Fjölnir er bikarmeistari í listskautum 2026 – fjórða árið í röð!

Helgina 27.–29. mars fór Vormót ÍSS fram á Akureyri. Alls tóku 36 keppendur frá Fjölni þátt í mótinu, þar af margir sem voru að stíga sín fyrstu skref í keppni. Farið var í hópferð líkt og venjan er og er þetta ferð sem margir skautarar bíða spenntir eftir allt árið.

Keppendur Fjölnis stóðu sig með mikilli prýði á mótinu og voru félaginu til fyrirmyndar jafnt innan sem utan íssins.

Með þeim árangri sem skautarar Fjölnis náðu á Vormóti ÍSS, ásamt góðum árangri á öðrum mótum tímabilsins, tryggði félagið sér bikarmeistaratitilinn í listskautum árið 2026. Þetta er fjórða árið í röð sem Fjölnir hampað þessum glæsilega titli.

Helstu úrslit keppenda Fjölnis

12 ára og yngri

• Unnur Harðardóttir – 2. sæti
• Amelía Lind Hreiðarsdóttir – 3. sæti

15 ára og eldri karlar

• Marinó Máni Þorsteinsson – 1. sæti

Intermediate Women

• Ágústa Ólafsdóttir – 1. sæti
• Lilja Harðardóttir – 2. sæti

Basic Novice

• Maxime Hauksdóttir – 1. sæti
• Ermenga Sunna Víkingsdóttir – 2. sæti
• Karlina Kreislere – 3. sæti

Advanced Novice

• Elín Katla Sveinbjörnsdóttir – 1. sæti
• Arna Dís Gísladóttir – 2. sæti

Skautahlaup – Senior Women (222m, 500m og 1000m)

• Thamar Heijstra – 1. sæti

Við óskum öllum keppendum Fjölnis innilega til hamingju með frábæran árangur og vel heppnað mót.

Fréttabréf Listskautadeildar

Sonja Henie Trophy

Sonja Heine Trophy í Osló var haldið í þriðja sinn þann 5.-8. mars og átti Fjölnir 4 keppendur. Ermenga Sunna og Elsa Kristín kepptu í Basic Novice. Ermenga náði þeim glæsilega árangri að lenda í 2.sæti með 37,68 stig og Elsa endaði í 32.sæti með 20,27 stig. Arna Dís keppti í Advanced Novice og fékk 26,8 stig fyrir sitt stutta prógram og var hún í 17. sæti að loknum fyrsta degi. Á seinni keppnisdeginum var frjálsa prógrammið á dagskrá og fékk Arna 54,26 stig og 10. sætið fyrir það. Það skilaði henni upp um sex sæti og endaði hún þar með í 11. sæti með 81,06 heildarstig. Með þessum heildarstigum náði Arna persónulegu stigameti. Elín Katla var að keppa í fyrsta sinn í Junior flokki. Í stutta prógramminu fékk hún 38,37 stig sem skilaði henni 16. sætið. Fyrir sitt frjálsa prógramm fékk hún 77,34 stig og 7. sæti. Elín fékk þannig heildarstig upp á 115,71 stig og vann sig þar með upp um fimm sæti og endaði í 11. sæti. Með þessu náði hún viðmiðum í landsliðið í Junior flokki. Til hamingju með árangurinn stelpur, vel gert!

Vormót ÍSS og Bikarmeistararatitilinn

Helgina 27.-29. mars fer fram Vormót ÍSS á Akureyri. Fara 35 keppendur frá Fjölni þangað í hópferð. Margir að keppa í fyrsta sinn. Svona ferðir eru mikilvægar fyrir liðsandann og eitthvað sem skauturunum hlakkar til allt árið.

Í lok Vormóts eru Bikarmeistarar ársins tilkynntir en Fjölnir hefur hreppt þann titil undanfarin þrjú ár og verður spennandi að sjá hvort okkur takist að halda bikarnum. Bikarmótaröð er röð ÍSS móta þar sem félög með keppendur í ÍSS-línu í listskautum safna stigum.  Félag er hlýtur flest stig verður bikarmeistari mótaraðar. Stig eru gefin til þess skautara er efst kemur frá hverju félagi fyrir sig. Einum frá hverju félagi. Séu ekki keppendur frá öllum a.m.k. þremur félögum í neinum keppnisflokki á einstöku móti innan Bikarmótaraðar skulu stig reiknuð í þeim keppnisflokkum þar sem einungis vantar eitt félag. Stig sem gefin eru:  Adv. Novice, Junior, Senior 15 stig 13 stig  11 stig Basic Novice, Int. Novice, Int. Women/Men 11 stig 9 stig 7 stig 15 stig, 13 stig, 11 stig.

