Hér fyrir neðan má finna allar upplýsingar um Fjölnismótið 2024 sem fer fram helgina 2-3. nóvember!
Ef þið hafið einhverjar spurningar eða þurfið að ná á körfuknattleiksdeildina er hægt að senda póst á karfa@fjolnir.is eða hringja í númerið 844-1421
INNIFALIÐ Í MÓTSGJALDI
⚠️⚠️ Sýna þarf armband til að komast frítt í BÍÓ, SUND, SKAUTA sem og til að nýta afslætti styrktaraðila.
- Bíó verður í boði fyrir alla hópa í Sambíóunum Egilshöll. Bíó tímarnir eru 11:30 og 14:00, það stendur í leikjaplaninu hvor tíminn hentar ykkur betur. Bíóið ætti að enda 13:38 og 16:08
- Myndirnar sem eru í boði eru Transformers One & The Wild Robot, báðar myndirnar eru með íslensku tali.
- Einn liðstjóri má fylgja hverju liði í bíó.
- Síðdegisskemmtun í Dalhúsum kl. 17 á laugardeginum – sjá nánar um skemmtunina hér fyrir neðan.
- Sundlaug Grafarvogs er opin fyrir iðkendur og liðstjóra alla helgina á meðan á mótinu stendur.
- Frítt verður í skautahöllina í Egilshöll fyrir krakkana á sunnudeginum milli 13 og 16. Við vekjum athygli á því að það kostar þó 500 kr að leigja skauta svo ef einhver á par heima endilega taka það með 😊
- Next Level Gaming býður 50% afslátt alla helgina fyrir keppendur á mótinu, systkini og aðra aðstandendur.
- Ásamt verðlaunapeningum fara allir krakkarnir á mótinu heim með glaðning.
- Klói (kókómjólkur Klói) verður á svæðinu og afhendir krökkum smá gjafir.
SKEMMTUN – á laugardeginum kl. 17 í Dalhúsum
Smá breyting verður á skemmtuninni á laugardeginum en við ætlum að færa skemmtunina fyrr um daginn svo fleiri mótsgestir hafi möguleika á að koma á hana 😊
Við ætlum að halda í það sem virkaði vel í fyrra og hafa skemmtunina fyrr eða bara beint eftir seinustu leiki mótins.
Skemmtunin verður klukkan 17:00 í Dalhúsum.
Á skemmtuninni verður:
- Troðslusýning frá meistaraflokkum Fjölnis
- Þriggjastiga keppni frá meistaraflokkum Fjölnis.
- Skemmtanastjóri heldur uppi stuðinu með allskonar þrautum og gleði
- Lukkudýr Fjölnis mæta á svæðið og gefur öllum krökkunum ís frá Kjörís
- Hljómsveitin VÆB kemur og gerir allt tryllt 😊
MYNDATAKA OG ÞÁTTUR UM MÓTIÐ
SPORTHERO verða á svæðinu og myndar krakkana, bæði einstaklingsmyndir og liðsmyndir.
Liðsmyndataka er á laugardeginum í Dalhúsum fyrir lið sem keppa þar og á sunnudeginum í Egilshöll fyrir lið sem keppa þar.
Hægt verður að sækja liðsmyndina ókeypis inni á heimasíðu þeirra www.sporthero.is
KVIKMYNDASKÓLI ÍSLANDS verður á svæðinu og tekur upp skemmtilegt myndband um mótið.
Ef það eru einhverjar upplýsingar sem vantar eða ykkur langar bara aðeins að heyra í okkur ekki hika við að senda á okkur línu.
Með Fjölniskveðju,
KKD Fjölnis 🙂
Dalhús
Fjölnishöll
Heildarplan
Leikskipulag í MB 6-9 ára á mótinu
Keppt verður í Fjölnishöll og Dalhúsum.
Hver leikur er 1×10 og eru 3 mín á milli leikja. Þess vegna getur oft myndast fyndinn leiktími á leikina 😃
Spilað er eftir helstu reglum sem KKÍ gefa út fyrir minnibolta nema á mótinu verður spiluð vörn fyrir aftan miðju.
