Fjölnir með glæsilegan árangur á frjálsíþróttavettvangi í sumar

Nú er sumartímabilinu í frjálsum íþróttum lokið og Fjölnir getur státað af fjölmörgum glæsilegum árangri síðustu vikna.

Norðurlandameistaramót U20

Í lok júlí voru þrír Fjölnismenn valdir í landslið Íslands fyrir Norðurlandameistaramót U20:

• Grétar Björn Unnsteinsson – stangarstökk

• Kjartan Óli Bjarnason – 400m hlaup

• Pétur Óli Ágústsson – 400m grindahlaup

Allir stóðu sig með prýði og bæði Kjartan Óli og Pétur Óli bættu persónuleg met á mótinu.

Meistaramót Íslands í fjölþrautum og eldri aldursflokkum

Helgina 16.–17. ágúst fór fram Meistaramót Íslands í fjölþrautum sem og í eldri aldursflokkum.

• MÍ Fjölþrautir

  • Eva Unnsteinsdóttir, sem keppir í flokki 13 ára, tók þátt í fimmtarþraut stúlkna 15 ára og yngri. Hún setti nýtt aldursflokkamet 13 ára og hafnaði í 4. sæti.

  • Arna Rut Arnarsdóttir keppti í sjöþraut kvenna, setti tvö persónuleg met og endaði í 2. sæti.

• MÍ Eldri aldursflokkar
  Fjórir eldri iðkendur Fjölnis, auk boðhlaupssveitar, tóku þátt og unnu til sjö Íslandsmeistaratitla og fjögurra silfurverðlauna.

  • Auður Aðalbjarnardóttir bætti aldursflokkamet í spjótkasti 45–49 ára, eftir að hafa tekið fram spjótkastsskóna í fyrsta sinn í 20 ár.

Meistaramót Íslands – aðal

Á Meistaramóti Íslands sem haldið var á Selfossi um helgina átti Fjölnir 19 keppendur. Úrslitin urðu:

• 3 Íslandsmeistaratitlar

• 8 silfurverðlaun

• 3 bronsverðlaun

Íslandsmeistarar urðu:

• Guðjón Dunbar D. Þorsteinsson – þrístökk

• Hanna María Petersdóttir – stangarstökk

• Helga Þóra Sigurjónsdóttir – hástökk

Fjölnir endaði í 3. sæti í stigakeppni liða.

✨ Þetta var frábær uppskera í sumar og ljóst að framtíðin í frjálsum íþróttum hjá Fjölni er björt. Við hlökkum til að fylgjast með áframhaldinu á vetrartímabilinu!

(Myndir: Hlín Guðmundsdóttir hjá FRÍ og iðkendur)