Leifur Óskarsson - Ungmennafélagið Fjölnir - fjolnir.is

Fréttir frá Bikarmóti ÍSS 2018

Bjarnarskautarar gerðu sér ferð um síðustu helgi í Laugardalinn og tóku þátt í Bikarmóti Skautasambands Íslands. Mótið er annað mótið þeirra á tímabilinu og mikil vinna búin að eiga sér stað. Björninn átti keppendur í öllum keppnisflokkum á mótinu, margir að keppa í fyrsta sinn í nýjum keppnisflokkum og mikil eftirvænting og spenna í okkar herbúðum.

Á laugardeginum var keppt í Intermediate novice og Intermediate ladies og réðust úrslit rétt um kl 10. Í Intermediate ladies landaði Berglind Óðinsdóttir 2. sæti og Hildur Bjarkadóttir 3. sæti og að auki lentu Hildur Hilmarsdóttir 4. sæti og Sólbrún Víkingsdóttir í 6. sæti. Í Intermediate novice röðuðu Harpa Karin Hermannsdóttir, Lena Rut Ásgeirsdóttir og Valdís María Sigurðardóttir sér í 5., 6. og 7. sæti.

Eftir verðlaunaafhendingu hófst keppni í Advanced novice, junior og senior með stutta prógramið. Aníta Núr Magnúsdóttir og Júlía Sylvía Gunnarsdóttir kepptu í Advanced novice. Eftir prógramið var Júlía Sylvía í 2. sæti og Aníta Núr í 7. sæti. Í Junior ladies kepptu Helga Karen Pedersen og Herdís Birna Hjaltalín. Helga Karen átti stórgóðan sprett og sat í 2. sæti eftir daginn og Herdís Birna í því fimmta, einnig með gott prógram. Eva Dögg Sæmundsdóttir keppti í senior ladies. Evu Dögg gekk ágætlega í stutta prógraminu og vermdi fyrsta sætið þegar keppni lauk í flokkinum.

Á sunnudegi var keppt í Chicks, Cubs og Basic novice ásamt keppni í frjálsu prógrami hjá Advanced novice, junior og senior.

Í Chicks og Cubs stóðu allir Bjarnarkeppendur, Sunneva, Brynja, Emelíana og Elva, sig mjög vel og sýndi snilldar tilþrif á ísnum. Í Basic novice átti Björninn fjóra keppendur. Því miður gat einn ekki lokið keppni vegna veikinda en úrslit voru þau að Tanja Rut Guðmundsdóttir nældi í 3. sæti, Þórdís Helga Grétarsdóttir varð í 5. sæti og Rakel Sara Kristinsdóttir í því 6.

Keppni lauk svo í eldri flokkunum í mikilli spennu enda var mjótt á mununum eftir fyrri daginn. Í Advanced novice krækti Júlía Sylvía sér í 3. sætið en Aníta Núr varð því miður að hætta keppni sökum óhapps sem hún varð fyrir í prógraminu.

Í Junior luku þær Helga Karen og Herdís Birna keppni í 4. og 6. sæti í geysisterkum flokki þar sem miklar sviptingar urðu á sætaröð milli daga. Eva Dögg Sæmundsdóttir lauk svo keppnisdeginum í senior flokki með silfurverðlaunum.

Eins og áður sagði átti Björninn 20 keppendur í öllum keppnisflokkum á mótinu og komu okkar stúlkur heim með 2 silfurverðlaun og 3 bronsverðlaun í farteskinu reynslunni ríkari og fullar eldmóði fyrir Íslandsmótinu sem haldið verður í Egilshöllinni í lok nóvember.

by Leifur Óskarsson

Autumn Classic International

Í síðustu viku tóku þær Eva Dögg Sæmundsdóttir og Júlía Grétarsdóttir úr Listskautadeild Bjarnarins þátt á Autumn Classics International sem haldið var í Oakville í Kanada. Mótið er hluti af ISU Challenger series mótaröðinni og eru þær fyrstu íslensku keppendurnir sem tekið hafa þátt á þessari mótaröð. Margir af bestu skauturum heims tóku þátt og öttu íslensku stúlkurnar meðal annars kappi við Evgeniu Medvedeva sem vann til tvennra silfurverðlauna á Ólympíuleikunum fyrr á þessu ári. Eva og Júlía stóðu sig með mikilli prýði og hafnaði Eva Dögg í 21. sæti og Júlía í því 22.

