Barbarinn styður Fjölnisjaxlinn

19/03/2020Félagið okkar

Gaman að segja frá því að Barbarinn verður einn af aðalstyrktaraðilum Fjölnisjaxlsins 2020 sem stefnt er að halda í lok september. Nánari dagsetning verður auglýst þegar nær dregur.

Fjölnisjaxlinn 2019 heppnaðist glæsilega og var frábær þátttaka. Fjölnisjaxlinn er 400 m sund, 10 km hjól og 3 km hlaup fyrir unglinga og fullorðna en 200 m sund, 3 km hjól og 1 km hlaup fyrir börn/unglinga og foreldra.

Sjá samantekt frá Fjölnisjaxlinum 2019 HÉR.

Barbarinn er ný og glæsileg hárklippistofa í borginni. Engar tímapantanir bara skrá sig á www.barbarinn.is og þú ert komin í röðina og færð sms 15 mín áður en kemur að þér. Í tilefni myndarlegs styrktarsamnings Barbarans við Fjölnisjaxlinn þá hvetjum við Fjölnisfólk og alla Grafarvogsbúa til að nýta þeirra frábæru þjónustu og ótrúlega góðu verð. Klipping kostar 5.500 kr. fyrir fullorðna, 4.500 kr. fyrir börn.

Á myndinni má sjá Þórstein Ágústsson framkv.stj. Barbarans og Trausta Harðarson forsvarsmann Fjölnisjaxlsins 2020.

by Arnór Ásgeirsson

Fréttatilkynning vegna Covid-19

16/03/2020Félagið okkar

Uppfært 16.03.2020 kl. 10:00: Allar æfingar falla niður hjá félaginu til og með 22.mars.

Þetta þýðir að íþróttasvæði Fjölnis:

  • Dalhús
  • Egilshöll (knatthús, fimleikasalur, Fjölnishöll, karatesalur, austurendi og skautasvell)

loki tafarlaust frá og með deginum í dag. Félagsrými félagsins í Egilshöll verður opið (fundabókanir) en við brýnum fyrir öllum að fara að tilmælum Almannavarna. Við munum endurmeta stöðuna á degi hverjum, samhliða nýjum upplýsingum frá íþróttahreyfingunni og Almannavörnum. Við biðjum félagsmenn að aðstoða okkur við að koma þessum skilaboðum áleiðis. Á sama tíma hvetjum við iðkendur til að hreyfa sig í góða veðrinu; fara út að skokka, gera æfingar heima og stunda slökun.

Auglýsing um takmörkun á samkomum vegna farsóttar

Auglýsing á takmörkun á skólastarfi vegna farsóttar

Símatími félagsins verður óbreyttur, s. 578-2700. Við hvetjum félagsmenn til að senda okkur fyrirspurnir á skrifstofa@fjolnir.is.

by Arnór Ásgeirsson

Í ljósi nýustu frétta falla allar sund æfingar niður á morgun 16.03.2020

15/03/2020Sund

Komið sæl

Á miðnætti í kvöld tekur gildi samkomubann á öllu landinu. Næstu 4 vikurnar mun það standa og er mikilvægt að við sem aðrir gerum okkar til þess að vel takist til. Vegna þessa munu allar æfingar á vegum deildarinnar falla niður á morgun mánudag 16. mars.

Okkur finnst rétt að gefa þeim sem skipuleggja skóla- og íþróttastarf tækifæri til að vinna að úrlausn með hag okkar allra í forgrunni. Við munum setja hér inn frekari upplýsingar um leið og þær eru tilbúnar, auk þess sem tölvupóstur og upplýsingar munu fara á heimasíðu deildarinnar.

Hugum hvert að öðru, gleymum ekki að vera til og njótum samvista með okkar nánustu.

 

Með kveðju,

fh.stjórnar

Ingibjörg Kristinsdóttir
formaður

by Kristján R. Halldórsson

Aðalfundur Fjölnis

10/03/2020Félagið okkar

Aðalfundur Fjölnis fór fram í gær að viðstöddum um 40 manns í Miðjunni, félagsrýminu okkar í Egilshöll.

Fundarsköp voru að venju hefðbundin undir dyggri stjórn Gunnars Jónatans fundarstjóra.

 

Stjórn Fjölnis kjörin á aðalfundi 9.mars 2020

NafnHlutverkNetfangKjörtímabil
Jarþrúður Hanna JóhannsdóttirFormaðurformadur@fjolnir.is2025
Álfheiður Sif JónasdóttirMeðstjórnandiadalstjorn@fjolnir.is2026
Guðlaug Björk KarlsdóttirMeðstjórnandiadalstjorn@fjolnir.is2025
Gunnar BjarnasonMeðstjórnandiadalstjorn@fjolnir.is2026
Gunnar Ingi JóhannssonMeðstjórnandiadalstjorn@fjolnir.is2025
Gunnar JónatanssonMeðstjórnandiadalstjorn@fjolnir.is2025
Inga Björk GuðmundsdóttirMeðstjórnandiadalstjorn@fjolnir.is2026
Tinna Arnardóttir1. varamaðuradalstjorn@fjolnir.is2025
Jón Ágúst Guðmundsson2. varamaðuradalstjorn@fjolnir.is2025

