Berglind Bjarnadóttir tekur við starfi verkefnastjóra á skrifstofu Fjölnis

Berglind Bjarnadóttir tekur við starfi verkefnastjóra á skrifstofu Fjölnis

Það gleður okkur að tilkynna að Berglind Bjarnadóttir hefur tekið við starfi verkefnastjóra á skrifstofu Fjölnis. Berglind kemur þó ekki langt að – hún þarf einungis að færa sig um skrifborð!

Berglind hefur starfað hjá Fimleikadeild Fjölnis í yfir 10 ár, þar síðast sem verkefnastjóri deildarinnar. Áður en hún hóf störf á skrifstofunni starfaði hún sem þjálfari af mikilli elju. Hún þekkir því starfið innan úr og utan, býr yfir dýrmætri reynslu og sterku tengslaneti innan félagsins – og ekki síst brennandi áhuga á starfi Fjölnis. Við hlökkum til að vinna áfram með henni í þessu nýja og spennandi hlutverki.

Á sama tíma kveðjum við með miklu þakklæti Málfríði Sigurhansdóttur, eða Fríðu okkar, sem hefur verið ómetanleg í sínu starfi. Fríða hefur sinnt starfi sínu af fagmennsku, hlýju og einstakri umhyggju – og skilur eftir sig bæði stórt skarð og hlýjar minningar. Við óskum henni innilega velfarnaðar í næsta kafla og vonum að leiðir okkar liggi áfram saman með einhverjum hætti.

Velkomin í nýtt hlutverk, Berglind – og hjartans þakkir fyrir allt, kæra Fríða. 💛