Aðalfundur

Þann 26. mars verður haldinn aðalfundur listskautadeildar. Á þeim fundi verður farið yfir síðasta ár og ný stjórn kosin. Vonum að sem flestir mæti og séu til í að koma í stjórnina og leggja sitt af mörkum. Það er mikilvægt að það séu fulltrúar frá öllum stigum deildarinnar allt frá skautaskóla að afreksskauturum.

Almennar upplýsingar

Með vorinu fer að koma mikið af rauðum dögum og minnum við því á að á rauðum dögum er heilt yfir frí á æfingum nema annað sé tekið fram. Páskafrí er 2.-6.apríl. Grunnpróf eru á dagskrá í apríl og verða upplýsingar sendar til þeirra sem verður boðið að taka þau. Hægt er að lesa um grunnpróf hér:

Á skautaþinginu í maí er svo kosin ný stjórn hjá Skautasambandinu en þar er mjög mikilvægt að Fjölnir eigi fulltrúa. Við stefnum á sumarbúðir 8-26. júní svo endilega takið tímasetningar frá.

Framundan á vorönn:

– Hraðasti skautarinn tímatökur

– Páskafrí 2.-6. apríl

– Grunnpróf apríl (20-22. apríl?)

– Skautaþing 9.maí

– Vorsýning

– Sumarbúðir 8-26.júní

Aðalfundur listskautadeildar Fjölnis verður haldinn 26. mars n.k. kl. 17.00 í aðstöðu félagsins í Egilshöll.

Dagskrá:

Venjuleg aðalfundarstörf

Í 17 grein laga félagsins segir:

Stjórn hverrar deildar skal skipuð þremur til sjö einstaklingum, formanni sem kosinn er á aðalfundi viðkomandi deildar og tveimur til sex meðstjórnendum og allt að tveimur til vara, einnig kjörnum á aðalfundinum.

Tillögur um stjórnarmenn skulu berast til skrifstofu minnst 5 dögum fyrir boðaðan aðalfund. Ef ekki berast næg framboð fyrir tilskilin tíma er heimilt að bjóða sig fram á aðalfundinum og skulu þeir sem tilkynntu framboð sín innan framboðsfrests teljast kjörnir en kosið á milli annarra. Hafi framboð verið tilkynnt innan framboðsfrests en viðkomandi frambjóðandi ekki náð kjöri sem aðalmaður er viðkomandi heimilt að gefa kost á sér á fundinum til setu í varastjórn.

Framboð skulu send til framkvæmdastjóra félagsins, Guðmundi G. Sigurbergssyni á netfangið gudmundur@fjolnir.is.

Fréttabréf Listskautadeildar

Norðurlandamótið 2026

Norðurlandamótið á listskautum fór fram í Hvidovre í Danmörku dagana 29/1-1/2 og átti Fjölnir tvo fulltrúa sem tóku þátt fyrir Íslands hönd. Voru það þær Arna Dís Gísladóttir og Elín Katla Sveinbjörnsdóttir. Einnig fór Benjamin Naggiar yfirþjálfari með sem þjálfari í ferðina. Fyrsti keppnisdagur var fimmtudagurinn 29.janúar og var keppt í stutta prógramminu. Arna Dís var fyrr á ísinn af okkar stúlkum. Eftir sitt prógram fékk hún 27,18 stig og endaði fyrsta daginn í 20.sæti. Elín Katla fór seinust af íslensku keppendum inn á svellið til að taka sitt stutta prógramm. Ekki gekk allt upp en hún endaði í 16.sæti á fyrsta deginum með 29,66 stig fyrir sína frammistöðu. Á seinni keppnisdeginum sem var á föstudeginum fór Arna Dís inn á svell þriðja af Íslendingunum. Fyrir frjálsa prógrammið fékk hún 44,37 stig og endaði í 20.sæti. Með þessum árangri náði hún 20.sætinu og 71,55 stig í heildarstigum. Seinust Íslendinganna inn á svellið til að taka frjálsa prógrammið var Elín Katla. Fyrir frjálsa prógrammið fékk Elín 66,87 stig og 8.sæti. Þetta skilaði Elínu samtals 96,53 stig og 12.sætinu.

