Momola semur við Fjölni
Momola semur við Fjölni
Momolaoluwa Adesanmi, eða Mo eins og hún er kölluð, hefur skrifað undir eins árs samning við félagið og mun því spila áfram með Fjölni á komandi keppnistímabili. Mo gekk til liðs við félagið á síðasta ári eftir langvarandi meiðsli og vann sig hægt og bítandi upp í liðið.
Mo lék einnig með Fjölni í Lengjudeildinni tímabilið 2022 og hefur nú þegar spilað 28 leiki fyrir félagið. Hún er mikil fyrirmynd innan hópsins og leggur sitt af mörkum til að hjálpa yngri leikmönnum að þróast og bæta sig.
Vesko þjálfari liðsins hafði þetta um framlenginguna að segja: „Það er mikill ánægja að tryggja Mo áfram hjá félaginu á næsta tímabili. Hún er gríðarlega sterkur varnarmaður sem gefur okkur mikinn styrk í leikjum. Mo er hugrökk, vinnusöm og tilbúin að takast á við allar áskoranir til að hjálpa liðinu. Hún sneri sterk til baka eftir meiðsli og er nú stöðugt að sýna gæði sín, nánast dag frá degi. Ég hlakka mikið til að sjá hana ná fullum möguleikum sínum á tímabilinu.“
Helena og Ísabella semja við Fjölni
Helena og Ísabella semja við Fjölni
Knattspyrnudeild Fjölnis hefur samið við Helenu Fönn Hákonardóttur og Ísabellu Rós Bjarkadóttur til ársins 2027.
Helena og Ísabella, sem eru að gera sína fyrstu samninga við Fjölni, eru báðar efnilegir leikmenn fæddar árið 2010 og hafa verið mikilvægur hluti af liðum félagsins í 2. og 3. flokki. Samhliða því hafa þær einnig aflað sér dýrmætrar reynslu með þátttöku í leikjum og æfingum með meistaraflokki.
Helena er kantmaður og lék sinn fyrsta leik fyrir Fjölni árið 2024 í útileik gegn Sindra og hefur alls spilað 8 leiki fyrir meistaraflokk. Ísabella er miðjumaður og lék sinn fyrsta leik fyrir meistaraflokk í fyrstu umferð tímabilsins 2025 gegn Selfossi. Hún hefur alls spilað 5 leiki fyrir meistaraflokk.
Fjölnir bindur miklar vonir við báðar til framtíðar og lítur á þær sem mikilvæga leikmenn og fyrirmyndir innan félagsins.
Fjölnir hlýtur hvatningarverðlaun KSÍ í dómaramálum 2025
Fjölnir hlýtur hvatningarverðlaun KSÍ í dómaramálum 2025
Ungmennafélagið Fjölnir hefur hlotið hvatningarverðlaun KSÍ í dómaramálum árið 2025, sem eru veitt árlega í aðdraganda ársþings Knattspyrnusambands Íslands. Viðurkenningin er veitt félögum sem sýna metnað, framtíðarsýn og markvissa uppbyggingu í dómaramálum.
Dómaraverðlaunum KSÍ er skipt í tvo flokka: Fyrirmyndarfélag í dómaramálum og Hvatningarverðlaun í dómaramálum. Fjölnir hlýtur hvatningarverðlaunin fyrir markvisst starf og jákvæða þróun í dómgæslu innan félagsins.
Á árinu 2025 tók Fjölnir stórt skref í uppbyggingu dómaramála með því að fá Oddberg Eiríksson, fyrrverandi FIFA aðstoðardómara, til starfa sem dómarastjóra félagsins. Oddbergur hefur komið inn með mikinn kraft, skýra sýn og faglegt skipulag sem hefur styrkt dómgæsluna innan Fjölnis til muna. Oddbergur er sömuleiðis þjálfari í yngri flokkum og því mikill liðsfengur fyrir félagið.
Undir hans stjórn hefur félagið lagt aukna áherslu á fræðslu og þjálfun dómara, meðal annars með fjölgun dómaranámskeiða, sem hefur skilað sér í auknum fjölda virkra dómara, bæði karla og kvenna. Þessi þróun styrkir ekki aðeins starf Fjölnis heldur einnig knattspyrnuna í heild sinni.
Viđurkenning KSÍ er staðfesting á því mikilvæga starfi sem unnið er innan félagsins og hvatning til áframhaldandi uppbyggingar á sviði dómaramála.
Á myndinni eru Oddbergur Eiríksson, dómarastjóri Fjölnis, og Ingi Rafn Ingibergsson, starfsmaður KSÍ í dómaramálum.
