Upphitun: FH - Fjölnir
Pepsi Max deild karla
18. umferð
FH - Fjölnir
Sunnudaginn 27. september kl. 14:00 í Kaplakrika
Næst liggur leið okkar Fjölnismanna í Kaplakrika. Fjölnir situr á botni deildarinnar með sex stig, níu stigum frá Víkingi sem er í næsta örugga sæti. Sex leikir eru eftir af mótinu. Vonin um að Fjölnir haldi sæti sínu í deild þeirra bestu veikist með hverjum leik sem ekki vinnst. Veika vonin lifir á meðan enn er tölfræðilegur möguleiki á að lifa af. Fyrst og síðast þarf Fjölnir að spila upp á stoltið í þeim leikjum sem eftir eru. Aðeins einu sinni áður hefur lið lokið tímabili með innan við tíu stig í tólf liða A-deild, það var lið Keflavíkur sem féll fyrir tveimur árum síðan með fjögur stig.
FH er í öðru sæti deildarinnar. Bæði lið töpuðu á heimavelli í síðustu umferð, Fjölnir fyrir ÍA, 1-3, og FH fyrir Val, 1-4. Fyrri leik FH og Fjölnis í sumar lauk með 0-3 sigri Hafnfirðinga. Nánar er vikið að fyrri viðureignum liðanna í upphitunarpislti fyrir leik liðanna í ár. Enginn leikmanna Fjölnis verður í leikbanni á sunnudag. FH-ingurinn Guðmann Þórisson verður hins vegar í leikbanni eftir að hafa fengið rautt spjald í síðasta leik.
Sjáumst á vellinum. Áfram Fjölnir!
#FélagiðOkkar
Grétar Atli Davíðsson
Upphitun: Fjölnir - ÍA
Pepsi Max deild karla
10. umferð
Fjölnir - ÍA
Fimmtudaginn 24. september kl. 16:15 Extra vellinum
Á fimmtudag Fjölnir og ÍA í Pepsi Max deild karla. Enn leita Fjölnismenn að fyrsta sigrinum í ár. Fjölnir situr á botni deildarinnar með sex stig, níu stigum frá öruggu sæti í deildinni. Skagamenn sitja í áttunda sæti með sautján stig. Um er að ræða frestaðan leik. Leikurinn átti að fara fram í 10. umferð. Bæði lið hafa leikið fimmtán leiki. Fjölnir gerði 1-1- jaftefli við KA um helgina og ÍA lagði Gróttu 3-0 á mánudag.
Félögin hafa mæst átta sinnum í A-deild. Fjölnir hefur unnið helming viðureignanna. Skagamenn hafa unnið tvo leiki og tveir hafa endað með jafntefli. Búast má við markaleik. Í viðureignum Fjölnis og ÍA í efstu deild hafa verið skoruð 3,5 mörk að meðaltali í leik.
Engin lið hafa fengið á sig fleiri mörk í sumar en Fjölnir og ÍA. Skagamenn hafa skorað næst flest mörk í deildinni í ár. Því miður hafa aðeins tvö lið skorað færri mörk en Fjölnir í sumar. Viktor Jónsson, Tryggvi Hrafn Haraldsson og Stefán Teitur Þórðarson hafa að mestu séð um markaskorun Skagamanna. Markahæsti leikmaður Fjölnis í sumar er Jóhann Árni Gunnarsson með fjögur mörk. Þjálfari Skagamanna er Jóhannes Karl Guðjónsson.
Leikið er á einkennilegum tíma vegna birtuskilyrða. Stuðnignsmönnum er heimilt að mæta a völlinn. Fjöldatakmarkanir miðast við 200 einstaklinga í hverju sóttvarnarhólfi. Fjölnir býður upp á tvo hólf. Áfram Fjölnir!
#FélagiðOkkar
Grétar Atli Davíðsson
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
21 – Jeffery Monakana
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
80 - Nicklas Halse
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Upphitun: Fjölnir - KA
Pepsi Max deild karla
17. umferð
Fjölnir – KA
Laugardaginn 19. september kl. 14:00 á Extra vellinum
Leiðin var löng frá Seltjarnarnesi í Grafarvog eftir 2-2 jafntefli Fjölnis og Gróttu síðastliðið mánudagskvöld. Fjölnir er með fimm stig á botni deildairnnar, níu stigum frá þeim þremur liðum sem eru í næstu sætum fyrir ofan fallsvæðið. KA situr í níunda sæti deildarinnar, með betri markatölu en ÍA en lakari en Víkingur. Leik Fjölnis og KA í fyrri umferðinni lauk með 1-1 jafntefli. Báðar fyrri viðureignir liðanna í efstu deild í Grafarvogi hafa endað með jafntefli. Nánar er vikið að fyrri viðureignum liðanna og tengingum á milli félaganna í upphitunarpistli fyrir leik liðanna í sumar.
