Hagkaup og knattspyrnudeild Fjölnis skrifa undir samstarfssamning
Hagkaup og knattspyrnudeild Fjölnis skrifa undir samstarfssamning
Hagkaup og Fjölnir skrifa undir þriggja ára samstarfssamning
Hagkaup og knattspyrnudeild Fjölnis hafa skrifað undir þriggja ára samstarfssamning sem markar mikilvægt skref í áframhaldandi uppbyggingu starfs deildarinnar. Samningurinn styður við öflugt barna-, unglinga- og afreksstarf félagsins og styrkir enn frekar þær stoðir sem starfsemin byggir á.
Sem hluti af samstarfinu mun Hagkaup jafnframt bera nafn Þorramóts félagsins fyrir 8. flokk, sem framvegis mun heita Hagkaupsmótið. Mótið hefur verið fastur liður í starfi félagsins um árabil og er einn af hápunktum yngri flokka starfsins á hverju ári. Hagkaup mun einnig leggja til verðlaun fyrir iðkendur mótsins, meðal annars ávexti og verðlaunapeninga.
Birgir Birgisson, rekstrarstjóri knattspyrnudeildar Fjölnis, fagnar samstarfinu og telur það mikilvægt fyrir áframhaldandi þróun starfsins.
„Samningurinn styrkir stoðir starfsins innan frá og við fögnum ríkulegri aðkomu Hagkaupa að starfsemi félagsins. Hagkaup er stór hluti af lífi Grafarvogsbúa og því sérstaklega ánægjulegt að hefja þetta samstarf“, segir Birgir.
Eva Laufey Kjaran, markaðs- og upplifunarstjóri Hagkaups, segir fyrirtækið stolt af því að taka þátt í starfi félagsins.
„Við erum afar stolt af því að hefja þetta samstarf með Fjölni. Í Hagkaup leggjum við mikla áherslu á að styðja við heilbrigt og öflugt samfélag og þar gegna íþróttafélög lykilhlutverki. Það er okkur sérstakt ánægjuefni að geta lagt okkar af mörkum til barna- og unglingastarfs félagsins og tekið þátt í að skapa jákvæðar upplifanir fyrir ungt íþróttafólk og fjölskyldur þeirra. Við hlökkum til samstarfsins á komandi árum og að sjá Hagkaupsmótið vaxa og dafna“, segir Eva Laufey.
Knattspyrnudeild Fjölnis fagnar samstarfinu og hlakkar til að vinna með Hagkaup á komandi árum að áframhaldandi uppbyggingu öflugs knattspyrnustarfs í Grafarvogi.
Aðrar fréttir af deildinni
Aron Breki framlengir við Fjölni
Aron Breki framlengir við Fjölni
Handknattleiksmaðurinn Aron Breki Oddnýjarson hefur framlengt samning sinn við meistaraflokk karla hjá Fjölni til næstu tveggja ára.
Aron Breki er uppalinn Fjölnismaður og hefur verið mikilvægur hluti af starfi félagsins um árabil. Hann er ekki aðeins öflugur leikmaður innan vallar heldur einnig afar dýrmætur félagsmaður sem ber hag Fjölnis fyrir brjósti og hefur mikla ástríðu fyrir uppbyggingu félagsins. Leikmenn sem hafa alist upp innan félagsins gegna lykilhlutverki í að varðveita sögu þess, gildi og menningu og þar er Aron Breki engin undantekning.
Meistaraflokksráð karla fagnar því að Aron Breki hafi ákveðið að halda áfram með félaginu.
„Það er okkur sönn ánægja að halda áfram samstarfi við Aron Breka, sem er ekki aðeins frábær leikmaður heldur einnig mikilvæg fyrirmynd í kringum starfið. Við erum spennt fyrir að sjá hann taka stórt hlutverk næsta vetur og blómstra áfram í gulu og bláu.“ segja Sveinn Þorgeirsson og Daníel Rúnarsson fyrir hönd meistaraflokksráðs karla.
Aron Breki segist sjálfur hlakka til framhaldsins hjá sínu uppeldisfélagi.
