Þegar tourneringar / Íslandsmót er í gangi í Rimaskóla býðst forráðamönnum viðkomandi flokks hjá Fjölnis kostur á að hafa fjáröflunar sjoppu.  Mikilvægt er að foreldrar geri það í góðu samstarfi við skólastjórnendur Rimaskóla.    Einnig þarf þjálfari flokksins að hafa vitneskju um þetta.

Grunnregla:

Aðgangur er bannaður inn í skólann sjálfan (gangar, salerni, skólastofur). Sjoppan á að vera á áhorf-

endasvæðinu. Passa að halda öllum hurðum læstum á milli íþróttahúss og skólans.  Þjófavarnarkerfi skólans fer í gang ef misbrestur er á þessu. Kostnaður við útkall getur fallið á Fjölni og er sá kosnaður 15-20 þúsund kr. per útkall. Finna þarf húsvörðinn strax ef kerfið fer í gang.

Ferli:

Eitt foreldri er ábyrgðarmaður – þ.e. Ábyrgur fyrir þvi að farið er eftir reglunum.

Fá leyfi fyrir sjoppu hjá Helga Árnasyni skólastjóra (Helgi.Arnason@rvkskolar.is).  Biðja um að borð sé sett á áhorfendasvæðið.

Passa að skilti sé á hurð milli stúku og skólans:

Sem vísi á salerni niðri hjá iþróttasal / búningsklefum

Sem banni aðgang inn í skólann sjálfan

Ekki má hafa opið frá áhorfendastúku inn í skólann.

Uppáhellingaraðstaða. Húsvörður á vakt opnar inn á kaffistofu vegna uppáhellingar – foreldrar fá ekki lykil. Samþykki skólastjóra þarf að liggja fyrir. Ekki má nota kaffi á kaffistofu skólans og vanda þarf umgengni.

Ekki er hægt að fara inn í skólann fyrr en kl. 10:05 og ekki má fara inn í skólann eftir kl. 17:55. Ef kerfið fer í gang þá þarf strax að finna húsvörð og stoppa útkallið.

Frágangur –

Rusl, athuga líka flöskur og rusl hjá varamannabekkjum

Til að fá lánaðan posa er haft samband skrifstofu Fjölnis í Egilshöll, skrifstofa@fjolnir.is

Það er ein innstunga á áhorfendasvæðinu – hún þolir að hafa eitt samlokugrill og ísskápinn í sambandi – ef meira er sett í fjöltengi þá slær út rafmagnið í íþróttahúsinu. Ræða þarf við Helga skólastjóra hvort það megi nota rafmagn inni í skólanum. Húsvörður veitir aðgengi.

Passa upp á allar kvittanir.

Foreldrar útvega sjálfir:

• Kæli/kælibox fyrir drykki ef þarf – gamal ísskápur er í áhorfendastúkum sem má nota.
• Ílát, bakka, tangir, samlokugrill,  hníf/skæri, kaffibolla, eldhúsrúllu oþh
• Allar veitingar (t.d. Kaffi, samlokuefni, kleinur, ávextir, drykkir ofl)
• Verðlista

Ýmsir punktar:

Oft er höfð sú skipting að hluti foreldra standi sjoppuvaktir og hinn hlutinn útvegi veitingar. Á sérstaklega við ef tvö eða fleiri lið eru í árganginum og önnur lið að keppa annars staðar. Gott að setja upp vaktaplan.

Ákveða þarf fyrirfram skiptingu á ágóðanum. Fer hann óskiptur inn í sameiginlegan sjóð t.d. vegna ferðalaga út á land eða er hann hlutskiptur þ.e. þeir sem taka þátt í fjáröflun fá skerf af sölunni, aðrir ekki.

Ákveða þarf fyrirfram hvort að fólk skili inn kvittun fyrir því sem keypt er og fái þann kostnað endurgreiddan eður ei.