Sund - Ungmennafélagið Fjölnir - fjolnir.is

Sundnámskeið í júlí

Næsta námskeið hefst 12. júlí.

Sunddeild Fjölnis býður í sumar upp á sundnámskeið í Grafarvogslaug fyrir börn 4 – 10 ára. Kristinn Þórarinsson sundmaður úr Fjölni sér um kennsluna auk þess sem sundfólk verður aðstoðarfólk í lauginni. Aðstoðarfólkið tekur við börnunum í sturtunni og skilar þeim þangað inn að kennslu lokinni.

Vekjum athygli á að: Börnum á aldrinum 7-10 ára er boðið að koma og taka þátt með þeim formerkjum að hægt er að taka tillit til athugasemda úr námsmati í skólasundi ef þess er óskað.

Skráning fer fram í vefversluninni okkar og má smella á hana HÉR. Frekari fyrirspurnir á sumarnamskeid@fjolnir.is.

by Arnór Ásgeirsson

Sundfólk Reykjavíkur 2020

Sundfólk Reykjavíkur 2020 útnefnt af Sundráði Reykjavíkur

Sundkona Reykjavíkur:

Eygló Ósk Gústafsdóttir, Fjölni (Jacky Pellerin tók við verðlaunum fyrir hana)

Sundkarl Reykjavíkur:

Kristinn Þórarinsson, Fjölni

Sundkona Reykjavíkur í flokki fatlaðra:

Thelma Björg Björnsdóttir, ÍFR

Sundkarl Reykjavíkur í flokki fatlaðra:

Kristján Helgi Jóhannsson, Fjölni

by Kristján R. Halldórsson

Landslið Sundsambandsins

Þessir tveir öðlingar, Ingvar Orri og Kristinn eru fulltrúar sunddeildarinnar í landsliðsverkefnum Sundsambandsins. Æfingadagur landsliða verður haldinn í Reykjanesbæ laugardaginn 16. janúar. Yfirþjálfarinn okkar mun fylgja þeim í verkefnið

http://www.sundsamband.is/.../11/Aefingadagur-landslidshopa/

by Kristján R. Halldórsson

Stundaskrá Sunddeildar Fjölnis

*Birt með fyrirvara um breytingar.

Hér er svo tafla með viðmiðun fyrir hvaða aldur hver flokkur er en þetta fer eftir getu hvers og eins sundamans. Hægt er að sjá betur á heimasíðu Fjölnis hvað þarf að kunna / geta fyrir hvern hóp á https://fjolnir.is/sund

Hópur	Aldur
Garpar	18 ára og eldri
A – hópur Hákarlar	10-15 ára
B – hópur Háhyrningar	8-12 ára
C – hópur Höfrungar	7-11 ára
D – hópur Sæljón	7-9 ára
Selir	6-8 ára
Skjaldbökur	5-6 ára
Sæhestar	4-5 ára
Síli með foreldrum	2-3 ára

by Kristján R. Halldórsson

Keppni í armbeygjum

Í dag tóku sundmenn úr afrekshópum deildarinnar áskorun yfirþjálfarans sem fólst í því að gera 3000 armbeygjur á innan við klukkutíma. Ellefu sundmenn tóku þátt og urðu armbeygjurnar 3275 í heildina. Bæði eldri og yngri sundmenn úr Afrekshópunum tóku þátt og má sjá hér fyrir neðan hvað hver og einn tók margar armbeygjur.

Áskorunin var í boðsundsformi þ.e. að hver sundmaður átti að taka 15 armbeygjur í einu og svo tók næsti sundmaður við og svo næsti og svo framvegis. Gríðarlegt skemmtilegt framtak hjá þessum flottu krökkum og þjálfaranum þeirra.

by Kristján R. Halldórsson

Sunddeild Fjölnis hefur gert samning við Aquasport

Sunddeild Fjölnis hefur skrifað undir styrktarsamning við Aquasport sem gefur iðkenndum sund íþróttar góð kjör og styrki hjá Aquasport en þeir eru innflutnings aðili að sundfatnaði frá TYR sem er eitt af leiðandi merkjum sundfatnaðar í heiminum.

by Kristján R. Halldórsson

Æfingahelgi landsliða SSÍ

Fyrsta æfingahelgi landsliða SSÍ verður haldin dagana 26-27. september nk. Æfingahelgin fer fram í Reykjanesbæ og verður hópurinn við æfingar í Vatnaveröld og gistir á Hótel Keflavík.

Hópurinn er valinn út frá þvi hverjir tóku þátt í landsliðsverkefnum á þessu ári, þ.e.a.s Tenerife æfingabúðum og mælingum með Ragnari Guðmundssyni í febrúar auk þeirra sem komin voru með lágmörk á EM, EMU og NÆM á árinu. Þá var það sundfólk valið sem náð hafði lágmörkum í 50m laug í framtíðarhópinn frá 1. janúar 2020.

Eyleifur Jóhannesson, yfirmaður landsliðsmála hjá SSÍ, Steindór Gunnarsson, yfirþjálfari ÍRB og Arna Þórey Sveinbjörnsdótttir, yfirþjálfari Breiðabliks stjórna æfingum.

Sunddeild Fjölnis á tvo frábæra fulltrúa í þessum hópi þá Ingvar Orra Jóhannesson og Kristinn Þórarinsson

by Kristján R. Halldórsson