getraunakaffi


Getraunakaffi Fjölnis er haldið á laugardögum milli kl. 10:00 og 12:00 í nýju skrifstofum félagsins í Egilshöll. Allir velkomnir, heitt á könnunni og bakkelsi frá Bakarameistaranum á boðstólnum.

Getraunanúmer Fjölnis er 112.

Allir sem vilja styðja Fjölni eru beðnir um að setja okkar félaganúmer á seðilinn.

Reglur í hópleik:

  1. Hópleikurinn er öllum opinn sem vilja taka þátt í getraunastarfi Fjölnis. Tveir einstaklingar mynda hvern hóp og gefa honum nafn til aðgreiningar frá öðrum hópum.
  2. Spilað verður í einum riðli í 9 vikur eða alla laugardagsmorgna frá 11.janúar 2020 til og með 7.mars 2020.
  3. Allir þátttakendur senda inn tvo seðla á þar til gerð blöð sem Fjölnir-getraunir láta í té. Þessir seðlar skulu innihalda nákvæmlega 7 leiki með einu merki og 6 leiki með tvítryggingu (2 x 832 kr. seðill). Betri seðillinn gildir. Með þessu móti standa allir þátttakendur jafnt.
  4. Raðirnar skulu vera komnar til umsjónarmanna getraunastarfs Fjölnis fyrir kl. 12:00. Tekið er á móti röðunum á laugardögum í nýju skrifstofum Fjölnis í Egilshöll frá kl. 10:00 til 12:00 þar sem boðið verður upp á Getraunakaffi.
  5. Gleymi hópur að senda inn raðir þá fær sá hópur lægsta skor þeirrar viku í riðlinum.
  6. Keppnin stendur yfir í 9 vikur og gilda 7 bestu vikurnar í leiknum. Hópurinn sem er með flesta leiki rétta sigrar.
  7. Ef fleiri en einn hópur er jafn eftir 9 vikur þá vinnur það lið sem er með fleiri rétta samtals úr síðustu þremur umferðunum. Sé ennþá jafnt þá verður varpað hlutkesti.

Vinsamlega millifærið á eftirfarandi:
Upphæð: 4.990 kr.
Rkn: 0114-05-060968
Kt: 631288-7589
Skýring: Nafn liðs

Facebook hóp utan um Getraunakaffið má finna með því að smella hér.