2. flokkur karla Reykjavíkurmeistari í knattspyrnu
2. flokkur karla Reykjavíkurmeistari í knattspyrnu
Í gær urðu 2. flokkur Fjölnis í knattspyrnu Reykjavíkurmótsmeistarar 2026. Liðið tryggði sér titilinn með sannfærandi 5–0 sigri á Fylki í úrslitaleiknum en fyrir leikinn hafði það farið taplaust í gegnum sinn riðil þar sem það vann þrjá leiki og gerði eitt jafntefli.
Mörk Fjölnis í úrslitaleiknum skoruðu Aron Sölvi (2), Elmar Daði, Daníel Tal og Tómas Aris.
Frábær frammistaða og vel að verki staðið!
Christina Alba heldur áfram að bæta sig á hlaupabrautinni
Christina Alba heldur áfram að bæta sig á hlaupabrautinni
Christina Alba Marcus Hafliðadóttir heldur áfram að sýna stöðugar framfarir á hlaupabrautinni og staðfesti frábæra formið sitt á Nike móti FH sem fram fór í Kaplakrika fimmtudaginn 19. febrúar.
Christina hljóp 60 metra á 7,41 sekúndu og bætti þar með sinn eigin árangur enn frekar, aðeins nokkrum dögum eftir að hún setti Íslandsmet í 60 metra hlaupi í flokki 18–19 ára stúlkna á Meistaramóti Íslands 15–22 ára. Þar hljóp hún á 7,44 sekúndum og bætti fyrra met um 3 sekúndubrot.
Tíminn 7,41 sekúnda er aðeins 6/100 frá Íslandsmeti kvenna í greininni, sem er 7,35 sekúndur, og undirstrikar hversu hratt Christina er að nálgast besta árangur landsins frá upphafi.
Hlaup Christinu var stigahæsta afrek Nike mótanna þetta tímabilið með 1.081 stig og hlaut hún verðlaun frá Nike fyrir þann árangur.
Fulltrúar Fjölnis á U18 heimsmeistaramótinu í íshokkí
Fulltrúar Fjölnis á U18 heimsmeistaramótinu í íshokkí
Þrír leikmenn úr Íshokkídeild Fjölnis taka nú þátt á U18 heimsmeistaramótinu í íshokkí, þar sem þeir keppa með íslenska landsliðinu og eru fulltrúar Fjölnis á alþjóðavettvangi.
Leikmennirnir sem um ræðir eru Baldur Örn Mortensen, Gabriel Egilsson og Tryggvi Páll Snævarsson, sem allir eru í eldlínunni á mótinu og safna dýrmætri reynslu gegn sterkum þjóðum í sínum aldursflokki. U18 heimsmeistaramótið er mikilvægur vettvangur fyrir unga leikmenn til að mæta alþjóðlegri samkeppni og er þátttaka þeirra Baldurs, Gabriels og Tryggva Páls bæði félaginu og íslensku íshokkíi til mikils sóma.
Nánari upplýsingar um mótið má finna á heimasíðu Alþjóða íshokkísambandsins (IIHF).
Fjörfiskar í Fjölni – opnir hreyfitímar fyrir ung börn og fjölskyldur
Fjörfiskar í Fjölni – opnir hreyfitímar fyrir ung börn og fjölskyldur
Fjörfiskar í Fjölni er sérstakt samfélagsverkefni innan Ungmennafélagsins Fjölnis sem býður upp á opna og gjaldfrjálsa hreyfitíma í íþróttasal fyrir ung börn og fjölskyldur þeirra. Markmið verkefnisins er að þjóna nærsamfélaginu og ná sérstaklega til þeirra sem ekki eru í skipulögðu íþróttastarfi eða hafa annað móðurmál en íslensku.
Á hverjum tíma eru settar upp fjölbreyttar leik- og hreyfistöðvar þar sem börnin fá að klifra, hoppa, hlaupa og leika sér eftir eigin áhuga og getu. Foreldrar eru hvattir til að taka virkan þátt, hreyfa sig með börnunum og eiga saman gæðastund í öruggu og jákvæðu umhverfi.
Uppsetning verkefnisins er afar sveigjanleg. Engin skráning er nauðsynleg og engin æfingagjöld eru innheimt. Fjölskyldur mæta þegar þeim hentar og fara þegar það passar innan opnunartíma.
Verkefnið hóf göngu sína síðasta haust í íþróttasal Hamraskóla og hefur fengið afar góðar viðtökur. Með styrkjum frá Hvatasjóði íþróttahreyfingarinnar og nýverið Lýðheilsusjóði, ásamt góðu aðgengi að íþróttasalnum, hefur verið mögulegt að bjóða verkefnið gjaldfrjálst.
