Haustönn hefst
Tímasetningu æfinga má finna á heimasíðu deildarinnar undir valmyndinni Hópar.
- Þau sem eru að byrja núna velja sér Byrjendahóp 5-8 ára, 9-16 ára eða 16+ ára.
- Þau sem hafa áður lokið önn og gráðun velja sér Framhaldshóp miðað við aldur.
Fyrstu æfingar byrja 3. september.
Fullkomið tækifæri til að efla styrk, snerpu og sjálfstraust í góðum hópi.
Hvernig skrái ég mig?
- Byrjendur er einungis fyrir þá sem eru að hefja iðkun.
- Framhald er fyrir þá sem lokið hafa einhverri gráðun (beltaprófi) hjá Fjölni.
Muna að skrá frístundastyrk hjá þeim sem geta nýtt hann. https://fjolnir.felog.is/
Drífum skráninguna af núna!
Búið er að opna fyrir skráningar á haustönn 2020
Í dag 15. júlí var opnað fyrir skráningar í flest allar greinar hjá félaginu fyrir haustönn 2020.
Allar skráningar fara fram í Nora skráningakerfi félagsins https://fjolnir.felog.is/
Við hvetjum foreldra til að skoða fjölbreytt úrval íþrótta í Fjölni!
NÚ BYRJAR GAMANIÐ! .... AFTUR
Mánudaginn 4.maí hefjum við æfingar aftur í samræmi við leiðbeiningar heilbrigðisráðherra, þó með þeim breytingum sem við útlistum hér að neðan. Í ljósi alls þessa sem gengið hefur á munum við lengja æfingatímabilið frá því sem sem stóð til fram í miðjan júní – en nákvæm lokadagsetning verður auglýst síðar. Markmið okkar er að allir verði áfram með aðstöðu til að taka beltapróf á réttum tíma.
Við byrjum barnastarfið með sama hætti og áður var, samkvæmt sömu stundarskrá. Fyrstu æfingar verða haldnar hjá byrjendum á mánudeginum og svo framhaldshóparnir frá þriðjudeginum. Frístundafylgdin er ekki enn hafin, en við munum tilkynna um hana um leið og hún er i boði og þá hefja Fjörkálfanámskeiðið aftur.
Fullorðinsstarfið (eldri en 16 ára) verður með breyttu sniði. Þar sem ekki er hægt að vera með fleiri en 4 á æfingu innanhúss eða 7 utanhúss, hljóðar núverandi áætlun upp á að þjálfarar boði til æfinga á Facebook hópum félagsins innan dagsins. Þær æfingar verði þá haldnar útivið – á svæðinu við Egilshöll, nema annað sé auglýst sérstaklega. Í ljósi þess að um útiæfingar verður að ræða mun veðurfarið spila einhvern þátt í hversu margar æfingar verður hægt að halda.
Breytingar frá því sem verið hefur:
- Þeir sem eru að koma í karatesalinn þurfa að ganga um suðurinngang í Egilshöll (aðalinngang). Þannig á að reyna að takmarka samgang eftir því sem hægt er.
- Enginn kemur inn í sal nema þeir sem eru að fara á æfingu (foreldrar skila iðkendum af sér við innganginn og koma ekki inn í salinn).
- Við dyrnar í æfingaraðstöðuna verður sótthreinsivarningur, gert er ráð fyrir að iðkendur noti hann bæði fyrir og eftir æfingar. Iðkendur þurfa jafnframt að gæta fyllsta hreinlætis fyrir og eftir æfingar.
- Á æfingum verður miðað við að gera æfingar þar sem ekki er þörf á miklum líkamlegum snertingum.
- Þjálfararnir munu aðstoða yngstu iðkendurnar við að virða ofangreint – við óskum jafnframt eftir því að foreldrar ræði þessar breytingar við krakkana.
Beltapróf eru svo fyrirhuguð sem hér segir.
- Beltapróf – fara fram 2. vikuna í maí. 11.-16. maí
- Brúnbeltaprófin sem fara áttu fram í apríl, fara fram laugardaginn 30. maí.
Hlökkum ósegjanlega til að sjá ykkur öll aftur.