Með sínum heildarstigum náði Elín Katla þeim glæsilega árangri að fá hæstu heildarstig sem íslenskur skautari hefur fengið í Advanced Novice flokki á Norðurlandamóti. Með því slær hún eigið met frá síðasta ári. Í frjálsa prógramminu fékk hún 39,05 tæknistig en það eru hæstu tæknistig allra keppenda í frjálsa prógramminu í Advanced Novice þetta árið.

Fögnuður

Laugardaginn 7.febrúar skelltu hópur 1-5 sér í keilu + pizzuveisla. Það var virkilega vel heppnað og skemmtu allir sér vel.

Skautaloppa

Miðvikudaginn 11.febrúar settum við upp skautaloppu í afíssalnum í fyrsta sinn. Buðust öllum iðkendum deildarinnar að setja upp bás og selja, kaupa eða skiptast á notuðum skautavörum. Vonir standa til að geta endurtekið þennan viðburð seinna með betri þátttöku og stuðla að endurnýtingu.

Valentínusarleikar

Laugardaginn 14.febrúar hélt deildin innanfélags Valentínusarleika fyrir félagalínu. Margir voru að stíga sín fyrstu skref í átt að keppni en reynsluboltar stigu einnig á svellið. Þátttakendur fengu stjörnublöð með árangur dagsins og vonum við að allir hafi verið ánægðir með leikana. Þátttakendur voru leystir út með gjafir frá Pollyönnu og Next Level Gaming og þökkum við þeim stuðninginn og takk sjálfboðaliðar fyrir ykkar framtak!

Kristalsmót

Ekki hefur tekist að manna dómarapanel fyrir Kristalsmót og óvíst hvort það gangi upp en við erum enn að reyna. Ef það gengur verður það þó ekki fyrr en eftir Vormót.

Sonja Henie Trophy

Sonja Henie Trophy verður haldið í Osló í mars og á Fjölnir 4 keppendur sem fara þangað. Ermenga og Elsa keppa í Basic Novice. Arna og Elín fara með landsliðinu og er Elín að keppa í fyrsta sinn í Junior. Það verður spennandi að fylgjast með því.

Sumarbúðir

Erum byrjuð að skipuleggja sumarbúðir 8-26/6 -> þó að það sé ekki staðfest þá endilega takið frá tímann!

Klippikort fyrir skautahlaup

Nú er hægt að kaupa 5 og 10 tíma kort í skautahlaupi á Abler. Hvetjum alla áhugasama að prófa þessa íþrótt.

Framundan á vorönn:

• Hraðasti skautarinn tímatökur
• Sonja Henie Trophy 5-8/3
• Vormót Akureyri 27-29/3
• Kristalsmót
• Páskafrí 2-6/4
• Grunnpróf apríl (20-22.*)
• Skautaþing 9.maí
• Vorsýning verður líklega 30.maí

Fréttabréf Listskautadeildar

Önnin fer vel af stað

Önnin fer vel af stað og hægt er að finna eitthvað fyrir alla, hvort sem þú ert tveggja ára eða fullorðinn, byrjandi eða lengra kominn. Skautaskólinn er fyrir krakka 2-12 ára og svo tekur unglinga- og fullorðinshópurinn við. Þegar skautarar eru svo tilbúnir að fara lengra taka framhaldshóparnir við. Þá bjóðum við einnig upp á skautahlaup. Það er aldrei of seint að skrá sig og það eru allir velkomnir að koma að prófa. Hægt er að lesa allt um deildina HÉR.

Félagsfatnaður

Listskautadeildin er í samstarfi við M Fitness varðandi æfingafatnað. Hér er hægt að panta Fjölnismerkt listskautaföt og afísbúnað HÉR.

Hraðasti skautarinn

Hraðasti skautarinn tímatökur fóru fram 9.janúar. 9 skautarar frá listskautadeild tóku þátt og stóðu sig með mikilli prýði, en þær skautuðu hringinn á 14,19-18,44 sekúndum og þrjá hringi á 40,69-52,15. Fleiri tímatökur eru eftir en áætlað er að þær fari fram í febrúar og apríl. Nánar er hægt að lesa um verkefnið HÉR.

