Í skautaskólanum læra iðkendur fyrstu skrefin á ísnum, læra helstu jafnvægisæfingar, skauta áfram og aftur á bak og að stoppa. Allir nýir iðkendur byrja í skautaskólanum. Þegar iðkandi hefur öðlast færni/getu til að taka þátt í almennum æfingum með sínum aldurshópi verður hann fluttur í viðeigandi hóp. Á æfingum eiga skautarar að vera í hlýjum og teygjanlegum fatnaði, t.d. flísbuxum og flíspeysu. Ekki má mæta í fatnaði með löngum reimum, víðum fatnaði, hettupeysum né með trefil. Foreldrar eru hvattir til að fylgjast með æfingum á svelli og er þeim velkomið að sitja í stúkunni og fylgjast með æfingum. Hins vegar viljum við biðja foreldra að virða vinnusvæði þjálfara og iðkenda. Því er ekki heimilt að sitja eða standa við svæðið fyrir aftan svellið (við gluggana), vera í klefanum fyrir neðan stúkuna, á ísnum eða í íþróttasal á meðan á þjálfun stendur. Ennfremur er óheimilt að eiga í samskiptum við iðkendur og þjálfara á meðan á æfingu stendur.

Engin krafa er gerð um að hafa reynslu af skautum.