Hvetjum ykkur til að fylgjast með heimasíðu Fjölnis til að sjá nánari útlistun á hvernig aðgengi að húsinu verður stýrt.
#FélagiðOkkar
![](https://fjolnir.is/wp-content/uploads/2020/01/Screenshot-2020-01-03-at-08.37.49-1024x229.png)
Góður árangur karatedeildar á RIG
Um helgina lauk keppni í Karate á Reykjavik International Games (RIG), Fjölnisfólki gekk vel og náðist góður árangur.
Eftirfarandi unnu til verðlauna:
Kata Cadet kvenna
Eydís Magnea Friðriksdóttir, silfur
Ylfa Sól Þorsteinsdóttir, brons
Sunna Rut Guðlaugardóttir, brons
Kata 13 ára pilta
Kjartan Bjarnason, silfur
Kumite, Senior kvenna +61kg
Rán Ægisdóttir, silfur
Kumite, Cadet kvenna +47kg
Eydís Magnea Friðriksdóttir, brons
Við óskum okkar fólki til hamingju með árangurinn um leið og við þökkum mótsstjórn fyrir góða framkvæmd.
Fríir prufutímar í karate
Vertu velkomin til okkar í næstu viku til að prófa nýja og spennandi íþrótt.
Skráning á vorönn er hafin
Höfum opnað fyrir skráningar. https://fjolnir.felog.is/
Hvenær á ég að mæta á æfingu?
Tímasetning æfinga má finna á heimasíðu deildarinnar undir valmyndinni Hópar. En eru þær sömu og fyrir áramót.
- Þeir sem byrjuðu iðkun haustið 2019 eða eru að byrja núna velja sér Byrjendahóp 5-8 ára, 9-16 ára eða 16+ ára.
- Þeir sem hófu æfingar fyrir haustið 2019 velja sér sömuleiðis Framhaldshóp miðað við aldur.
- Fjörkálfar sem fá strætófylgd frá frístundaheimili æfa samkvæmt áætlun og byrja 8. janúar.
![](https://fjolnir.is/wp-content/uploads/2020/01/Screenshot-2020-01-03-at-08.37.49-1024x229.png)
Fyrstu æfingar byrja 7. janúar og lýkur 28. maí.
Fullkomið tækifæri til að efla styrk, snerpu og sjálfstraust í góðum hópi.
Hvernig skrái ég mig?
- Byrjendur er einungis fyrir þá sem hófu iðkun haustið 2019 eða byrja nú eftir áramót.
- Framhald er fyrir þá sem hófu iðkun fyrir síðasta haust.
- Fjörkálfar er fyrir 6-8 ára börn sem fá strætófylgd frá og til frístundaheimilis, hafa þarf samráð við frístundaheimili.
Muna að skrá frístundastyrk hjá þeim sem geta nýtt hann. https://fjolnir.felog.is/
Drífum skráninguna af núna!
Athugið, þar sem vorönnin er tvöfalt lengri en haustönnin eru gjöldin því sem nemur hærri á vorönn.
Eins og á síðustu önn bjóðum við upp á strætófylgd frá frístundaheimili fyrir 6 og 7 ára úr Grafarvogi, Grafarholti, Úlfarsárdal á mánudögum og miðvikudögum. Frábært tækifæri fyrir byrjendur og framhaldsiðkendur að nýta eftirmiðdegið á mánudögum og miðvikudögum.
Karatefólk ársins 2019
Karatekona ársins:
Eydís Magnea Friðriksdóttir
![](https://fjolnir.is/wp-content/uploads/2019/08/IMG_2264-c-Thorsteinn-Yngvi-Gudmundssonresize-200x300.jpg)
Eydís hefur, þrátt fyrir ungan aldur sýnt mikið keppnisvilja. Árið í ár var henni gott, og hún sýndi sig fremsta meðal jafningja þegar hún varð íslandsmeistari í sínum flokki í kata og náði svo skömmu síðar silfurverðlaunum á Íslandsmeistaramóti unglinga í kumite. Auk þessa, vann Eydís til bronsverðlauna á Norðurlandameistaramótinu í kata.