by Leifur Óskarsson

Ungbarnasund

Ungbarnasund sunddeildar Fjölnis í Grafarvogslaug

Sunddeild Fjölnis fer nú aftur af stað með ungbarnasund í Grafarvogslaug, en það hefur legið niðri í nokkur ár. Fabio La Marca er íþrótta- og heilsufræðingur og grunnskólakennari sem gengið hefur í hóp þjálfara Fjölnis og mun bjóða upp á námskeið á laugardagsmorgnum frá kl 10 til 12. Námskeiðin verða 3 og eru þau skipt upp eftir aldri. Fyrstu tvö námskeiðin eru fyrir börn 3 til 6 mánaða en síðan er eitt námskeið fyrir börn 6 til 12 mánaða. Um tilraunaverkefni er að ræða og vonumst við til að nýorðnir foreldrar taki vel í þetta og stundi sund í sínu hverfi en mikil aðsókn hefur verið í þessi námskeið þar sem þau eru í boði.

by Leifur Óskarsson

Fullorðinsfimleikar

Hefur þig alltaf dreymt um að verða fimleikastjarna ?
Opið er fyrir skráingu í Fullorðins Fimleika Fjölnis - FFF.
Það er ekki krafa um að iðkendur hafi áður stundað íþróttina, tökum vel á móti öllum, 18 ára aldurstakmark.
Skemmtileg hreyfing, þrek, teygjur og fimleikar.
Fyrsta æfing er á miðvikudaginn 22. ágúst.

Í ár bjóðum við uppá að iðkendur skrái sig á námskeiðið alla önnina eða geti valið um tvö átta vikna tímabil.
Allar upplýsingar eru að finna HÉR

by Leifur Óskarsson

Haustmót 2018

Haustmót ÍSS var haldið á Akureyri um helgina. Tuttugu keppendur frá Listskautadeild Bjarnarins tóku þátt á mótinu. Keppt var í 8 keppnisflokkum og átti Björninn keppendur í öllum flokkum. Stelpurnar stóðu sig með mikilli prýði á mótinu. Úrslit flokkanna voru:

Intermediate Ladies

1. Eva Björg Halldórsdóttir SA

2. Hildur Hilmarsdóttir SB

3. Hugrún Anna Unnarsdóttir SA

Basic Novice

1. Freydís Jóna Jing Bergsveinsdóttir SA

2. Kristín Jökulsdóttir SR

3. Vilborg Gróa Brynjólfsdóttir SR

Intermediate Novice

1. Harpa Karin Hermannsdóttir SB

2. Valdís María Sigurðardóttir SB

3. Ingunn Dagmar Ólafsdóttir SR

Advanced Novice

1. Herdís Heiða Jing Guðjohnsen SR

2. Rebekka Rós Ómarsdóttir SR

3. Júlía Sylvía Gunnarsdóttir SB

Junior:

1. Viktoría Lind Björnsdóttir SR

2. Aldís Kara Bergsdóttir SA

3. Herdís Birna Hjaltalín SB

Senior:

1. Eva Dögg Sæmundsdóttir SB

by Leifur Óskarsson

Hera Björk íslandsmeistari í tennis 2018

Okkar frábæru tennisstelpur Hera Björk og Georgina Athena unnu góða sigra á íslandsmótinu í tennis um helgina, aðrir keppendur stóðu sig líka vel.

Hera Björk Brynjarsdóttir varð um helgina tvöfaldur Íslandsmeistari í tennis, bæði í einliða- og í tvíliðaleik.

Hún vann á laugardaginn í undanúrslit á móti Iris Staub 6-2/6-3.

Á sunnudeginum spilaði hún í úrslitaleik á móti Önnu Soffiu Grönholm og var það mjög spennandi leikur sem endaði með því að Hera sigraði, 1-6/ 6-3/ 7-6 (7-1)

Hera Björk var svo líka íslandsmeistari í tvíliðaleik með Önnu Soffíu.

Á miðvikudaginn fer Hera aftur út í Háskólann í Bandaríkjunum (Valdosta Stata í Georgiu) til náms og æfinga.

