Fjölnir framlengir við þrjá leikmenn
Orri Þórhallsson (2001), Valdimar Ingi Jónsson (1998) og Vilhjálmur Yngvi Hjálmarsson (2002) hafa allir framlengt samninga sína við Fjölni fyrr á þessu tímabili.
Orri er kraftmikill miðjumaður sem hefur leikið stórt hlutverk á yfirstandandi leiktíð og hefur samtals spilað 29 leiki og skorað 5 mörk fyrir Fjölni.
Vilhjálmur er einn okkar allra efnilegasti varnarmaður sem hefur verið að koma virkilega sterkur inn í liðið undanfarið en hann hefur spilað 6 leiki fyrir Fjölni sem og 15 leiki fyrir yngri landslið Íslands.
Valdimar Ingi er framsækinn bakvörður með mikið þol og afburða hlaupagetu sem hefur spilað næstum 100 leiki í meistaraflokki þrátt fyrir ungan aldur.
Þetta eru góðar fréttir fyrir félagið en þeir eru allir uppaldnir Fjölnismenn. Við óskum þeim til hamingju og hlökkum til að fylgjast með þeim á vellinum!
Áfram Fjölnir
#FélagiðOkkar
Góður árangur á Íslandsmótinu utanhúss 2020
Tennisfólk Fjölnis stóð sig með miklum ágætum á nýafstöðnu Íslandsmóti utanhúss.
Hera Björk Brynjarsdóttir vann í tviliðaleik (með Birki Gunnarssyni) og tvennda (með Önnu Soffiu Grönholm) og var 2. sæti í einliðaleik.
Eva Diljá Arnþórsdóttir vann Georginu Aþenu Erlendsdóttur (báðarhjá Fjölni) í einliðaleik U-18. Eva Diljá og Eygló Dís Ármannsdóttir voru í 2. sæti í tviliðaleik U-18.
Eva Diljá vann á móti Eygló í einliða U-16 og þá var Eygló í 2. sæti U-16 og Saule Zukauskaite í 3.sæti.
Þá varð Eygló Dís Ármannsdóttir Íslandsmeistari í U-14 og lenti Saulé í 2.sæti.
Eygló og Saulé voru Íslandsmeistarar U-14 í tviliða. Saule Zukauskaite var svo Íslandsmeistari í U12. Í flokk stráka U10 var Björn August Björnsson Schmitz í 2.sæti , á meðan Eyja Linares Autrey var í 2.sSæti í einliða U-10 stelpur.
Óskar Knudsen og Guðrún Þóra Magnusdóttir voru í 3. sæti í 30+ tvenndarleik. Reynir Eyvindsson hreppti 2. sæti í +50 einliða og 3. sæti í +30 tviliða. Loks varð Ólafur Helgi Jónsson Íslandsmeistari í +50 einliða og var í 3. sæti í +40 einliða.
Við óskum öllum innilega til hamingju með árangurinn
Fjölnisfólk sigursælt á Reykjarvíkurmeistaramóti í tennis
Nú á dögunum var haldið Reykjarvíkurmeistaramót í tennis og tennisleikarar Fjölnis stóðu sig með prýði.
- Eva Diljá Arnþórsdóttir varð Reykjarvíkurmeistari í meistaraflokk einliða sem og U18 einliða, ásamt því að sigra í U16 tvíliðaleik ásamt Eygló Dís Ármannsdóttur
- Eygló Dís Ármannsdóttir sigraði einnig í flokkum U14 og U16 í einliðaleik.
- Saule Zukauskaite hafnaði í öðru sæti í meistaraflokk, þriðja sæti í U16 og 3-4. sæti í U14.
- Björn August Björnsson Schmitz varð Reykjarvíkurmeistari í flokki U10 í einliðaleik, og lenti í öðru sæti í flokki U12.
- Sigríður Sigurðardóttir var Reykjarvíkurmeistari í flokk 30 ára og eldri.
- Hrafn Hauksson lenti í 3. sæti í flokk 50 ára og eldri.
Við óskum þeim til hamingju með góðan árangur!
Eva Diljá Arnþórsdóttir og Björn Björnsson til liðs við tennisdeild Fjölnis
Eva Diljá Arnþórsdóttir og Björn Björnsson hafa gengið til liðs við tennisdeild Fjölnis. Bæði eru þau efnilegir spilarar sem æfa með afrekshópi unglinga hjá TSÍ
Eva Diljá er fædd árið 2004 og hefur náð mjög góðum árangri síðustu ár. Þar ber helst að nefna: Tenniskona Kópavogs 2019, þrefaldur Íslandsmeistari innanhúss 2019 í U16 tvíliða, U16 og U18 einliða, 3. sætí meistarflokk, Íslandsmeistari utanhúss 2019 í U16. Einnig byrjaði hún að æfa með kvennalandsliðinu nú á þessu ári.
