Boðið er upp á þjálfun fyrir 8 ára og eldri í keppnishópum. Vinsamlegast athugið að þessir hópar eru einungis ætlaðir iðkendum sem hafa stundað fimleika hjá deildinni, ekki hægt að skrá sig beint í þessa hópa.

Æfingatöflur eru birtar með fyrirvara um villur eða breytingar.

 

Meistaraflokkur

Mánudagur 19:00-21:30
Þriðjudagur 19:30-22:00
Fimmtudagur 17:30-20:00
Föstudagur 18:30-20:30
Sunnudagur 18:00-21:00

Benedikt Valgeirsson

Þjálfari meistaraflokks

Jónas Valgeirsson

Þjálfari meistaraflokks

Marion Fennö Muyingo

Þjálfari meistaraflokks

Katrín Pétursdóttir

Þjálfari meistaraflokks

  • Skráning hefst 1.janúar
  • Æfingar hefjast samkvæmt stundaskrá 6.janúar
  • Æfingagjöld fimleikadeildar á vorönn 2021 má finna hér.

Markmið iðkenda

Miklvægt að iðkendur í keppnishópum setji sér markmið til að ná betri árangri.

  • Hafa vilja til að stunda æfingar og keppni
  • Hafa áhuga fyrir sinni íþrótt
  • Ávallt að hafa það markmið að bæta færni sína á öllum áhöldum
  • Keppast við að ná viðeigandi þrepi á keppnistímabilinu

Æfingar
Iðkendur í  keppnishópum æfa rúma 9 mánuði á ári og er góð mæting fyrir öllu svo hægt sé að ná þeim markmiðum sem þjálfari hópsins leggur upp með. Þrek, tækni og endurtekningar í æfingum eru nauðsynlegar og mikilvægt að iðkendur og foreldrar sýni æfingavali þjálfarans skilning. Hefðbundnar æfingar skv. stundaskrá fara fram á haustönn og vorönn en mikilvægt er að gera sér grein fyrir þeim breytingum sem verða á æfingum yfir árið.

Sumaræfingar

Yfir sumartímann er boðið upp á æfingar í júní og ágúst. Einnig skal hafa í huga að æfingafyrirkomulag (fjöldi tíma og daga) getur verið breytilegt á þessum árstíma.

Jóla- og páskaæfingar

Þjálfari hópsins í samaráði við verkefnastjóra ákveður hvernig æfingum skal háttað yfir hátíðir. En allir iðkendur í keppnishópum stunda æfingar á þessum tíma.

Fimleikamót

Iðkendum stendur til boða að taka þátt í ýmsum fimleikamótum. Þjálfarar í samráði við verkefnastjóra viðeigandi greinar skipuleggja með góðum fyrirvara hvaða mótum hópurinn tekur þátt í á keppnistímabilinu.

Mjög mikilvægt er að undirbúningur fyrir mót sé góður, bæði í fimleikasalnum og heima fyrir. Undirbúningstímabilið getur verið krefjandi fyrir iðkendur. Oft er verið að framkvæma nýjar æfingar og gott að foreldrar sýni því skilning. Þau þurfa nægan svefn, hollan mat og hvatningu til þess að æfingar þeirra skili sér best. Það er ávallt í höndum þjálfara hvaða mótum iðkandinn tekur þátt í á keppnistímabilinu.

Ákveðnar kröfur eru gerðar til keppnisfatnaðar á fimleikamótum. Fimleikafatnaðurinn eru til sölu á skrifstofu Fjölnis á auglýstum söludögum sem birtast á heimasíðu deildarinnar.

Upplýsingar allan um æfinga- og keppnisfatnað deildarinnar má finna hér.

Upplýsingar um viðburði flokksins og óvæntar breytingar á áætlun koma fram á samskipta og skipulags forritinu Sideline