Georgina Athena Erlendsdóttir stóð sig mjög vel og átti frábært mót. Hún endadi í 2. sæti í tvíliðaleik þar sem hún spilaði með Sofíu Sóley Jónasdóttur og svo endaði hún í 2 sæti í einliðaleik í U16.

Frábært mót hjá okkar tennisfólki og þetta sýnir að við verðum að fara bæta aðstöðuna hjá okkur í Egilshöll svo að okkar ungu iðkendur hafi tækifæri til að feta í fótspor þessara frábæru fyrirmynda.

#FélagiðOkkar

by Leifur Óskarsson

30 ára afmælistreyja til sölu

Í tilefni af 30 ára afmæli Fjölnis er sérstök og falleg afmælistreyja til sölu. Afmælistreyjan er endurgerður fyrsti keppnisbúningur félagsins.

Treyjan er fáanleg í öllum stærðum - einnig í barnastærðum. Á skrifstofu Fjölnis í Egilshöll eru treyjur í S, M, L og XL ef fólk vill koma og máta. Eins verður hægt að máta treyjurnar á öllum næstu heimaleikjum meistaraflokks kvenna og karla.

Á myndunum, til viðmiðunar, þá er Gunnar Már í large treyju og Kristjana er í small treyju.

Verð: 6.990 kr. (ekkert númer eða 88 á bakinu).
Verð: 7.490 kr. (með sérstöku númeri, t.d #4).

Tekið er við pöntunum á netfangið geir@fjolnir.is

#FélagiðOkkar

by Leifur Óskarsson

Sumarbúðum Bjarnarins og Skautafélags Akureyrar lokið

Æfingabúðirnar í júní 2018 voru á vegum Skautafélags Bjarnarins og Skautafélags Akureyrar. Þetta er í fyrsta skipti sem þessi tvö félög hafa farið í samstarf með æfingabúðir og má með sanni segja að vel hafi tekist til. Góð þátttaka var frá skauturum beggja félaga á öllum stigum og skemmtileg stemming myndaðist milli iðkenda félaganna. Óhætt er að segja að mörg vináttusambönd hafi skapast og verður skemmtilegt fyrir iðkendurna að rækta vináttuna í framtíðinni.

Fyrstu vikuna sáu George Kenchadze, yfirþjálfari á Akureyri og Christina Phipps skautastjóri Bjarnarins um kennsluna ásamt gestaþjálfaranum Kevin Curtis sem kemur frá Bandaríkjunum. Gaman var fyrir iðkendurna að fá til sín utanaðkomandi þjálfara því slíkt eykur aðlögunarhæfni þeirra og gefur þeim aðra sýn inn í æfingarnar.

Í annarri og þriðju viku fór Kevin heim en í stað hans kom Gennady Kaskov, yfirþjálfari Bjarnarins auk Christinu og Georgs. Ásamt þeim kom að auki Adelina Sotnikova, en hún er Ólympíumeistari í listskautum frá Ólympíuleikunum í Sochi 2014. Það þarf ekki að tíunda hve mikill heiður það er að fá skautara á þessu kalíberi til að vinna með öllum skaututunum okkar enda urðu gífulegar framfarir í túlkun og öllum hreyfingun iðkendanna á ísnum svo ekki sé minnst á grunnskautum og framfarir í stökkum. Adelina hannaði prógröm fyrir skautarana og verður gaman að sjá hvernig þau taka sig út á ísnum í fyrstu keppni tímabilsins í september.

Mikill metnaður var lagður í afísþjálfun í þessum búðum enda er afísþjálfun jafn mikilvæg skauturum eins og ísþjálfun ef maður ætlar að ná árangri. Afísþjálfarar voru Íris og Arnór en að auki sá Sara Dís um danskennslu.

Það var einnig ákveðið að vera með fræðslufyrirlestra og í fyrstu vikunni sagði Indíana okkur allt um sjálfsímynd á samfélagsmiðlum. Í viku tvö kom Sif Garðars með fyrirlestur og verkefni tengt mataræði og í viku þrjú vorum við með fyrirlestur um íþróttasálfræði fyrir eldri stelpurnar.

