Þorrablót Grafavogs
Tryggðu þér miða strax í dag áður en það verður uppselt.
Borðapantanir á thorrablot@fjolnir.is.
Þú mátt melda þig og deila viðburðinum okkar „Þorrablót Grafarvogs“
#FélagiðOkkar
*Borðaskipan síðast uppfærð kl. 19:30 þann 11.október
Starfskraftur óskast í fimleikadeild
Fimleikadeild Fjölnis í Egilshöll í Grafarvogi óskar eftir að ráða rekstrarstjóra fyrir deildina. Við leitum að jákvæðum, metnaðarfullum og skipulögðum einstaklingi sem er tilbúinn að takast á við skemmtileg en krefjandi verkefni fimleikadeildarinnar.
Helstu verkefni og ábyrgð:
• Daglegur rekstur deildarinnar
• Starfsmannahald
• Umsjón með fjármálum deildarinnar
• Áætlanagerð
• Stefnumótun og uppbygging deildarinnar
• Skipulagning viðburða á vegum deildarinnar
Hæfnikröfur:
• Menntun sem nýtist í starfi
• Reynsla af stjórnun og rekstri
• Reynsla af starfsmannahaldi
• Frumkvæði, skipulag og metnaður í starfi
• Hæfni í mannlegum samskiptum
• Hreint sakavottorð
• Þekking á íþróttastarfi
Frekari upplýsingar um starfið:
• Starfshlutfall 70% með endurskoðun eftir 3 mánuði
• Umsækjandi skal hafa náð 20 ára aldri
• Umsækjandi þarf að geta hafið störf sem fyrst
• Í fimleikadeildinni eru um 750 iðkendur og 45 þjálfarar
• Yfirmaður er framkvæmdastjóri Fjölnis
Vinsamlegast sendið umsókn ásamt ferilskrá og kynningarbréfi á netfangið: stjorn.fimleikar.fjolnir@gmail.com
Öllum umsóknum verður svarað þegar ákvörðun hefur verið tekin.
Umsóknarfrestur er til 20. október 2019.
#FélagiðOkkar
Starfskraftur óskast í Dalhús
Ungmennafélagið Fjölnir óskar eftir metnaðarfullri konu í þjónustustarf í íþróttamiðstöðinni Dalhúsum.
Um er að ræða 100% starf.
Vinnutími er frá kl. 08:00 – 17:00 á virkum dögum.
Yfirmaður er rekstrarstjóri Dalhúsa
Æskilegt er að viðkomandi geti leyst af á kvöldvöktum.
Helstu viðfangsefni og ábyrgð:
- Almenna gæslu í íþróttahúsinu
- Þrif í íþróttamannvirkinu samkvæmt verklýsingu
- Móttöku og samskipti við iðkendur/nemendur í samvinnu við þjálfara og kennara
- Þvottur á íþróttafatnaði samkvæmt verklýsingu
- Önnur verkefni í samráði við rekstrarstjóra Dalhúsa
Hæfniskröfur
- Sjálfstæð og öguð vinnubrögð
- Hæfni í mannlegum samskiptum
- Umsækjandi skal hafa náð 20 ára aldri
- Umsækjandi þarf að geta hafið störf sem fyrst
- Hreint sakavottorð
- Jákvæðni og sveigjanleiki
Ungmennafélagið Fjölnir var stofnað árið 1988 og er í dag stærsta íþróttafélag landsins með um 4.000 iðkendur í 13 mismunandi deildum, þ.e. fimleikar, frjálsar, handbolti, karate, knattspyrna, körfubolti, skák, sund, tennis, hokkí, listskautar, skokkhópur og almenningsdeild.
Aðalstarfsstöð Fjölnis er í Egilshöll.
Nánari upplýsingar um félagið má finna á www.fjolnir.is
Starfsumsókn á Alfreð: https://alfred.is/starf/starfsmadur-i-ithrottamidstoedina-i-dalhusum
Öllum umsækjendum verður svarað og farið er með umsóknir sem trúnaðarmál. Nánari upplýsingar um starfið veitir Guðmundur L Gunnarsson framkvæmdastjóri í s. 852-3010
Umsóknarfrestur er til 20.október 2019
#FélagiðOkkar
Ada, Azra og Kolbrún í Fjölni
Þrír nýir leikmenn skrifuðu undir samning við félagið á dögunum.
