Hér fyrir neðan er hægt að sjá æfingatöflur allra flokka í íshokkí tímabilið 2025-2026. Birt með fyrirvara um breytingar.

Það er frítt að prófa í 1-2 skipti og hægt er að skrá sig hvenær sem er yfir önnina

SKRÁNING HÉR

Hér er hægt að nálgast æfingagjöld íshokkídeildarinnar

Nánari upplýsingar um þjálfara deildarinnar er hægt að nálgast hér

Öll samskipti milli þjálfara og foreldra fara í gegnum Abler.

Allar æfingar fara fram á skautasvellinu í Egilshöll. Svellið er á annarri hæð hússins, gengið upp stiga hægra megin frá aðalinngangi Egilshallar gengt hárgreiðslustofunni. Hægt er að fá lánaðan allan útbúnað án endurgjalds. Mælum með að mæta  u.þ.b. 30 mín fyrir auglýstan æfingatíma.

Best er ef börnin eru klædd í íþróttagalla til að klæðast undir íshokkíbúnaði, einnig mælum við með íþróttaskóm til að taka þátt í afís æfingum. Foreldrum er velkomið að fylgjast með æfingum barna sinna í skautaskólanum.

Til að fá nánari upplýsingar má hafa samband við skrifstofu Fjölnis í síma 578-2700 eða senda tölvupóst á hokki@fjolnir.is 

Uppistaða æfinga í Hokkískólanum eru leikir og skemmtun til að halda iðkendum áhugasömum við efnið og að vera sem mest á hreyfingu. Við notumst við kennslufræði Alþjóða íshokkísambandsins Learn to Play (LTP). „Helstu markmið IIHF Learn to Play Program er til að veita stelpum og strákum fullkomna íshokkí upplifun. Íshokkí á þessu getustigi á að vera byggt á því að hafa gaman, hafa æfingar sem allir taka þátt í og til að byggja upp góðan grunn í íshokkí.“ Þegar iðkandi hefur öðlast færni/getu til að taka þátt í almennum æfingum með sínum aldurshópi verður hann fluttur í viðeigandi hóp.

Engin krafa er gerð um að hafa reynslu af skautum. Við mælum með að byrjendur sem þurfa að fá lánaðan búnað mæti 30-40 mínútum fyrir fyrstu æfinguna sína.