Minna og Bjarni valin í landsliðið
Íþrótta- og afreksnefnd, afreksstjóri og verkefnisstjóri A-landsliðsmála hafa valið landsliðshóp Íslands í frjálsum fyrir komandi ár 2021 með hliðsjón af árangri keppenda á árinu 2020. Að þessu sinni á Fjölnir tvo einstaklinga í landsliðinu. Það eru þau Vilhelmína Þór Óskarsdóttir og Bjarni Anton Theódórsson. Þau hafa bæði staðið sig mjög vel í styttri vegalengdum og í boðhlaupum.
Árið 2021 verður mjög spennandi og dagskráin þétt en stærsta verkefni landsliðsins er án efa Evrópubikarkeppni landsliða. Ísland keppir að þessu sinni í 2. deild eftir glæsilegan sigur liðsins í 3. deild í Skopje 2019.
Hugleiðingar markaðsfulltrúa
Höfundur starfar sem markaðsfulltrúi Fjölnis.
Kæru Grafarvogsbúar,
Mig langar að segja ykkur frá frábærum viðburði sem við munum standa fyrir laugardaginn 28. nóvember. Fyrst ætla ég aðeins að þræða söguna.
Það er eflaust sagan endalausa að íþróttafélög þurfi að leita til fólksins í hverfinu. Starfið stendur og fellur með dulegum sjálfboðaliðum hvort sem er í stjórnar- og/eða nefndarstörfum eða þjálfun barnanna okkar. Foreldrar eru svo annar angi en öflugt foreldrastarf skilar sér beint til iðkenda. En í þessu starfi myndast einnig mikil vinátta, alveg eins og gerist í skóla eða vinnu. Það er því gríðarlega dýrmætt að gefa af sér til hverfisfélagsins.
Ég er uppalinn Grafarvogsbúi og Fjölnismaður, í húð og hár og geri mér grein fyrir að það eru ekki allir sem dýrka og dá hverfisfélagið eða hafa áhuga á að koma að starfinu öðruvísi en að vera foreldri eða einfaldlega íbúi í hverfinu. Enn fremur reyni ég eftir fremsta megni að virða afstöðu þeirra sem hafa engan áhuga á starfi hverfisfélagsins en það er oft erfitt að hugsa út fyrir íþróttabúbbluna 😅😅
Nú sjáum við vonandi fyrir endann á veirunni og það er mjög gleðilegt að starfið sé farið af stað, þó ekki að fullu. Það skiptir bara öllu máli að sjá líf og fjör í Egilshöll og Dalhúsum og þannig viljum við hafa það.
———————
Ef við komum okkur svo að tilgangi og markmiði færslunnar þá höfum við seinustu 2 ár lagt mikið upp úr því að nýta tæknina, kynna félagið vel á miðlunum okkar og láta hverfið vita hvað sé á döfinni. Við erum stórt og flott hverfi sem hefur allar burði til að vera hverfi sem styður óendanlega vel við hverfisfélagið sitt, hvort sem er í formi sjálboðaliða, foreldra, iðkenda eða áhorfenda á leikjum, mótum og viðburðum.
Þorrablótið hefur fest sig rækilega í sessi og við getum hreinlega ekki beðið eftir því að hitta ykkur í troðfullum sal í stanslausu stuði. Í framhaldi af árangri þorrablótsins höfum við verið að byggja upp októberfest sem annan af stóru viðburðum félagsins ár hvert. Við gerum okkur grein fyrir því að það mun taka tíma og í ár erum við að standa frammi fyrir stærstu mögulegu hindrun, þ.e við getum ekki haldið fisískan viðburð. Það tókst mjög vel til í fyrra, sem var fyrsta útgáfan af svokölluðu októberfesti. Þetta er viðburður sem hefur alla möguleika til að sameina hverfið, sannkallaður hverfisviðburður. Frábær matur, góð tónlist og stanslaust stuð! Við getum ekki beðið um meira, eða hvað?
Ég vil með þessari færslu hvetja ykkur, kæru Grafarvogsbúar, til að kaupa miða á rafræna októberfestið okkar og styðja við áframhaldandi öflugt starf hverfisfélagsins.