Björn August Björnsson Schmitz er fæddur árið 2010. Hann lenti í 2. sæti á Stórmóti TSÍ 2019 í U10 og 2. sæti í U12 á Íslandsmóti utanhúss 2019.
Fjölnir fagnar þessum liðsauka og býður þau velkomin til félagsins.
Tennisnámskeið og æfingar Fjölnis og Þróttar á tennisvöllum Þróttar í Laugardal sumarið 2020
FJÖLNIR OG ÞRÓTTUR halda tennisnámskeið og æfingar fyrir börn, unglinga og fullorðna í sumar. Allir velkomnir. Yfirþjálfari er: Carola Frank
Carola Frank er doktor í hreyfifræði (Movement Analysis and Motor Development) og með meistarapróf í sérkennslu í íþróttafræði. Hún keppti í Brasilíu þegar á unglingsárunum en fékk íþróttastyrk til fjögurra ára til að stunda háskóla tennis í Bandaríkjunum. Þar spilaði hún fyrir Auburn University í Montgomery. Hún hefur líka reynslu á WTA (tennismótaröð atvinnu tennis kvenna) en hún tók þátt mótunum frá 1984 til 1992. Hún hefur verið landsliðsþjálfari kvenna á Íslandi og sér nú um þróunarverkefni fyrir TSÍ.
Þriðjudaga og miðvikudaga frá 1.-14. júní og mánudaga og miðvikudaga frá 15. júní – 14. ágúst.
Tuesday and Wednesdays from June 1st to 14th and Mondays and Wednesdays from June 15th to August 14th
16:30 - 17:30 - Advanced young competition players
17:30 - 18:30 - Intermmediate and advanced players
Mánudaga og miðvikudaga frá 1. júlí til 10. ágúst.
Mondays and Wednesdays from July 1st to August 10th.
18:30 to 19:30 6-week Beginner adult course
The following costs apply for Summer practices:
1 x week - 1 month: 13.000 kr.
2 x week - 1 month: 24.000 kr.
1 x week - 2 months: 24.000 kr.
2 x week - 2 months: 32.000 kr
1 x week - 2,5 months (until August 14th): 32.000 kr
2 x week - 2,5 months (until August 14th): 40.000 kr
Beginner Adult Course: 26.000 kr
Þrek einkaþjálfun/conditioning personal training practice for competition players – scheduled twice a month on an individual basis with coach Alana Elín:
Fjölnir/þróttur players: 9,000 kr for entire Summer Other club players: 12,000 for entire Summer
NO-SHOWS in personal training conditioning are charged the actual value of the session (i.e: 6000 kr). Cancellations must be done with a minimum of 24-hour advance notice.
Þjálfari metur hvaða hópur hentar hverjum og einum.
Einnig er hægt að fá tennis einkaþjálfun á öðrum tímum.
Skráning og fyrirspurnir: brazilian_2001@hotmail.com eða skrifstofa Fjölnis - skrifstofa@fjolnir.is – 578-2700
Þeir sem sækja námskeið fá 50% afslátt af árgjaldi tennisdeildar Þróttar, sem veitir aðgang að völlum Þróttar í Laugardalnum. Upplýsingar um tennisdeild Þróttar veitir Bragi Leifur Hauksson, bragihauksson@gmail.com, s. 864-2273.
Þess verður gætt að fylgja fyrirmælum íþróttahreyfingarinnar og sótttvarnarlæknis!
Nýr yfirþjálfari keppnishópa
Í byrjun ágúst mun Lorelei Murphy taka við stöðu yfirþjálfara keppnisflokkanna okkar. Lorelei kemur frá Kanada. Hún hefur langa og víðtæka reynslu sem þjálfari og hefur þjálfað skautara á öllum aldri og öllum getustigum. Hún hefur þjálfað skautara í Kanada, Svíþjóð, Danmörku, Nýja Sjálandi, Írlandi, Hong Kong og Singapore. Lorelei er nokkrum iðkendum okkar kunn en hún hefur þjálfað hjá listhlaupadeildinni áður, bæði var hún hjá okkur veturinn 2009/2010 en einnig hefur hún komið hingað sem gestaþjálfari, síðast vorið 2018. Við bjóðum Lorelei velkomna til starfa hjá okkur.
Útdrætti á happdrætti frestað til 15. júní
Embætti Sýslumannsins á Suðurlandi heimilar frestun á útdrætti í happdrætti knattspyrnudeildar Fjölnis sem fara átti fram í dag, fimmtudaginn 30. apríl 2020 til mánudagsins 15. júní 2020 vegna Covid-19.