KA er það lið í deildinni sem hefur náð í fæst stig á útivelli í sumar. Aftur á móti er Fjölnir með lakasta heimavallarárangur A-deildarliða það sem af er móti. Ekkert lið hefur skorað færri mörk í sumar en KA og ekkert fengið lið fengið á sig fleiri mörk en Fjölnir. Ekkert annað lið en FH og Stjarnan hefur fengið á sig færri mörk en KA í sumar. Af fjórtán stigum KA í sumar hafa átta þeirra komið með jafnteflum. Öll fimm stig Fjölnis í sumar hafa fengist með jafnteflum.
Guðmundur Karl Guðmundsson afplánaði leikbann í síðasta leik og reikna má með því að hann komi aftur inn í liðið. Nicklas Halse lék sinn fyrsta leik fyrir Fjölni gegn Gróttu. Jeffery Monakana gæti leikið sinn fyrsta leik fyrir Fjölni á laugardag.
Útlitið er ekki bjart sem stendur en á meðan möguleiki er fyrri hendi á að halda sætinu í deildinni má ekki leggja árar í bát.
Áfram Fjölnir!
#FélagiðOkkar
Grétar Atli Davíðsson
Upphitun: Grótta - Fjölnir
Pepsi Max deild karla
16. umferð
Grótta – Fjölnir
Mánudaginn 14. september kl. 19:15 á Vivaldivellinum
Fjölnir fer á Seltjarnarnes í næstu umferð og etur kappi við Gróttu. Fyrri leik liðanna í sumar lauk með 0-3 sigri Gróttu. Fjölnir situr á botni deildarinnar með fjögur stig eftir þrettán leiki. Grótta er í næstneðsta sæti deildarinnar, hefur leikið jafn marga leiki og Fjölnir en fengið tveimur stigum meira en Fjölnir. Með sigri fer Fjölnir úr botnsæti deildarinnar. Fjölnir er sjö stigum á eftir KA sem situr í næsta sæti fyrir ofan fallsætin tvö. Allir aðrir leikir 16. umferðar fara fram á sunnudag og mun staða liða því eitthvað breytast áður en flautað verður til leiks á Seltjarnarnesi.
Nú er að duga eða drepast fyrir Fjölni. Á eftir leiknum við Gróttu kemur KA í Grafarvog. Það er því gott tækifæri til þess að snúa við gengi liðsins í þessum tveimur sex stiga leikjum sem framundan eru.
Guðmundur Karl Guðmundsson verður í leikbanni gegn Gróttu vegna uppsafnaðra gulra spjalda. Búast má við því að Jón Gísli Ström komi aftur inn í leikmannahóp Fjölnis eftir að hafa tekið út leikbann í síðustu umferð í tapinu gegn Breiðabliki. Enginn leikmanna Gróttu verður í leikbanni á mánudag. Grótta lék síðast í deildinni í lok ágúst er liðið tapaði 0-2 fyrir Fylki.
Tveir leikmenn fengu félagaskipti í Fjölni áður en félagaskiptaglugganum lokaði í byrjun september. Reikna má með því að hinn danski Nicklas Halse verði í liðinu gegn Gróttu. Nicklas er 23 ára léttleikandi miðjumaður sem kemur frá Roskilde. Englendingurinn Jeffery Monakana verður ekki með Fjölni gegn Gróttu. Jeffery er nýkominn til lansins og er í sóttkví.
Áhorfendatakmarkanir miðast nú við hámark 200 einstaklinga fædda fyrir árið 2005 og er hólfaskipting heimiluð. Undirrituðum er ekki kunnugt um hversu mörg sótttvarnarhólf Seltirningar bjóða upp á. Leikurinn verður sýndur í beinni útsendingu á Stöð 2 Sport.
Áfram Fjölnir!
#FélagiðOkkar
Grétar Atli Davíðsson
Áfram Fjölnir!
Kæra Fjölnisfólk.
