Tveir fulltrúar Fjölnis í fyrsta landsliðshópi U15 karla!

Við erum afar stolt af þeim Halldóri Boða Jónssyni og Oliver Mána Bergdal Pálssyni, sem hafa verið valdir af Ómari Inga Guðmundssyni, landsliðsþjálfara U15 karla, í fyrsta landsliðshóp árgangs 2012 í knattspyrnu.

Strákarnir taka þátt í úrtaksæfingum KSÍ dagana 25.–26. júní á Avisvellinum í Laugardal, en hópurinn er valinn í kjölfar Hæfileikamóts KSÍ og N1.

Frábær viðurkenning á dugnaði þeirra og því góða starfi sem unnið er innan yngri flokka Fjölnis. Við óskum þeim innilega til hamingju og hlökkum til að fylgjast með þeim áfram.