Einnig fyrir yngri iðkendur og nýliða munu dómarar reyna að kenna krökkunum á skref, tvígrip og aðrar reglur með því að leiðbeina þeim og líka dæma leikinn.
Munum samt að dómarar hjá okkur eru á öllum aldri, þið megið endilega nota reynslu ykkar í hreyfingunni og leiðbeina ungum dómurum á góðu nótunum.
Öll erum við þarna fyrir krakkana sem eru að stíga sín fyrstu skref í körfubolta
Leikskipulag í MB10 ára mótinu
Mótið verður spilað sem hraðmót. Hver leikur er einnig 2×6. Þess vegna er aðeins öðruvísi tímasetningar á leikjum hjá þeim en við erum að reikna með 20 mín bil á milli leikja, stoppaður verður tími á seinustu mín leiksins.
Skráð verða úrslit leiksins en stigin verða talin og ritaraborð verður á þessum leikjum. Í lok móts verður síðan spilað upp á brons sætið og gull sætið.
AÐALSTÖÐ MÓTSINS
Okkar bækistöðvar verða á skrifstofu Fjölnis í Egilshöll, mjög auðvelt er að finna okkur þar en þetta er fyrsta sem þið sjáið þegar þið komið inn um aðal innganginn.
Þar getið þið komið og náð í armbönd fyrir liðin og liðstjórana. Í sama pakka eru medalíur og glaðningur fyrir keppendur sem við biðjum um að verði afhent á sunnudeginum ef hægt er 🙂
Liðsmyndatökur verða á laugardag í Dalhúsum og sunnudag í Fjölnishöll. Gert er ráð fyrir að liðin fara í myndatöku í þeim húsum sem þau keppa í.
LEIKSTAÐIR
Keppt er í Íþróttahúsi Grafarvogs Dalhúsum og Fjölnishöllinni Egilshöll.
Dalhús – 4 vellir
Fjölnishöllin – 4 vellir (World Class völlurinn, Next level gaming völlurinn, Heimavöllurinn & Maven Völlurinn)
DALHÚS – ÍÞRÓTTAHÚS GRAFARVOGS
Veitingasala er fyrir framan sundlaugina.
Hægt er að nýta aðstöðu uppi í hátíðarsal Dalhúsum til að setjast niður á milli leikja.
Best er að finna bílastæði á bílastæðinu við fótboltavöllinn eða hjá Húsaskóla
Liðsmyndataka fyrir keppnislið í Dalhúsum er á laugardaginnn í Dalhúsum
FJÖLNISHÖLLIN Í EGILSHÖLL:
Gengið er inn um aðalinngang Egilshallar
Keppnishús til hægri við skrifstofu Egilshallar
Veitingasala í anddyri Egilshallar hjá skrifstofu Fjölnis.
Liðsmyndataka keppnisliða í Egilshöll á sunnudeginum.
Móttaka liða í anddyri Egilshallar hjá skrifstofu Fjölnis – liðsstjóri sækir armbönd, medalíur og glaðning og kemur til keppenda.
Nóg er um bílastæði allstaðar í kringum Egilshöllina.
Liðsmyndataka fyrir keppnislið í Fjölnishöll er á laugardaginnn í Fjölnishöll / Egilshöll
GREIÐSLUUPPLÝSINGAR
- Við óskum eftir því að fólk leggi inn á Fjölni heildarupphæð fyrir liðin á meðfylgjandi reikning 0133-15-200688, kt. 631288-7589 og heiti liðs sett sem skýring eins og td. Fjölnir 1
- Vinsamlegast sendið staðfestingu á greiðslu á netfangið karfa@fjolnir.is með kvittun og nafni liðs.
- Ekki verður hægt að greiða fyrir einn iðkenda í einu, þetta verður að koma fyrir allt liðið.
- Ef þið óskið eftir því að við sendum reikning fyrir gjaldinu endilega sendið okkur heildarupphæðina sem á að senda reikning fyrir og á hvern á að senda reikninginn.