Allar vikurnar var æft fyrir lokasýninguna sem var haldin á föstudagskvöldið 29. júní. Þemað var myndin The Greatest Showman. Upptöku af sýningunni má finna á Youtube.

Styrktaraðilar á þessum sumarbúðum voru: Krumma, Macron og Subway.

by Leifur Óskarsson

Árgangamót

Í tilefni af 30 ára afmæli Fjölnis verður haldið glæsilegt árgangamót, sem verður svo árlegt, laugardaginn 11. ágúst á heimavellinum okkar í Dalhúsum. Þetta verður 21 árganga mót, fyrir bæði kynin auðvitað, sá elsti er '78 og yngsti er '98. Spilað verður á fallega grasinu okkar!

Dagskráin er eftirfarandi:
-Árgangamótið hefst kl. 16:00 eftir að Extra mótið klárast sem er fyrr um daginn.
-Allir grasvellir uppsettir með mörkum, merktir og klárir eftir Extra mótið.
-Leikmenn meistaraflokks karla Fjölnis eru ekki gjaldgengir í mótinu sjálfu.
-Spilað verður 1x 12 mín leikur 5 á 5.
-Árgangamótið klárast kl. 17:30.
-Grillaðir hamborgarar&kaldur, verðlaunaafhending og lokahóf á Gullöldinni um kvöldið.
-Tryllt GullaldarPartý langt frameftir nóttu.
-Verð: 3.000 kr. per einstakling. Innifalið grillaðir hamborgarar, kaldur, meldingar og frábær skemmtun.

Allir velkomnir. Ekki láta þig vanta. Sumir árgangar eru fjölmennir því er í lagi að vera með fleira en eitt lið í hverjum árgangi á meðan aðrir eru sameinaðir. Ræðið við fyrirliða.

Fyrirliðar hvers árgangs sem sjá um skráningu og utanumhald og senda á geir@fjolnir.is. Þá verða einnig sérstakir heiðursgestir sem þið öll þekkið kynntir til leiks bráðlega.

KK
‘98 – Jónas Breki Svavarsson
'97 – Georg Guðjónsson
’96 – Þorgeir Örn Tryggvason
’95 – Jón Andri Guðmundsson
‘94 – Nökkvi Fjalar Orrason
'93 – Hjörleifur Þórðarson
’92 - Páll Dagbjartsson
’91 – Steinar Örn
‘90 – Marinó Þór Jakobsson
'89 – Elvar Örn Guðmundsson
’88 – Ottó Marinó Ingason
’87 – Haukur Lárusson
‘86 – Ingimundur Níels Óskarsson og Þórir Hannesson
'85 – Ivar Bjornsson
’84 – Halldór Fannar Halldórsson
’83 – Gunnar Már Guðmundsson og Andri Steinn Birgisson
‘82 – Óli Páll Snorrason og Ingi Þór Finnsson
'81 – Hinrik Arnarson
’80 – Júlíus Ingi Jónsson
’79 – Jón Trausti Kárason
’78/77 – Gunnar Þór Jóhannesson og Steinar Gudmundsson

KVK
‘98 – Rakel Marín Jónsdóttir
'97 – Agnes Guðlaugsdóttir
’96 – Kamilla Einarsdóttir
’95 – Jónína Björk Bogadóttir
‘94 – Erla Valgerður Birgisdóttir
'93 – Katrín Ragnarsdóttir
’92 – Margrét Kristjánsdóttir og Sigríður Katrín Stefánsdóttir
’91 – Katrín Elfa Arnardóttir
‘90 – Erna Björk Þorsteinsdóttir og Sólveig Daðadóttir
'89 – Dóra Sveinsdóttir
’88 – Jódís Lilja Jakobsdóttir og Oddný Karen Arnardóttir
’87 – Hrefna Lára Sigurðardóttir
‘86 – Gerður Anna Lúðvíksdóttir
'85 – Helena Konradsdottir
’84 – Arna Þórhallsdóttir
’83 – Erla Thorhallsdottir
‘82 – Ása Jónsdóttir og Arna Frímannsdóttir
'81 – Brynja Árnadóttir
’80 – Elín Heiður Gunnarsdóttir
’79 – Sara McGuinness og Ásdís Kristinsdóttir
’78 – Elsý Villa