Skákdeild Fjölnis Íslandsmeistari félagsliða 2025
Skákdeild Fjölnis Íslandsmeistari félagsliða 2025 – Fullt hús stiga annað árið í röð!
Íslandsmóti skákfélaga lauk um helgina og skákdeild Fjölnis tryggði sér Íslandsmeistaratitilinn í Úrvalsdeild með yfirburðum. Fjölnismenn unnu allar tíu viðureignir sínar í mótinu og hlutu fullt hús stiga, 20 stig, líkt og í fyrra. Þetta er annað árið í röð sem Fjölnir fer ósigrað í gegnum Úrvalsdeildina.
Yfirburðir á öllum borðum
Fjölnismenn sýndu styrk sinn í hverri viðureign og voru ávallt skrefi á undan andstæðingum sínum. Liðið skipuðu okkar sterkustu skákmenn, sem allir lögðu sitt af mörkum til sigursins.
Ótrúlegur árangur Fjölnis
Það er ljóst að skákdeild Fjölnis hefur byggt upp afar sterkt lið sem hefur sett mark sitt á íslenska skáksenu. Að vinna Íslandsmeistaratitilinn með fullt hús stiga tvö ár í röð er afrek sem fá lið hafa náð.
Við óskum ykkur innilega til hamingju með þennan magnaða árangur!
Kristalsmót Fjölnis - mótstilkynning
Kristalsmót Fjölnis
Mótshaldari: Fjölnir
Staðsetning móts: Egilshöll, laugardaginn 5. apríl
Mótsstjóri: Kristel Björk Þórisdóttir
Aðstoðarmótsstjóri: Halldóra Hrund Guðmundsdóttir
Keppnisflokkar
| Félagalína | 15 ára og eldri, drengir og stúlkur | Special Olympics og Adaptive Skating | |
| 6 ára og yngri unisex | 25 ára og eldri, menn og konur | Level I | Parakeppni |
| 8 ára og yngri unisex | Level II | SO | |
| 10 ára og yngri unisex | Level III | Unified | |
| 12 ára og yngri, drengir og stúlkur | Level IV | ||
| 14 ára og yngri, drengir og stúlkur | Level V |
Keppnisreglur sem notaðar verða:
Keppniskerfi félaganna, notast við Stjörnukerfi.
Keppniskerfi Special Olympics og Adaptive Skating, notast við Stjörnukerfi SO/AS.
Dómarakerfi sem notuð verða:
( ) Kerfi A ( ) Kerfi B (x ) Kerfi C ( x) Kerfi D ( ) Kerfi E
Skráning og skil gagna
Félag sendir inn tilkynningu um þjálfara og liðsstjóra:
Senda þarf nöfn þjálfara og liðsstjóra á kristelbjork@gmail.com í síðasta lagi 29. mars 2024. Senda þarf nöfn, símanúmer og netföng þeirra.
Skráning og greiðsla keppnisgjalda:
Skráning og greiðsla keppnisgjalda skulu berast eigi síðar en 29. mars 2025 í tölvupósti á kristelbjork@gmail.com og á og á meðfylgjandi eyðublaði.
Á eyðublaðinu skal koma fram fullt nafn keppanda, kennitala, keppnisflokkur og keppnisgjald.
Keppnisgjald að fjárhæð kr. 4.500 skal greiðast fyrir hvern keppanda eigi síðar en 29. mars 2025.
Greiða skal inn á reikning Fjölnis, 114-26-7013, kt: 631288-7589.
Vinsamlegast setjið í skýringu: mótið, keppnisgjöld félags. Staðfesting greiðslu sendist á listgjaldkeri@fjolnir.is og leifur@fjolnir.is
Tónlist:
Tónlist skal skila í rafrænu formi inn á drive möppu sem Fjölnir mun deila með félögunum. Einnig þurfa keppendur að hafa tónlist á rafrænu formi með sér til vara.
