Með samstarfinu opnast ný tækifæri fyrir iðkendur Fjölnis til að nýta íþróttina sína til háskólanáms erlendis, þar sem nám og keppni fara saman. SEUSA hefur á síðustu árum aðstoðað um 700 leikmenn við að komast í nám á íþróttastyrk.

Við erum stolt af þessum áfanga og lítum á þetta sem mikilvægt viðbótartækifæri fyrir iðkendur Fjölnis, þar sem íþróttin getur orðið lykill að menntun, lífsreynslu og fleiri möguleikum í framtíðinni, bæði innan og utan vallar.

Samstarfið verður kynnt frekar á heimasíðunni á næstu dögum ásamt því að iðkendur munu fá tækifæri á kynningarspjalli hjá SEUSA gegnum Fjölni.