Eydís starfar sem aðstoðarþjálfari hjá karatedeildinni og er meðlimur í Afrekshópi hennar. Hún er jafnframt fastur meðlimur karatelandsliðsins og var valin til að taka þátt fyrir hönd Íslands á fjölda móta erlendis þetta árið.
Metnaður og Virðing eru þau gildi Fjölnis sem Eydís hefur lifað í starfi sínu innan deildarinnar.
Karatemaður ársins:
Gabríel Sigurður Pálmason
![](https://fjolnir.is/wp-content/uploads/2020/01/80643414_1418863514940035_8814534018344157184_n-183x300.jpg)
Þetta árið var mjög hörð samkeppni innan deildarinnar um titilinn Karatemaður ársins. Á árinu náði Gabríel bronsi á Íslandsmeistaramóti bæði í kata og hópkata. Auk tveggja silfurverðlauna og einna bronsverðlauna á GrandPrix mótum ársins. Hann vann jafnframt til fjölda verðlauna á Kobe Osaka mótinu í Skotlandi á seinni hluta ársins. Gabríel er upprennandi afreksíþróttamaður sem sannar að sjálfsagi og einbeiting skilar árangri.
Metnaður og Heilbrigði eru þau Fjölnisgildi sem Gabríel hefur staðið fyrir í starfi sínu innan karatedeildarinnar.
Smáþjóðaleikarnir í karate um helgina
Um helgina verða Smáþjóðaleikarnir í Karate þar sem 340 iðkendur mæta til leiks. Næstum 100 íslenskum iðkendum gefst færi á að keppa og eigum við Fjölnisfólk 4 þátttakendur. Við hvetjum allt Fjölnisfólk til að koma og styðja við bakið á okkar fólki.
Upplýsingar fyrir byrjendur
Sæl ágætu aðstandendur,
Í ljósi þess að nú fara æfingar að hefjast er rétt að upplýsa aðeins nánar um tilhögunina hjá byrjendunum.
Æfingar hefjast mánudaginn 9. september klukkan 17 fyrir 6-8 ára og 17:45 fyrir 9-14 ára byrjendur. Hjá Fjörkálfunum sem fá fylgd í Strætó frá frístundaheimilunum eru æfingarnar milli 14:40 og 15:30. Starfsfólk frístundaheimila mun sjá til þess að krakkarnir komist í strætó þar sem tekið verður á móti þeim (munið að þau þurfa að hafa strætómiða). Krakkarnir verða svo komnir aftur á frístundaheimilin fyrir kl 16.
Síðustu æfingar annarinnar eru svo mánudaginn 9. desember.
Æfingarnar fara fram í sal Karatedeildarinnar í kjallara Egilshallar. Í anddyri hallarinnar eru merkingar á veggjunum sem eiga að leiða á réttan stað.
Í fyrstu tímunum er í góðu lagi að mæta í léttum íþróttaklæðnaði og berfætt(ur). En fljótlega þarf að verða sér út um karategalla. Þá er hægt að kaupa karategalla í sal hjá þjálfara og millifæra greiðslur á reikning deildarinnar.
Höfum opnað fyrir skráningar
Höfum opnað fyrir skráningar. https://fjolnir.felog.is/
NÝTT: Við bjóðum nú upp á strætófylgd frá frístundaheimili fyrir 6 og 7 ára úr Grafarvogi, Grafarholti, Úlfarsárdal á mánudögum og miðvikudögum. Frábært tækifæri fyrir byrjendur og framhaldsiðkendur að nýta eftirmiðdegið á mánudögum og miðvikudögum.
Hvenær myndir þú æfa?
Byrjendanámskeið eru á mánudögum og miðvikudögum en þeir sem áður hafa verið skráðir í námskeið og farið í einhverja gráðun eru á þriðjudögum, fimmtudögum og laugardögum.
Fullkomið tækifæri til að efla styrk, snerpu og sjálfstraust í góðum hópi.
Fyrstu æfingar byrja 3. september.
Iðkendur geta að sjálfsögðu nýtt frístundastyrk.
Drífum skráninguna af núna! https://fjolnir.felog.is/
![](https://fjolnir.is/wp-content/uploads/2019/08/Krakkamynd1.jpg)