Eva María framlengir til 2024
Eva María Smáradóttir leikmaður meistaraflokks kvenna hefur framlengt samningi sínum við Knattspyrnudeild Fjölnis. Eva María, sem er fædd árið 2003, gekk til liðs við okkur fyrir síðasta tímabil frá Aftureldingu en hún gekk upp alla yngri flokka hjá Breiðablik. Hún hefur samtals leikið 21 KSÍ leiki en þar af 9 leiki með Fjölni. Eva María er öflugur varnarmaður sem er að koma til baka eftir meiðsli en getur líka leyst ýmsar stöður ofar á vellinum með góðu móti. Endurhæfingin lofar góðu og við væntum mikils af þessum öfluga leikmanni í endurkomunni.
Það er mikið fagnaðarefni að semja við þennan unga og spennandi leikmann sem mun gegna mikilvægu hlutverki í meistaraflokki kvenna á komandi misserum. Knattspyrnudeildin hlakkar til komandi tímabila saman og væntir mikils af samstarfinu.
#FélagiðOkkar
Mynd: Baldvin Berndsen
Skattaafsláttur af styrkjum til íþróttastarfsemi
Desember 2021
Ný lög hafa verið samþykkt og tóku gildi þann 1. nóvember þar sem Íþróttafélög geta skráð sig á lista yfir félög sem starfa að almannaheill og njóta aukins skattahagræðingar. Fjölnir hefur fengið staðfestingu á þessari skráningu hjá RSK. Sjá hér.
Í lögunum er ákvæði fyrir fyrirtæki sem vilja styrkja félög á Almannaheillaskrá, og er þeim heimilt að draga frá skattstofni allt að 1,5% af rekstrartekjum og láta renna til félaga á almannaheillaskrá. Einstaklingar hafa heimild til að gefa 350.000 kr. og draga það frá tekjuskattsstofni og erfðafjárskattur er felldur niður ef arfurinn rennur til félaga á almannaheillaskrá.
sjá nánar:
https://www.umfi.is/utgafa/frettasafn/muna-ad-skra-ithrottafelagid-a-almannaheillaskra
https://www.skatturinn.is/atvinnurekstur/skattskylda/almannaheillaskra-skattfradrattur
Við viljum hvetja fyrirtæki og samstarfsaðila til að styrkja íþróttastarfið með myndarlegum hætti. Tekið er fram í lögunum að skattafrádrátturinn á eingöngu við um gjafir en ekki auglýsingasamninga. Fjölnir og deildir félagsins munu heyra í fyrirtækjum og velunnurum og kanna með vilja þeirra til að taka þátt í þessu verkefni á þessu ári. Til að geta nýtt heimildina á þessu ári, þarf að greiða gjafaupphæðina á eftirfarandi reikning fyrir 30. desember nk. til að nýta heimildina fyrir þetta ár.
Kennitala: 631288-7589
Bankaupplýsingar: 0114-26-155
Við hvetjum fyrirtæki sem vilja láta gott af sér leiða að nýta þennan skattafrádrátt og athugið að Fjölnir þarf að veita formlega staðfestingu á gjöfinni til RSK.
Ungmennafélagið Fjölnir þakkar allan þann stuðning sem fyrirtæki og einstaklingar hafa veitt félaginu undanfarin ár og öllum þeim fjölmörgu sjálfboðaliðum sem hafa stutt við félagið í gegnum árin.
Dregið var fyrir 6.-12. desember í Jóladagatali KND Fjölnis. Eftirfarandi númer voru dregin út:
13/12/2021KnattspyrnaFjölnir,Happadrætti,Knattspyrna
Vinnigsnúmer | Desember | Vinningur | Verðmæti |
43 | 6.des | Bókin Bjór – umhverfis jörðina á 120 tegundum | 4,790 |
225 | 7.des | Bókin Vín – umhverfis jörðina á 110 flöskum | 5,990 |
234 | 8.des | fyririsland.is gjafabréf | 5,000 |
29 | 9.des | Mjólkursamsalan pakki | 7,990 |
173 | 10.des | Golfvöllur Þorlákshafnar 5 hringir | 13,000 |
195 | 11.des | Barbarinn klipping | 5,950 |
253 | 12.des | Gullkort knattspyrnudeildar | 25,000 |
Vinninga má nálgast á skrifstofu Fjölnis í Egilshöll.
Næsti og síðasti dráttur er 19. desember. Takk fyrir stuðninginn og áfram Fjölnir!