Ennþá er hægt að tryggja sér miða, en fjöldi glæsilegra vinninga er í boði og er aðeins dregið úr seldum miðum.
Miðaverð er 2.0o0 kr. og eru 3.500 miðar í boði.
Heimaleikjakortin komin í sölu
Heimaleikjakortin þetta árið eru komin í sölu og er hægt að ganga frá kaupunum með einföldum hætti á fjolnir.is/arskort
Í boði eru þrjár tegundir:
- Ungmennakort
-Verð: 4.900 kr.
-Gildir fyrir einn inn á völlinn. Aldur 16-25 ára - Árskort
-Verð: 15.000 kr.
-Gildir fyrir einn inn á völlinn - Gullkort
-Verð: 25.000 kr.
-Gildir fyrir einn inn á völlinn
-Veitir aðgang að veitingum fyrir leik og í hálfleik
Vekjum sérstaka athygli á ungmennakortinu sem er ætlað ungu fólki á aldrinum 16-25 ára og er einstaklega góðu verði.
Kortin gilda á alla heimaleiki meistaraflokks karla og kvenna Fjölnis og verða afhent á fyrsta heimaleik eða á skrifstofu Fjölnis á opnunartíma.
Samstaða er lykilatriði.
Eins og allir vita þá eru uppi sérstakar aðstæður í þjóðfélaginu um þessar mundir. Íþróttafélög eiga undir mikið högg að sækja og stór skörð eru höggin í tekjustofna þeirra. Fjölnir er þar engin undantekning. Til að mynda þá reiðir knattspyrnudeildin sig nær eingöngu á styrki og velvild fyrirtækja, einstaklinga, tekjur af ársmiðasölu og öðrum viðburðum.
Við vitum að Íslandsmótinu muni seinka um einhverjar (vonandi bara örfáar) vikur. En við vitum líka að öll él birta upp um síðir. Það mun verða spilað í sumar og það verður grillað og það verður væntanlega sól og mikil stemmning allan tímann. Karlaliðið spilar aftur á meðal þeirra bestu í Pepsi Max deildinni eftir stutta fjarveru og þá leikur kvennaliðið í 1. deildinni í sumar.
Það er mikilvægt að Fjölnissamfélagið standi saman nú sem aldrei fyrr. Þau ykkar sem hafið tök á biðjum við vinsamlegast um að ganga frá kaupum á heimaleikjakorti við fyrsta tækifæri jafnvel þótt þið komist ekki á alla leikina.
Takk fyrir þinn stuðning – hann skiptir máli!
Nýr formaður knattspyrnudeildar
Aðalfundur knattspyrnudeildar var haldinn í Egilshöll mánudaginn 17. febrúar sl.
Kolbeinn Kristinsson er nýr formaður knattspyrnudeildar og þá var jafnframt mynduð ný stjórn.
Níu einstaklingar auk Kolbeins voru í framboði til stjórnar; Kári Arnórsson, Geir Kristinsson, Marinó Þór Jakobsson, Steindór Birgisson, Hjörleifur Þórðarson, Jóhann Rafn Hilmarsson, Ívar Björnsson, Jósep Grímsson og Trausti Harðarson.
Þessir aðilar skipa því stjórn knattspyrnudeildar 2020-2021
Við viljum nota tækifærið og hvetja alla Grafarvogsbúa og Fjölnisfólk til að sýna félaginu áhuga í orði og verki. Allt frá iðkun barna sinna upp í afreksstarfið í meistaraflokkunum auk annarra almennra viðburða á vegum félagsins.
Þá vill félagið þakka fráfarandi stjórnarmönnum kærlega fyrir sín störf og þá sérstaklega þeim Árna Hermannssyni og Kristjáni Einarssyni fyrir ómetanlega og óeigingjarna vinnu undanfarin áratug eða svo í þágu félagsins.
#FélagiðOkkar
Góður árangur Eygló Dísar og Saule á síðustu tennismótum ársins
Tennisspilararnir frá Fjölni Eygló Dís Ármannsdóttir og Saule Zukauskaite stóðu sig vel á stórmóti TSÍ sem haldið var í nóvember, og eins Jólabikarmóti Tennishallarinnar, haldið í desember.
Á stórmóti TSÍ lenti Eygló Dís í 1. sæti í einliðaleik U14, og Saule í 1. sæti í einliðaleik U12 og 2. sæti einliða U14.
Á jólabikarmótinu lenti Saule í 1. sæti einliða U12, 1. sæti tviliða U14 og 1. sæti einliða U-14. Eygló Dís lenti í 1. sæti í einliðaleik U16 og 2. sæti í einliðaleik U14.
Við óskum þessum flottu stúlkum innilega til hamingju með árangurinn!