Handbolti

Aðalfundur handknattleikdsdeildar Fjölnis

Aðalfundur handknattleikdsdeildar Fjölnis

Aðalfundur handknattleikdsdeildar Fjölnis verður haldinn 26. mars n.k. kl. 20.30 í aðstöðu félagsins í Egilshöll.

Dagskrá:

Venjuleg aðalfundarstörf

Í 17 grein laga félagsins segir:

Stjórn hverrar deildar skal skipuð þremur til sjö einstaklingum, formanni sem kosinn er á aðalfundi viðkomandi deildar og tveimur til sex meðstjórnendum og allt að tveimur til vara, einnig kjörnum á aðalfundinum.

Tillögur um stjórnarmenn skulu berast til skrifstofu minnst 5 dögum fyrir boðaðan aðalfund. Ef ekki berast næg framboð fyrir tilskilin tíma er heimilt að bjóða sig fram á aðalfundinum og skulu þeir sem tilkynntu framboð sín innan framboðsfrests teljast kjörnir en kosið á milli annarra. Hafi framboð verið tilkynnt innan framboðsfrests en viðkomandi frambjóðandi ekki náð kjöri sem aðalmaður er viðkomandi heimilt að gefa kost á sér á fundinum til setu í varastjórn.

 

Framboð skulu send til framkvæmdastjóra félagsins, Guðmundi G. Sigurbergssyni á netfangið gudmundur@fjolnir.is.

by Þorgeir Örn Tryggvason

Naglinn nýr styrktaraðili Handknattleiksdeildar

Bjóðum Naglann velkominn í hóp styrktaraðila!

Það er handboltadeildinni mikil ánægja að tilkynna um nýjan styrktaraðila. Naglinn er nútímalegt byggingafyrirtæki sem leggur áherslu á gæði, nýsköpun og jákvæð vinnubrögð, og hefur jafnframt mikinn hug á að styðja við íslenska íþróttamenningu — þar sem samvinna og árangur koma saman!

Það skiptir okkur ótrúlega miklu máli að fá svona stuðning og gerir okkur kleift að halda úti afreksstarfi deildarinnar segir Sveinn Þorgeirsson formaður hkd. Þess vegna erum glöð með þetta samstarf og berum merki Naglans framan á keppnistreyjum kvenna og karla með stolti.

Á myndinni má sjá þá Gunnar Wigelund frá Naglanum og Svein Þorgeirsson, formann hkd. Fjölnis handsala samninginn.

Kærar þakkir Naglinn! Áfram Fjölnir!

by Arna Guðnadóttir

Gunnar Steinn Jónsson ráðinn þjálfari Olísdeildarliðs Fjölnis í handbolta!

Gunnar Steinn Jónsson snýr aftur heim - ráðinn þjálfari Olísdeildarliðs Fjölnis í handbolta

Gunnar Steinn Jónsson hefur verið ráðinn þjálfari meistaraflokks karla í handbolta. Gunni er Grafaravogsbúum kunnur enda uppalinn í félaginu þar sem hann spilaði með yngri flokkum í handbolta og fótbolta við góðan orðstýr. Frá Fjölni lá leiðin til HK og þaðan í atvinnumennsku í Svíþjóð, Frakklandi, Þýskalandi og Danmörku þar sem hann spilaði samhliða því að leika fyrir Íslands hönd og var þar með fyrsti Fjölnismaðurinn til að spila á stórmóti í handbolta. Eftir glæsilegan feril erlendis lá leið hans heim til Íslands þar sem hann lék og var aðstoðarþjálfari með Stjörnunni við hlið Patreks Jóhannessonar.

Gunnar tekur við stjórn liðsins sem vann sér inn sæti í úrvalsdeild í vor í eftirminnilegu einvígi í oddaleik í fullri Fjölnishöll. Meistaraflokksráð lýsir mikilli ánægju með ráðninguna sem endurspeglar stefnu félagsins vel að byggja á Fjölnismönnum og metnað félagsins til að vera með lið í efstu deild í handbolta.

Gunnar Steinn er spenntur fyrir komandi áskorun í Olís deildinni:

,,Það er frábær tilfinning að snúa aftur heim í Grafarvoginn og loka þannig þessum hring eftir góðan Evróputúr með fjölskyldunni. Sætið í Olísdeildinni gefur tækifæri á að byggja upp öflugt lið með mörgum Fjölnismönnum. Ég hlakka mikið til að leggja mitt að mörkum og byrja að vinna með strákunum. Ég hvet alla Grafarvogsbúa, fyrrverandi og núverandi, til að mæta á völlinn á næsta tímabili og styðja okkur, flaggskip Fjölnis í efstu deild.”

Það eru spennandi tímar fram undan í Grafarvoginum og handboltadeildin ætlar að leggja allt kapp á að skapa góða stemningu og gleði í kringum starfið í vetur. Við skorum á sem flesta á að vera með okkur í liði og taka þátt!

Meistaraflokksráð handboltadeildar Fjölnis

by Arna Guðnadóttir

Ragna Lára og Kolbrún Ída í úrvalslið Reykjavíkur á Grunnskólamóti höfuðborga Norðurlandanna

Grunnskólamót höfuðborga Norðurlandanna 2024 (Nordic Capitals’ School Games) fer fram í Reykjavík 26.-31. maí. Keppt er í handknattleik stúlkna, knattspyrnu drengja og frjálsíþróttum beggja kynja.

Á dögunum var valið í úrvalslið Reykjavíkur sem keppir fyrir hönd borgarinnar á mótinu. Í liðinu eru 41 keppandi, fjórir þjálfarar og tveir fararstjórar.

Tvær stúlkur frá Fjölni/Fylki hafa verið valdar í 10 manna úrvalslið Reykjavíkur í handbolta sem keppir á móti úrvalsliðum höfuðborganna.  Þetta eru þær Ragna Lára Ragnarsdóttir og Kolbrún Ída Kristjánsdóttir,  leikmenn  5. og 4. flokks Fjölnis/Fylkis.

Við óskum stelpunum innilega til hamingju og óskum þeim góðs gengis á mótinu.

Á meðan mótinu stendur er hægt að fylgjast með og fá upplýsingar á heimasíðu Íþróttabandalags Reykjavíkur, www.ibr.is. Skoða þar úrslit leikja, sjá myndir og lesa stutta umfjöllun alla daga. Einnig er hægt að fylgjast með á Facebooksíðu Íþróttabandalags Reykjavíkur.

#FélagiðOkkar

by Arna Guðnadóttir