Í Grafarvogi fer fram mjög öflugt íþróttastarf svo eftir er tekið víða um land. Knattspyrnudeildin fer þar einna fremst á meðal. Mikil áhersla er lögð á að allt barna- og unglingastarf Fjölnis skili sér í frambærilegum ungmennum og því til staðfestingar má benda á þær metnaðarfullu ráðningar á yfirþjálfurum knattspyrnudeildar sem ráðist var í nýverið í þeim Gunnari Má og Arngrími Jóhanni (Addi). Gunnar Már mun leiða karlastarfið á meðan Addi verður yfir kvennastarfinu. Báðir eru þeir hámenntaðir í knattspyrnufræðunum og margra ára þjálfarareynslu. Ég er sannfærður um að þessi samvinna mun leiða gott af sér og við munum sjá þess merki fljótlega. Þetta er þó í grunninn langtímaplan í því að styrkja enn frekar þjálfun okkar iðkenda á öllum sviðum, allt frá þeim yngstu og upp úr bæði hjá stelpum og strákum, sem við hlökkum til að kynna fyrir ykkur betur á næstu misserum.
Stór hluti í starfsemi íþróttafélaga er að eiga lið í fremstu röð. Við Fjölnisfólk höfum átt lið meðal þeirra bestu, í efstu deild karla, í samtals átta tímabil, fyrst árið 2008, og nú í sex af síðastliðnum sjö tímabilum. Það síðastnefnda er meira en mörg félög geta sagt þrátt fyrir að sum hver þeirra hafa verið til í meira en 100 ár!
Þetta tímabil, þrátt fyrir að því sé hvergi nærri lokið, fer í sögubækurnar fyrir margar sakir; sem dæmi þá er ólíklegt að það verði einhvern tímann aftur svona miklar raskanir á mótahaldi. Það eitt og sér gæti þó, til lengri tíma litið, gefið knattspyrnuhreyfingunni ákveðin svör um hvort og með hvaða hætti er hægt að lengja Íslandsmót framtíðarinnar - eins og rætt hefur verið um í mörg ár. Þess fyrir utan höfum við líklega öll heyrt orð eins og frestun, áhorfendabann og sóttkví oftar en við kærum okkur um. Hinn virti íþróttablaðamaður Víðir Sigurðsson gefur út bók á hverju ári um íslenska knattspyrnusumarið. Hver veit, kannski mun bókin í ár, Íslensk knattspyrna 2020, vera líkari skáldsögu en sagnariti þegar litið verður til baka eftir einn áratug eða svo. En hvað um það.
Það hefur verið á brattann að sækja á þessu keppnistímabili hjá báðum okkar meistaraflokksliðum og óþarfi að fara í einhverjar grafgötur með það. Það er hins vegar mikilvægt að það komi skýrt fram að það er engan bilbug á okkur sem stöndum að félaginu að finna. Ég segi það alveg óhikað og kokhraustur; Fjölnir er demantur í íslensku íþróttalífi. Önnur félög óttast það sem við getum orðið. Ég er vitanlega langt frá því að vera hlutlaus en það er engu að síður mín persónulega skoðun að það sé hagur íslenskrar knattspyrnu að Fjölnir sé með lið í efstu deild. Þar eigum við heima og þar ætlum við að vera um ókomin ár. Við erum stolt af báðum okkar meistaraflokksliðum. Í þeim erum við með hæfileikaríka og öfluga leikmenn sem eru fullfærir um að leggja á sig þá vinnu sem til þarf og sækja hagstæð úrslit. Tveir sigrar í næstu leikjum t.a.m. setur mótin í háaloft og allt getur gerst!
Til þess þurfum við þó allar hendur upp á dekk. Það er nauðsynlegt að leikmenn, forráðamenn liðsins, stuðningsmenn og Grafarvogsbúar taki höndum saman og hjálpist við að tryggja sú verði raunin. Það er hægt að gera með því að leggja sitt af mörkum, t.d. með því að styrkja félagið með beinum fjárframlögum, gerast meðlimur í Baklandinu (sjá nánar hér https://fjolnir.is/knattspyrna/baklandid/), tala félagið upp á samfélagsmiðlum og/eða mæta á viðburði félagsins (þegar Covid og Þórólfur leyfa að sjálfsögðu).