Silja framlengir til 2024
Silja Fanney Angantýsdóttir leikmaður meistaraflokks kvenna hefur framlengt samningi sínum við Knattspyrnudeild Fjölnis. Silja, sem er fædd árið 2003, er að hefja sitt fjórða tímabil í meistaraflokki. Hún hefur samtals leikið 38 KSÍ leiki fyrir meistaraflokk Fjölnis og skorað í þeim tvö mörk. Silja býr yfir miklum hraða og er með mikið markanef sem sannaði sig heldur betur í sumar, þegar hún skoraði 15 mörk í 16 leikjum með 2. flokki kvenna. Það er því bjart framundan hjá þessum unga og öfluga leikmanni.
Það er mikið fagnaðarefni að semja við þennan hæfileikaríka og uppaldna leikmann sem mun gegna lykilhlutverki í Fjölnisliðinu á komandi misserum. Knattspyrnudeildin hlakkar til komandi tímabila saman og væntir mikils af samstarfinu.
#FélagiðOkkar
Mynd: Baldvin Berndsen
Marta framlengir til 2024
Marta Björgvinsdóttir leikmaður meistaraflokks kvenna hefur framlengt samningi sínum við Knattspyrnudeild Fjölnis. Marta, sem er fædd árið 2003, er að hefja sitt fjórða tímabil í meistaraflokki. Hún hefur samtals leikið 31 KSÍ leiki fyrir félagið og skorað í þeim fjögur mörk. Marta býr yfir miklum hraða og getur leyst af flestar stöður framarlega á vellinum en hún fer vel af stað núna á undirbúningstímabilinu þar sem hún skoraði meðal annars í æfingaleik gegn Gróttu á dögunum. Hún hefur einnig verið drjúg við markaskorun í 2. flokknum síðustu ár þannig von er á góðu frá þessum unga og hæfileikaríka leikmanni.
Það er mikið fagnaðarefni að semja við þennan öfluga og uppaldna leikmann sem mun gegna lykilhlutverki í Fjölnisliðinu á komandi misserum. Knattspyrnudeildin hlakkar til komandi tímabila saman og væntir mikils af samstarfinu.
#FélagiðOkkar
Mynd: Baldvin Berndsen
Anna Kolbrún semur við Fjölni
Fjölnir hefur samið við Önnu Kolbrúnu Ólafsdóttur til ársins 2024. Anna Kolbrún, sem er fædd árið 2003, kemur frá Aftureldingu eftir að hafa verið á láni hjá okkur síðasta sumar. Hún hefur leikið 14 KSÍ leiki í meistaraflokki, þar af 2 leiki í Pepsi Max deildinni með Fylki þar sem hún er uppalin. Anna Kolbrún er sterkur miðjumaður sem er að koma til baka eftir erfið meiðsli. Endurhæfingin lofar okkur og við væntum mikils af þessum öfluga leikmanni í endurkomunni.
Það er mikið fagnaðarefni að semja við þennan efnilega leikmenn sem mun gegna stóru hlutverki í meistaraflokki kvenna á næstu tímabilum. Knattspyrnudeildin hlakkar til komandi tíma saman og væntir mikils af samstarfinu.
#FélagiðOkkar
Mynd: Hafliði Breiðfjörð
Íslandsmót barna- og unglingasveita í skák 2021
B sveit Fjölnis – Íslandsmeistari í B flokki
Fjölnissveitir fjölmenntu á Íslandsmótið með alls 5 skáksveitir af 22 sveitum sem skráðar voru til leiks. Aðeins Skákdeild Breiðabliks sendi fleiri skáksveitir á mótið. Fjölniskrakkarnir eru á aldrinum 8 – 14 ára gömul, 12 drengir og 11 stúlkur.
Eldri liðin tefldu í A flokki. Yngri og óreyndari liðin í B flokki. Tveir riðlar í B flokki. Í B riðli náði B sveitin einstökum árangri, hlaut 19,5 vinninga af 20 mögulegum. Sveitin tefldi síðan til úrslita við sigurvegara í A riðli, skáksveit TR, og vann einvígið örugglega 6-2.
Stelpusveitirnar komu sterkar til leiks og urðu í 2. og 3. sæti A riðils.
Fjölnir með bestan árangur meðal yngri sveita. Svakalegur áhugi og góð mæting á Fjölnisæfingar sl. vetur að skila sér.
Í sigursveitinni Fjölnir B voru þeir: Tristan Fannar, Emil Kári, Theodór, Ómar Jón og Sindri Snær.
Til hamingju Fjölniskrakkar!
Íslandsmeistarar B liða – B sveit Fjölnis. fv. Theodór Helgi, Emil Kári, Tristan Fannar, Ómar Jón og Sindri Snær
Reykjavíkurmeistarar stúlkna – D sveit Fjölnis, stóð sig frábærlega og nálægt því að komast í úrslitakeppnina.
