Það var sannkölluð gleði hjá yngri flokkum körfuknattleiksdeildar Fjölnis á dögunum þegar bæði 9. flokkur kvenna og 10. flokkur karla fögnuðu glæsilegum árangri eftir frábært tímabil.

Stelpurnar í 9. flokki, sem skipa sameiginlegt lið Fjölnis og Skallagríms, gerðu sér lítið fyrir og tryggðu sér sæti í 1. deild á næsta tímabili með sigri á Hamar/Þór í úrslitaleik um laust sæti. Liðið endaði efst í sínum riðli og hefur staðið sig einstaklega vel í vetur. Frábær endir á sterku tímabili hjá stelpunum sem eiga svo sannarlega framtíðina fyrir sér.

Ekki var minni árangur hjá 10. flokki karla sem vann sannfærandi sigur á Skallagrími, 95–53, í úrslitaleik 3. deildar. Strákarnir áttu magnað tímabil þar sem þeir unnu alla sína leiki nema einn og hafa sýnt miklar framfarir og flottan liðsheildaranda í vetur.

Það er ljóst að framtíð körfuknattleiksins í Grafarvogi er björt og óskum við öllum iðkendum, þjálfurum og aðstandendum innilega til hamingju með frábæran árangur.