Að lokum vil ég ítreka að með samvinnu og samstilltu átaki ætlum við að halda áfram að sækja markvisst fram og bæta í alla umgjörð og aðstöðu deildarinnar. Á þeim nótum má t.d. benda á alla þá flottu og góðu vinnu sem þegar hefur verið unnin á umgjörð meistaraflokkana á undanförum 6-12 mánuðum með tilkomu splunkunýrra búningsklefa í Egilshöll, nýtt sjúkraherbergi í Dalhúsum, fjárfesting í myndavélum, GPS vestum og öðrum búnaði. Allt þetta og meira til; við ætlum hvergi að slaka á. Auðvitað er það svo að við getum bætt okkur á ýmsum sviðum en jafnframt megum við vera mjög stolt af okkar starfi og því sem hefur verið áorkað hingað til og vera óhrædd að tala út á við um það sem vel er gert. Fólkið (sjálfboðaliðinn) er hjartað í félaginu og eru þeir eitt af því mikilvægasta sem við eigum og auðvitað styrktaraðilarnir okkar, án þeirra kæmust við ekki langt.
Ég hvet okkur öll til að standa saman, nú sem fyrr. Látum ekki blekkjast af tímabundinni blindhæð. Hún er ekki áfangastaðurinn.
Áfram Fjölnir!
Kolbeinn Kristinsson,
Formaður knattspyrnudeildar Fjölnis
Upphitun. Fjölnir - Breiðablik
Pepsi Max deild karla
15. umferð
Fjölnir – Breiðablik
Laugardaginn 5. september kl. 13:00 á Extra vellinum
Aðeins fer einn leikur fram í Pepsi Max deild karla um helgina. Fjórir af sex leikjum 15. umferðar fóru fram síðustu helgi. Leik Fjölnis og Breiðabliks var frestað vegna sóttkvíar sem lið Breiðbliks fór í eftir leik gegn Rosenborg í Evrópudeildinni. Raunar hefðu Blikar geta farið fram á að leikurinn við Fjölni færi fram á öðrum tíma vegna þátttöku tveggja leikmanna liðsins í U-21 árs landsliðsverkefni. Leikmennirnir sem um ræðir eru Róbert Orri Þorkelsson og Brynjólfur Andersen Willumsson. Óskar Hrafn Þorvaldsson, þjálfari Breiðabliks, hefur lýst því yfir að hann telji Brynjólf besta leikmann deildarinnar. Blikar mæta því ekki með sitt sterkasta lið í Grafarvog á laugardag.
Fyrri leik liðanna í sumar lauk með 3-1 sigri Blika. Fjölnir tapaði síðasta leik sínum í deildinni 2-0 gegn Fylki. Síðasta leik Breiðabliks í deildarkeppni lauk með 0-1 sigri á Gróttu. Fjölnir situr áfram á botni deildarinnar með fjögur stig, sjö stigum frá KA sem situr í næsta örugga sæti. Með sigri á laugardag kemst Fjölnir úr botnsæti deildarinnar. Breiðablik situr í fjórða sæti deildarinnar með tuttugu stig en hefur leikið leik færra en mörg lið deildarinnar.
Grétar Snær Gunnarsson mun snúa til baka úr leikbanni á laugardag. Jón Gísli Ström er aftur á móti kominn í leikbann vegna uppsafnaðra gulra spjalda. Hinn danski Nicklas Halse sem samdi við Fjölni á dögunum verður ekki með Fjölni á laugardag vegna sóttkvíar.
Áhorfendabanni hefur verið aflétt en fjöldatakmörkun áhorfenda miðast við 100 einstaklinga fædda fyrir árið 2005. Leikurinn verður í beinni útsendingu á Stöð 2 Sport. Áfram Fjölnir!
#FélagiðOkkar
Grétar Atli Davíðsson
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Fjölnir framlengir við þrjá leikmenn
Orri Þórhallsson (2001), Valdimar Ingi Jónsson (1998) og Vilhjálmur Yngvi Hjálmarsson (2002) hafa allir framlengt samninga sína við Fjölni fyrr á þessu tímabili.
Orri er kraftmikill miðjumaður sem hefur leikið stórt hlutverk á yfirstandandi leiktíð og hefur samtals spilað 29 leiki og skorað 5 mörk fyrir Fjölni.
Vilhjálmur er einn okkar allra efnilegasti varnarmaður sem hefur verið að koma virkilega sterkur inn í liðið undanfarið en hann hefur spilað 6 leiki fyrir Fjölni sem og 15 leiki fyrir yngri landslið Íslands.
