Fulltrúar knattspyrnudeildar Fjölnis ásamt formanni og framkvæmdastjóra félagsins heimsóttu nýverið borgarstjóra til að ræða aðstöðumál deildarinnar og þær áskoranir sem félagið hefur staðið frammi fyrir á síðustu misserum. Fundurinn fór mjög vel og ríkti jákvætt andrúmsloft meðal fundargesta.

Á fundinum kynnti knattspyrnudeildin sínar tillögur að úrbótum og var þeim tekið með opnum huga. Borgarstjóri sýndi málefninu skýran skilning og lýsti vilja borgarinnar til að finna farsælar lausnir á næstu mánuðum.

Í kjölfarið hefst nú vinna við að skoða mögulegar útfærslur sem geta bætt aðstöðu knattspyrnunnar verulega og stutt við áframhaldandi vöxt og þróun deildarinnar. Markmiðið er að niðurstaðan verði Fjölni til heilla og styrki starf félagsins bæði til skemmri og lengri tíma.

Knattspyrnudeild Fjölnis lýsir ánægju með þetta uppbyggilega samtal og er reiðubúin í áframhaldandi samstarf við borgina til að tryggja að aðstöðumálin fái þá lausn sem leikmenn, þjálfarar og samfélagið allt eiga skilið.

Á meðfylgjandi mynd að ofan má sjá fulltrúa borgarinnar ásamt fulltrúum Fjölnis.

Aron Fannar er 23 ára sóknarmaður sem hefur spilað 108 leiki í meistaraflokk og skorað í þeim 24 mörk.

Eftir að hafa spilað upp alla yngri flokka Fjölnis og leikið með Vængjum Júpíters gekk Aron Fannar til lið við Þrótt Reykjavíkið árið 2022. Síðustu ár hefur hann spilað með Þrótti Reykjavík, ÍR og Ægir.

Aðspurður um félagsskiptin og ástæðuna fyrir heimkomu hafði Aron Fannar þetta að segja: „Ég valdi Fjölni, því mig langaði að koma heim og vinna 2. deildina með liðinu. Ég er mjög spenntur fyrir því að takast á við þessa áskorun og gera vel fyrir liðið“.

Það er mikil ánægja inn félagsins að fá uppalinn heimamann aftur til liðsins. Birgir Birgison, rekstarstjóri knattspyrnudeildar hafði þetta að segja: „Við erum gríðarlega ánægð með að fá Aron Fannar aftur heim enda magnaður leikmaður hér á ferð“.

Þá bætti Gunnar Már, þjálfari Fjölnis við: „Aron Fannar styrkir okkur, hann hefur mikinn hraða og er ósérhlífinn, hann er Fjölnismaður inn að beini og kemur með hjarta inní þetta og hjálpar okkur að ná markmiðum okkar.“

Allir hjá Fjölni bjóða Aron Fannar velkominn heim og hlakka til að sjá hann spila í gulu næsta sumar.

#112innaðbeini