Að verkefninu standa íþróttafræðingarnir Sveinn Þorgeirsson og Anna Margrét Guðmundsdóttir. Auk þess að halda utan um tímana og sjá um uppsetningu er þátttakendum velkomið að leita til þeirra varðandi hreyfingu, leik og íþróttaþátttöku barna.
Fyrirmynd verkefnisins er sótt í Fjölskyldutíma í Varmá í Mosfellsbæ sem hafa notið mikillar velgengni í yfir 10 ár.
Nánari upplýsingar má finna á Facebook-síðu Fjörfiska í Fjölni:
https://www.facebook.com/fjorfiskarifjolni
Helgi Snær Agnarsson semur við Fjölni
Helgi Snær Agnarsson semur við Fjölni
Knattspyrnudeild Fjölnis hefur gengið frá samningi við Helga Snæ Agnarsson sem gengur til liðs við félagið fyrir komandi keppnistímabil.
Helgi Snær, sem fæddur er árið 1999, er fjölhæfur leikmaður sem getur leyst margar stöður á vellinum. Hann kemur til félagsins frá KFG en á jafnframt að baki fyrri sögu hjá Fjölni. Helgi Snær hefur leikið alls 45 leiki í 1. deild með Fjölni, Þrótti Vogum og Magna. Þá á hann einnig um 45 leiki í 2. deild með ÍR og KFG.
Til gamans má geta þess að Helgi Snær var bikarmeistari með 2. flokki Fjölnis árið 2018, Íslandsmeistari í innanhússknattspyrnu árið 2019 og 4. deildarmeistari með Vængjum Júpíter árið 2023.
Aðspurður um félagsskiptin er tilhlökkun fyrir komandi sumri hjá Helga Snæ: „Ég er spenntur fyrir sumrinu í Grafarvoginu, það er frábært að vera kominn aftur í góða aðstöðu, samheldinn leikmannahóp og félag með skýr markmið. Ég mun leggja allt mitt að mörkum til að koma félaginu aftur í næstefstu deild og verkefninu er ekki lokið þar, því félagið á mikið inni. Grafarvogurinn verður gulur og glaður í sumar“.
Fjölnir býður Helga Snæ velkominn aftur til félagsins og hlakkar til samstarfsins á komandi tímabili. Áfram Fjölnir!
Fréttabréf Listskautadeildar
Fréttabréf Listskautadeildar
Norðurlandamótið 2026
Norðurlandamótið á listskautum fór fram í Hvidovre í Danmörku dagana 29/1-1/2 og átti Fjölnir tvo fulltrúa sem tóku þátt fyrir Íslands hönd. Voru það þær Arna Dís Gísladóttir og Elín Katla Sveinbjörnsdóttir. Einnig fór Benjamin Naggiar yfirþjálfari með sem þjálfari í ferðina. Fyrsti keppnisdagur var fimmtudagurinn 29.janúar og var keppt í stutta prógramminu. Arna Dís var fyrr á ísinn af okkar stúlkum. Eftir sitt prógram fékk hún 27,18 stig og endaði fyrsta daginn í 20.sæti. Elín Katla fór seinust af íslensku keppendum inn á svellið til að taka sitt stutta prógramm. Ekki gekk allt upp en hún endaði í 16.sæti á fyrsta deginum með 29,66 stig fyrir sína frammistöðu. Á seinni keppnisdeginum sem var á föstudeginum fór Arna Dís inn á svell þriðja af Íslendingunum. Fyrir frjálsa prógrammið fékk hún 44,37 stig og endaði í 20.sæti. Með þessum árangri náði hún 20.sætinu og 71,55 stig í heildarstigum. Seinust Íslendinganna inn á svellið til að taka frjálsa prógrammið var Elín Katla. Fyrir frjálsa prógrammið fékk Elín 66,87 stig og 8.sæti. Þetta skilaði Elínu samtals 96,53 stig og 12.sætinu.
Með sínum heildarstigum náði Elín Katla þeim glæsilega árangri að fá hæstu heildarstig sem íslenskur skautari hefur fengið í Advanced Novice flokki á Norðurlandamóti. Með því slær hún eigið met frá síðasta ári. Í frjálsa prógramminu fékk hún 39,05 tæknistig en það eru hæstu tæknistig allra keppenda í frjálsa prógramminu í Advanced Novice þetta árið.
Fögnuður
Laugardaginn 7.febrúar skelltu hópur 1-5 sér í keilu + pizzuveisla. Það var virkilega vel heppnað og skemmtu allir sér vel.