Valdimar Ingi er framsækinn bakvörður með mikið þol og afburða hlaupagetu sem hefur spilað næstum 100 leiki í meistaraflokki þrátt fyrir ungan aldur.
Þetta eru góðar fréttir fyrir félagið en þeir eru allir uppaldnir Fjölnismenn. Við óskum þeim til hamingju og hlökkum til að fylgjast með þeim á vellinum!
Áfram Fjölnir
#FélagiðOkkar
Upphitun. Fylkir - Fjölnir
Pepsi Max deild karla
14. umferð
Fylkir – Fjölnir
Þriðjudaginn 25. ágúst kl. 19:15 í Árbæ
Á þriðjudag mætast Fjölnir og Fylkir í Pepsi Max deild karla. Bæði lið gerðu 1-1 janftefli í síðustu umferð. Fjölnir við Víking og Fylkir við Stjörnuna. Staðan á milli umferða breyttist lítið í botnbaráttunni. KA, sem situr í næsta örugga sæti fyrir ofan Fjölni, gerði einnig jafntefli og áfram er fjögurra stiga munur á milli liðanna. HK og Grótta töpuðu sínum leikjum. Úrslit síðustu umferðar þýða að með sigri Fjölnis í næstu umferð fer liðið úr botnsæti deildarinnar, a.m.k. um stundarsakir. Grótta leikur við HK á miðvikudag.
Hallvarður Óskar Sigurðarson skoraði sitt fyrsta mark í meistaraflokki í jafnteflinu við Víking. Hallvarður er loksins farinn að geta spilað heila leiki eftir baráttu við meiðsli. Grétar Snær Gunnarsson tekur út eins leiks bann á þriðjudag vegna uppsafnaðra gulra spjalda. Örvar Eggertsson var ekki með í síðasta leik en búast má við því að hann komi aftur í liðið gegn Fylki. Sóknarmaðurinn Viktor Andri Hafþórsson leysti Örvar af í stöðu vængbakvarðar gegn Víkingi. Valdimar Ingi Jónsson sem einnig hefur leikið sem vængbakvörður í sumar er enn meiddur. Sigurpáll Melberg Pálsson fór meiddur af velli í háfleik í síðasta leik. Í hans stað kom Vilhjálmur Yngvi Hjálmarsson. Þetta var fyrsti leikur Vilhjálms í efstu deild þar sem hann fær að spreyta sig af einhverju ráði. Vilhjálmur hafði áður komið inná sem varamaður í uppbótartíma í 1. umferð. Guðmundur Karl Guðmundsson lék sinn 250. leik á ferlinum gegn Víkingi, þar af eru 228 leikir fyrir Fjölni.
Fjölnir situr í tólfta sæti deildarinnar og Fylkir í því sjötta. Fylkir hefur unnið fimm leiki og tapað jafn mörgum, eina jafntefli Fylkis í sumar kom í síðustu umferð. Öll stig Fjölnis í sumar hafa komið með jafnteflum. Fjölnir og Fylkir hafa mæst þrettán sinnum í efstu deild. Fimm viðureignum hefur lokið með jafntefli og hafa liðin unnið sitt hvorar fjórar viðureignirnar. Fylkir hafði betur í leik liðanna í 4. umferð, 1-2. Nánar var vikið að fyrri viðureignum liðanna í pistli fyrir fyrri leik félaganna í sumar.
Áfram verður leikið án áhorfenda en leikurinn verður í beinni útsendingu á Stöð 2 Sport. Þar sem um útileik er að ræða hafa miðakaup engan styrk til Fjölnis í för með sér. Fyrir þau sem vilja styrkja félagið er bent á reikningsnúmer knattspyrnudeildar hér að neðan. Áfram Fjölnir!
#FélagiðOkkar
Grétar Atli Davíðsson
Knattspyrnudeild Fjölnis
0114-05-060968
Kt. 6312887589
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Upphitun. Fjölnir - Víkingur R
Pepsi Max deild karla
13. umferð
Fjölnir – Víkingur R.
Fimmtudaginn 20. ágúst kl. 18:00 á Extra vellinum.