Skil á tónlist: 29. mars 2025
Upplýsingar um mót
Birting keppendalista:
Dregið í keppnisröð og dagskrá birt á heimasíðu Fjölnis www.fjolnir.is þann 1. apríl 2025
Birting úrslita:
Úrslit verða birt að móti lokni á heimasíðu Fjölnis, www.fjolnir.is
Verðlaun og þátttökuviðurkenningar:
Í keppnisflokkum 6, 8 og 10 ára og yngri eru ekki gefin upp verðlaunasæti. Allir keppendur fá þátttökuviðurkenningu. Í öðrum keppnisflokkum eru veittir verðlaunapeningar fyrir efstu þrjú (3) sætin. Þátttökuviðurkenningar eru veittar til annarra keppenda.
Drög að dagskrá:
Laugardagurinn kl. 8-16, nánari dagskrá verður birt þegar skráningu líkur.
Forföll:
Foröll skulu tilkynnast á netfangið kristelbjork@gmail.com. Einungis er hægt að sækja um endurgreiðslu vegna keppnisgjalda hafi forföll verið tilkynnt áður en keppandi átti að keppa. Endurgreiðsla nemur helmingi keppnisgjalda.
Persónuverndarákvæði (GDPR)
Með skráningu á mótið gerir skautari og/eða forráðamaður sér grein fyrir því að upplýsingar um gegni skautara á mótinu eru gerðar opinberar og geymdar hjá Fjölni og Skautasambandi Íslands. Þá gerir skautari/forráðamaður sér grein fyrir að teknar eru ljósmyndir af skauturum á mótinu og þær birtar opinberlega og mögulega í fjölmiðlum.
Fyrir hönd mótshaldara:
Mótsstjóri: Kristel Björk Þórisdóttir
Dags: 21.02.2025
Netfang: kristelbjork@gmail.com
Símanúmer: 895-0284
22 Íslandsmeistaratitlar til Frjálsíþróttadeildar Fjölnis
22 Íslandsmeistaratitlar til Frjálsíþróttadeildar Fjölnis
Síðastliðnar helgar hafa farið fram Meistaramót Íslands innanhúss í frjálsum íþróttum. Eldri aldursflokkar (30 ára og eldri) og fjölþrautarfólk riðu á vaðið, því næst tóku 11-14 ára iðkendur við, þá 15-22 ára og að lokum fullorðinsflokkur þar sem keppendur þurfa að ná tilgreindum árangri til að fá þátttökurétt.
Fjölnisiðkendur komu heim með 22 Íslandsmeistaratitla frá þessum mótum, auk 22 silfurverðlauna og 11 bronsverðlauna. Að auki settu keppendur Fjölnis hátt í 100 persónuleg met á þessum mótum sem gefur til kynna í hve mikilli sókn frjálsíþróttafólk Fjölnis er um þessar mundir.
Gaman er frá því að segja að 13 ára stúlkur og 20-22 ára stúlkur voru Íslandsmeistarar félagsliða í sínum flokkum. Á Meistaramóti Íslands í fullorðinsflokki urðu karlarnir í öðru sæti í stigakeppninni og samanlagt var Fjölnisfólk í þriðja sæti í heildarstigakeppninni.
Einnig ber að nefna að á Meistaramóti Íslands 15-22 ára bætti Grétar Björn Unnsteinsson, 15 ára gamalt mótsmet um 21 sentimetra í stangarstökki 18-19 ára.
Þessar niðurstöður á meistaramótunum innanhúss er staðfesting á því hve frábærum árangri Fjölnisfólk er að ná núna og er Fjölnir að stimpla sig inn sem eitt af bestu frjálsíþróttafélögum landsins.