Fjölskylduæfing

Laugardaginn 10.janúar héldum við fjölskylduæfingu hjá flestum hópum. Foreldrum og systkinum var boðið að taka þátt á æfingu til að fá innsýn í líf skautaranna. Þáttaka var mjög góð og gekk dagurinn vel.

Kristalsmót

Illa gengur að manna dómarastöður á Kristalsmóti. Enn er óvíst hvenær eða hvort takist að halda mótið. Skautasambandið stefnir á að halda dómaranámskeið og hvetjum við alla sem hafa áhuga að kynna sér það.

Fréttir af þjálfurum

Flottu þjálfararnir okkar hafa verið duglegir að bæta við sig menntun síðasta misserið. Þau Ísabella og Marinó luku 1.stigi þjálfunarmenntunar Íþrótta- og Ólympíusambands Íslands síðasta sumar. Elva, Ísabella og Marinó bættu síðan við sig 1.stigi þjálfunarmenntunar Skautasambands Íslands í haust, auk þess sem Ásta tók þar endurmenntun, en öll luku þau náminu í desember. Óskum við þeim öllum innilega til hamingju með þessa áfanga.

Ilaria er komin til starfa og viljum við bjóða hana velkomna til Fjölnis. Ilaria er reynslumikill þjálfari og við getum talið okkur heppin að fá hana til okkar. Viktória er að starfa sinn síðasta mánuð og verður hennar sárt saknað. Takk fyrir frábært samstarf Viktória og við óskum þér og þínum alls hins besta!

Paraskautun á EM

Júlía Sylvía og Manuel tóku þátt á Evrópumóti sem fór fram í Sheffield 13.-18. janúar. Þetta er í annað sinn sem þau keppa fyrir Íslands hönd á Evrópumóti. Eftir stutta prógrammið lentu þau í 9.sæti með 57,45 stig. Fyrir frjálsa prógrammið fengu þau 105,17 og urðu þetta samtals 162,62 stig og 11.sætið. Þetta voru persónuleg met hjá parinu í stutta, frjálsa og heildareinkunn. Nú eru þau einungis 3 tæknistigum frá því að ná inn á Heimsmeistaramót. Gríðarlega góður árangur hjá parinu.

Norðurlandamót 2026

27.janúar – 1. febrúar fer fram Norðulandamót í Hvidovre í Danmörku. Tveir keppendur frá Fjölni, Arna Dís og Elín Katla, fara fyrir hönd Íslands. Það styttist í að þær leggi af stað og óskum við þeim góðrar ferðar og góðs gengis. Áfram Ísland!

Hópefli fyrir hópa 1-5

Þar sem allar æfingar falla niður vegna hokkímóts laugardaginn 7.febrúar ætla hópar 1-5 að gera sér glaðan dag og skella sér saman í keilu! Nánari upplýsingar á Abler. Hlökkum við mikið til og vonumst til að sjá sem flesta!

Stjórn

Nú fer aftur að styttast í aðalfund. Stjórnin er verulega undirmönnuð og vantar nýliðun í næstu stjórn. Endilega hjálpið okkur að vinna þetta saman. Rekstur svona deildar gengur ekki nema með hjálp sjálfboðaliða. Það að vera í stjórn gefur manni sýn á bak við tjöldin og betri skilning á þessari íþrótt sem börnin okkar elska.

Fréttabréf Listskautadeildar

Skautapar ársins 2025

Stjórn Skautasambands Íslands, í samvinnu við Afreksnefnd ÍSS, hafa valið Júlíu Sylvíu Gunnarsdóttur & Manuel Piazza sem skautapar ársins 2025.

Hægt er að lesa meira um valið hér HÉR

Keppnisferðir erlendis

Eftir Íslandsmeistaramót fór fram val skautara á Norðurlandamót 2026 hjá stjórn ÍSS í samvinnu við Afreksnefnd. Mótið fer fram í Hvidovre í Danmörku þann 27. janúar til 1. febrúar. Skemmst er frá því að segja að Arna Dís Gísladóttir og Elín Katla Sveinbjörnsdóttir voru valdar frá okkur í Fjölni til að taka þátt í Advanced Novice flokki á mótinu.