Næstkomandi fimmtudag mætast Fjölnir og Víkingur í 13. umferð Pepsi Max deildar karla. Eins og kom fram í síðasta pistli hefur leikjum Fjölnis gegn ÍA og Stjörnunni í 9. og 10. umferð verið frestað um óákveðinn tíma. Í síðustu umferð lutu Fjölnir og Víkingur í lægra haldi gegn fyrir hvoru Kópavogsliðinu. Fjölnir tapaði 3-1 gegn HK og Víkingur 2-4 gegn Breiðabliki.
Þjálfari Víkings, Arnar Gunnlaugsson, fékk að líta rauða spjaldið í síðasta leik Víkings og verður því í leikbanni á fimmtudag. Grétar Snær Gunnarsson fékk sitt fjórða gula spjald í sumar í tapinu gegn HK. Leikbann Grétars vegna uppsafnaðra gulra spjalda tekur ekki gildi fyrr en eftir leikinn gegn Víkingi. Ingibergur Kort Sigurðsson gæti komið aftur inn í lið Fjölnis eftir að hafa verið í leikbanni gegn HK. Daninn Christian Sivebæk er farinn aftur til Danmerkur eftir að hafa meiðst stuttu eftir komuna til Íslands. Torfi Tímoteus Gunnarsson og Valdimar Ingi Jónsson hafa báðir verið að glíma við meiðsli.
Viktor Andri Hafþórsson skoraði sitt fyrsta mark í efstu deild í tapinu gegn HK á nitján ára afmælisdegi sínum. Fjölnir situr enn á botni deildarinnar með þrjú stig eftir tíu leiki. Fimm stig eru á milli Fjölnis og KA sem situr í næsta örugga sæti. Með sigri jafnar Fjölnir Gróttu að stigum. Víkingur er í áttunda sæti með þrettán stig. Fjölnir og Víkingur mætast nú í annað sinn í sumar. Leik liðanna í fyrstu umferð lauk 1-1. Félögin hafa mæst ellefu sinnum í efstu deild. Fjölnir hefur unnið sex viðureignir, Víkingur þrjár og tvær hafa endað með jafntefli. Nánar var fjallað um fyrri viðureignir liðanna í upphitunarpistli 1. umferðar.
Áfram verður leikið án áhorenda. Stuðningsmenn geta samt sem áður keypt miða á leikinn og styrkt félagið. Einnig er hægt að styrkja með millifærslu (reikningsupplýsingar neðanmáls). Leikurinn verður sýndur í beinni útsendingu á Stöð 2 Sport. Áfram Fjölnir!
#FélagiðOkkar
Grétar Atli Davíðsson
Knattspyrnudeild Fjölnis
0114-05-060968
Kt. 6312887589
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson
Upphitun. HK - Fjölnir
Pepsi Max deild karla
12. umferð
HK – Fjölnir
Sunnudaginn 16. ágúst kl. 17:00 í Kórnum
Pepsi Max deild karla er farin aftur af stað eftir tæplega þriggja vikna hlé. Á sunnudag fer Fjölnir í Kórinn og leikur við HK í 12. umferð deildarinnar. Leikjum Fjölnis gegn ÍA og Stjörnunni í 10. og 11. umferð hefur ferið frestað um óákveðinn tíma. Síðasti leikur Fjölnis í deildinni fór fram 27. júlí, lokatölur 1-3 fyrir Val. Ingibergur Kort Sigurðsson fékk rautt spjald í þeim leik og verður hann í leikbanni gegn HK. Degi áður en hlé var gert á íþróttaiðkun með snertingum féll Fjölnir úr leik í 16-liða úrslitum bikarkeppninnar með 2-0 tapi gegn KR. Leikið var fyrir luktum dyrum og verður það sama uppi á teningnum á sunnudag.
Staðan í botnbaráttunni breyttist lítið á milli umferða. Fjölnir, Grótta og HK töpuðu öll sínum leikjum í síðustu umferð sem leikin var. Grótta lék sinn leik í 12. umferð í gærkvöldi og gerði 1-1- jafntefli við Stjörnuna. Enn er Fjölnir fimm stigum frá öruggu sæti. Ekki þarf að eyða mörgum orðum í mikilvægi leiksins á sunnudag. Fjölnir situr á botni deildarinnar með þrjú stig, fimm stigum á eftir HK sem er í næsta sæti fyrir ofan fallsvæðið með jafn mörg stig og KA sem leikur í dag, laugardag, gegn Val. Að leik loknum í Kórnum verður Fjölnir tveimur, fimm eða átta stigum frá HK.
