Knattspyrnudeild Fjölnis hefur samþykkt kauptilboð Vals í Lúkas Loga Heimisson.

Lúkas Logi er 19 ára sóknarmaður sem uppalinn er í Fjölni en þrátt fyrir ungan aldur hefur hann leikið 41 leik fyrir félagið og skorað í þeim 13 mörk. Á síðasta tímabili sneri hann aftur í Voginn eftir tæplega ársdvöl á láni hjá Empoli FC á Ítalíu þar sem hann lék með U19 ára liði félagsins við góðan orðstír.

Knattspyrnudeild Fjölnis vill þakka Lúkasi fyrir þau góðu ár sem hann hefur leikið fyrir félagið og óskar honum alls hins besta hjá nýju félagi.

Harpa Sól Sigurðardóttir snýr aftur í Voginn og semur við Knattspyrnudeild Fjölnis til næstu tveggja ára, út tímabilið 2024. Harpa Sól, sem er fædd árið 2004, kemur til okkar frá KH þar sem hún lék á síðasta tímabili. Hún lék áður með FH og Breiðablik. Harpa Sól, sem er fjölhæfur miðjumaður, hefur leikið 15 KSÍ leiki og skorað í þeim tvö mörk.

Það er mikið fagnaðarefni að fá Hörpu Sól aftur heim í Voginn. Knattspyrnudeildin hlakkar til komandi tíma saman og bindur miklar vonir við þennan öfluga leikmann.

Mynd: Baldvin Örn Berndsen

Það er óhætt segja að fyrsta tækninámskeið okkar hafi heppnast gríðarlega vel, það var mikill metnaður, gleði og frábært andrúmsloft á æfingum. Krakkarnir voru að gera frábæra hluti og sýndu framfarir í þeim tækniatriðum sem voru kennd.
Ýmislegt var krefjandi og krakkarnir þurftu að leggja mikið á sig til að ná valdi á tækniatriðunum.
Brosið fylgdi öllum tækniæfingum vegna þess að það heppnast alltaf eitthvað af atriðum/æfingum sem voru lögð fyrir krakkana.
Við þökkum kærlega leikmönnum og foreldrum fyrir frábært námskeið.

Námskeið nr. 2 byrjar 22. janúar og mun standa í 2 mánuði, á námskeiðinu ætlum við að kenna skot og langar sendingar.
Fótboltasérfæðingar segja að skottækni sé grunnundirstaða í öllum spyrnum fótboltans: löngum sendingum, fyrirgjöfum, innanfótsendingum … Þeir leikmenn sem ná valdi á skottækni munu auðveldega læra allar aðrar spyrnur í  fótboltanum.  Í gegnum tíðina hef ég (Luka) mælt framfarir leikmanna í skottækni og niðurstaða mælinga er sú að leikmenn 15 ára og eldri bættu sig um 35-75% en leikmenn 10-14 ára bættu sig 140 – 380%.  Mælingar sýna að kenning Arséne Wenger hefur mikið að segja, en kenning hans snýr að því að krakkar á þessum aldri eru móttækilegastir að læra tækniatriði.

Á námskeiðinu veður haldinn fyrirlestur um einstaklingsatriði sem eru kennd og æfingar munu fara fram eingöngu innandyra. Takmarkaður fjöldi verður í boði.

Skráning fer fram HÉR

Kær kveðja,
Luka og þjálfarar