Innifalið í 5.000 kr miðaverði á mann er:
- Matur heim að dyrum frá Múlakaffi
- Beint streymi frá frábærum tónleikum með Magna í Á móti sól og fleiri frábærum tónlistarmönnum
Allt fyrir #FélagiðOkkar 💛
Arnór Ásgeirsson
Handboltinn aftur af stað !
Samkvæmt reglugerð heilbrigðisráðherra frá því á föstudaginn mun handboltastarf Fjölnis hjá krökkum og unglingum fæddum 2005 og síðar hefjast á miðvikudaginn. Það eru mikil gleðitíðindi !
Allir iðkendur í 4. - 8.flokki karla og kvenna geta því mætt aftur á æfingar. Allir þjálfarar hafa sett inn færslur inn í facebook-hópa hjá flokkunum sínum um æfingabyrjunina en einnig kemur nákvæm dagskrá inn í XPS.
Við vonum að allir krakkarnir sem æfðu hjá okkur fyrir æfingabannið mæti til baka og fleiri til enda frábært starf sem unnið er hjá deildinni. Allar upplýsingar um starfið er hægt að finna á heimasíðu Fjölnis, fjolnir.is en einnig er hægt að senda tölvupóst á handbolti@fjolnir.is ef frekari upplýsinga er þörf.
Engir klefar verða í boði, þannig að iðkendur geta geymt fötin sín við veggina í íþróttahúsunum. Inngangurinn inn í Fjölnishöllina er að aftan (austanmegin).
Sjáumst í handbolta, áfram Fjölnir !
Keppni í armbeygjum
Aftur út á völl
Það hefur heldur betur reynt á þolrif okkar í kjölfar Covid-19 og óhætt að segja að flest erum við orðin langþreytt á þeim hömlum sem hafa verið í samfélaginu í kjölfar þess. Öll erum við sammála um mikilvægi sóttvarnareglna og tilskipana, og við skulum fylgja þeim í einu og öllu, en mikið verður það gott þegar daglegt líf verður aftur sem líkast því sem gerðist á Covid lausum tímum hér áður.
Knattspyrnudeild Fjölnis ákvað fyrr á árinu að blása enn frekari vind í seglin með endurskipulagningu starfsins sem fól meðal annars í sér að fjölga yfirþjálfurum úr einum í tvo sem og að bæta og styrkja innviði starfsins. Því miður hefur skráður iðkendafjöldi fallið umtalsvert frá fyrri árum í kjölfar Covid-19 og það ekki bara í fótboltanum heldur einnig öðrum greinum. Það er ekkert launungamál að slík fækkun er heilmikið högg fyrir deildina og áhyggjuefni útaf fyrir sig en mestar áhyggjur höfum við af krökkunum sjálfum.
Mikilvægi íþrótta er óumdeilt bæði fyrir líkamlega-, andlega- og félagslega vellíðan svo ekki sé minnst á forvarnargildið. Mikilvægt er að við sem foreldrar, forráðamenn og samfélag missum ekki þessa krakka alfarið úr íþróttum.
Þeir krakkar sem eru að æfa hafa fengið heimaæfingar frá sínum þjálfurum og haldnir hafa verið viðburðir á netinu t.d. Kahoot spurningakeppni og fyrirlestrar svo eitthvað sé nefnt. Þjálfarar og starfsfólk Fjölnis hefur gert sitt best og reynt að halda uppi starfinu þrátt fyrir takmarkanir og hafa ýmsar nýjungar og skemmtilegar hugmyndir litið dagsins ljós.
Hvet alla krakka til að vera dugleg að fara út og hreyfa sig, hvet foreldra og forráðamenn að reima á sig skóna og taka þátt í æfingum og endilega skrá iðkendur til leiks svo þeir geti fengið sent heimaæfingar og tekið þátt í þeim viðburðum sem haldnir eru á vegum flokkana í netheimum.
Um leið og gefið er grænt ljós á að æfa aftur í hópum þá getum við ekki beðið eftir að komast aftur út á völl en þangað til munum við áfram nýta við öll þau tæki og tól sem við höfum í þágu iðkenda félagsins okkar.
