Fatnaður & skautar


Fatnaður – Á ís

Mæta skal á æfingu með hárið tekið frá andlitinu (snúður, flétta) þannig að það trufli ekki skautarann á æfingunni.

  • Hlýr og teygjanlegur fatnaður (flísbuxur og flíspeysa)
  • Fingravettlingar eru nauðsynlegir
  • Sleppa skal: löngum treflum, löngum reimum, hettupeysum, gallabuxum, víðum fatnaði, úlpum, kuldagöllum

Fatnaður – Á afís

  • Íþróttaföt og strigaskór
  • Kuldaskór og stígvél eru ekki góð fyrir afís, gott að geyma strigaskó í skautatösku
  • Gott að vera með vatnsbrúsa og smá nesti til að hafa á milli æfinga

Skautar

  • Eiga að vera í réttri stærð og veita ökklum stuðning þ.e. skautar eru mátulegir ef skautari er í einu pari af sokkum. Leður skautar eru æskilegir.
  • Eiga að vera vel reimaðir – ekki að ná fingri á milli
  • Endilega leitið til þjálfara við val á nýjum skautum

Skerping

  • Er nauðsynleg fyrir nýja skauta
  • Skal framkvæmd af fagmönnum, t.d. hjá starfsmönnum skautasvellsins
  • Er háð aðstæðum t.d. umhirða skautanna og hversu oft er æft
  • Ef byrjandi: skautar tvisvar á viku = skerping á tveggja til þriggja mánaða fresti

Hvernig annast skal um skauta og skautablöð

  • Lofta skal um skauta milli æfinga / geyma í mjúkum hlífum
  • Þurrkið skauta og blöð eftir hverja notkun með t.d. litlu handklæði
  • Nota skal plasthlífar til að ganga á fyrir utan ísinn. Geymið skauta ekki í þessum plasthlífum á milli æfinga þar sem blöðin geta ryðgað.