„Ég er virkilega ánægður með að fá að halda áfram í þessu verkefni hjá Fjölni. Það er draumur að fá að spila fyrir félagið mitt og taka þátt í að koma því aftur á þann stað sem það á heima.“ segir Aron Breki.
Framlenging Arons Breka er mikilvægt skref í áframhaldandi uppbyggingu meistaraflokks karla, þar sem félagið leggur áherslu á að byggja á sterkum kjarna uppalinna leikmanna sem vilja leggja sitt af mörkum til framtíðar félagsins.
Aðrar fréttir af deildinni
Fjölnir og Aldan sameinast um öflugt samstarf í Grafarvogi
Fjölnir og Aldan sameinast um öflugt samstarf í Grafarvogi
Fjölnir og Aldan fisk og sælkeraverslun hafa gert með sér samstarfssamning sem mun færa iðkendum, foreldrum og stuðningsfólki félagsins fjölbreytt fríðindi ásamt því að styðja við fjáröflunarstarf yngri flokka félagsins. Með samningnum kemur Aldan inn sem einn af aðalstyrktaraðilum félagsins.
Aldan, sem er staðsett í Spönginni, opnaði skömmu fyrir áramót. Að baki versluninni standa þeir Páll og Haraldur, betur þekktir sem Palli og Halli, sem leggja mikla áherslu á gæði og persónulega þjónustu í allri sinni starfsemi. Þeir eru ekki ókunnugir Fjölnisfólki, en Palli rak áður fiskverslunina Hafið sem staðsett var á sama stað síðustu ár.
Sem hluti af samstarfinu munu allir iðkendur og foreldrar á vegum Fjölnis fá 10% afslátt af vörum hjá Öldunni gegn framvísun Abler-aðildar. Þá munu meðlimir 112unnar fá 15% afslátt af vörum búðarinnar gegn framvísun stuðningsmannakorts.
Einnig mun Aldan bjóða upp á gjafabréf hjá sér sem hluta af fjáröflunum yngri flokka Fjölnis í samráði við skrifstofu félagsins, sem mun skapa ný og spennandi tækifæri fyrir deildir félagsins til fjáröflunar.
Þorgeir Örn Tryggvason, markaðsstjóri Fjölnis, fagnar samstarfinu:
„Það er afar ánægjulegt að fá Ölduna til liðs við Fjölni. Við leggjum mikla áherslu á að byggja upp samstarf sem skilar raunverulegu virði fyrir okkar iðkendur, foreldra og stuðningsfólk og þetta samstarf gerir nákvæmlega það. Við hlökkum til að vinna með Öldunni á komandi árum.“
Palli, eigandi Öldunnar, tekur undir það:
„Aldan vill sem hverfisfiskbúð styðja við það góða starf sem Fjölnir stendur fyrir og sjá til þess að bæði íbúar Grafarvogs og iðkendur Fjölnis geti nálgast hollan og góðan fisk hjá okkur.“
Við hjá Fjölni fögnum þessu góða samstarfi og hvetjum alla til að kíkja við í Ölduna.
Frábær árangur hjá yngri flokkum körfuknattleiksdeildar Fjölnis
Frábær árangur hjá yngri flokkum körfuknattleiksdeildar Fjölnis
Aðrar fréttir af deildinni
Sara Xiao semur við Fjölni
Sara Xiao semur við Fjölni
Handknattleikskonan Sara Xiao hefur samið við Fjölni um að spila með meistaraflokki kvenna á komandi tímabili.
Sara, sem er fædd árið 2004, kemur til Fjölnis frá Selfossi en er uppalin hjá Fram. Hún er öflugur markvörður sem hefur vakið athygli fyrir öryggi sitt í markinu, góð viðbrögð og mikinn metnað.
Halldór Torfi Pedersen, í meistaraflokksráði kvenna, er einstaklinga ánægður með að hafa landað Söru: „Við teljum Söru passa einstaklega vel inn í ungan og metnaðarfullan hóp félagsins og bindum miklar vonir við framlag hennar á komandi tímabilum.“ Sara sjálf er spennt fyrir nýjum kafla hjá Fjölni: „Ég er mjög spennt að vera að koma í Fjölni og fá að takast á við nýjar áskoranir.“
Það eru afar góð tíðindi fyrir Fjölni að Sara hafi samið við félagið og hlökkum við til að sjá hana verja markið á komandi tímabili.