Íslandsmeistaratitli náðu:
MÍ 11-14 ára
Eva Unnsteinsdóttir – 60m grindahlaup, þrístökk og kúluvarp 13 ára stúlkna
MÍ 15-22 ára
Sara Þórdís Sigurbjörnsdóttir – Stangarstökk 18-19 ára stúlkna
Grétar Björn Unnsteinsson – Stangarstökk 18-19 ára pilta
Kjartan Óli Bjarnason – 400m hlaup 18-19 ára pilta
Arna Rut Arnarsdóttir – Þrístökk 20-22 ára stúlkna
Guðný Lára Bjarnadóttir – 800m og 1500m hlaup 20-22 ára stúlkna
Hanna María Petersdóttir – Stangarstökk 20-22 ára stúlkna
Sara Gunnlaugsdóttir – 400m hlaup 20-22 ára stúlkna
Guðjón Dunbar D.Þorsteinsson – Þrístökk 20-22 ára pilta
Sveit Fjölnis – 4×400 m blandað boðhlaup 20-22 ára
MÍ fullorðinna
Katrín Tinna Pétursdóttir – Stangarstökk kvenna
Daði Arnarson – 800m og 1500m hlaup karla
Grétar Björn Unnsteinsson – Stangarstökk karla
Guðjón Dunbar D.Þorsteinsson – Hástökk og þrístökk karla
MÍ eldri aldursflokka
Kristján Svanur Eymundsson – 1500m hlaupa 30-34 ára karla
Valgerður Sigurðardóttir – 60m hlaup og langstökk 45-49 ára kvenna
Þrepamót 2
Helgina 1. – 2. febrúar fór fram Þrepamót 2.
Mótið var haldið hjá nágrönnum okkar í Fylki og var keppt í 4. og 5. þrepi stúlkna og drengja.
Fjölnir átti keppendur í báðum þrepum bæði í keppni drengja og stúlkna. Það er alltaf gaman að sjá ökkar keppendur blómstra á keppnisgólfinu.
Öll úrslit má skoða hér
Við teljum hér upp verðlaunasæti
William Rökkvi 4.þrep drengja
- 3. – 4. sæti á stökki
- 1. sæti á svifrá
- 2. sæti fyrir samanlagðar einkunnir
Elvar Örn 4. þrep drengja
- 2. sæti á svifrá
Hanna Guðmundsdóttir 4. þrep stúlkna
- 1. sæti stökk
Elísa Arna 4. þrep kvk 4.þrep stúlkna
- 2. sæti stökk
Emilía Sara 4. þrep stúlkna
- 3. sæti stökk
Emelía Nótt 4. þrep stúlkna
- 2. sæti gólf
Iðunn Eldey 4. þrep stúlkna
- 3. sæti gólf
Öll úrslit frá mótinu er má sjá hér
Norðurlandamót 2025
Norðurlandamót 5. – 9. feb
Norðurlandamótið á listskautum fór fram í Asker í Noregi dagana 5. – 9. febrúar og átti Fjölnir tvo fulltrúa af fjórum sem tóku þátt. Voru það þær Arna Dís Gísladóttir og Elín Katla Sveinbjörnsdóttir. Einnig fór Benjamin Naggiar yfirþjálfari með sem þjálfari í ferðina.
Fyrri keppnisdagur
Fyrsti keppnisdagur var fimmtudagurinn 6. febrúar og var keppt í stutta prógramminu. Af íslensku skauturunum var Arna Dís fyrst á ísinn. Eftir sitt prógram fékk hún 24,05 stig og endaði fyrsta daginn í 17. sæti.
Elín Katla fór seinust af íslensku keppendum inn á svellið til að taka sitt stutta prógramm. Endaði hún í 8. sæti á fyrsta deginum með 32,86 stig fyrir sína frammistöðu.
Seinni Keppnisdagur
Á seinni keppnisdeginum sem var á föstudeginum fór Arna Dís inn á svell þriðja af íslendingunum. Fyrir sitt frjálsa prógram fékk hún 48,75 stig og með því endaði hún í 72,80 stig í heildarstigum. Með þessum árangri náði hún 14. sætinu í heildastigum.
Seinust íslendinganna inn á svellið til að taka frjálsa prógrammið var Elín Katla. Fyrir frjálsa prógrammið fékk Elín 61,32 stig sem skilaði Elínu í 96,18 stig og 6. sætinu í heildarstigum.
Hæstu stig á Norðurlandamóti
Með sínum 96,18 heildarstigum náði Elín Katla þeim glæsilega árangri að fá hæstu heildarstig sem íslenskur skautari hefur fengið í Advanced Novice flokki á Norðurlandamóti. Óskum henni til hamingju með þann árangur.
