• Skráning hefst 1.janúar
• Æfingar hefjast samkvæmt stundaskrá  4.janúar
• Æfingagjöld fimleikadeildar má finna hér.

Markmið iðkenda

Miklvægt að iðkendur í keppnishópum setji sér markmið til að ná betri árangri.

• Hafa vilja til að stunda æfingar og keppni
• Hafa áhuga fyrir sinni íþrótt
• Ávallt að hafa það markmið að bæta færni sína á öllum áhöldum
• Keppast við að ná viðeigandi þrepi á keppnistímabilinu

Æfingar
Iðkendur í K hópum æfa rúma 9 mánuði eða á ári og er góð mæting fyrir öllu svo hægt sé að ná þeim markmiðum sem þjálfari hópsins leggur upp með. Þrek, tækni og endurtekningar í æfingum eru nauðsynlegar og mikilvægt að iðkendur og foreldrar sýni æfingavali þjálfarans skilning. Hefðbundnar æfingar skv. stundaskrá fara fram á haustönn og vorönn en mikilvægt er að gera sér grein fyrir þeim breytingum sem verða á æfingum yfir árið.

Valfrjálsar æfingar

Iðkendum í ákveðnum keppnishópum stendur til boða að bæta við sig einni æfingu í viku. Þær æfingar eru ekki innifaldar í æfingagjaldi heldur eru þetta valfrjálsar æfingar og er greitt fyrir þær sérstaklega. Æfingarnar fara fram á laugardögum eða sunnudögum.

Sumaræfingar

Yfir sumartímann er boðið upp á æfingar í júní og ágúst. Einnig skal hafa í huga að æfingafyrirkomulag (fjöldi tíma og daga) getur verið breytilegt á þessum árstíma. Við bendum á að greitt er sérstaklega fyrir æfingar yfir sumartímann.

Jóla- og páskaæfingar

Þjálfari hópsins í samaráði við verkefnastjóra ákveður hvernig æfingum skal háttað yfir hátíðir. En allir iðkendur í K-hópum stunda æfingar á þessum tíma.

Fimleikamót

Iðkendum stendur til boða að taka þátt í ýmsum fimleikamótum. Þjálfarar í samráði við verkefnastjóra viðeigandi greinar skipuleggja með góðum fyrirvara hvaða mótum hópurinn tekur þátt í á keppnistímabilinu.

Mjög mikilvægt er að undirbúningur fyrir mót sé góður, bæði í fimleikasalnum og heima fyrir. Undirbúningstímabilið getur verið krefjandi fyrir iðkendur. Oft er verið að framkvæma nýjar æfingar og gott að foreldrar sýni því skilning. Þau þurfa nægan svefn, hollan mat og hvatningu til þess að æfingar þeirra skili sér best. Það er ávallt í höndum þjálfara hvaða mótum iðkandinn tekur þátt í á keppnistímabilinu.

Ákveðnar kröfur eru gerðar til keppnisfatnaðar á fimleikamótum. Fimleikafatnaðurinn eru til sölu á skrifstofu Fjölnis á auglýstum söludögum sem birtast á heimasíðu deildarinnar.

Upplýsingar allan um æfinga- og keppnisfatnað deildarinnar má finna hér.