Azra Cosic fædd 1999. Gríðarlega fljótur vinstri hornamaður sem spilaði 5 leiki í Olís deildinni og 20 leiki í Grill 66 deildinni þar sem hún skoraði 53 mörk.
Ada Kozicka fædd 1999. Gróður sóknarlínumaður og flottur varnarmaður sem á eftir að styrkja okkur verulega. Spilaði 6 leiki í Olís deildinni og 19 leiki í Grill 66 deildinni og skoraði í þeim 76 mörk.
Kolbrún Arna Garðarsdóttir fædd 1996 uppalin í HK og hefur verið viðloðandi meistaraflokk hjá þeim frá því 2015 (7 leikir). Í fyrra spilaði hún 6 leiki í Olís deildinni og 19 leiki í Grill 66 deildinni þar sem hún skoraði 54 mörk. Sterkur leikstjórnandi sem hefur fjölbreyttar árásir og getur leyst margar stöður á vellinum.
Sigurjón þjálfari hafði þetta að segja við undirskriftina; „þetta er frábær viðbót við ungt lið okkar og á eftir að styrkja okkur verulega í komandi átökum. Allar þessar stelpur smellpassa inn í leikstíl liðsins og hvernig við ætlum okkur að spila í vetur og hlakka ég til þess að sjá þær í Fjölnistreyjunni í næsta leik.
Við minnum á tvíhöfðann á morgun þar sem stelpurnar taka á móti ÍBV U kl. 18:00 og strákarnir spila gegn Fram kl. 20:00.
#FélagiðOkkar
Fjölnir og Sideline Sports
Ungmennafélagið Fjölnir og Sideline Sports hafa gert með sér þriggja ára samstarfssamning um notkun Fjölnis á hugbúnaði frá Sideline Sports. Fyrirtækið hefur um árabil boðið íþróttafélögum um allan heim upp á hugbúnað sem nýtist vel við skipulagningu á íþróttastarfi og til leikgreiningar.
Nýr samningur á milli Fjölnis og Sideline Sports gerir öllum þjálfurum Fjölnis kleift að vinna með Sideline í sínu starfi sem mun hjálpa félaginu við að efla umgjörð, skipulag og gæði í kringum íþróttastarf félagsins.
Jafnframt mun Fjölnir taka í notkun nýjan samskiptahluta í vörulínu Sideline. Samskiptahlutinn er ekki síst mikilvægur en með honum geta þjálfarar, iðkendur og forráðamenn haft yfirsýn með starfi Fjölnis í gegnum app í snjallsíma eða spjaldtölvu. Með Sideline appinu verður með einföldum hætti hægt að hafa yfirsýn yfir æfingar, mætingar og margt fleira. Þjálfari getur með einföldum hætti sent út tilkynningar og haft samskipti við iðkendur eða forráðamenn.
Markmiðið með innleiðingu á þessum samskiptahluta er að draga verulega út notkun á hópasíðum á Facebook sem mörg íþróttafélög hafa reitt sig á til að halda utan um íþróttastarf flokka. Notkun á samskiptahluta Sideline Sports fer af stað innan deilda Fjölnis í viku 42 (14. – 20.október). Með því að taka í notkun þessa nýjung frá Sideline gefst félaginu tækifæri á að efla verulega upplýsingagjöf til iðkenda og forráðamanna.
Frá og með 4.október mun Fjölnir hætta allri notkun á Sportabler appinu.
Þjálfarar, iðkendur og forráðamenn þurfa að reiða sig á heimasíðu félagsins og Facebook hópa fram að innleiðingu.