HK hefur unnið tvo leiki í sumar, gert tvö jafntefli og tapað fimm leikjum. Sigurleikir HK komu gegn KR og Breiðabliki. Í síðasta deildarleik HK tapaði liðið 3-2 fyrir Fylki. Í millitíðinni lagði liðið Aftureldingu í 16-liða úrslitum bikarkeppninnar. Á milli leikja hafa orðið mannabreytingar hjá HK. Bakvörðurinn Birkir Valur Jónsson hefur verið lánaður til Slóvakíu og til félagsins er kominn miðvörðurinn Martin Rauschenberg frá Stjörnunni.
Fjölnismenn ættu að þekkja ágætlega til nokkurra leikmanna HK liðsins. Þeir Birnir Snær Ingason, Arnar Freyr Ólafsson, Bjarni Gunnarsson og Guðmundur Þór Júlíusson leika í dag með HK en ólust allir upp í Fjölni. Sá síðastnefndi mun ekki spila á sunnudag vegna leikbanns. Einnig má nefna Pétur Guðmundsson þegar kemur að leikmönnum sem leikið hafa bæði fyrir HK og Fjölni. Pétur er í dag dómari í efstu deild karla. Þjálfari HK er Brynjar Björn Gunnarsson.
Fjölnir og HK hafa einungis tvisvar sinnum mæst áður í A-deild. Viðureignirnar fóru fram sumarið 2008 og hafði Fjölnir betur í þeim báðum. Leikur félaganna á Kópavogsvelli það sumar er merkilegur fyrir þær sakir að um er að ræða stærsta sigur Fjölnis í efstu deild, lokatölur 1-6. Gunnar Már Guðmundsson, Magnús Ingi Einarsson, Ólafur Páll Johnson, Ólafur Páll Snorrason og Pétur Georg Markan (2) skoruðu mörk Fjölnis í leiknum.
Leikurinn gegn HK verður 200. leikur Ásmundar Arnarssonar sem þjálfari Fjölnis. Ásmundur var fyrst ráðinn til Fjölnis fyrir tímabilið 2005 og stýrði hann Fjölni út keppnistímabilið 2011. Ási er nú á sínu öðru tímabili eftir endurkomu í Grafarvog. Það má þó færa fyrir því góð rök að 200. leikurinn hafi verið fyrir tveimur leikjum síðan. Einhverra hluta vegna var Ásmundur skráður aðstoðarþjálfari í leik Fjölnis á Seltjarnarnesi sumarið 2011 og vegna marmarkmannsvandræða var hann skráður sem varamarkvörður í útileik Fjölnis gegn KA árið 2005. Skráður þjálfari í leiknum á Akureyri var fyrrverandi markvörðurinn Jón Þorbjörnsson. Í tveimur leikjum hefur Ási verið fjarverandi vegna leikbanns.
Eins og áður segir verður leikið án áhordenda. Það dugir því lítið annað fyrir okkur stuðningsmenn en að senda leikmönnum og starfsliði hugheilar baráttukveðjur. Leikurinn verður sýndur í beinni útsendingu á Stöð 2 Sport. Áfram Fjölnir!
#FélagiðOkkar
Grétar Atli Davíðsson
Leikmannahópur Fjölnis
1 – Steinar Örn Gunnarsson (m)
4 – Sigurpáll Melberg Pálsson
5 – Torfi Tímoteus Gunnarsson
6 – Grétar Snær Gunnarsson
7 – Ingibergur Kort Sigurðsson
8 – Arnór Breki Ásþórsson
9 – Jón Gísli Ström
10 – Viktor Andri Hafþórsson
11 – Hallvarður Óskar Sigurðarson
12 – Atli Gunnar Guðmundsson (m)
14 – Lúkas Logi Heimisson
16 – Orri Þórhallsson
17 – Valdimar Ingi Jónsson
19 – Daníel Smári Sigurðsson
20 – Péter Zachán
21 – Christian Sivebæk
23 – Örvar Eggertsson
25 – Sigurjón Daði Harðarson (m)
28 – Hans Viktor Guðmundsson, fyrirliði
29 – Guðmundur Karl Guðmundsson, varafyrirliði
31 – Jóhann Árni Gunnarsson
32 – Kristófer Óskar Óskarsson
42 – Vilhjálmur Yngvi Hjálmarsson
Þjálfari: Ásmundur Arnarsson
Aðstoðarþjálfarar: Gunnar Már Guðmundsson og Gunnar Sigurðsson