Skautaloppa
Miðvikudaginn 11.febrúar settum við upp skautaloppu í afíssalnum í fyrsta sinn. Buðust öllum iðkendum deildarinnar að setja upp bás og selja, kaupa eða skiptast á notuðum skautavörum. Vonir standa til að geta endurtekið þennan viðburð seinna með betri þátttöku og stuðla að endurnýtingu.
Valentínusarleikar
Laugardaginn 14.febrúar hélt deildin innanfélags Valentínusarleika fyrir félagalínu. Margir voru að stíga sín fyrstu skref í átt að keppni en reynsluboltar stigu einnig á svellið. Þátttakendur fengu stjörnublöð með árangur dagsins og vonum við að allir hafi verið ánægðir með leikana. Þátttakendur voru leystir út með gjafir frá Pollyönnu og Next Level Gaming og þökkum við þeim stuðninginn og takk sjálfboðaliðar fyrir ykkar framtak!
Kristalsmót
Ekki hefur tekist að manna dómarapanel fyrir Kristalsmót og óvíst hvort það gangi upp en við erum enn að reyna. Ef það gengur verður það þó ekki fyrr en eftir Vormót.
Sonja Henie Trophy
Sonja Henie Trophy verður haldið í Osló í mars og á Fjölnir 4 keppendur sem fara þangað. Ermenga og Elsa keppa í Basic Novice. Arna og Elín fara með landsliðinu og er Elín að keppa í fyrsta sinn í Junior. Það verður spennandi að fylgjast með því.
Sumarbúðir
Erum byrjuð að skipuleggja sumarbúðir 8-26/6 -> þó að það sé ekki staðfest þá endilega takið frá tímann!
Klippikort fyrir skautahlaup
Nú er hægt að kaupa 5 og 10 tíma kort í skautahlaupi á Abler. Hvetjum alla áhugasama að prófa þessa íþrótt.
Framundan á vorönn:
- Hraðasti skautarinn tímatökur
- Sonja Henie Trophy 5-8/3
- Vormót Akureyri 27-29/3
- Kristalsmót
- Páskafrí 2-6/4
- Grunnpróf apríl (20-22.*)
- Skautaþing 9.maí
- Vorsýning verður líklega 30.maí
Samantekt frá ársskýrslu skákdeildar
Samantekt frá ársskýrslu skákdeildar
Reglulegar skákæfingar barna og unglinga
Skákdeild Fjölnis hélt reglulegar æfingar fyrir börn og unglinga í Rimaskóla á fimmtudögum kl. 16:30–18:30, annars vegar í janúar–maí og hins vegar í september–desember. Á hverri æfingu mættu jafnan 50–60 þátttakendur. Æfingarnar voru ókeypis, fjölbreyttar og höfðu aukist í vinsældum ár frá ári.
Skipulag æfinga og aðstaða
Æfingarnar voru skipulagðar með 2–3 hópum þar sem skipt var á milli skákþjálfunar og fimm umferða skákmóts. Veitt voru 15–25 verðlaun eða happadrættisvinningar á hverri æfingu. Í skákhléi var boðið upp á veitingar, m.a. skúffuköku og kalt vatn.
Markmið og sérstaða skákstarfsins
Æfingarnar höfða til allra aldurshópa og er áberandi hversu margir þátttakendur finna sig betur í skákinni en í hefðbundnum íþróttum. Kjörorð skákdeildar Fjölnis er: „Skák er skemmtileg“.
Kynning og sýnileiki skákdeildarinnar
Starfsemi skákdeildarinnar hefur fengið góða umfjöllun á Facebook-síðu deildarinnar, í Grafarvogsblaðinu, á vefjunum grafarvogur.net og skak.is, auk þess sem árangur á skákviðburðum innanlands hefur aukið sýnileika deildarinnar.
Umsjón og þjálfarateymi
Umsjón með skákæfingum árið 2025 hafði Helgi Árnason, formaður skákdeildarinnar, sem hefur stýrt starfinu frá stofnun deildarinnar árið 2004. Með honum störfuðu Jóhann Arnar Finnsson, Sóley Kría Helgadóttir, Ingi Rafn Ýmisson, Theodór Eiríksson og Sveinbjörn Pétur Guðmundsson.
Æfingameistarar og uppaldir Fjölnismenn
Æfingameistarar vetrarins voru Tristan Fannar Jónsson (6. bekkur) og Emilía Embla B. Berglindardóttir (7. bekkur) úr Rimaskóla. Í gegnum árin hafa margir þátttakendur verið liðsmenn Rimaskóla sem hafa náð framúrskarandi árangri á Íslands- og Reykjavíkurmótum grunnskóla.