Hægt er að lesa meira um valið hér HÉR

Grunnpróf

Í desember fóru fram grunnpróf ÍSS. Margir Fjölnisiðkendur þreyttu próf og gekk í heildina mjög vel. Næstu grunnpróf eru á dagskrá í apríl.

Hægt er að lesa meira um grunnpróf hér HÉR

Elín Katla valin skautakona ársins hjá Fjölni

Elín Katla hefur ár eftir ár sýnt fram á einstaka eljusemi og hollustu við listskautun. Frá unga aldri hefur hún stöðugt skilað frábærum árangri fyrir sjálfa sig, fyrir félagið okkar og fyrir Ísland. Hún er sterkur íþróttamaður og ýtir sífellt undir framfarir og ný viðmið. Hún hefur verið Íslandsmeistari í yngri flokkum og hefur nú tvö ár í röð verið Íslandsmeistari í Advanced Novice flokki. Á yfirstandandi keppnistímabili hefur Elín Katla enn á ný skarað fram úr með því að setja þrjú ný Íslandsmet í stuttu prógrammi, frjálsu prógrammi og í heildarstigum. Á alþjóðavettvangi hefur Elín Katla staðið sig með mikilli prýði og unnið til tveggja gullverðlauna á ISU alþjóðlegum mótum á þessu ári sem verður að teljast frábær árangur. Eljusemi, agi og ástríða Elínar Kötlu gera hana að framúrskarandi fyrirmynd fyrir yngri skautara og verðuga að þessari viðurkenningu. Til hamingju Elín!

Jólasýning

Sunnudaginn 21. desember  fór fram hin árlega jólasýning listskautadeildarinnar. Sýningarnar voru tvær, fyrri með skautaskóla ásamt framhaldshópum (1-4) og sú seinni allir framhaldshópar (1-5). Þema sýninganna voru íslensku jólasveinarnir og stóðu allir skautarar sig með prýði og var stemmingin mjög góð og skemmtileg. Grýla, jólakötturinn, bræðurnir þrettán og margt fleira. Við vonum að allir hafi skemmt sér vel og þökkum sjálfboðaliðum fyrir þeirra ómetanlega framlag, sem og öllum þeim sem mættu á sýningarnar og studdu deildina með kaupum í sjoppunni.

Jólanámskeið

Þessa dagana fara fram jólanámskeið deildarinnar. Námskeiðin hafa verið vel sótt og gaman er að sjá áhugann fyrir því að æfa skauta. Að því sögðu viljum við minna á að alltaf er velkomið að koma prófa 1-2 æfingar ef áhugi er til staðar.

Takk fyrir önnina

Að lokum viljum við þakka öllum fyrir önnina sem er að líða og hlökkum til að sjá ykkur aftur á næstu önn. Skráning hefst 2. janúar á Abler og æfingar hefjast 5. janúar. Kærar þakkir til allra sjálfboðaliða sem hjálpuðu við alls konar tilefni hjá okkur og vonandi að enn fleiri hjálpi til á næstu önnum. Við vonum að allir hafi það gott um hátíðirnar.

Hér að neðan má svo sjá hvað er framundan á vorönn:

• Hraðasti skautarinn tímatökur, nánar um verkefnið HÉR:
• Europeans Sheffield 12.-18. janúar.
• Kristalsmót (þurftum því miður að breyta dagsetningu en líkleg dagsetning í augnablikinu er 31. janúar).
• Vormót Akureyri 27.-29. mars.
• Landsliðsferð Sonja Henie 5.-8. mars.
• Grunnpróf apríl (áætlaðar dagsetningar 20.-22. apríl).
• Skautaþing maí (áætluð dagsetning 12. maí)
• Vorsýning maí.
• Afreksbúðir sumar.

Í Basic Novice keppti Ermenga Sunna, Elsa Kristín og Maxime og gerðu vel þar. Ermenga Sunna setti persónulegt stigamet með 39,72 stigum og tryggði sér þar með gullið, Maxime fékk silfrið með 33,12 stigum og Elsa Kristín níunda sætið með 21,5 stigum.

Í Advanced Novice kepptu Elín Katla og Arna Dís. Eftir fyrri daginn og stutta prógrammið var Arna Dís með 24,46 stig og Elín Katla með 39,46. Með þessu náði Arna að fara í seinni daginn í öðru sæti og Elín í því fyrsta. Síðust á ísinn voru svo Júlía og Manuel en þau fengu 51,59 stig fyrir stutta prógrammið sitt.