#FélagiðOkkar
Sævar Reykjalín
Formaður Barna- og unglingaráðs knattspyrnudeildar Fjölnis
Æfingar Íshokkídeildar 18. nóv – 2. des
Vegna ástandsins þurfum við að breyta stundartöflu til að ná að skipta upp hópum betur og til að fækka umgangi á svæðinum Skautahallarinnar.
- Iðkenndur og aðrir tengdum íshokkídeild ganga ekki inn um aðalinngang Egilshallarinnar. Iðkendur skulu notast við inngang bakatil á Egilshöllinni. Stigagangur beint upp í skautahöll (Sjá mynd neðst í færstlu).
- Við ráðleggjum öllum sem geta að taka íshokkí búnað með heim og klæða sig/börnin eins míkið og hægt er áður en komið er til æfinga.
- Andlitsgrímu skylda er á alla aðra en iðkenndur (2005 eða yngri).
- Við mælum með hanska notkun.
- Viðahlda skal 2m reglunni.
- Eitt foreldri /forráðamaður er leyft að koma og aðstoða barn við að klæða sig, svo verður foreldri/forráðamaður að fara út úr skautahöllinni þar til æfing er lokið. Að æfingu lokinni má foreldri/forráðamaður koma aftur og aðstoða við að klæða úr.
- Foreldrum/forráðamönnum er meinaður aðgangur að búningsherbergjum. (notast skal við sameiginleg rými frammi).
- Einungis 10 fullorðnir/foreldrar/forráðamenn eru leyfðir á sama tíma í húsinu (Þjálfarar og starfsmenn skautahallar teljast ekki með í þessum). Þannig að vinsamlegast virðið fjöldatakmörkun og ekki vera í húsinu nema að ítrustu nauðsyn.
- Velkomið er að eldri systkini/skyldmenni (14 – 16 ára/8. – 10. bekkur) mæti og fylgi barninu eftir á æfingu.
- Vinsamlegast hugið að sóttvörnum fyrir og eftir æfingu – handþvott, spritt o.s.frv.
- Ef barnið eða aðrir fjölskyldumeðlimir finnur fyrir einkennum þá á að halda sig heima.
- Vinsamlegast virðið þessi tilmæli.
Hér að neðan eru breyttir æfingatímar 18. nóv - 2. des Einnig viljum benda á að fylgjast vel með upplýsingum á FB grúpum hvers og eins flokks.
Skautaskóli.
Fimmtudaga kl. 16:50 -17:30
Sunnudaga kl. 12:10- 13:00
Notast skal við aðstöðu frammi (við sjoppu) eða áhorfenda stúku til að klæða börn.
U8 og U10
Þriðjudaga kl. 17:15- 18:05
Fimmtudaga kl. 17:30- 18:20
Sunnudaga kl. 08.00- 08:45
U8 og U10: Notar klefa nr. 5
U12
Þriðjudaga kl. 18:05- 19:00
Fimmtudaga kl. 18:20- 19:10
Sunnudaga kl. 08:45- 9:45
U12: Notar klefa nr. 4
U14
Mánudaga kl. 19:00- 20:20
Þriðjudaga kl. 19:15- 20:15
Fimmtudaga kl. 19:25- 20:30
Laugardaga kl. 18:15- 19:05
Sunnudaga kl. 10:00- 11:50
U14: Notar klefa nr. 3
U16
Mánudaga kl. 17:55- 19:00 & 20:35- 21:35
Þriðjudaga kl. 20:15- 21:15
Fimmtudaga kl. 20:30- 21:30
Laugardaga kl. 19:05- 20:05
Sunnudaga kl. 10:50- 11:50 & 20:15- 21:15
U16: Notar klefa nr. 2
Allar ísæfingar í U18, Meistaraflokki kvenna, Meistaraflokki karla, Skautaskóla Fullorðinna og Old boys falla niður 7.- 19. okt.
Allar nánari upplýsingar og spurningar verður svarað á Facebook síðu íshokkídeildar, grúppum hvers flokks eða hokki@fjolnir.is
Leiðbeiningar vegna tilslakana á samkomutakmörkunum
Uppfært 16.11.2020 kl. 16:00:
Samkvæmt nýrri reglugerð heilbrigðisráðherra sem tekur gildi frá og með miðvikudeginum 18. nóvember er íþróttastarf barna fædd 2005 og síðar (15 ára og yngri) heimilað.