Þrepamót í 1.-3. þrepi
Um helgina fór fram Þrepamót í 1.-3. þrepi. Keppni fyrir stúlkur fór fram í Keflavík Gymnastics Academy en keppni fyrir drengi fór fram í fimleikasal Ármanns í Laugardalnum. Þar var keppt í 1., 2. og 3. þrepi á Fimleikastiganum. Fjölnir átti keppendur í öllum þrepum. Fjölnir var með stúlkur frá öllum þrepum og drengi á 3. þrepi. Öll sýndu þau góðar frammistöður og það var yndislegt að sjá framfarir þeirra frá fyrri mótum.
Hjá stúlkum áttum við þrisvar keppendur á palli en gefin eru verðlaun fyrir hvert áhald og svo samanlagða einkunn.
Júlía Ísold (1.þrep) – 1. sæti á slá
Elísa Ósk (2.þrep) – 2. sæti á slá
Rakel María (3.þrep) – 2.sæti í gólfæfingum
Í keppni drengja kom Daníel Baring heim með þrenn verðlaun
Daníel Baring (3.þrep) – 3. sæti fyrir gólfæfingar, tvíslá og samanlagðar einkunnir
Við viljum óska öllum keppendum og þjálfurum innilega til hamingju með góðar frammistöður á Þrepamótinu. Við erum mjög stolt af ykkur!
Öll úrslit frá mótinu er má sjá hér
Elísabet Ósk Guðmundsdóttir ráðin sem rekstrarstjóri fimleikadeildar Fjölnis
Ný sundnámskeið: Ungbarnasund og skriðsundsnámskeið fyrir fullorðna
Sundnámskeið fyrir alla – Skráning hafin hjá Fjölni! 🏊♂️💦
Fjölnir býður upp á spennandi sundnámskeið fyrir bæði foreldra með ung börn og fullorðna sem vilja bæta sundtæknina sína. Hvort sem þú ert að taka fyrstu sundspor með barninu þínu eða vilt læra skriðsund frá grunni, þá erum við með námskeið sem hentar þér!
Ungbarnasund – Frábær leið til að kynnast vatninu! 👶💙
Nýtt námskeið í ungbarnasundi hefst 23. febrúar og stendur til 6. apríl. Þetta er skemmtilegt og fræðandi námskeið fyrir börn á aldrinum 0-18 mánaða, þar sem lögð er áhersla á öryggi, leik og jákvæða reynslu í vatninu. Auk 6 skipta í laug verður boðið upp á myndatöku til að fanga fallegar minningar!
📅 Dagsetning: 23. febrúar – 6. apríl
📍 Staðsetning: Innilaug Grafarvogslaugar
🕘 Kennt á sunnudögum
🔹 09:00 – 09:40
🔹 09:45 – 10:25
🔹 10:30 – 11:15
👶 Hámark: 10 börn í hverjum hóp
💰 Verð: 18.000 kr.
👩🏫 Kennari: Tracy Horne
📩 Skráning og frekari upplýsingar á XPS!
Fullorðins skriðsund – Lærðu eða bættu tækni þína! 🏊♀️💪
Viltu læra skriðsund eða bæta sundtæknina þína? Þá er 10 skipta skriðsundsnámskeiðið okkar fullkomið fyrir þig! Námskeiðið hentar bæði byrjendum og þeim sem vilja fínpússa sundstílinn sinn. Kennt er tvisvar í viku, á þriðjudögum og fimmtudögum kl. 20:00-21:00, frá 18. febrúar til 21. mars.
📅 Dagsetning: 18. febrúar – 21. mars
📍 Staðsetning: Grafarvogslaug
🕗 Kennt á þriðjudögum og fimmtudögum kl. 20:00 – 21:00
💰 Verð: 20.000 kr. (aðgangur í laugina ekki innifalinn)
👩🏫 Kennari: Tracy Horne
📩 Skráning og frekari upplýsingar á XPS!
Gríptu tækifærið og komdu í sund með okkur – hvort sem það er með litlu sundkappanum þínum eða til að bæta þína eigin sundfærni! 💦✨
Gunnar Már Guðmundsson nýr þjálfari meistaraflokks í fótbolta
Fjölnir 37 ára
Við eigum afmæli! 
Við hlökkum til margra fleiri ára af gleði, æfingum og sigrum saman!