Emilía Embla, Sigrún Tara, Tara Líf og Silja Rún
Bronssveitin, stúlkurnar í Fjölni. Heiðdís Diljá , Hrafndís Karen, María Lena og Nikola
Úrslitaeinvígi í B deild. Skákdeild Fjölnis með örugga sigra í tveimur umferðum, 3- 1 og 3-1
A sveit Fjölnisteflir við Íslandsmeistarasveit Breiðabliks.
Eiríkur Emil (fremst til hægri) á 1. borði tefldi einstaklega vel á mótinu
Hrafnhildur framlengir til 2024
Hrafnhildur leikmaður meistaraflokks kvenna hefur framlengt samningi sínum við Knattspyrnudeild Fjölnis. Hrafnhildur, sem er fædd árið 2003, er að hefja sitt fimmta tímabil í meistaraflokki. Hún hefur samtals leikið 50 KSÍ leiki og skorað í þeim eitt mark en þetta eina mark verður að teljast ansi mikilvægt. Markið mikilvæga var útivallarmark sem kom gegn Völsungi í úrslitakeppni 2. deildar í sumar og var eitt tveggja marka í síðari leik liðanna sem tryggði okkur sæti í 1. deild á komandi tímabili. Hrafnhildur er öflugur varnarmaður sem getur líka leyst stöðu miðjumanns á vellinum.
Það er mikið fagnaðarefni að semja við þennan sterka og uppaldna leikmanns sem gegnt hefur mikilvægu hlutverki í meistaraflokki kvenna síðustu ár. Knattspyrnudeildin hlakkar til komandi tímabila saman og væntir mikils af samstarfinu.
#FélagiðOkkar
Mynd: Baldvin Berndsen
Jóladagatal knattspyrnudeildar
Jóladagatal KND Fjölnis 2021
Knattspyrnudeild Fjölnis er komin í jólaskap og hefur sölu á „rafrænum“ jóladagatölum í dag til að telja saman niður í jólin!
Jóladagatalið virkar einfaldlega eins og happdrætti en fólk fær úthlutað númeri fyrir 3. desember í tölvupósti við kaup. Það eru 24 flottir vinningar í boði að heildarverðmæti 303.730 kr. Vinningar eru dregnir út sunnudagana 5., 12. og 19. desember og hægt að nálgast á skrifstofu Fjölnis í Egilshöll.
Hægt er að styrkja deildina með kaupum á rafrænu jóladagatali með því að smella hér
Greiðsluupplýsingar eru eftirfarandi: (Þessar upplýsingar koma einnig fram í sölulinknum)
Rkn: 0114-05-060968
Kt: 631288-7589
Senda kvittun á 1×2@fjolnir.is
Við hvetjum alla til að styðja við öflugt starf deildarinnar með kaupum á rafrænu og umhverfisvænu jóladagatali. Þinn stuðningur skiptir máli.
Áfram Fjölnir! #FélagiðOkkar
Dregið var fyrir 1.-5. desember í Jóladagatali KND Fjölnis 2021. Eftirfarandi númer voru dregin út:
Vinningsnúmer | Desember | Vinningur | Verðmæti |
146 | 1.des | Nings gjafabréf | 10,500 |
228 | 2.des | Fyririsland.is gjafabréf | 5,000 |
137 | 3.des | Plan B Burger – 2 x Fjölskyldutilboð fyrir 4 | 8,900 |
126 | 4.des | Barbarinn klipping | 5,950 |
50 | 5.des | Horfnar eftir Stefán Mána og 11.000 volt, þroskasaga Guðmundar Felix Grétarssonar eftir Erlu Hlynsdóttur – Sögur útgáfa | 14,480 |
Vinninga má nálgast á skrifstofu Fjölnis í Egilshöll.
Næsti dráttur er 12. desember. Takk fyrir stuðninginn og áfram Fjölnir!
-Knattspyrnudeild Fjölnis
Adna framlengir til 2024
Adna Mesetovic leikmaður meistaraflokks kvenna hefur framlengt samningi sínum við Knattspyrnudeild Fjölnis. Adna, sem er fædd árið 1998, gekk til liðs við Fjölni fyrir síðasta tímabil frá Fjarðab/Höttur/Leiknir F. Hún hefur samtals leikið 78 KSÍ leiki og skorað í þeim 15 mörk. Adna er framsækin miðjumaður sem býr yfir flottum hæfileikum. Í sumar var Adna kölluð inn í landsliðsverkefni með A-landsliði Bosníu og Hersegóvínu en þar fékk hún tækifæri til að sýna hæfileika sína í 1-0 sigri í vináttulandsleik við Búlgaríu.
Það er mikið fagnaðarefni að framlengja við þennan sterka leikmann sem mun halda áfram að gegna stóru hlutverki í meistaraflokki kvenna á komandi misserum. Knattspyrnudeildin hlakkar til komandi tímabila saman og væntir mikils af samstarfinu.
#FélagiðOkkar
Mynd: Baldvin Berndsen