Við beinum því til allra deilda að setja starfið á fullt aftur samkvæmt æfingatöflu.
Strætófylgdin fer af stað með hefbundnum hætti samhliða æfingum.
Hér má finna nánari útlistun á reglugerðinni
Ný reglugerð er í gildi frá og með 18. nóvember til og með 1. desember.
Hvaða áhrif hefur þetta á okkur?
- Æfingar heimilar hjá iðkendum fædd 2005 og síðar (15 ára og eldri)
- Æfingar óheimilar hjá iðkendum fædd 2004 og fyrr (16 ára og eldri)
- Starfsfólk skrifstofu er ýmist að vinna í Egilshöll eða að heiman. Vinsamlega hafið beint samband við viðkomandi starfsmann ef þið þurfið að mæla ykkur mót.
o Netföng starfsfólks: https://fjolnir.is/felagid-okkar/skrifstofa/ - Þær deildir sem óska eftir fundaraðstöðu eru beðnar að hafa samband við Arnór á arnor@fjolnir.is.
- Gengið inn í Egilshöll:
- Handbolti og karfa inn austan megin
- Aðrar deildir notast við aðalinngang
Við erum #FélagiðOkkar
Fjölnir semur við efnilega leikmenn fyrir framtíðina
Fjórir ungir og efnilegir knattspyrnumenn skrifuðu undir samning við knattspyrnudeild Fjölnis á dögunum. Þetta eru þeir Baldvin Þór Berndsen, Alexander Aron Tómasson, Kristófer Dagur Arnarsson og Júlíus Mar Júlíusson. Allir þessir drengir koma úr sterkum 2004 árgangi Fjölnis sem náði eftirtektar verðum árangri með 3.fl karla á liðnu keppnistímabili, liðið varð bikarmeistari og enduðu í 2. sæti á Íslandsmóti. Fjölnir bindur miklar vonir við að þessir leikmenn taki skrefið uppí meistaraflokk félagsins á komandi árum og eigi bjarta framtíð hjá félaginu.
Ljósmynd / Baldvin Berndsen: frá hægri Baldvin Þór, Alexander Aron, Kristófer Dagur og Júlíus Mar, ásamt Gunnari Má yfirþjálfara yngri flokka karla.
![](https://fjolnir.is/wp-content/uploads/2020/11/Undirskrift-2004-drengja-scaled.jpg)
Ekki missa af Októberfest Grafarvogs í beinni til þín
Kæru Grafarvogsbúar,
Nú er kominn tími til að lyfta sér upp með öruggum hætti. Við höfum tekið höndum saman í samvinnu með Sonik, Keiluhöllinni Egilshöll, Ölgerðinni og Múlakaffi.
Við ætlum að halda Októberfest Grafarvogs laugardaginn 28. nóvember á milli klukkan 20 og 23. Við byrjum á skemmtilegri Kahoot! spurningakeppni þar sem öll fjölskyldan getur tekið þátt. Síðan á milli klukkan 21 og 23 verður brjálað partý með Magna í Á móti sól og hans vinum. Þetta verður allt gagnvirkt þannig að þið getið sent inn og fengið ykkar óskalög. Kaupendur fá aðgang að læstri vefslóð.
Boðið verður upp á stórglæsilegan partýmat frá Múlakaffi sem verður keyrður heim til ykkar á milli klukkan 19 og 20. Valin partý verða heimsótt og sendum við beint út þaðan. Þú getur nálgast matseðilinn HÉR.
Þessu verður öllu streymt beint frá Shake & Pizza heim í stofu til ykkar – Óvænt skemmtiatriði verða í boði.
Miðaverð er aðeins 5.000 kr. á mann og er allt að ofan innifalið.
Miðasala á vidburdir@fjolnir.is.
Nú er um að gera fyrir fjölskylduna eða vinahópana að sameinast með okkur með öruggum hætti þetta kvöld og gera þetta að ógleymanlegu kvöldi. Já og auðvitað þurfa allir að muna eftir að fara í októberfest fötin ef við skyldum kíkja í heimsókn til ykkar.
Nánari upplýsingar veitir Arnór Ásgeirsson á arnor@fjolnir.is.
#FélagiðOkkar