Seinni daginn voru Cubs fyrstar á ísinn en Elisabeth Rós og Karlína kepptu fyrir okkar hönd í þeim flokki. Þær stóðu sig með prýði en ekki eru veitt verðlaun í þessum flokki. Í frjálsa prógramminu fékk Arna Dís 46,38 stig og 70,84 heildarstig sem skilaði henni á verðlaunapall í annað sætið. Fyrir sitt prógram í frjálsa fékk Elín Katla 67,07 stig og sigraði í Advanced Novice flokkinn með 106,53 heildarstig og er því Íslandsmeistari aftur í þessum flokki annað árið í röð!

Svo var röðin komin að Júlíu Sylvíu og Manuel í Senior Pairs en þau uppskáru 99,23 stig fyrir frjálsa prógrammið sitt. Samanlagt fengu þau 150,82 stig, Íslandsmeistarar í Senior Pairs en þau fengu einnig viðurkenningu frá Skautasambandinu sem skautateymi ársins.

Einnig fór fram Íslandsmeistaramót í Short Track 2025. Þetta er í annað sinn sem Íslandsmeistaramót er haldið í þessari grein á Íslandi. Keppt var í Senior og Junior bæði kvenna og karla í þremur vegalengdum; 222m, 500m og 1000m. Einnig var keppt í liðakeppni í tveimur vegalengdum; 500m og 1000m. Fjölnismenn voru með gull og silfur en Thamar Melanie Heijstra sigraði í Senior konur 222 og 500m og Ylse Anna De Vries í öðru sæti. Þá sigraði Ylse í 1000m hlaupi og í liðahlaupi 500. Í 1000m fékk Tamar silfur ástand liðsfélaga sínum Þorsteinni Hjaltasyni.

Við óskum öllum okkar keppendum til hamingju með sinn árangur og hlökkum til að sjá ykkur á næsta móti.

Fréttabréf Listskautadeildar

Northern Lights Trophy

Dagana 30. október til 1. nóvember fór alþjóðlega mótið Northern Lights Trophy fram í Egilshöll í annað sinn.

Basic Novice
• Maxime Hauksdóttir – 3. sæti, 34,68 stig
• Ermenga Sunna Víkingsdóttir – 4. sæti, 31,89 stig
• Elsa Kristín Konráðsdóttir – 18. sæti af 25, 24,45 stig

Advanced Novice
• Elín Katla Sveinbjörnsdóttir – 1. sæti, 119,75 stig
• Arna Dís Gísladóttir – 9. sæti, 74,77 stig

Glæsilegur árangur hjá öllum okkar keppendum!
Við viljum þakka sjálfboðaliðum kærlega fyrir ómetanlegt framlag þeirra yfir mótið.

Í kjölfarið hélt Skautasamband Íslands afreksbúðir þar sem landsliðsskautararnir okkar, Elín Katla og Arna Dís, tóku þátt.

Hægt er að lesa meira um mótið HÉR

Keppnisferðir erlendis

Í október fóru Advanced Novice og parið í keppnisferð til Katowice í Póllandi á Diamond Spin.

Umfjöllun um keppnina má lesa hér:

– Elín Katla með sigur og Íslandsmet
– Júlía Sylvía og Manuel með gullverðlaun

Júlía Sylvía og Manuel kepptu einnig á Swiss Ice Skating Open í Lausanne og enduðu í 5. sæti.

Í nóvember fóru fjórir iðkendur frá okkur á Volvo Open Cup í Riga, Lettlandi, og Hópur 1 og parið fóru til Innsbruck í Austurríki á Eiscup/Cup of Innsbruck.

Niðurstöður – Riga
• Marinó Máni – 1. sæti
• Karlina – 1. sæti
• Una Lind – 3. sæti
• Steinunn Embla – 12. sæti

Niðurstöður – Innsbruck
• Maxime – 3. sæti (Basic Novice)
• Ermenga Sunna – 4. sæti (Basic Novice)
• Elín Katla – 5. sæti (Advanced Novice)
• Arna Dís – 18. sæti (Advanced Novice)
• Júlía Sylvía og Manuel – 3. sæti

Til hamingju með frábæran árangur! Hreint út sagt glæsilegt hjá okkar fólki.