 

Heiðranir félagsins

Silfurmerki:

186. Valgerður Sigurðardóttir, aðalstjórn

185. Jósep Grímsson, aðalstjórn

184. Kolbeinn Kristinsson, knattspyrna

183. Geir Kristinsson, knattspyrna

Gullmerki:

33. Árni Hermannsson

Heiðursfélagi:

4. Jón Þorbjörnsson

 

Allar tillögur að lagabreytingum félagsins voru samþykktar:

Tillögur að lagabreytingum

 

Við þökkum öllum sem mættu, áfram Fjölnir, áfram #FélagiðOkkar

by Arnór Ásgeirsson

Tillögur að lagabreytingum

09/03/2020Félagið okkar

Tillögur að lagabreytingum á aðalfundi Fjölnis 9.mars 2020

by Arnór Ásgeirsson

Spennandi Miðgarðsmót í skák

09/03/2020Skák

Skákdeild Fjölnis í samstarfi við þjónustumiðstöina Miðgarð í Grafarvogi stóð í 16 sinn að skákmóti grunnskólanna í Grafarvogi, Miðgarðsmótinu sem haldið var í hátíðarsal Rimaskóla. Að þessu sinni tefldu 13 skáksveitir, skipaðar 6 liðsmönnum, alls um 80 nemendur á öllum grunnskólaaldri. Skákiðkun og skákkennsla er mismikil í grunnskólunum í Grafarvogi og styrkeliki sveitanna nokkuð eftir því. Í Rimaskóla er einhver lengsta samfellda skákhefð allra skóla og þær 6 skáksveitir sem skólinn sendi til keppni að þessu sinni voru allar býsna sterkar. Dalskóla var boðið að taka þátt í Miðgarðsmótinu í fyrsta sinn og mætti skólinn með tvær jafnar og efnilegar sveitir. Skáksveit Foldaskóla hélt forystunni á mótinu fyrri helming mótsins en það snerist við í 4. umferð af 6 þegar Rimaskóli A sveit vann innbyrðis viðureign 4-2 og kláraði svo dæmið í framhaldi með nokkuð öruggum sigri. Í lokaumferðinni áttust við Rimaskóli stúlknasveit og Rimaskóli B sveit þar sem síðarnefnda sveitin vann 5-1 sigur og sveitirnar skiptu um sæti. Foldaskóli og Rimaskóli C sveit deildu síðan með sér 4 – 5 sæti sem gáfu verðlaun.
Þjónustumiðstöðin Miðgarður gaf verðlaunagripi og veitingar og Skákdeild Fjölnis veitti 30 keppendum í 5 efstu skáksveitunum SAM-bíómiða í verðlaun. Það er mikill skákáhugi í grunnskólum Grafarvogs þegar á reynir enda skákin skemmtileg. Skákstjórar voru þeir Helgi Árnason formaður skákdeildar Fjölnis og Ragnar Harðarson frá Miðgarði.

by Helgi Árnason

Bikarmót í áhaldafimleikum

05/03/2020Fimleikar

Bikarmót í áhaldafimleikum fór fram síðustu helgi og var keppt í 1. – 3. þrepi og frjálsum æfingum kvk og kk. Keppendur stóðu sig mjög vel, sýndu flottar æfingar og skemmtu sér vel á mótinu. Strákarnir sem kepptu í frjálsum æfingum áttu gott mót en þeir lentu í 3. sæti. Stúlkurnar áttu einnig gott mót og bættu sig margar frá því á síðast móti.

by Arnór Ásgeirsson

Sundmót Fjölnis 2020

02/03/2020Sund

Sundmót Fjölnis 2020

Iðkendur úr yngri flokkum áttu gott mót um helgina. Sundmenn syntu vel útfærð sund og uppskáru með frábærum bætingum. Aðrir voru að taka þátt á sínu fyrsta móti og stóðu sig með stakri prýði. Krakkarnir sýndu góðan liðsanda, aðstoðuðu og hvöttu liðsfélaga sína og voru félaginu til sóma. Eftir mótið eru lágmörk á Aldursflokkameistarmót Íslands innan seilingar fyrir nokkra sundmenn og því spennandi tímar framundan hjá yngri sundmönnum félagsins.

by Kristján R. Halldórsson

Ný námskeið að hefjast í sundskóla Fjölnis

27/02/2020Sund

by Arnór Ásgeirsson

Góður árangur á MÍ

26/02/2020Frjálsar

Meistaramót Íslands í frjálsum íþróttum fór fram í Kaplakrika helgina 22. – 23. febrúar. Að þessu sinni kepptu 12 iðkendur frá Fjölni á mótinu og stóðu sig mjög vel. Þrír þeirra komust á verðlaunapall.

Kjartan Óli Ágústsson vann silfur í 800 m hlaupi karla á tímanum 1:58,76 og einnig vann hann brons í 1500 m hlaupi karla á tímanum 4:23,15.

Bjarni Anton Theódórsson vann silfur í 400 m hlaupi karla á tímanum 50,90 sek.

Birkir Einar Gunnlausson vann silfur í 1500m hlaupi karla á tímanum 4:12,31.

Öll úrslit mótsins eru hér.

by Auður Ólafsdóttir