Aðrar fréttir af deildinni
Ölgerðin áfram í öflugu samstarfi við Ungmennafélagið Fjölnir
Ölgerðin áfram í öflugu samstarfi við Ungmennafélagið Fjölnir
Fjölnir og Ölgerðin hafa endurnýjað samstarfssamning sinn og er um að ræða enn veglegri samning en áður, sem nær nú yfir fleiri deildir og viðburði innan félagsins.
Ölgerðin hefur verið einn af stærstu og mikilvægustu styrktaraðilum Fjölnis um langt árabil og hefur samstarfið reynst félaginu afar dýrmætt. Stuðningur fyrirtækisins skiptir miklu máli fyrir áframhaldandi uppbyggingu og öflugt starf félagsins. Vörur frá Ölgerðinni eru stór hluti af leikdögum og viðburðum á vegum félagsins og eru einnig nýttar í almennri sjoppusölu hjá deildum Fjölnis. Sú sala er mikilvæg fjáröflun fyrir deildirnar og styður beint við öflugt íþrótta- og félagsstarf innan félagsins.
Þorgeir Örn Tryggvason, markaðsstjóri Fjölnis, er ánægður með nýja samninginn: „Ölgerðin hefur um árabil verið einn af stærstu styrktaraðilum Fjölnis og því afar ánægjulegt að efla það samstarf enn frekar. Með nýjum samningi eykst aðkoma Ölgerðarinnar að fleiri viðburðum og verkefnum innan félagsins, sem mun styrkja starf deildanna enn meira.“
Valdís María Einarsdóttir, sölustjóri á fyrirtækjasviði hjá Ölgerðinni, segir samstarfið mikilvægt: “Það er okkur hjá Ölgerðinni mikið ánægjuefni að efla enn frekar samstarfið við Fjölni, sem hefur staðið sterkt um árabil. Fjölnir er öflugt félag með mikilvægt hlutverk og við erum stolt af því að geta lagt okkar af mörkum með áframhaldandi samstarfi.”
Fjölnir þakkar Ölgerðinni kærlega fyrir stuðninginn og hlakkar til áframhaldandi farsæls samstarfs á komandi árum.
Signý Harðardóttir framlengir við Fjölni
Signý Harðardóttir framlengir við Fjölni
Handknattleikskonan Signý Harðardóttir hefur framlengt samning sinn við meistaraflokk kvenna hjá Fjölni.
Signý, sem er fædd árið 2007, er ungur og efnilegur vinstri hornamaður sem hefur vakið athygli fyrir styrk sinn, snörp tilþrif og mikla vinnusemi. Hún er baráttuglöð á vellinum og leggur sig alltaf fram fyrir liðið, bæði í vörn og sókn. Fjölnir bindur miklar vonir við áframhaldandi þróun Signýjar á komandi tímabilum.
Signý sjálf er spennt fyrir framhaldinu: „Ég er mjög spennt fyrir komandi tímabili og að halda áfram að leggja mig fram um að gera betur í dag en í gær. Það er kraftur í hópnum og ég trúi því að við eigum eftir að gera góða hluti saman.“
Það eru góð tíðindi fyrir Fjölni að Signý hafi framlengt samning sinn og hlökkum við til að sjá meira af henni í gulu á komandi tímabili.
Aðrar fréttir af deildinni
Fjölnir og Olís framlengja samstarf sitt til næstu fjögurra ára fyrir Fjölnishlaup Olís
Fjölnir og Olís framlengja samstarf sitt til næstu fjögurra ára fyrir Fjölnishlaup Olís
Fjölnir og Olís hafa skrifað undir nýjan fjögurra ára samstarfssamning vegna Fjölnishlaupsins sem mun því áfram bera nafnið Fjölnishlaup Olís.
