Rótarý á Íslandi verðlaunar Skákdeild Fjölnis og skákstarf Rimaskóla
Helgi Árnason, formaður Skákdeildar Fjölnis, við viðurkenningu og veglegum styrk Verðlauna-og styrktarsjóðs Rótarý á Íslandi. Athöfnin fór fram á Umdæmisþingi Rótarý á Íslandi sem haldið var í Gullhömrum Grafraholti.
Þetta er mikill heiður og viðurkenning á líflegu starfi Skákdeildar Fjölnis sem á sér fáa líka hvað varðar fjölda þátttakenda og jafns kynjahlutfalls.
Til hamingju Fjölniskrakkar. Fram til sigurs
#FélagiðOkkar
Óliver og Sigurvin til Fjölnis
Knattspyrnudeild Fjölnis hefur gengið frá samningum við þá Óliver Dag Thorlacius og Sigurvin Reynisson til tveggja ára, út tímabilið 2024. Báðir koma þeir til félagsins frá Gróttu.
Óliver er 23 ára miðjumaður sem spilað hefur með Gróttu frá tímabilinu 2018 en þar áður var hann á mála hjá KR þar sem hann er uppalinn. Óliver á að baki 136 KSÍ leiki og hefur skorað í þeim 27 mörk. Auk þess á hann átta leiki með yngri landsliðum Íslands.
Sigurvin sem er 27 ára varnarsinnaður miðjumaður er uppalinn hjá Fylki en hefur leikið með Gróttu síðan 2016. Á síðasta tímabili var Sigurvin frá vegna anna en mun snúa aftur á völlinn með Fjölni á komandi tímabili. Hann á að baki 177 leiki í meistaraflokki, þar af 16 í efstu deild.
Það er mikið fagnaðarefni fyrir félagið að semja við þessa öflugu leikmenn sem eru frábær viðbót við hópinn. Knattspyrnudeild Fjölnis hlakkar til komandi tímabila saman og væntir mikils af samstarfinu.
#FélagiðOkkar býður þá hjartanlega velkomna í Voginn.
Icepharma veitir BUR styrk í minningu Hálfdánar Daðasonar
Í síðustu viku veitti Icepharma Barna- og unglingaráði knattspyrnudeildar Fjölnis veglegan styrk í minningu Hálfdánar Daðasonar sem starfað hafði á heilsu- og íþróttasviði fyrirtækisins.
Styrkurinn er veittur til að heiðra minningu Hálfdánar sem var sannur Fjölnismaður og virkur í foreldrafélögum knattspyrnudeildarinnar.
BUR hefur stofnað styrktarsjóð sem ætlað er að stuðla að fræðslu um geðheilbrigði og efla forvarnarstarf hjá yngri flokkum knattspyrnudeildar félagsins.
Við sendum kærar þakkir til Icepharma
Barna- og unglingaráð knattspyrnudeildar Fjölnis
FJÖLNIR X PUMA
Við kynnum stolt FJÖLNIR X PUMA!
Allar deildir í eitt merki
Vefverslunin hefur opnað og nú er hægt að versla PUMA fatnað
Hér er linkur á vefverslunina: https://teamsport.is/pages/fjolnir
Glöggir lesendur sjá líka að við höfum uppfært merkið okkar á fatnaðinum. Liturinn á merkinu er alltaf sá sami og liturinn á PUMA merkinu.
Ungmennafélagið Fjölnir er afar stolt af því að félagið í heild sinni hefur samið við Margt Smátt og mun keppa í Puma næstu 4 árin.
Við erum svo spennt að sýna glæsilega nýja PUMA fatnaðinn okkar og flottu Fjölnis-módelin sem við fengum til liðs við okkur!
#FélagiðOkkar
Myndir: Gunnar Jónatansson
Tækni/afreksæfingar með Luka Kostic!
Í september hefjast afreksæfingar fyrir iðkendur í 4. og 5. fl kvenna og karla undir handleiðslu Luka Kostic og þjálfurum félagsins.
Æfingar verða 1x á viku og fyrsta námskeið stendur yfir 17.september -17. desember.
Tækni er grundvallaratriði fótboltans og er mjög mikilvægt að læra tækni snemma á knattspyrnuferlinum. Ástæðan er sú að ungir iðkendur eru mjög móttækilegir og hafa meiri möguleika á að ná valdi á öllum einstaklings-tækniatriðum fótboltans. Samkvæmt kenningum Arséne Wenger þá hafa leikmenn eftir 14 ára aldur minni möguleika á að bæta sig í öllum tækniatriðum.
Luka hefur kennt einstaklingstækni í meira en 20 ár og mjög margir landsliðsmenn, sem hafa náð besta árangri í sögu íslenskar knattspyrnu, hafa farið í gegnum einstaklingsprógram Luka.