Aðeins þeir sem hafa gengið frá skráningu í félagið fá aðgang að appinu og því mikilvægt að ganga frá því á skráningasíðunni okkar https://fjolnir.felog.is/
Allar nánari upplýsingar veitir Arnór Ásgeirsson á arnor@fjolnir.is
Stuðningsmannakort körfuknattleiksdeildarinnar
Stuðningsmannakortin eru komin út og tilbúin fyrir grjótharða Fjölnismenn! Salan er í fullum gangi og eru þrennskonar kort í boði. Um að gera að tryggja sér kort fyrir fyrstu umferð Domino’s deildarinnar sem hefst fimmtudaginn 3. október nk.
Árskortið er miði á alla heimaleiki meistaraflokks kvenna og karla, fyrir utan bikarleiki, ásamt 50% afslætti fyrir einn gest. Verð 20.000 krónur.
Bakhjarl er miði á alla heimaleiki meistaraflokks kvenna og karla, fyrir utan bikarleiki, ásamt 50% afslætti fyrir einn gest. Þar að auki er hægt að boða þjálfara hvers liðs á tvo fundi yfir tímabilið sem og frítt kaffi í leikjum. Verð 35.000 krónur.
Myndakortið er miði á alla heimaleiki meistaraflokks kvenna og karla, fyrir utan bikarleiki, ásamt 50% afslætti fyrir einn gest. Þessu korti fylgir einnig tækifærismyndataka úti eða í stúdíói Ljósmyndir og Myndbönd vorið 2020 (innifaldar 30 fullunnar ljósmyndir í bestu stafrænum gæðum. Verð 40.000 krónur – ath. aðeins 8 kort í boði.
Kortin er hægt að kaupa HÉR og bjóðum við uppá greiðsludreifingu hjá Nóra.
Takk fyrir stuðninginn! Hann skiptir máli.
Vinningaskrá happdrættis
Búið er að draga í happdrætti Októberfest Fjölnis.
Vinningaskrá má nálgast HÉR og einnig með því að smella á myndirnar.
Vinninga skal vitja í síðasta lagi 31.október 2019.
#FélagiðOkkar
Happdrætti á Októberfest
Happdrættimiðar verða til sölu í matnum á Októberfest. Einnig gefst fólki tækifæri á að kaupa happdrættismiða í gegnum netfangið arnor@fjolnir.is.
Við drögum út mánudaginn 30.september.
- Aðeins dregið úr seldum miðum
- 1.500 miðar í boði
1 miði = 1.000 kr
5 miðar = 5.000 kr
10 miðar = 8.000 kr
Vinningaskrá má nálgast HÉR
Sambíómótið 2019
Körfuknattleiksdeild Fjölnis í samvinnu við SAMbíóin Egilshöll heldur enn eitt árið stórmót í körfuknattleik fyrir yngstu iðkendurnar.
Þátttakendur á mótinu eru stelpur og strákar fædd 2008 og síðar. Á síðasta ári mættu um 700 þátttakendur frá öllu landinu ásamt fjölskyldum sínum, liðsstjórum og þjálfurum.
Mótið fer fram fyrstu helgina í nóvember líkt og síðustu ár, þ.e. helgina 2. – 3. nóvember 2019.
Mótið er frábær fjölskylduskemmtun þar sem m.a. er boðið upp á fullt af körfubolta, bíó, sund, hrekkjavökustemmingu, andlitsmálun og ruslapokabúningagerð fyrir blysför og kvöldvöku, gistingu, mat, pizzuveislu og verðlaun.
Allir þátttakendur fara heim með veglegan Spalding körfubolta.
Að venju verður ekki keppt um sætin og stigin eru ekki talin opinberlega, heldur verður það leikgleðin sem ræður ríkjum og fá allir keppendur verðlaunapening að móti loknu. Mót þetta hefur skipað sér sess í stórmótum vetrarins og þar má jafnan sjá fullt af væntanlegum stórstjörnum, bæði hjá stelpum og strákum.
Þarna sjást oft tilvonandi þjálfarar í efstu deildum sem gjarnan stíga sín fyrstu skref með yngri körfuboltakrakka.
Skráningu lýkur 19. október, og allar nánari upplýsingar má finna inná heimasíðu mótsins HÉR.