegar þeir mættu. 80‘s kóngurinn sjálfur, Eyfi, sá um brekkusöng kvöldsins. Grafarvogsprinsinn Kristmundur Axel steig næstur á svið og á eftir honum var það leynigestur kvöldsins sem var enginn annar en Herbert Guðmundsson, varla hægt að halda 80‘s Þorrablót án þess að hann mæti á svæðið. Þau Friðrik Dór, Sigga Beinteins og Daníel Ágúst stigu síðan á svið á eftir þeim og gjörsamlega trylltu lýðinn!
Við viljum þakka öllum sem komu á blótið fyrir frábært kvöld og við hlökkum mikið til næsta árs!
Hér fyrir neðan er hægt að sjá myndir frá kvöldinu
NÝR HÓPLEIKUR OG GETRAUNAKAFFI FJÖLNIS
Nýr 10 vikna hópleikur hefst núna á laugardaginn, 13. janúar og endar 16. mars.
Þetta er 10 vikna hópleikur þar sem 7 bestu vikurnar gilda. Þátttökugjald er 6.900 kr. per hóp eða 3.450 kr. á mann og greiðist beint inn á reikning Fjölnis: 0114-05-060968 kt: 631288-7589 (senda kvittun á 1×2@fjolnir.is).
Skráning fer fram í gegnum netfangið 1×2@fjolnir.is þar sem koma þurfa fram nöfn beggja liðsmanna, kennitölur, sími, netfang og nafn á liðinu.
ATH – Tippað er rafrænt í gegnum vefsíðuna https://games.lotto.is/clubsales/#/login eða 1×2.is/felog
Félagsaðstaðan í Egilshöll verður opin milli kl.10:00-11:30 á laugardögum þar sem tipparar geta hist og tippað yfir rjúkandi kaffibolla og bakkelsi frá Bakarameistaranum.
Öll lið senda inn tvo seðla sem skulu innihalda nákvæmlega 7 leiki með einu merki og 6 leiki með tvítryggingu (2×832 kr. seðill). Betri seðillinn gildir. Með þessu móti standa allir þátttakendur jafnt.
Hér má finna reglur og frekari upplýsingar um leikinn: https://fjolnir.is/knattspyrna/getraunakaffi/
Hér er sérstakur hópur fyrir Getraunakaffið:
https://www.facebook.com/groups/1299902466780921
Taktu þátt í félagsstarfinu og vertu með frá byrjun. Öll velkomin! #FélagiðOkkar
Fjögur aldursflokkamet á Áramóti Fjölnis
Fjögur aldursflokkamet á Áramóti Fjölnis
Frjálsíþróttadeildin hélt sitt árlega Áramót í Frjálsíþróttahöllinni í Laugardal þann 28. desember 2023.
Frábær árangur náðist á mótinu en á því féllu fjögur aldursflokkamet. Hæst ber að nefna að Fjölnismaðurinn Grétar Björn Unnsteinsson bætti 11 ára gamalt aldursflokkamet í stangarstökki 16-17 ára pilta með stökki upp á 4,32 metra. Einnig féll 16 ára gamalt met í 3000 m hlaupi 15 ára pilta, 9 ára gamalt met í 200 metra hlaupi 13 ára stúlkna auk þess sem tvöfalt met var sett í 60 m grindahlaupi, bæði í flokki 18-19 ára stúlkna og 20-22 ára flokki, en eldra metið var 16 ára gamalt.
Fjönisfólk stóð sig vel á mótinu og fór heim með 3 gullverðlaun auk þess sem 7 persónuleg met voru sett.
Veittur er farandbikar fyrir besta árangur mótsins og í ár var það FH-ingurinn Irma Gunnarsdóttir sem tók bikarinn heim. Hún stökk 6,11 m í langstökki kvenna og fékk fyrir það 1023 WA stig.
![](https://fjolnir.is/wp-content/uploads/2024/01/20231228_1944330-uai-1081x1441.jpg)
![](https://fjolnir.is/wp-content/uploads/2024/01/GretarIslandsmet.jpg)
Þorrablót 2024 - Staða borða
RISA ÞORRABLÓT GRAFARVOGS
Fjölnishöllin í Egilshöll 20. janúar 2024
Happdrætti, skemmtiatriði á heimsmælikvarða, matur og ball.
Enn eru borð laus. Miðapantanir fara í gegnum vidburdir@fjolnir.is og á skrifstofu Fjölnis. Hér til hliðar má sjá stöðu lausra borða.
12 manna borð = 174.000 kr. matur og ball. Einnig eru nokkur laus pláss á safnborðum ef þið náið ekki að fylla heilt borð!
Þorrakóngurinn í Múlakaffi töfrar fram þorrahlaðborðið. Fyrir þá sem ekki þora í þorramatinn verður eitthvað í boði fyrir alla!
Breytingar hjá íshokkídeildinni
Flugeldasala Fjölnis
Nú getur þú verslað flugelda og styrkt félagið þitt í leiðinni 🤩🥳🎆
https://fjolnir.gullborg-flugeldar.com/