Kostnaður er 19.500 kr. fyrir haustönn, skiptist upp í 3 fyrirlestra og 13 æfingar. Skráning fer fram HÉR
Hér fyrir neðan má sjá ummæli fyrrverandi landsliðsþjálfara, Heimi Hallgrímssonar og fyrirliða íslenska landsliðsins, Birki Bjarnasyni.
Heimir Hallgrímson:
Ég hitti Luka fyrst á einstaklings tækninámskeiði og síðan þá hef ég fengið tækifæri að kynnast prógrammi hans enn betur. Sem landsliðsþjálfari hef ég sótt mörg UEFA & FIFA ráðstefnur og get sagt að einstaklingstækniáætlun Luka er í heimsklassa. Tækniatriðin sem eru í prógrammi Luka eru atriði sem sérhver ungur knattspyrnumaður þarf að læra, en ég er líka viss um að atvinnuleikmönnum myndi finnast það gagnlegt og upplýsandi og það gæti örugglega bætt við færni þeirra.
Birkir Bjarnason
Luka var þjálfari minn fyrir U17 & U21 og hafði mikil áhrif snemma á ferli mínum. Bæði tæknilega, taktískt og andlega herti hann mig og marga aðra í íslenska landsliðinu í dag varðandi grunnatriði í fótboltanum sem við notum enn í dag.
Ég mæli eindregið með einstaklings/tækniþjálfun Luka fyrir alla, þar sem það hefur hjálpað mér að bæta mig og verða sá leikmaður sem ég er í dag.
Björt framtíð í Fjölni og tennis á Íslandi. Fyrsti alþjóðlegi sigur Íslendings í ungmennaflokk í Tennis!
Saule Zukauskaite úr Ungmennafélaginu Fjölni bar sigur úr bítum á Ten-Pro Global Tennis Junior móti í Tbilisi í Georgíu, sterku alþjóðlegu móti sem haldið var vikuna 28. ágúst – 4. september. Árangur Saule er eftirtektarverður þar sem hún keppti í flokki U16 ára en hún er nýlega orðin 14 ára.
Ten-Pro Global Junior Tour mótið hefur verið haldið árlega um allan heim síðan árið 2015. Óvenju hlýtt veður ögraði ungu tennisleikurunum en hitinn var frá 33°c upp í 37°c á meðan á mótinu stóð. Tennisstjörnur framtíðarinnar, stúlkur og strákar frá 10 til 16 ára aldri, komu saman alls staðar af úr heiminum og kepptu í 7 aldursflokkum.
Þetta var í annað skipti sem Saule tók þátt í Ten-Pro móti eftir frumraun hennar á Global Junior Tour í Hollandi sem fór fram fyrir þremur mánuðum. Saule, sem æfir með Fjölni, eyddi sumrinu sínu í auka tennisæfingar, til að undirbúa sig betur fyrir mótin í ágúst, undir faglegri handleiðslu hjá tennisþjálfurum félagsins Carolu Frank , Alönu Elínu Steinarsdóttir og Lamar Bartley frá Bretlandi.
Saule meiddist á vinstri úlnlið á International Children Games 2022 í Coventry sem fór fram 11.-16. ágúst. Henni tókst þó að koma sér aftur í keppnisform á þessum tveimur vikum fyrir mótið í Georgíu þökk sé þjálfarateyminu og Birni Björnssyni sjúkraþjálfara.
Saule lék 8 leiki í Tbilisy, vann 12 sett af 19 (63,1%) og 99 leiki af 171 (57,9%). Saule kláraði þrjá leiki af 3 settum, sá lengsti stóð yfir í tæpar 3 klukkustundir.
Innilega til hamingju Saule fyrir þennan frábæra árangur! Áfram Fjölnir!
Hér er hægt að nálgast nánari upplýsingar um mótið:
Besta leiðin á æfingu - Strætófylgd 2022
Fjölniskrökkum í 1. og 2. bekk í Grafarvogi, Grafarholti og Úlfarsárdal býðst að fá fylgd í Strætó
frá frístundaheimili sínu á æfingar í Egilshöll sem byrja kl. 14:40 og enda kl. 15:30 mánudaga
til fimmtudaga. Fylgdin er ekki í boði fyrir æfingar sem ljúka eftir þann tíma.
Krakkarnir eru sóttir á frístundaheimilin (Ingunnar-, Hamra-, Borga- og Rimaskóli) eða á strætóstoppistöðina (Folda-, Húsa-, Sæmundar- og Dalskóli). Þeim er svo fylgt til baka að lokinni æfingu og passað upp á að þau fari út á réttri
stoppistöð.
Við hvetjum iðkendur Fjölnis sem eru að stíga sín fyrstu skref í að bjarga sér sjálf á æfingar til
þess að nýta sér fylgdina og læra í leiðinni að taka Strætó.
Skráning í fylgdina fer fram í gegnum skráningakerfi félagsins fjolnir.felog.is.