Afrek einstaklinga – Reykjavíkurmeistari
Oliver Aron Jóhannesson varð Skákmeistari Reykjavíkur 2025 á Skákþingi Reykjavíkur og tók við titlinum af liðsfélaga sínum Degi Ragnarssyni.
Hraðskákmót taflfélaga 2025
Skákdeild Fjölnis hélt Hraðskákmót taflfélaga 2025 í Hlöðunni Gufunesbæ 19. febrúar. Alls tóku rúmlega 80 skákmenn þátt í mótinu. Taflfélag Reykjavíkur sigraði, Fjölnir A hafnaði í 2. sæti og Breiðablik í 3. sæti.
Hraðskákmót taflfélaga 2025
Skákdeild Fjölnis hélt Hraðskákmót taflfélaga 2025 í Hlöðunni Gufunesbæ 19. febrúar. Alls tóku rúmlega 80 skákmenn þátt í mótinu. Taflfélag Reykjavíkur sigraði, Fjölnir A hafnaði í 2. sæti og Breiðablik í 3. sæti.
Sveitir Fjölnis á Íslandsmótinu
Síðari hluti Íslandsmóts skákfélaga 2024-2025 fór fram í Rimaskóla dagana 27. febrúar – 2. mars. Fjölnir varð Íslandsmeistari annað árið í röð með fullu húsi stiga. Um 350 skákmenn tóku þátt í mótinu sem Skákdeild Fjölnis hýsti. Fjölnir sendi fjórar skáksveitir til leiks. B-sveitin náði öðru sæti í 2. deild og tryggði sér sæti í 1. deild. C- og D-sveitir stóðu sig vel í 4. deild, skipaðar að mestu ungum uppöldum Fjölnismönnum.
Styrkur og Skáksjóður Helga Árnasonar
Styrktarsjóður Hringfarans stofnaði Skáksjóð Helga Árnasonar og úthlutaði 5 milljónum króna til barna- og unglingastarfs skákinnar. Styrkurinn var tileinkaður Helga fyrir óeigingjarnt starf hans í þágu skáklistar.
Sumarskákmót Fjölnis
Sumarskákmót Fjölnis var haldið í 20. sinn 8. maí með 101 þátttakanda. Helgi Áss Grétarsson tefldi fjöltefli og Rótarý Grafarvogur gaf alla verðlaunagripi mótsins. Tefldar voru fimm umferðir og 50 verðlaun veitt.
Skákbúðir á Snæfellsnesi
Skákdeild Fjölnis hélt skákbúðir á Snæfellsnesi 17.–18. maí með þátttöku rúmlega 20 barna. Hópurinn tók þátt í Minningarmóti Ottós og Gunnars og vann til verðlauna og verðlaunafjár.
Efnilegur nýliði – Anh Hai Tran
Skákdeild Fjölnis hélt skákbúðir á Snæfellsnesi 17.–18. maí með þátttöku rúmlega 20 barna. Hópurinn tók þátt í Minningarmóti Ottós og Gunnars og vann til verðlauna og verðlaunafjár.
Alþjóðleg þátttaka – Norðurlandamót og Evrópumót
Skáksveit Rimaskóla tók þátt í Norðurlandamóti barnaskólasveita í Helsinki og hafnaði í 3. sæti. Skáksveit Fjölnis keppti einnig á Evrópumóti taflfélaga á Rhodos.
Amsterdam Chess Open
Skáksveit Rimaskóla tók þátt í Norðurlandamóti barnaskólasveita í Helsinki og hafnaði í 3. sæti. Skáksveit Fjölnis keppti einnig á Evrópumóti taflfélaga á Rhodos.
Íslandsmót skákfélaga 2025–2026 – fyrri hluti
Fyrri hluti mótsins fór fram í Rimaskóla í nóvember. Fjölnir sendi fjórar sveitir og er A-sveitin í 2. sæti Úrvalsdeildar eftir fyrri hlutann.
Atskákmót og ungmennamót
Fjölnir hafnaði í 3. sæti á Atskákmóti taflfélaga 2025. Á Íslandsmóti barna- og unglingasveita náðu Fjölniskrakkar fjölmörgum verðlaunum, þar á meðal Íslandsmeistaratitlum í stúlknaflokkum.
Stjórn, styrkir og þakkir
Stjórnarfundir voru fáir á árinu. Skákdeildin fékk rekstrarstyrk frá ÍTR sem er grundvallarforsenda ókeypis barna- og unglingastarfs. Sérstakar þakkir fá ÍTR, aðalstjórn UMF Fjölnis, starfsfólk Rimaskóla og eldhússtarfsfólk skólans.