Fjölnishlaup Olís verður haldið í 38. sinn á Uppstigningardag og er elsti starfandi viðburður Fjölnis. Hlaupið hefur verið fastur liður í starfi félagsins í áratugi og skipar mikilvægan sess í samfélaginu í Grafarvogi. Þorgeir Örn Tryggvason, markaðsstjóri Fjölnis, hafði þetta um samstarfið: „Það eru frábærar fréttir að Olís haldi áfram að styðja við Fjölnishlaupið, sem er viðburður sem er mjög mikilvægur í starfsemi Fjölnis. Við erum gífurlega þakklát fyrir áframhaldandi stuðning og farsælt samstarf við Olís.“
Þá hafði Þyrí Dröfn Konráðsdóttir, forstöðukona markaðsmála hjá Olís þetta að segja um nýja samninginn: „Við hjá Olís erum stoltir styrktaraðilar Olís hlaupsins sem er nú haldið í 38. skipti. Olís leggur áherslu á að taka virkan þátt í og styðja við samfélagið í Grafarvogi. Segir Þyrí Dröfn Konráðsdóttir forstöðukona markaðsmála hjá Olís.
Það eru frábærar fréttir að Olís styðji áfram við hlaupið á komandi árum og hvetjum við alla til að taka þátt í hlaupinu næstkomandi fimmtudag. Áfram Fjölnir!
Lokahóf handknattleiksdeildar Fjölnis fór fram með glæsibrag
Lokahóf handknattleiksdeildar Fjölnis fór fram með glæsibrag
Handknattleiksdeild Fjölnis hélt nýverið lokahóf sitt, þar sem leikmenn, þjálfarar og stuðningsfólk komu saman til að fagna vel heppnuðu tímabili. Stemningin var frábær og gleðin rík, enda margt til að minnast eftir veturinn.
Á hófinu voru veittar viðurkenningar til leikmanna sem sköruðu fram úr á tímabilinu:
- Besti leikmaður karla: Aðalsteinn Örn Aðalsteinsson
- Besti leikmaður kvenna: Berglind Benediktsdóttir
- Besti leikmaður Vængja: Óli Fannar Pedersen
- Efnilegasti leikmaður karla: Heiðmar Björgvinsson
- Efnilegasti leikmaður kvenna: Sara Kristín Pedersen
- Besti liðsfélagi kvenna: Sara Kristín Pedersen
- Besti liðsfélagi karla: Ólafur Malmquist
Það var ljóst að samheldni og metnaður einkenna handknattleiksdeild Fjölnis, og horfa leikmenn og þjálfarar björtum augum til næsta tímabils.
Aðrar fréttir af deildinni
Sara Kristín framlengir við Fjölni
Sara Kristín framlengir við Fjölni
Handknattleikskonan Sara Kristín Pedersen hefur framlengt samning sinn við meistaraflokk kvenna hjá Fjölni.
Sara kemur úr öflugum 2007 árgangi Fjölnis og er nú að hefja sitt fimmta ár með meistaraflokki félagsins, þrátt fyrir ungan aldur. Hún hefur þegar leikið yfir 70 leiki fyrir Fjölni og safnað að sér dýrmætri reynslu á stuttum tíma.
Sara hefur verið lykilleikmaður hjá liðinu undanfarin ár og framlag hennar innan sem utan vallar fer ekki fram hjá neinum. Á síðustu árum hefur hún verið valin efnilegasti leikmaður meistaraflokksins og á síðasta lokahófi var hún einnig valin besti liðsfélaginn.
Magnús Arnarsson, formaður meistaraflokksráðs kvenna, segir ánægjulegt að halda Söru áfram hjá félaginu: „Við erum afar glöð að Sara Kristín verði áfram með okkur og hlökkum til að fylgjast með henni halda áfram að vaxa og blómstra í Fjölnisbúningnum.“ Sara Kristín er þá spennt fyrir áframhaldinu: „Ég er mjög spennt að halda áfram með félaginu og hlakka til að byggja ofan á það sem við höfum verið að gera saman.“
Markmið liðsins eru skýr fyrir komandi tímabil þar sem stefnan er sett á að halda áfram uppbyggingu liðsins og berjast í fremstu röð. Með áframhaldandi framlagi Söru Kristínar styrkist hópurinn enn frekar fyrir verkefnin fram undan.