Verðskrá fyrir fylgd á haustönn:
Æfing 1x í viku: 5.000 kr
Æfing 2x í viku: 10.000 kr
Æfing 3-4x í viku: 15.000 kr.
Mjög mikilvægt er að foreldrar tilkynni starfsfólki frístundarheimilis hvaða daga barnið á að fara á æfingu.
- Skrá þarf iðkandann á haustönn og svo aftur á vorönn, haldi barnið áfram eftir
áramót. - Börn 11 ára og yngri fá frítt í strætó á höfuðborgarsvæðinu, aðrar almennar
upplýsingar um fargjöld strætó má finna inni á straeto.is - Það er ekki fylgd í boði frá Engjaskóla þar sem þau eru í göngufæri við Egilshöllina
Stundatafla fyrir æfingar sem eru í boði með fylgdinni má sjá hér neðar á síðunni. Vinsamlegast skráið barnið í fylgdina og látið frístundaheimilið vita í síðasta lagi deginum áður en æfingar hefjast.
Gott er ef foreldrar/forráðamenn nái að fara eina ferð með krökkunum í strætó til og frá frístundaheimilinu áður en þau fara í sína fyrstu fylgd.
Þau börn sem fá fylgd verða í sér búningsklefum svo að auðveldara sé að halda utan um hópana. Við verðum í búningsklefum í Fjölnishöll eins og í fyrra.
Við hvetjum foreldra barna í 3. bekk og eldri til að taka strætó á æfingar áfram!
HÉR er hægt að sjá áætlanir ferða til og frá Egilshöll
*Uppfært haust 2022
Árgangamót Fjölnis í knattspyrnu 17. september 2022
Árgangamót Fjölnis í knattspyrnu verður haldið laugardaginn 17. september 2022 við toppaðstæður inni í Egilshöll. Árgangamótið er tengt við Októberfest í Grafarvogi sem er síðar um kvöldið í Egilshöll.
Yngstu árgangar sem bætast við frá því síðast eru '01 og '02 og við bjóðum þá árganga hjartanlega velkomna.
Dagskráin er eftirfarandi:
-Árgangamótið hefst kl. 9:00 og klárast kl. 13:00.
-Hver leikur er 1x 12 mín
-6 á móti 6 (1 í markmaður og 5 útileikmenn)
-Mótinu verður aldursskipt
-Verðlaunaafhending og lokahóf á Októberfest um kvöldið
-Dansiball frameftir nóttu í Egilshöll á okkar heimvelli í Grafarvogi!
Verð og pakkadílar:
Árgangamót = 3.500 kr.
Ball = 4.900 kr.
Októberfest (borðhald og ball) = 10.900 kr.
Árgangamót + Októberfest = 12.900 kr.
Árgangamót + Ball = 7.400 kr.
Allir velkomnir. Sumir árgangar eru fjölmennir því er í lagi að vera með fleira en eitt lið í hverjum árgangi á meðan aðrir eru sameinaðir.
Fyrirliðar hvers árgangs, sem verða kynntir á næstu dögum, sjá um skráningu og utanumhald og senda á argangamot@fjolnir.is.
Árgangamótin hafa slegið í gegn en hátt í 250 manns á öllum aldri af báðum kynjum tóku þátt síðast sem gerir það af einu stærsta árgangamóti Íslands. Ekki láta þig vanta í ár!
Hér er sérstök grúbba fyrir Árgangamótið:
https://www.facebook.com/groups/968414666503789/
Hér má finna viðburð mótsins á facebook:
Hlökkum til að sjá ykkur 17. september í Egilshöll!
#FélagiðOkkar
Knattspyrnudeild Fjölnis semur við fjölda ungra og efnilegra leikmanna.
Knattspyrnudeild Fjölnis semur við fjölda ungra og efnilegra leikmanna.
Í samræmi við stefnu knattspyrnudeildar Fjölnis í að styrkja enn frekar og byggja upp kvennaknattspyrnu félagsins hefur félagið gert samninga við fjölda ungra knattspyrnumanna. Þessir ungu leikmenn eru í dag burðarstólpar 3.flokks og stutt í framhaldið að þær verði hluti af U20/2.flokk og meistaraflokki Fjölnis.
Það voru þeir Gunnar Hauksson aðalþjálfari 3.flokks kvenna, Sævar Reykjalín formaður barna- og unglingaráðs og Trausti Harðarson formaður meistaraflokksráðs kvenna sem undirrituðu samningana fyrir hönd knattspyrnudeildar.
Leikmenn sem samið var við eru: María Sól Magnúsdóttir, Auður Erla Jónasdóttir, Bjarney Ósk Hilmarsdóttir, Sara Sif Builinh Jónsdóttir, Agnes Lív Pétursdóttir Blöndal, , Hugrún Björk Ásgeirsdóttir, Ólöf Kristjana Þorvaldsdóttir og Thelma Veronika Ingvarsdóttir.