Fjölskylduskautar

Þann 8. nóvember fengu skautaskólinn og Hópur 5 að bjóða fjölskyldum sínum á svellið. Sjálfboðaliðar sáu um veitingasölu og var þetta virkilega skemmtileg stund fyrir bæði iðkendur og fjölskyldumeðlimi.

Íslandsmót og Íslandsmeistaramót

Íslandsmót og Íslandsmeistaramót Skautasambands Íslands fer fram í Laugardal dagana 28.–30. nóvember.
Öll keppnislínan okkar tekur þátt og hvetjum við alla til að mæta og styðja okkar frábæru iðkendur í baráttunni um titilinn.

Grunnpróf og alþjóðlegi skautadagurinn

Fjöldi iðkenda stefnir á að þreyta grunnpróf dagana 12.–14. desember.
Grunnprófin eru næsta skref eftir hvítu næluna og eru hluti af lágmarkskröfum fyrir keppnisrétt í keppnislínu ÍSS.

14. desember er síðan alþjóðlegi skautadagurinn og hvetjum við alla, unga sem aldna, til að skella sér á skauta þann dag!

Jólasýning 21. desember

Árlega jólasýningin verður haldin sunnudaginn 21. desember og í ár er þemað:
🎄 Íslensk jól og jólasveinarnir 🎅

• Sýning 1: Skautaskólinn og hópar 1–4
• Sýning 2: Framhaldshópar

Á staðnum verður sjoppa og hvetjum við alla til að mæta tímanlega, kaupa sér góðgæti og styðja þannig við deildina. Jólasýningarnar eru okkar stærsta fjáröflun ársins.

Jólabúðir

Í jólafríinu verða haldnar æfingabúðir fyrir þau sem vilja taka þátt.
Nánari upplýsingar verða sendar út síðar.

Listskautadeild Fjölnis á Nova-svellinu

Listskautadeild Fjölnis verður með glitrandi sýningu við opnun Nova-svellsins föstudaginn 21. nóvember kl. 18.
Við hlökkum til að sjá ykkur ❄️

🌟 Elín Katla setti þrjú Íslandsmet á Northern Lights Trophy í Egilshöll 🌟

Alþjóðlega listskautamótið Northern Lights Trophy fór fram um helgina í Egilshöll og tókst afar vel.
Mótið er haldið af Listskautadeild Fjölnis og Skautasambandi Íslands og skiptist í tvo hluta – annars vegar alþjóðlegt mót (Advanced Novice, Junior og Senior) og hins vegar Interclub-mót, þar sem fjölmargir íslenskir skautarar tóku þátt og stóðu sig frábærlega.

Ísland átti fjóra keppendur í alþjóðlega hluta mótsins. Í Advanced Novice Women kepptu Elín Katla Sveinbjörnsdóttir, Arna Dís Gísladóttir og Ylfa Rún Guðmundsdóttir. Ylfa Rún endaði í 10. sæti og Arna Dís í 9. sæti.

Elín Katla sigraði keppnisflokkinn með yfirburðum, 19 stigum á undan næsta keppanda. Elín Katla setti jafnframt nýtt Íslandsmet í bæði stuttu prógrammi, frjálsu prógrammi og í heildarstigum. Stigin hennar fyrir stutta prógrammið voru 42.26.

Fyrra met í stuttu prógrammi átti Ísold Fönn frá árinu 2018. Stigin hennar fyrir frjálsa prógrammið voru 77.49 og heildarstigin 119.75. Þetta er í annað sinn á fáeinum vikum sem hún setur nýtt met, en nú bætti hún heildarstigametið um 10 stig.

Í Junior Women keppti Sædís Heba Guðmundsdóttir. Hún endaði í 4. sæti, einungis 1,5 stigum frá þriðja sætinu.

Í Basic Novice flokki á Interclub-mótinu hafnaði Elysse Marie í öðru sæti og Maxime í þriðja sæti, glæsilegur árangur hjá þeim báðum.

Northern Lights Trophy er árlegt, alþjóðlegt mót sem veitir íslenskum skauturum dýrmæta keppnisreynslu á heimavelli.

Listskautadeild Fjölnis og Skautasamband Íslands þakka keppendum, þjálfurum, dómurum og sjálfboðaliðum fyrir vel heppnað mót og glæsilega þátttöku 💛💙